本人沿用pro ac 1sc多年，近日有意購atc scm11 。由於本人聽本港流行金曲較多，都以人聲為主要，我估atc scm11 低頻必好過pro ac 1sc，但又怕會否粗聲，不耐聽，聽得耐會另人覺得煩， 失去pro ac 1sc那份嬌媚，斯文聽得舒服的感覺。其實多年前曾用過當時評價很高的monitor audio ma700 mk2，後來换pro ac 1sc就是喜歡牠的斯文舒服，所以怕atc scm11只是新世代較好的單高音單元，聲底與當年monitor audio相近，因而買錯浪費，請各位師兄給些意見

你對SCM11所有出來嘅效果：

“估atc scm11 低頻必好過pro ac 1sc，但又怕會否粗聲，不耐聽，聽得耐會另人覺得煩， 失去pro ac 1sc那份嬌媚，斯文聽得舒服的感覺。”

都可以講係wishful thinking,無(未聽過）中生有.全世界只有你自己先解答到你嘅問題.首先你要買一對SCM11,然後聽耐D先知道同1SC邊對合適你.只有你空間+器材+ 你喜歡software +你耳仔聽感先可以知道答案.

我習慣買心儀器材然後自己聽一排去決定感受.如果我問你SCM11 放在我聆聽環境我會否覺得好聽一D？你點可能答到.


最後修改時間: 2024-12-01 23:37:12

如果鍾意或聽慣proac仔既嬌艷, 都係用番佢喇, atc唔係個種聲嚟

買對二手 SCM11 返嚟聽下，唔啱賣返出去唔會蝕好多，用錢去買答案最實際

買SCM19喇!

#2#3#4師兄們非常中肯,紙上談兵,又點能夠亂作定論,唯一可做,去買對返嚟相處下就知！

其實樓主都係唔識先問下, 叫佢買對返黎試下先知, 即係叫佢唔好問啦

ATC同Proac 1sc係兩種完全唔同聲, 你想知ATC係乜聲, 上聲之島聽下就知.... ATC係monitor, 所以基本上你器材點轉, ATC都係ATC聲, 唔會大轉

ATC絕對唔同MA700, 推得好唔會唔耐聽......ATC低音punch同impact都會比Proac好, Proac就會比較幼細同斯文, 如果你聽快歌多既話, ATC會比到一些Proac比唔到既體驗, 如果你聽慢歌多, 都係聽返你對Proac啦

另外比較1sc黎講, ATC絕對唔易推好, 你擴音機要好夠力先推得好, 你用你推1sc部amp推佢, 好可能唔夠力.....其實1sc都係一對好喇叭, 如果你冇乜唔滿意佢, 而又有地方, 建議你加subwoofer好過

新ATC 唔會粗聲，除非部 amp 太差

二十幾年前玩個ProAc 1SC , 其實都唔係咁易推, 我嗰陣都要用到揸的士60W pure class A先推得起. 用石機推 ProAc根本就唔好声!

兩對完全唔同設計嘅喇叭！ATC密封式設計！要開大少少嚟聽啲低音先出！如果師鍾意熄燈細細聲咁就要考慮清楚，小弟試過金仔470就覺得低有冇料到（不過金仔唔係大電流設計)，但換咗B&W 705S3又冇問題喎！

玩過 proac tablette 50 signature 同 ATC SCM7 ，都玩得唔好。
可能是擴音機唔夠班，依家玩 spotless 4.2 返而覺得唔錯。

ProAc 1SC 唔好以為好易推，一樣要個後級有大電流先推得起。諗住用個金嗓子150W AB class 走去推，可以話畀你聽一定低音縮曬! 嘥氣! 反而而家新款啲ATC喇叭仔容易推好多!

費事煩。買！買對二手聽吓先，唔啱聽就賣翻出去，都唔會total lost ！

另一樣野, ATC低音雖然有impact有punch, 但唔係潛好低, 就算ATC 50都唔係潛好低, 聽ATC你就要接受, 佢低音乾淨, 但唔多.....

以ATC11 size, Magico A1同PS Audio FR5都低音潛低過ATC好多

仲有, 所有ATC都要有一定音壓先會發揮佢應有水準, 呢個係佢設計, 如果你喜歡細細聲聽歌, 唔好買ATC

最後修改時間: 2024-12-06 15:16:47

井14師兄講Atc特性講得好啱！magic A1 低音真係潛得好低！低音好乾淨好靚.之前用過ATC scm11 但唔同礦音機推。

加超低會唔會好Ｄ，難唔難玩？

超低最好加一對，但不容易搞好!