- #1074 [Fredcat], 24-03-09 11:34漫畫行業確係勵害,我呢一代都係睇日本漫畫大。佢汽車霸業已一去不返,晶片又不及台,韓。又有輻射水問題,有時我都諗佢D海產去咗邊。本地人固然唔食,其他地區,國家有避忌。會唔會留俾D短暫在日人士,如遊客,之後有事就自己醫。客觀講,真係一個困境,所以日政府已補路生產武器,呢個至係大生意。
- #1073 [DY2036], 24-03-08 23:43
講真其實我對日本或者日本人都冇乜好感,不過講開呢個日本人我不得不承認我都係佢嘅fans。響卡通呢個行業,環顧世界日本係做得最出色,題材包羅萬有,暫時都睇唔到有邊個國家會威脅到佢呢個產業。
香港要振興經濟可以響呢方面諗諗。
如圖擴音機推喇叭出聲再用mic收錄。
最後修改時間: 2024-03-08 23:44:37 - #1072 [DY2036], 24-03-06 21:39
夜香我諗大家都知係乜嘢同埋係乜氣味,竟然其中一種花名就叫做夜來香,我就唔知佢個香味究竟係點樣,會唔會好似某啲香水香過龍你可能感覺佢係臭。
如圖擴音機推喇叭出聲再用mic收錄。
最後修改時間: 2024-03-06 21:40:47 -
- #1071 [DY2036], 24-03-05 20:11
如果大家有留意,我都用咗好多木條和木粒氈起的線材,大家唔好誤會我唔係因為啲線材貼落地下而考慮噉做,而係我發覺line filter輸入輸出電線如果重疊會影響音質。所以我用木方將佢隔開一定距離,亦都將呢個方法避免訊號線同電源線重疊。
其實對聲音嘅影響只系相當輕微,不過好似某師兄話齋高級器材(或者已經比較好聲嘅系統)要改善1%嘅音效可能需要付出一倍甚至多倍嘅價錢(或者努力),因為再作改善嘅難度非常大。
最後修改時間: 2024-03-05 20:19:41 - #1070 [DY2036], 24-03-05 12:34
關於器材放響地上最靚聲:
其實我唔係諗住要刁難任何人,祇不過只講理論冇實際操作輔助其他師兄未必理解或者感受得到發生乜事。
或者我講下我嘅情況:
我諗大家都知道我屋企個爛鬼架有兩層,下面嗰層擺擴音機,上面嗰層擺DAC反而部notebook就擺咗喺旁邊個紙盒上面。一段時間都唔覺有乜問題不過突然間羅友恒,想美觀一啲所以將部notebook疊上去DAC上面,可能部notebook係用塑膠殼干擾信號比較大一開聲不得了...差到無論,之後嘗試疊咗幾本書上去似乎效果有一定嘅改善。噉咪唯有試下再買多一層架(高度同第二層一樣諗住高啲問題應該不大)張部notebook架響DAC上面。一擺過去就發覺聲音唔對路都係差咗,估唔到咁遠都有干擾既然架都買咗硬著頭皮都要解決呢個問題。我當時嘅諗法應該係高頻干擾呢個問題,跟住我響notebook下面試過好多方法嘗試隔絕呢個干擾,包括鋪塊錫紙或者將DAC機殼接落地但都不成功。最後諗起之前買咗塊防輻射布,即管鋪響notebook下面亦都試過將呢塊布落地,發覺係有啲改善但遠遠未去到原先嘅狀態。又因為嗰塊布好長我就諗不如用報紙(後期轉用咗牛油紙)將佢一分為二隔開(絕緣)然後摺疊好多層,變相就好似有好多層嘅shielding。今次真係有料到,基本上同之前音效非常接近,不過經過再三比較部notebook擺響旁邊似乎係最好嘅選擇,再加上防輻射布而家終於定咗落嚟。又因為恐防防輻射布會遮住notebook吸氣孔所以買咗兩塊砧板㚒住佢。
搞咗一大輪得出嚟嘅經驗就係機與機之間如果係上下嘅關係互相干擾係最大(特別係啲數碼設備)亦都好難徹底解決,反而左右最細。至於係咪擺響地下最好聲,呢個我就唔知喇。不過就算將器材擺響地下,避震呢個問題都需要考慮。大家不妨搬動下的設備,可能唔使花錢聲音就有大改善。
最後修改時間: 2024-03-05 12:48:40 - #1069 [DY2036], 24-03-04 23:27
聽咗咁多首國語歌都係時候聽返首粵語歌,這種花向光性非常之強,我諗大家都估到個花名。
如圖擴音機推喇叭出聲再用mic收錄。
最後修改時間: 2024-03-04 23:27:45 - #1068 [DY2036], 24-03-03 09:31
如果要首歌包含有少女味,噉呢一首歌九成都一定要係由少女唱出嚟。所以就算啲歌手出咗名之後,佢年少嘅時候唱嘅歌都唔係隻隻可以重新翻唱,因為已經失去咗嗰種味道。
如圖擴音機推喇叭出聲再用mic收錄。
最後修改時間: 2024-03-03 09:31:26 - #1067 [DY2036], 24-03-01 22:49
山寨好多時就係形容大陸一啲冒牌貨,當然好多大陸歌手起初都係翻唱一啲知名歌手嘅歌(特別係已故),兼且會模仿佢嘅唱腔最終慢慢為人熟悉。不過就算個唱腔點似都好,但係個音韻係學唔到特別係音與音之間嘅轉調,呢個可能同每個人嘅硬件有關。
即係好耐之前響旺角一間唱碟鋪門口經過,聽到佢播緊一首鄧麗君嘅歌。當然我聽佢唱兩句就已經知道呢個唔係原唱,但我佩服佢唱得都相當神似。就響呢個時間有個年紀大過我嘅阿伯就行出嚟,不斷喺度講:「一啲都唔似。」,What??? 果然係die hard fans。反而另一歌手呀潔麗小姐佢之前都係主打唱鄧小姐嘅歌,不過主要都用返自己嘅唱歌技巧同風格,似乎都係一條成功之路最起碼唔使活響人哋嘅陰影之下。
好...講返花嘅題目,女人最怕男人就係拈花惹草,所以佢最想就係點呢隻歌畀佢旁邊嘅男人聽等佢警惕一下。呢把聲唔係鄧小姐最近榜嗰把聲,個高音仲係比較尖尖地嗰陣時嘅錄音。
如圖擴音機推喇叭出聲再用mic收錄。
最後修改時間: 2024-03-01 22:49:49 - #1066 [DY2036], 24-02-28 23:23
音響玄學:
當然如果係低檔啲音響,使用者但求有聲音質好過FM基本上都收貨。但當器材級數一路向上,佢啲價位就好似Log function一樣幾何級數上昇,銀蛋唔係咁足嘅發燒友唔可以隨意換機及升級,咁唯有尋求其它方法嘗試改善器材嘅表現。市場自然就會顯伸咗好多呢類嘅產品,有好多係講咗一啲似是而非嘅道理,當然冇乜嘢數據分析和提供。另一啲講出一啲基本原理似乎會令到100個人有99個都相信,不過都係嗰句音響係要攞嚟聽唔係攞嚟睇,最終都要套上自己套器材到先至知道有冇料到。當然呢件嘢可能響你嗰套器材冇乜效果,但係並不等於響其他師兄套系統裏面冇效,呢個就係依類產品玄妙之處。
講返呢隻USB data isolator,當然佢嘅原理同埋示波器顯示出嚟嘅波形都突出咗佢呢集產品嘅除雜訊嘅能力。加上網上其他品牌都有類似嘅產品亦有唔少好評,其實呢個氛圍就已經某程度上會作自我嘅催眠。套用上去之後聲音有某啲地方某程度嘅改變,噉嘅情況下好容易自我意識放大咗佢好似好嘅地方而抑制咗佢帶來嘅壞處。所以無論更換器材或者更換配件都好,你一定要好清楚你追求嘅係乜嘢音色或者音效,每次只可以改變一件配件否則你永遠搞唔清楚發生乜嘢事。再加上一定要重複比較自己熟識嘅多類型音樂,如果全部都係正面嘅話噉自然呢個改變係正確。否則如果你淨係聽某一類型音樂,咁樣極大可能會走入咗一個死衚衕裏面,一聽其他音樂就會發覺音效麻麻,整套器材表現唔得全面。 - #1065 [DY2036], 24-02-27 23:36
以下呢兩句說話我哋成日講或者成日聽到人哋講:
第一句就係:「百尺竿頭,更進一步。」
第二句就係:「逆水行舟,不進則退。」
第一句就好簡單即係鼓勵人哋繼續進步,不過前提係如果嗰個人不嬲成績都係一般,要進步當然唔係一個難事衹要勤力一啲就得喇。但係如果佢成績已經非常好,要再進一步個難度相對就會大好多。
第二句都係差唔多嘅說話,即係你唔進步人哋個個上曬去你就變相退步咗。
其實響音響嘅範疇呢兩句都適用,永遠都希望自己套野可以再進一步。所以羅友恒去咗淘記淘咗一隻USB data isolator,試一試睇下對音效會唔會有正面嘅效果。我同一時間錄咗兩隻歌,一隻係用現有嘅setup聆聽,另一隻加咗USB data isolator。不如你講俾我聽你鍾意邊隻嘅錄音(A or B),不過要留意唔知點解A嗰個錄音嘅電平係細少少嘅(頭嗰度有少少噪音),為公平起見要較大一格先作比較。
A (如圖擴音機推喇叭出聲再用mic收錄。)
B (如圖擴音機推喇叭出聲再用mic收錄。)
最後修改時間: 2024-02-27 23:39:25 - #1064 [DY2036], 24-02-25 23:10
今次呢首有個花嘅歌名原來現實世界係冇呢種花,祇不過係電影嘅戲名嚟。
如圖擴音機推喇叭出聲再用mic收錄。
最後修改時間: 2024-02-25 23:11:49 - #1063 [DY2036], 24-02-24 19:19
音響去到極致,半隻腳已經踏入咗玄學(即係好似日本某隻知名音響牌子咁樣,佢啲機裏面好多嘢都鬆鬆動動顛覆你嘅認知)。當然響中文嚟講,「玄」好似唔係太科學,其實當人解釋唔到某啲現象時,就會覺得神奇甚至神怪。人類歷史上面好多開頭解釋唔到嘢(例如煉丹 - 化學),最後都可以用科學作解釋。
其實有啲師兄成日叫人提供測試儀器嘅數據先可以確認某種現狀,我反而覺得科學本身最基本嘅定義就係可預測性和可重複性,即係話衹要你跟住某個程序去做就會得到預期嘅結果。所以未必需要提供一啲儀器上嘅測量數據先至定性為科學。
其中一個比較突出嘅例子就係量子糾纏,現今科學家研究嘅焦點已轉至應用性階段,即在通訊、計算機領域的用途。然而,物理學者仍舊不清楚量子糾纏的基礎機制。 - #1062 [DY2036], 24-02-23 20:41
- #1061 [DY2036], 24-02-22 22:48
能夠熬得過冰天雪地植物,通常啲葉都唔係一片片而係尖嘅。噉就輪到呢位歌手出場,講講呢種植物點樣可以捱過冰天雪地嘅煎熬。
如圖擴音機推喇叭出聲再用mic收錄。
最後修改時間: 2024-02-22 22:49:34 - #1060 [DY2036], 24-02-22 22:00
近期發生咗兩件事,一件唔係咁開心但另一件係開心嘅事。或者先講咗唔開心個件事先,陪伴咗我差唔多20年嘅電腦顯示器在極潮濕嘅天氣之下終於拒絕工作。開心嘅事就係終於可以換一部1080p嘅電腦顯示屏,因為外框變細咗而喇叭仔外露嘅面積大咗聲應該會更加好。
最後修改時間: 2024-02-22 22:03:59 - #1059 [DY2036], 24-02-18 20:51
- #1058 [DY2036], 24-02-18 15:28
呢部機係完全解決咗市面上大多數音響設計出現嘅問題:
1.呢間公司完全明白乜嘢叫做聲道串擾呢個問題。
2.如此之外張輸入信號同地一齊切斷,張輸入干擾斷絕。
最後修改時間: 2024-02-18 15:41:26 - #1057 [DY2036], 24-02-18 11:26
過年除咗啲傳統嘅水仙花受歡迎之外,七彩繽紛嘅百合亦都漸漸受更多人嘅喜歡包括我。
如圖擴音機推喇叭出聲再用mic收錄。
最後修改時間: 2024-02-18 11:27:41 - #1056 [DY2036], 24-02-18 08:48
今日響屋企食咗一個簡單嘅早餐,一杯鬼佬涼茶加一件隔夜麵包。但係麵包我通常會有特別嘅處理,先用微波爐800W叮佢20-30秒(視乎麵包大細同密度,天氣冷熱都有關係),之後擺入光波爐250℃烤佢約莫三分鐘。之後出爐嘅麵包口感非常接近麵包舖新鮮出爐嘅狀態,其實最後屘烤嗰個過程仲有一個重要嘅功能就係殺菌消毒,因為都唔係第一次見到有啲會飛嘅物體響麵包鋪裏面啲麵包走嚟走去。
最後修改時間: 2024-02-18 08:49:43 - #1055 [DY2036], 24-02-16 22:27
好又返返去大自然講返啲花先,飲醉酒嘅人我哋通常叫佢做醉酒佬,飲完酒耍功夫就叫醉拳,噉唔知呢個世界上有冇醉花呢?
如圖擴音機推喇叭出聲再用mic收錄。
最後修改時間: 2024-02-16 22:28:54 - 下一頁 (2 of 55)
- 返回 ...