講開紅色，有一樣產品好多場合都會用到響中國基本上係紅色，如果係第二隻色就「大吉利是」。



喇叭出聲再用mic收錄。



最後修改時間: 2023-06-08 20:32:13

呢個世界嘅豆類有好多種，有黃豆、黑豆、綠豆...等等。唯獨有一種豆我哋特別喜歡，無論食用或者歌詞甚至歌曲名都會成日提起，佢就係...



喇叭出聲再用mic收錄。



最後修改時間: 2023-06-07 21:20:11

靈機一觸嘅解釋就係:「突來的巧思或領悟。」
不過我覺得呢個世界冇免費嘅午餐，亦都冇突來的領悟。其實響解決難題嘅過程裏面，我反而真係領悟到人腦思維嘅模式同佢神奇之處。

我諗大家都有相同嘅經驗就係有時有啲問題當時諗極都諗唔到解決方案，但係當拋低佢一段時間解決方案響某一天就突然間湧上腦裏面。

一如我之前講用fet管取代晶體管做第一級放大，點知電流聲明顯增大N倍。起初我都唔係太明白點解會有呢個現象，所以將佢拋諸腦後費事花時間去諗佢。但係奇怪嘅事就突然間響今朝腦裏面好似靈光一閃，即刻明白咗點解會有呢個問題。

所以我覺得可能人腦嘅思維係分左兩層，表面嗰層係去維持正常運作，例如感受視覺、嗅覺、聽覺、感覺、溫度...同埋處理即時遇到嘅問題。當一啲問題係不能即時解決，有機會會放咗喺第二層作深度思考，第二層嘅運作係唔會影響第一層嘅運作，所以正常嘅生活嘅你係唔會感受到腦部第二層嘅運作。但係當第二層好似搵到答案嘅時候佢就會通知第一層，呢個時候可能就會產生好似靈機一觸嘅情況答案突然間飆出嚟。

講返點解換咗fet管會導致噪音大增，我相信主要因為Vds嘅變化會產生一個變化嘅Id，即係話電源嘅噪音係會直接走左入去放大電路裏面。要解決呢個問題就要將Vds電壓固定，所以大多數fet管放大電路都一定會加多隻晶體管作cascade接法去防止電源波動產生嘅噪音（特別係金仔嘅機第一級用fet管放大同推動級用Mosfet管），當然其中一個原因亦都係因為fet管耐壓值相對比較低，如果要進一步減低噪音對信號的影響就要將fet放大作穩壓處理。



最後修改時間: 2023-06-05 16:25:06

講開fuse我手頭上都有一大堆英國製造嘅3A/5A/10A/13A Fuse，不過我從來冇諗過去玩fuse。既然大家玩得咁開心搞到我都蠢蠢欲試，噉就試試睇下有冇效果?

可惜兩支fuse size相差太遠，想玩都冇得玩。






最後修改時間: 2023-06-04 22:08:08

交響樂係細瓦數擴音機嘅噩夢，如果師兄係鍾意聽交響樂嘅話，又要有氣勢又要有動態荷包就唔可以慳，成套器材都唔會平。反而如果套器材主要都攞嚟播下人聲或者簡單樂器，噉市面上嘅選擇比較多價錢亦都比較相宜。

都係返返去現實世界，播返佢嘅專長人聲同簡單樂器。



喇叭出聲再用mic收錄。



最後修改時間: 2023-06-03 21:34:33

如果有師兄覺得唔過癮嘅話請多多包涵，始終都係得嗰8瓦機係咁上下。



喇叭出聲再用mic收錄。



最後修改時間: 2023-06-01 00:58:59

補祝大家佛誕吉祥!

之前佛誕節都唔記得擺返張大佛相。

我自己公司就用一個比較方便快捷的方法，用一部 VNA (vector network analyzer), 不用入暗房，只需用環形天線耦合器就知道散熱器的諧震頻率，如下圖示。

Heat sink 的最大問題並非寄生電容 parasitic capacitance, 而是它那些散熱片形狀和距離造成既半波長諧震，令它自己成為一條發射機和接收機天線，令附近的電磁波集中干擾到音響需要散熱的零件，例如 CPU, 半導體等，相反方向，半導體自己本身亦因為寄生電容，寄生電感等，和散熱器造成高頻自激震盪，下圖是一個測試的標準方法，祗需要一部訊號產生器和頻譜儀，但需要在無反射波房內進行。

附圖就講散熱器對地嘅寄生電容對線路嘅影響，雖然佢講嘅係電腦底板CPU散熱器，但係呢個影響同放大器散熱器都有類似情況。

如果講開PCB板對地產生嘅寄生電容，我諗溫度補償、推動管同功率晶體管因爲要接上散熱器佢嘅對地寄生電容值應該最大。環顧市面上嘅前級或者功率放大器似乎都冇乜點樣理會呢個問題（不過如果係前級線路通常小型散熱器都係裝響PCB版上面多過直接接落大型散熱器），因此我相信呢個問題對音質的影響唔會太嚴重，不過亦都唔係代表佢對信號冇任何負面影響。

以我所知市面上有一隻品牌嘅放大器好認真對待呢個問題，佢就係Soulnote。佢嘅功率管同埋推動管係直接接上散熱器，將佢當成連接電路兼且有散熱器嘅功能，呢個散熱器亦都同機殼作適當隔離。暫時我見到呢個似乎係最有效防止寄生電容對線路影響嘅設計。




最後修改時間: 2023-05-30 07:29:56

訊號地搞得混亂是串音其中一個原因, 供電一級串一級或右右聲道零件/电線太接近也會互相感應,

例如設在前級延遲輸出的小型雙刀雙擲繼電器一個供右右聲道當強訊號會有右右交叉感染.( 廠機很常見的做法 )

DY2036 兄 你用示波器就可觀察該串音現象.( 左右分隔度 )

最後修改時間: 2023-05-29 22:52:29

自己也曾經遇過幾個例子和師兄的情況相類似，有問題的pcb無論怎樣測試也是正常，但當裝入金屬機殼及連接所有訊號線時，卻有干擾噪音出現，下圖解釋了其中原因，是 pcb layout 的問題，如果機殼不是star ground一點落地就更為嚴重，因為 signal ground 和chassis ground 有著不同電位，尤其線路中有採用 SiC Mosfet 就更要留意 gate drive的接線要非常短。

師兄你講得完全對，你套系統越複雜聲道串擾問題便越嚴重。每一次用訊號線連接兩部器材就會產生一次聲道串擾，越多唔同器材一部接一部（數碼訊號除外）呢個問題就越發嚴重，所以我成日都講究竟你聽到有幾多真實嘅聲音（CD牒裏面嘅完整內容）。

你唔好睇我嗰部魔改淘記好雞，正正佢嘅電源就係左右獨立，兼且地電位無連接在一起亦都冇接落外殼（外殼當然落咗地），加上我將輸入端作適當改良完全避免咗聲道串擾呢個問題。不過我都苦思左一輪廠機呢個問題可以點樣解決，最後砌左一個簡單放大線路，師兄有興趣嘅可以相約一試，我都好想知道究竟佢有冇作用。



最後修改時間: 2023-05-29 19:02:02

解決聲道串擾用獨立地回路理論是最好但唔到我地控制.

很多廠機是单電源供左和右聲道共用或只用一個喇叭保護電路供兩聲道也會有聲道串擾共地效應. 只要前級和功放其一有共地串聲就會發生.

要整套音響全用左右獨立火牛供電仲要認真地處理共地問題是很難做到 ! (機殼地線與電路板的輸入地廠機會加 10 OHM 來避 Ground Loop也會有串擾影響)

有錯請包函

對我嚟講如果系統裏面出現左聲道串擾呢個問題唔去解決反而重大投資響線材上面，呢個簡直係本末倒置，事倍功連一半都冇。

即係比如水廠入嚟嗰條食水管已經有污水滲入，你屋苑卻花大錢買一啲極優質嘅水喉材質接駁入屋，並聲稱呢啲水喉材質極度優異並且昂貴，但係貴得有道理因為絕無雜質會滲入水中，對人絕對係100%安全...得啖笑。

更正可能用咗音頻輸入隔離變壓器同埋TVC都解決唔到個問題，如果佢哋嘅地線都係互相短路，除非互相加入一定阻抗噉先解決到個問題。

音響錯誤設計續篇:

之前講過音響器材響連接設計方面出現左大問題，或者我再講多次，一部機無論係CD機、前級或者DAC輸出佢嘅左右聲道地線都係響機裏面已經連埋一齊。至於佢要連接嗰部機嘅輸入同樣響左右聲道嘅地線亦都係連接埋一齊，噉樣就出現咗個問題就係左右聲道嘅信號可以經過對方嘅地迴路流返去信源嗰邊從而出現聲道串擾嘅問題。

如果你買嘅係廠機基本上係冇辦法解決呢個問題，除非你部合併擴音機嘅輸入有音頻隔離變壓器，又或者你用咗TVC呢類嘅前級，再唔係你部DAC音頻輸出直接去兩部Mono block擴音機亦都可以解決呢個問題。

因應呢個問題我研發咗一部有兩倍放大嘅（可以改做0dB）Ground isolation floating amplifier，呢部機當時係用電池畀電串接響擴音機輸入端。響我屋企測試嘅時候基本上無發現音質有任何變化，呢個係意料中嘅事，因爲我部擴音機響輸入端已經有適當處理，所以個聲冇變差其實就等於成功。

呢部機仔砌咗出嚟其實我都好想知道佢有冇功能，如果有效果又會係點樣呢，但係喺屋企又試唔到。終於有一日見到有個師兄講緊用牛做buffer amp，佢嗰隻牛係好大嗰啲唔係淘寶細細隻嗰類。當時即刻聯絡師兄甲希望可以互相交流，師兄亦都欣然接受跟住響相約嘅日子我用車仔帶埋部amp. 仔（其實部機嘅size好似個煙盒咁大）和幾嚿12V 7AH電池（相當重）赴會。

去到師兄甲屋企先知道舐嘢，原來師兄對喇叭係有源喇叭冇後級嘅，當時用部牛做嘅buffer amp.開聲。聽得幾隻歌噉就直接轉我部機串落去個喇叭度，一開聲驚天動地....好大嘅電流聲，現場仲有個師兄乙即刻以光速去將個音量扭細。再試都係同樣嘅結果，我就覺得奇怪點解響屋企無事嚟到呢度會有事，後屘諗諗下依部係浮地嘅設計佢連接嗰部機必須要落地否則就會有交流聲。響現場一時三刻都諗唔到有乜方法可以抑制呢個交流聲，噉呢個比試似乎都到此為止，咁樣師兄就駁返佢部牛前級再聽多啲音樂。

以為呢次交流就此終止，師兄乙突然間響一啲廢墟裏面掹咗一部金色嘅機出嚟，一望原來佢係大名鼎鼎嘅番梘FM 255。不過睇師兄噉樣對待呢部機，就知道響佢心目中呢部機同垃圾分別不大（我諗都係俾人老點買入）。師兄乙建議不如將我部機串聯呢部前級再駁去佢對有源喇叭，試試睇下得唔得。當時我覺得噉樣做有啲多餘根本試唔到我部機實際效能，但係我又想搞清楚問題所在所以同意佢嘅做法。轉接咗佢部流野FM機之後開聲，果然音樂背景漆黑一片一啲噪音都冇。呢個時候師兄乙就播咗好多唔同嘅歌曲，我對聲音嘅評價就係動態高、低音強勁、分析力高、高音一啲都唔刺耳，總結就幾好。當堂對呢部番梘機有所改觀，但係心裏又覺得奇怪既然聲音都唔差點解會當垃圾抌埋一邊。其實響聆聽音樂嘅時候師兄甲同師兄乙多次互望並顯出奇怪嘅表情，當然我都覺得奇怪究竟發生乜嘢事，最後屘師兄甲講咗一句說話我當堂明白曬。師兄甲同師兄乙講可能呢部機（番梘FM）係需要加buffer先掂，即係話之前呢部機嘅聲係唔掂但係而家嘅音效佢哋都滿意。

呢次家訪不能夠直接對試係一個遺憾，但係響間接嘅情況之下亦都睇到部機發揮一定嘅作用。當然呢部機係唔會優化咗個信號，佢只係隔籬咗兩部器材之間嘅漏電電流同埋解決左左右聲道串擾呢個問題，最終還原返真實嘅音樂訊號。所以如果有師兄有興趣試試嘅話不妨PM我，可以交流一下。

重申: 我唔係商人，亦都無意出售任何產品，但係我樂意互相交流切磋去印證自己嘅諗法是否正確。


最後修改時間: 2023-05-27 12:16:37

之前講開政府嘅反吸毒宣傳，點解有反吸毒宣傳？當然有人吸毒先需要反吸毒。有反吸毒歌，噉有冇吸毒歌？當然梗係有，衹要你仲唔認老就應該聽過呢隻歌。



喇叭出聲再用mic收錄。



最後修改時間: 2023-05-26 22:05:23