- #1025 [DY2036], 24-01-17 23:26
- #1024 [DY2036], 24-01-14 21:17
- #1023 [DY2036], 24-01-10 22:55
唔知大家有冇睇過星爺嗰套「唐伯虎點秋香」,苑瓊丹飾演嘅石榴姐。有一幕響柴房裏面佢同陳百祥鬼混嘅戲,當時苑瓊丹嘅化妝好特別有隻星星畫咗響隻眼嗰度。如果大家只係識得笑噉你嘅年紀對我嚟講都唔係太大,但係如果你覺得佢好似某樂隊,噉你年紀應該同我差不多。
如圖擴音機推喇叭出聲再用mic收錄。
最後修改時間: 2024-01-10 23:06:15 -
- #1022 [DY2036], 24-01-09 22:02
我諗香港地好多人聽到呢隻音樂即刻零舍醒神,有唔少人會買份米報日刨夜刨就係等呢一日既來臨。不過佢遊戲嘅活動不至於此,佢仲有啲搞波仔活動。早期就有兩次脫貧嘅機會,第一次買咗三張飛有一張飛中咗三個字,跟住我太座攞呢張飛再買兩注,最後嘅結果當然仲係未做得富豪住要再等等。
如圖擴音機推喇叭出聲再用mic收錄。
最後修改時間: 2024-01-09 22:03:10 - #1021 [DY2036], 24-01-08 14:22
- #1020 [DY2036], 24-01-08 14:16
睇完呢套戲就發現原來佢有好多我兒時遊樂場嗰啲設備。
1. 跳樓瀡滑梯(練膽力): 足三層樓高地下係石屎跳落嚟必死無疑。
2. 奪命氹氹轉(鍛煉五G加速度嘅忍受能力): 衹要小朋友一埋位,自然有啲唔收錢嘅航天訓練員過嚟幫你轉動個氹氹轉,就算你流曬馬尿但係啲嚴格嘅航天訓練員一樣繼續加速,直至你被拋開十呎八呎之外頭破血流才收手。
3. 特技打千秋(鍛煉體力和膽識): 可以旋轉360度嘅千秋,但係如果挑戰失敗,白車或者黑車實有一隻啱用。
4. 彈飛搖搖板(鍛煉體力同腦力): 坐呢隻搖搖板要同對面玩嘅小朋友鬥智扭計,一不留神可能俾佢彈到飛起。
5. 石屎木人樁(響上面玩捉伊人,鍛煉身體靈活性): 一碌碌長條形一個挨住一個可能係香港建築嘅縮影,唔好睇佢冇乜殺傷力一唔小心踩錯腳上帝都同你招手。
我哋小時候天天就係玩緊國家篩選航天員同特務嘅遊戲。
最後修改時間: 2024-01-08 14:25:03 - #1019 [DY2036], 24-01-08 09:57
究竟係音響發燒道路上面,我哋應該係求真定係求假?
...思考咗一輪我發覺兩樣都要,噉何出此言。事源睇咗一個師兄響膽機論壇裏面強調牛嘅重要性特別加上SE膽音質難有對手,佢嘅理論係牛越多聲越靚,尤其嗰啲需要直流電壓千幾二千伏三極直熱膽。不過佢post咗幾張牛響20KHz嘅輸出圖,我睇完之後只覺得簡直就不堪入目,俾我一定唔會買。
我自己簡單砌咗一個兩級嘅CFA放太線路(約14倍放大),第二級用咗CCL。呢個線路我嘗試輸入過1MHz方波,佢基本上都可以輸出一個變咗型嘅方波。不過呢個基本上都係極端測試,如果正常一啲輸入一個20KHz方波,輸入同輸出波形基本上可以疊埋一齊。當然響實際聆聽情況之下音頻放大訊號唔需要去到1MHz,遠遠超越20KHz只會徒添放大器嘅不穩定同埋無謂嘅功率消耗(如果放大器前端有RF干擾信號),所以之後我響輸入端加咗粒電容降低輸入頻率。理論上呢粒電容值應該2到300p但我手頭上祇有一粒1000p,噉就即管插入去試試,出嚟嘅效果都遠遠比起之前嗰位師兄嗰張牛輸出波形好上不止千倍萬倍。
我相信呢位師兄係絕對滿意佢套膽機嘅音質,並且對其他膽機和石機不肖一顧。噉究竟佢套系統重播出嚟嘅音質係真定假,響我角度嚟講眼都見到變曬形真極都有限。不過呢個世界真真假假唔重要,有時真作假時假作真,問題係你知唔知自己套係真定假。如果佢成日覺得自己套器材出嚟嘅聲先係正中,噉樣其他師兄嗰啲無失真嘅器材就變成咗乾澀,餘韻不足。如果呢個懵盛盛嘅師兄聽從嗰位師兄嘅意見,將自己套器材改嚟改去噉就真係變成咗法國大餐...多嚿魚,並且徒勞無功。
我響呢度其實唔係想講邊個啱邊個唔啱,因為大家對音色嘅愛好各有不同,不過對我嚟講如果全頻不能有正常表現都不是正常(例如只強調中頻或者中高頻好飄逸但係低頻乏力),我祇不過係想提出你要知道自己套器材嘅聲是否中性。起碼要有呢個概念如果你覺得中性呢個聲對你嚟講係乏味想加多啲色彩,噉起碼你知道會向邊個方向偏差,例如厚聲啲定係動態大啲或者低音勁啲。當互相交流嘅時候你起碼識得同人講你套器材不是正宗係偏向厚聲或者高頻或者低頻。而唔係將自己都呃埋強調自己嗰套先係正常,人哋嗰套係偏差。
輸入端加上1000p電容作高頻濾波:
你會睇到有啲相移嘅現象,不過留意呢個filter係放響放大線路之前,所以電流負回輸係唔會有相移呢個問題響。
最後修改時間: 2024-01-08 10:11:23 - #1018 [DY2036], 24-01-07 17:25
大自然都要行埋一邊先,隻歌終於歸隊。
聽從特首嘅呼籲2024年1月1號為咗振興本土經濟出咗第一滴血(食過期聖誕大餐),不過話時話錢唔使就唔係屬於自己,佢祇不過係銀行裏面一個數字。音響就需要負回輸,但經濟就要正循環,你出去餐廳食嘢噉餐廳自然賺咗你啲錢,有錢出糧俾夥計有錢去買貨,肉檔魚檔面檔運輸都有生意。如果個個唔使錢或者唔響本地消費,噉啲鋪頭摺埋之後啲夥計無工做自然更加唔消費,噉呢個循環落去香港唔死都幾難。
而家香港市道真係好一般,不過香港人出咗名計仔多我相信好快可以扭轉呢個劣勢。
如圖擴音機推喇叭出聲再用mic收錄。
最後修改時間: 2024-01-07 17:26:25 - #1017 [DY2036], 24-01-05 20:49
返返去大自然篇:
打工仔好多時如果份工下下都做到好攰嘅時候,腦裏面分分鐘都想放飛,起碼響思想裏面自由自在無拘無束地響天空度飛,呢個絕對係釋放壓力嘅一種方法。不過香港人都好現實,自由自在飛咗一輪之後就識得回到現實繼續努力工作。
如圖擴音機推喇叭出聲再用mic收錄。
最後修改時間: 2024-01-05 20:50:41 - #1016 [DY2036], 24-01-05 15:46...
最後修改時間: 2024-01-05 15:46:28 - #1015 [DY2036], 24-01-02 23:52
大眾踩單車郊野上,良朋共享身心舒暢,互愛坦率相向何必多嘢想。
擴音機推喇叭出聲再用mic收錄。
最後修改時間: 2024-01-02 23:54:37 - #1014 [DY2036], 24-01-02 14:43
一個人睇嘅戲,最終都會落幕。 - #1013 [DY2036], 24-01-02 12:07
天公造美似乎知道香港放煙花所以放晴咗一日,今日又回復霧霾嘅狀態。 - #1012 [DY2036], 24-01-02 08:38
其實我諗過可能有兩個原因:
唔小心將嗰個folder拉咗去第二度。
Folder名相同但內容不同copy落去唔見咗file。
我已經搜尋過成部notebook冇此檔案,另外我測試過如果用相同folder name copy裏面的file係只會相加唔會相減,所以呢件事更加令我覺得撲朔迷離。 - #1011 [bigleung], 24-01-02 07:20>>錢會繼續嚟
邊隻專輯忘記了,但我呢set精選有! - #1010 [DY2036], 24-01-01 23:51
今日發生咗一件事令我越嚟越相信有平行宇宙呢樣嘢,或者我可以講講我遇到乜嘢問題。
1. 好耐之前撈撈因為周先生響電台一句說話導致出現憂鬱症,呢個信息響網上面搵唔到好似從來無發生過一樣,呢件事令我開始思考平行宇宙呢個問題。
2. 今日我突然間有興致想錄歌神嘅一隻歌「錢會繼續嚟」,但係好奇怪響我個音樂list完全搵唔到,我對呢一首歌相當熟悉基本上可以背出嚟。我記得每次聽歌神嘅歌有時都會播放呢首歌,連我太座都話:「有啊,我都有聽過,揾真啲。」。但係我搵咗好耐包括實體CD都係冇呢隻歌,另外奇就奇在我幾十年前響大窩口住嗰陣時我都有播過呢隻歌,我仲記得我父親聽完呢隻歌嘅時候講佢啲歌幾有意思。當時應該係播放卡式帶,但係我睇返啲卡式帶都係冇呢隻歌。
上面兩件事件都顯示響我記憶裏面和間接事實都證明我擁有呢首歌,但現實係冇。我冇辦法解釋呢個問題,除非現實真係有平行宇宙而我正響呢個平行宇宙嗰度跳嚟跳去。
最後修改時間: 2024-01-02 00:00:39 - #1009 [bigleung], 24-01-01 14:40X車?
- #1008 [DY2036], 24-01-01 13:48
今日又驗證咗乜嘢叫做「梅菲定律」,要發生嘅事始終都會發生真係擋都擋唔住。太座成日話去食聖誕大餐,但係我覺得人多又貴所以好多年當日都冇去西餐廳食。
今日太座又詐型元旦日應該去食西餐,噉順下佢意走咗入一間西餐廳,坐低先知道原來佢仲做緊聖誕大餐,噉樣真係神推鬼擁2024食聖誕大餐預先慶祝今年嘅聖誕節。 - #1007 [DY2036], 24-01-01 00:07
佛祖保佑香江。 - #1006 [DY2036], 23-12-31 21:14
昨日黃昏呢笪地方仲係比較冷清,我相信到咗今日已經水泄不通。
昨日下午呢度啲人趕住搭纜車落山條龍長到打幾個蛇餅,我諗今日嘅情況只會更加嚴重,因為明顯今日落嚟嘅旅客更多。
昨日香港天氣霧霾比較厲害能見度唔係太高,希望隨著煙花綻放,2024年香港前景係一望無際,一片光明。
最後修改時間: 2023-12-31 21:15:41 - 下一頁 (5 of 56)
- 返回 ...
雖然郊區距離大多數香港嘅地方唔會太遠,但係香港出咗名工時長做完嘢之後都寧願早啲返屋企食飯休息啊。為咗響工作或者生活環境加一啲大自然色彩,好多人都會買啲花插響辦公室或者屋企等室內充滿一陣花香嘅味,工作起嚟都零舍醒神。所以呢一類鋪頭開到成行成市,每區都總有一間。
如圖擴音機推喇叭出聲再用mic收錄。
最後修改時間: 2024-01-17 23:28:25