- #41 [hoilung94], 20-05-16 22:04樓主買药煲!只燒隻低音巳算幸運,1O年前添置有二手店主说,成套燒晒咁話,並說以後都不會再收此牌孑机的了,
- #42 [andy0101], 20-05-16 22:10Niceday009師兄件件精品,有機會玩過都無憾,難得又肯分享,比我哋見識吓!讚呀!請繼續。
- #43 [niceday009], 20-05-16 23:22曾買過幾款二手D類機,呢對Jeff 501用過,用料看來係笑料用開關式電源冇巨型電源牛
中低音極好線條兼推動力強大快速, 聽打斷鼓棍一流有部KRELL FPB600 一樣好,聽真D發覺佢發音單純,一D好輕盈嘅低音訊號會唔見咗,Class D更係玩黑膠嘅天敵,黑膠獨有之強烈中高頻空氣感經過對501 Class D機D空氣冇咗大截,但用數碼音源就冇咁差,原因唔知
D類機聲音好似消毒過变得單純,有人咁樣叫乾淨,我自己未感受到D類機出到靚空氣高頻及鮮度高之中音,可能新款D類有改善我唔知
最後修改時間: 2020-05-16 23:32:58 -
- #44 [niceday009], 20-05-17 00:31呢部V5xe我2008年買立刻愛上Ayre呢個牌子,機內空了了,但D聲就不得了
用电視畫質去形容佢就似4K+OLED, 解像度Ayre最好,空氣感係所有石機之冠唯獨係佢力感冇得同Krell或Mark比,我聽空氣強烈之黑膠我一定配Ayre, 聽完K1xe phono 加V5xe配硼針桿柴田針MC唱頭,加上過百磅高級黑膠盤,你就知道D類機係應該只去推subwoofer
我等緊對MXR twenty 出現,合理價220V我就去買
最後修改時間: 2020-05-17 00:52:46 - #45 [niceday009], 20-05-17 01:16講返部巨無霸KRELL FPB600, 佢係屬於半無負回輸,佢電壓放大級應用小量負回輸,而功率放大級無負回輸兼有高成本大電流穩壓電路,佢中低頻至超低頻反應潑辣,力感速度線條令人聽得過引滿足,中高頻踓然未及Ayre之精細但已算相當通透開揚,整體分數最高
Krell FPB糸列有大量棒場客並唔係浪得虛名,我大力推薦
買二手Krell最重要係知佢有冇換好新原裝電解電容,Krell工作溫度較高,十多廿年機必須換電解電容,我部Krell FPB600 二手買入4萬,另外買原裝新電容八千蚊,自己動手用了40小時細心更換全部240多粒電解電容,問過回Krell廠更換要二萬多元運費另計
換入新原裝電容後,動態速度力感以至分析力大幅度增強,好明顯,一聽到就聽得出
最後修改時間: 2020-05-17 01:34:47 - #46 [koalaau], 20-05-17 01:37請問師兄老麥又點睇?
- #47 [niceday009], 20-05-17 07:42MCINTOSH 我自己係買過佢MC240同第二代MC275, 用去推KLIPSCH La Scala,無可否認佢部275外觀及綫路設計係經典中之經典,推動LaScala相當合適, 但係鴨記銘佳曾買入MC7270 有牛石後級覺得分析力稍欠就冇再買老麥石機
係二手鋪曾聽過佢新款牛輸出石機推Magico喇叭相當有肉感靚聲分解都唔錯,但曾在朋友家AB比較過MC501同Krell FPB300cx比較HiFi元素 ,Krell 在速度及高頻分解力佔優勢,呢兩樣嘢亦都係後期Krell贏Mark仔嘅元素,Stereophile 老編曾描述佢自己喜歡Mark Levinson 33H多過 FPB600, 33H比FPB600 貴差不多一倍,但佢不得不丞認Krell之分析力和速度比33H好
最後修改時間: 2020-05-17 07:57:20 - #48 [niceday009], 20-05-17 08:13曾在 Mark 436 旗艦mono block 及 Krell FPB600 作去留決定,兩款機都靚聲,Mark 仔肉質感較好聲音耐聽聲音豐滿有D似胆機, 而Krell高低兩端伸延較好及速度較快較刺激,最後按口味作決定,因為要豐盈肉感聲音我有Audio Research 胆機呢方面做得更好,空氣感更强烈
一個概念,去買咁大部又重又用電多後級為乜,當然係為咗大動態高速度,深遠穩定音場以及分析解像力,從而得到聽覺快感,所以FPB600留低
最後修改時間: 2020-05-17 08:28:25 - #49 [niceday009], 20-05-17 09:0980年代尾,黑膠重播達到最高峰,黑膠重播使用高感度氣浮臂或油浸臂以及硼針桿Microline等等唱針結構,連同高檔重型氣浮或磁浮盤令到對擴音機分析力要求更高,胆機都唔列外,所有高級廠家都研發更高分析力高解像前後級機種
而家講到胆機,Audio Research 胆機我真係買過唔少,到目前為止我仍然好喜歡佢對旗艦CLASSIC 150mono block , 相當重料制作,, 我仲有係度對機放咗係房但要代換電解電容,用6550胆接三極輸出令輸出功率得返一半,Classic 150如果接四極其實可出300watt,所以Audio Research 有款外型一模一樣叫
M300, 但聲音質素及解像不及Classic 150
接三極之Classic 150聲音純度及解像度更高可以出到相當細致中高頻, 實聽Classic 150擁有原子粒機之速度分析力及胆機之力感已及相當高之解像度,佢隻輸出牛係超重料制作有成40磅而頻寬去到100kHz, Classic 150當時係高成本制作,聲音表現為Audio Research 定立了新高標準
最後修改時間: 2020-05-17 09:26:52 - #50 [Joeyd], 20-05-17 09:45原來4月30時二手區有部krell evo600 7萬蚊出售,
好似好正,1日就話賣咗。
最後修改時間: 2020-05-17 09:45:54 - #51 [niceday009], 20-05-17 09:55Audio Research Classic 150 前端一枝胆都冇,全部用 FET放大,佢解像度咁高同佢用 FET及唔使用交連電容有關,佢D 6550胆柵極係直接交連FET嘅Source Follower
Audio Research 過咗Classic 150之後曾經有段時間後期機種有分析力稍倒退現像,用返全胆制作,直至佢引入 super tube 6H30 及使用突破性Selath Cap 交連電容,分解力再創新高
最後修改時間: 2020-05-17 10:05:18 - #52 [niceday009], 20-05-17 09:59EVO 600係老 Dan離開Krell最後杰作,有人話比佢成功作FPB係列更好,7萬蚊買對600watt Mono Block 今時今日相當抵,走去買部金仔合併機都話要7萬,D聲差天同地分別
- #53 [lfyeung], 20-05-17 10:05Niceday師兄,謝謝分享。
- #54 [niceday009], 20-05-17 10:11#42, #53
自己年紀開始大,只係想回味下以前之樂趣,我相信我係屬於高燒一族,並非天價級機種可以用過,因為我本人都係打工仔一名,但去試二手機人人都可以因為所費有限 - #55 [niceday009], 20-05-17 10:20直至Audio Research 引入super tube 6H30 及Sleath Cap....
2007年Stereophile review Audio Research reference 110 搞到最後個Reviwer自己出錢買左部,我好奇去買部二手返黎試下,果然幾靚声下尤其係中高音,中音自然中性像真,低音豐厚到現在都仲係度未賣
最後修改時間: 2020-05-17 10:23:41 - #56 [info2k], 20-05-17 10:22niceday009兄最令小弟佩服, 就是不計較公開, 寶貴的實戰經驗, 對產品作出中肯評論, 從不憑空盲目推介, 是R33眾燒友指路明燈
- #57 [tonywong], 20-05-17 10:29見到玩咁多機
真係羡慕
可能我住唐樓
就算有錢, 都無力換機
何況無 - #58 [niceday009], 20-05-17 10:34#56
我眼見好多發燒友花了好多錢去買一音响精品牌子,貴之余但D聲都比唔上一D大路大賣型號,一個好簡單羅輯就係靚聲品種型號如果真係掂又價錢合理,佢會賣出好多件,但因為佢靚聲佢賣出多之余又冇乜人放,當你見到呢款靚聲大賣大路貨就要捕住及快手買嚟試下
我係好多人口中聽過話歐洲品種機聲音更有貴氣特別係瑞士,我唔明佢地講嘅貴氣係乜意思,但我曾有經驗係我朋友有一部熱賣嘅Audio Research Ref 5se 前級,聽到佢圈子話某精品瑞士細部骨子胆前級相當有貴氣,佢買一部此更貴價瑞士精品AB比較,我兩個既時冇嘢講,部Ref 5SE 大幅度拋離呢部精品,解像細致度動態力感速度音場大超前,所以我話我寧願買多人話好嘅大路貨
最後修改時間: 2020-05-17 10:58:31 - #59 [niceday009], 20-05-17 11:25我去分析所謂之貴氣可能係指聽覺以外之一種人類自身感受,
例如一隻鑲滿鑽石嘅江詩丹頓機械手錶唔會有日本精工石英錶之準確實用性,但大部分人如果話想擁有都係呢隻江詩丹頓而唔係隻準時實用嘅精工錶,你帶住隻鑽石江詩丹頓就唔可以話你冇貴氣
如果套用這情況於於音响產品,呢類音响發燒友之層次已經超越咗聽覺領域,佢地對物件之崇拜比其聲音更重要,這些例子好多,西電755A三萬幾蚊一對,佢嘅名氣比佢声音價值更高
最後修改時間: 2020-05-17 11:33:41 - #60 [tonywong], 20-05-17 11:56我用了HIFI十幾年
真係唔識分咩味
只知 清唔清, 厚聲, 聲場
所以都是買大路野 - 下一頁 (3 of 41)
- 返回 ...