- #44 [長長影子], 20-10-12 18:18
- #43 [DYreal], 20-10-12 18:07我諗響呢度review33不少師兄擁有既器材可能貴過你全部儀器,但係如果計擁有儀器價值多少我諗你無出其右。
如果我係你又有地方、又有設備、又有相關知識我當然會玩盡佢。但係而家現實就係三無,就算你用你覺得比較簡單啲嘅方法去做,但對我嚟講可能都係覺得比較困難。
最後修改時間: 2020-10-12 18:11:49 - #42 [長長影子], 20-10-12 17:41我又唔係咁諗,工欲善其事必先利其器,B&K 測試 mic、錄音 mic、scope、audio analyzer、laser sensor、假人頭、連部 CNC等等都係私伙嘢,咁多年來絶大多數架生儀器都係要自己畀錢買,我讀書嘅年代就已經要自己賺錢嚟買 scope、鑽床等工具嚟學砌膽機。 公還公、私還私,喺屋企整自己嘢,喺公司做公司嘢,喺公司先至唔需要自己落手落腳。 所以我更明白有啲咩可以簡化有啲咩唔可以。
最後修改時間: 2020-10-12 17:57:53 -
- #41 [DYreal], 20-10-12 17:27呢啲就係業餘想試試,同搵食專業嘅分別。
我會相信你退咗休之後,所有器材和測試假人頭唔會響你屋企出現。當屋企根本冇呢啲噉專業嘅設備嘅時候,做法就唔可以跟足專業標準嘅做法,要用簡化啲嘅方法但都希望達到比較好嘅效果,呢個當然係要有取捨。
最後修改時間: 2020-10-12 17:29:09 - #40 [hahayanyan], 20-10-12 12:32Nice to have that list...haha
Logitech too...guess she gaming market is huge...
Thx thx
Interesting company
https://www.grasacoustics.com/industries/consumer-audio-electronics
最後修改時間: 2020-10-12 12:38:29 - #39 [長長影子], 20-10-12 12:30actually a lot, apple, logitech, sennheiser, philips, dolby, Bruel & Kjaer, qualcomm, GRAS, head acoustics, knowles, ...etc,
最後修改時間: 2020-10-12 12:35:30 - #38 [hahayanyan], 20-10-12 12:27#37
長長影子
from your understanding, how many company really invest to do that basic R&D..calibration...etc as u mentioned?
if there are some, happy to share what company are they ?
cheers
haha
最後修改時間: 2020-10-12 12:27:36 - #37 [長長影子], 20-10-12 12:20正如我之前所講,要原音重現要喺一個 control environment,如果你覺得位置同空間嘅位置改變對你嚟講咁 critical 你就要自己諗辦法去 control。 要重要嘅係就算你著嘅衫唔同咗都仲係反映當時嘅真正 HRTF 錄出嚟嘅最真實嘅結果,有咩問題你都可以即時坐返喺嗰個位置嚟聽同錄音比較做 crosscheck 比對當時同真實嘅差異係唔係喺你自己嘅接受範圍內,有唔少 factors 人耳/腦係可以適應,有啲例如著唔同衫等等嘅影響我自己都已經有唔少測試數據做比對,不過一時間好難喺度解釋你聽,加擋板或自己加支架等等方法錄貎似比較 consistent,但最大嘅問題係會畀你完全錯嘅 information。 有時當我哋用人頭測試或錄音有疑問都會用 in-ear mic 去做一啲 crosscheck,通常用嘅工程師都要個嘴咬住嚿膠管然後用魔術帶綁住。 好多嘢完全睇你自己需求,睇你可以做到幾盡。 HATS 人頭錄音唔係求其整個貎似假人就可以,最重要嘅係佢本身嘅 calibration 數據有冇符合聲學要求, 我喺公司起碼都有四、五種 HATS,每種人頭都為唔同應用及標準去優化,例如 for communication、ultra-low noise、super wideband, 等等。 剩係隻矽膠 pinna 為要確保佢嘅形狀冇因使用時因施壓變形,通常三年就要換一次,都差唔多萬幾蚊一隻。 你有要求係好事,你想要更 precise 嘅方法同儀器一定多多都有,只不過都要睇你要投放幾多資源落去,但最重要係有冇足夠嘅 knowledges 去駕馭。 從其他 post 睇得出對聲學及電子應用只屬簡單入門要求,所以我先建議以Sennheiser 喱個 solution,因為佢其實已經幫你簡化咗好多嘢,解決咗唔少潛在問題。
最後修改時間: 2020-10-12 12:27:10 - #36 [DYreal], 20-10-12 11:15用真人上馬當然方便快捷,但缺點就係repeatability非常差。如果要維持全身包括頭部一段時間唔喐,呢個已經相當困難。如果離開個位再坐返上去噉好多參數都會同時改變,包括頭部嘅左右角度、上下角度、傾斜角度同埋頭部在空間裏面嘅相對位置都會改變,人有冇挺直個胸膛、衣服摺疊亦都會影響到。
即是話就算器材裏面沒有任何改變,只是個人離開座位之後再坐返上去,就算係播放同一段曲目錄出嚟嘅效果都已經有不同(ref. 自己太多參數改變)。唔同日子著嘅衣服唔一樣亦都影響咗錄出嚟嘅效果(比較唔同日子嘅錄音意義便不大),呢個唔係我想要嘅結果。
當然模擬支架除咗加隻假耳朵之外亦都可以加個假膊頭,儘量去接近真人應有嘅反射狀態。當然真的假不了、假的亦都真不了,但係可以將互相差距儘量縮窄。唯一好處就係當作器材比試嘅時候佢嘅穩定性相對比較高,參考價值亦相應提高。錄音嘅變化比較忠實反映器材或線材嘅改變,呢個係我想要嘅結果。
最後修改時間: 2020-10-12 11:27:47 - #35 [長長影子], 20-10-11 22:46你用擋板一定唔建議囉,根本都唔係嗰樣嘢。 錄 HRTF 要 Head & Torso Simulator (HATS) 先得,用 in-ear mic 戴喺你對耳仔係一個方法。
- #34 [DYreal], 20-10-11 20:15...
- #33 [DYreal], 20-10-11 19:54唔使1000文其實都可以考慮H1N,睇落好似比較專業d功能強勁d,最緊要唔使一定黐住部手機。
最後修改時間: 2020-10-11 20:00:05 - #32 [Ck2007], 20-10-11 19:02幾年前特價買唔使一千蚊xy mic, 但一定要ios&lighting 頭
- #31 [DYreal], 20-10-11 16:39再唔係買隻假耳俾佢塞入去加上擋板,噉應該可作長時間錄音。
最後修改時間: 2020-10-11 16:40:35 - #30 [長長影子], 20-10-11 16:31其實係咁係唔夠好,因為你需要嘅係錄埋個 HRTF,其實你戴住個耳機錄一段30秒到一分鐘唔郁唔會好難,你錄咁長都冇人有咁嘅心機聽嚟比較。
最後修改時間: 2020-10-11 16:33:28 - #29 [DYreal], 20-10-11 16:28當我接納你嘅意見,用你建議嘅耳塞收錄咪去做錄音,其他師兄都係用耳機去聽返我段錄音噉應該冇問題啦。
不過我想問我可否用我之前建議嘅鋁通支架和擋板去模擬一個假人頭。 - #28 [長長影子], 20-10-11 16:21正如我之前所講,你錄一個系統嘅 stereo effect 去用另一個系統去播放係會將兩來系統嘅 transfer function 疊加埋一齊,你唔係用 control environment 係無可能原音重現,你用 stereo mic 錄直接用耳機聽又有另一個問題,就只不過係絕對 stereo,聲音困喺頭裡面,所以你用 binaural 嘅方法去錄然後同一組耳機聽先可以原音重現,因為你喺一個聆聽環境,喇叭發聲後聲音係隨著時間嘅變化喺從四面八方進入耳仔。 你要用耳機嚟聽先至會明我講乜嘢。
最後修改時間: 2020-10-11 16:28:47 - #27 [DYreal], 20-10-11 16:05噉樣又好似有啲問題喎,如果我錄咗段錄音一定要用耳機播放唔能夠響擴音機正常播放,噉就似乎唔係原先嗰個初衷。始終都唔係諗住攞嚟搵食,我諗未必需要去到錄音師咁高嘅要求。如果下下求完美噉就可能乜都做唔成。
睇返個spec.似乎H4N pro功能更強勁,價錢都係千多元。
最後修改時間: 2020-10-11 16:18:41 - #26 [長長影子], 20-10-11 13:11我嗰個錄音包含 HRTF,又有耳機 diffuse-field corr.,一定要用耳機/耳塞嚟聽先得㗎喎,唔可以用喇叭,用喇叭聽分唔到前後。
最後修改時間: 2020-10-11 13:13:07 - #25 [gundam00], 20-10-11 11:19
有用資料~
謝謝分享~
分享吓關於收陰~ - 下一頁 (3 of 5)
- 返回 ...
最後都係嗰句,我一直都係講 Sennheiser 兩仟幾蚊嗰 set binaural mic 連 earphone 一般已經好夠用,其他問題就算用再貴嘅儀器都一樣要克服,都需要一個 control environment。
最後修改時間: 2020-10-12 18:20:44