小弟理解，香港家居牆蘇供電通常都係Ring Circuit，13A蘇頭嗰條fuse作用係用嚟保護條電源線，萬一電器損壞引致大電流，電器裡面嗰條fuse如果萬一又失效，而使電源線發熱著火，如果牆蘇同插蘇頭都係用美式就會有危險性

當然係家居安全先行。
理論上英式同美式都安全。 但香港法定係英式。 如果用咗唔符合法定要求嘅電器裝置， 萬一發生不幸事故， 保險公司有權唔賠（如果有買保險的話）。
英式同美式都有水線，可以防觸電。而英式仲有條13Afuse防電流過大。 Hifi友就係唔鐘意呢條fuse。
而想安全但又想玩美式線， 都有辦法嘅。 就係用隔離牛。
用咗隔離牛， 係無觸電風險， 用兩腳插頭都可以。 而大多數隔離牛都有唔同嘅安全保護裝置， 可以防電流過大。
當然， 要用英式為隔離牛接電。

古董機 好多兩腳插 唔玩或者自己DIY？
哈哈哈

我自己玩DIY，有幾點要注意，fuseー定要裝，水線務必連接妥善，千祈唔好飛水線，高壓供電絕緣要處理到位，尤其是玩過千V，我試過用火酒抹機內燻黑，高壓跳火引燃！

最後修改時間: 2025-12-04 12:29:43

接線用美式插頭都要睇手工, 裝的時候當然確佢保佢地唔會short埋一齊，呢個就跟英式美式沒關系。

最後修改時間: 2025-12-04 10:31:51

當然嗰條美國電源線燒跳咗我大掣之後。我就換咗兩個古河頭， 一個28鍍銠一個11鍍金，古河始終實淨好多，金工又好! 到依家我狂蚊狂插，都再冇任何跳掣。

最後修改時間: 2025-12-02 18:32:52

反正而家靠嚇有市場
但簡單換個插蘇都係講工夫的

用美式插頭電源線確實係有風險的。我用過某一個都算出名嘅美國品牌， 是用美式公頭及母頭的。但因為此電源線是由多股細芯線組成，即常稱有龍鬚火線及地線，而且公母頭係用 Wattgate 的，即插入那個洞好Q細。有次一插之後，撲一聲就跳咗大掣，嗰個美式公插蘇頭還燒黑了一片， 好彩部膽機就乜事都冇，再仔細檢查，是火線及地線龍鬚接觸在一起引致短路。 如果用英式插頭，這個風險確實可以避免，最多只是燒fuse! 但用英式公插頭，我們發燒友始終覺得多條爛鬼fuse係衰聲根源，真係膽博膽也!

最後修改時間: 2025-12-02 00:18:47

呢種做法冇事冇幹冇人理，出左事就自然好多人跳出來管.....唉！

係咪唔應該用美式插頭或插座呢？？？
用返英式BS1363穩陣d呢？
用所謂國標既又話......

機電工程署一直叫人唔好用內地插頭或電器，咁姐係點？？
但香港又大把賣高級音響電源線既唔係英式插頭，咁係咪用得？？

某國產充電小電器要特別小心,人不在絕不能樣它在充電中

藍牙丶電池喇叭或耳機

切勿用布或不通風物件蓋在發熱需要通風的器材上

謝絕玩高電壓膽機如211,845,805. 特別係大陸低價產品, 成1100V DC, 唔激穿隻牛宦好似電死.

玩音響想音質好和家居電力安全，共同目標是需要有良好及低阻抗接地，及自己定期按測試掣去保證漏電斷路(水氣掣）能夠正常操作。

100 , 110伏 電壓 d機 插左220....

高身喇叭 或 高腳架+小朋友=危險

喇叭裸體+小朋友=喇叭危險

Amp駁Bi wire d 叉頭紅黑駁錯short左 燒機



最後修改時間: 2025-12-01 07:04:48

唔up to spec 零件 全部掃走 冇得留低 理得你古董/原裝！

有時d美國頭因線身太重，
久唔久會鬆出嚟

#2同意！佰份佰負苛最重要！

最後修改時間: 2025-11-30 22:50:54

防盜、防塵、防水、或防火？

玩Hifi否，最基本當然保證供電不會超過負荷。