- #1050 [DY2036], 24-02-13 21:35
- #1049 [DY2036], 24-02-13 19:40
其實無論係呢個社會、國家或者呢個世界都有好多古靈精怪現場,甚至人性嘅轉變都可能因為呢個字。
如圖擴音機推喇叭出聲再用mic收錄。
最後修改時間: 2024-02-13 19:40:59 - #1048 [DY2036], 24-02-13 13:17
五拾文祈個福,當然摣住個寶碟大大力掟上去啦,但係見到跌返落嚟喎,心裏諗唔係吖...即刻嗱嗱臨走去執,一睇竟然係人哋嘅寶碟。即刻令我諗起祈福可能都有限額唔係無限,不過今次等價交易係我祈咗福不過要將人哋個祈福打咗落嚟。善哉...善哉。
最後修改時間: 2024-02-13 13:17:15 -
- #1047 [DY2036], 24-02-13 08:46
講賭博或者講搵錢嘅歌我諗大多數都比許氏兄弟包辦曬,不過我又不得不佩服粵語歌文子嘅簡化但係深藏意義。例如歌神有一句:「跌只三,派只二送尾起隻煙添,認真夠運。」,同樣都係荷官派三隻牌但係講法完全唔一樣。“派”呢個字好簡單就係派牌,“跌”呢個字如果我冇理解錯誤就係你上家棄權本應派畀佢隻牌就變咗派畀你。至於“起”我諗大家睇賭片都知道,最尾嗰隻牌大家會將隻牌響枱面上屈起一個小小嘅角,然後慢慢睇下個輪廓係咪你想要嗰隻牌,如果係嘅話你就會好大力將佢返轉噠返去枱面呢個動作就叫做起。廣東話區區三個字其實就包含三個不同嘅場景好有畫面。
如圖擴音機推喇叭出聲再用mic收錄。
最後修改時間: 2024-02-13 08:47:26 - #1046 [DY2036], 24-02-12 21:37
可能移民呢個話題近一兩年又比較熱,聽聞都有十幾萬人已經離開咗香港,不過對我嚟講我又唔覺得有乜稀奇和大不了嘅事情。自從香港俾英國管治之後,第二次世界大戰好多大陸包括上海和廣東省嘅難民走咗嚟香港(當然包括我上一代)。當時香港嘅生活係比較艱難,所以大家都只會集中於搵錢養活自己或者一家人。當時大多數難民其實目的地都唔係香港,衹要佢哋有本事搵到錢甚至偷渡都好,佢哋首選嘅移民地點就係美國。
我小學畢業嘅時候已經有同學會過去外國讀書,到咗中學畢業呢個數目就更加多。其中包括同我青梅竹馬見一個女子(由大窩口住埋同一層搬到去葵盛都係住埋同一層,當時成日走咗去佢屋企),會考後冇幾耐佢都移民咗去美國,隔咗好多年佢返過嚟葵盛一次剛剛我同太座返葵盛探雙親,大家叫做相聚了一刻,當時大家都已經結咗婚。
所以我上一代嘅香港人祇有一個共同目標,就係努力搵錢....錢...錢...重要嘅事要講三次。
如圖擴音機推喇叭出聲再用mic收錄。
最後修改時間: 2024-02-12 21:51:52 - #1045 [DY2036], 24-02-12 16:35
過年前同個同事吹開水,佢話千幾文買咗隻耳筒但係佢用部DAP推好似冇乜低音,我就答嗲話我好早之前砌咗一部冇負回輸耳筒放大器(冇入盒),如果你攞部耳筒過嚟新年期間我可以用呢部耳擴試一試。就係噉一拍即合,放假前佢終於畀咗個耳筒我。其實未正式試前一日我已經將佢插落去電腦sound card嘅輸出試一試,平時我隻耳塞開幾格已經有足夠聲量,但係佢開足八成都勉強夠聲不過好薄啲低音好似唔見曬,證明呢隻耳筒相當大食。
今日太座去行山終於有時間去試試佢隻耳筒,電源係各自兩邊24V電池獨立供電,音源係用手機提供我post嗰啲音樂(比較熟悉),音效以我聽開嘅耳塞作為參考。一插上呢隻外觀同造工好似都唔錯嘅耳筒,發覺佢幾大食音量要開到頗大先至有足夠嘅音量。但係即刻發覺低音下潛不足,反應相對緩慢動感不足更導致樂器分離度變差。高音去唔盡,人聲一般,總體聲效就係冇一種吸引力去令你想繼續去聽。我隻人仔200幾文嘅耳塞可以講係範範都秒殺佢呢隻耳筒,不過呢隻耳塞用手機聽低音會有不足嘅情況,用電腦內置sound card聽低音效果會好啲不過相對分析力就會弱啲。如果用呢部耳擴聽就魚與熊掌相得益彰,不但低頻下潛更深力度更猛,動態明顯增強中高音聲底基本上不變。
對我同事嚟講呢個結果都相對殘忍,呢隻耳筒簡直就係雞肋,攞嚟自用就聽得唔舒服,擺埋一邊就嘥錢不如平啲放出去算數。
最後修改時間: 2024-02-12 16:36:58 - #1044 [DY2036], 24-02-12 11:42
- #1043 [DY2036], 24-02-11 22:47
除咗麻雀耍樂之外就輪到玩啤牌,鋪鋪都令到你心跳加速手心出汗嘅我諗一定係話事牌。
如圖擴音機推喇叭出聲再用mic收錄。
最後修改時間: 2024-02-11 22:48:32 - #1042 [DY2036], 24-02-10 20:21
有時一班人圍埋一齊打衛生麻雀,又唔使講到好似古裝片噉大家互相廝殺咁血腥嘅。不過有時都真係比較邪門,好運起上嚟你自己都唔信但係衰起上嚟真係雞糊都冇鋪食。
如圖擴音機推喇叭出聲再用mic收錄。
最後修改時間: 2024-02-10 20:22:19 - #1041 [DY2036], 24-02-10 00:15
新年流流好多好耐冇聚嘅親戚都相聚一起,咁多人喺埋個狹窄嘅空間裏面,你眼望我眼除咗有啲睇電視玩手機之外,自然其他人要搵啲活動玩舒展下身心。
如圖擴音機推喇叭出聲再用mic收錄。
最後修改時間: 2024-02-10 00:16:01 - #1040 [DY2036], 24-02-09 21:43
年卅晚歌神唱嘅神曲,每年都必定要播一播否則就好似缺少咗一啲唔知乜嘢渾身唔舒服。
如圖擴音機推喇叭出聲再用mic收錄。
最後修改時間: 2024-02-09 21:45:26 - #1039 [DY2036], 24-02-09 21:34
上個禮拜買咗啲百合花,估唔到未過年今日已經開得相當燦爛。 - #1038 [DY2036], 24-02-08 21:43
我諗過年多家庭都會買啲花返屋企,呢隻花都好熱門因為佢開花嗰陣時會令到成間屋都有一陣香氣。
如圖擴音機推喇叭出聲再用mic收錄。
最後修改時間: 2024-02-08 21:44:51 - #1037 [DY2036], 24-02-08 00:37
講到茉莉花呢隻合唱歌必然要播,呢個版本係經過擴音最後一次改良(V2)之後近期翻錄。
如圖擴音機推喇叭出聲再用mic收錄。
最後修改時間: 2024-02-08 00:38:40 - #1036 [DY2036], 24-02-06 18:56
呢個世界好奇怪,當我哋開始知道用單一頻率(1KHz)測試出嚟嘅數據唔能夠代表器材嘅整體表現嘅時候,有師兄就話用單一頻率測試出嚟嘅FFT就可以睇到器材本身嘅質素? 因為呢輪騙案比較多,當堂令我腦裏面充滿懷疑嘅問號。
如果我哋淨係睇主波到第七個諧波(比較強):
1. 係咪用任何頻率都得出相同幅度嘅FFT數據,
2. 如果唔係噉我應該睇邊個頻率作準,
3. 二次諧波(或者偶次諧波)比較大聲會比較厚,噉究竟要幾大(相對主波-XdB),
4. 如果呢個二次諧波幅度不斷加大,會唔會適得其反噉個聲又會變成點樣。
5. 奇次諧波會導致聲音尖削,噉應該細到幾多先至合適。
我求知若渴希望有高人能夠解答我呢啲無聊嘅問題。
最後修改時間: 2024-02-06 18:57:33 - #1035 [DY2036], 24-02-06 00:37
- #1034 [DY2036], 24-02-05 21:07
膽機論壇嗰邊真係越嚟越精彩。
不過我諗嚟得呢度發噏瘋嘅師兄大多數都唔係科研人員,識得用個sig. gen.同埋示波器已經唔錯。其實好多音響產品最終都係用聆聽去落實,儀器只係輔助。因為數字幾靚都好,最終都係要發聲如果佢出嚟嘅聲唔得噉又有乜意思。但係好多師兄響改良設備嘅時候冇好認真去用儀器vs聆聽作紀錄(即係好似嗰位師兄講噉嘅波形其實係乜聲噉嘅波形又係乜聲),如果製作時冇認真紀錄噉就變成咗搞咗一大輪最後好似負碌搞掂,可能佢自己問返自己乜嘢原因一時三刻都未必諗到出嚟。
不過無論理論派又好,儀器派又好又或者實聽派又好,如果自作膽機輸出牛可以做到#3485下面幅圖,我絕對相信輸出聲效唔會差。好似我研發嗰條信號線一樣,每次改動之前都一定有理論輔助(前人或者自己),先有預期嘅效果然後再製作之後再作比較肯定結果。就係噉樣重複十幾次之後,而家已經去到改無可改嘅地步,因為再諗唔到有任何理論繼續去改進。
最後修改時間: 2024-02-05 21:08:07 - #1033 [DY2036], 24-02-04 14:12
今個禮拜初去行山由寶蓮寺行去東湧,今次有充足嘅準備帶埋一支強力電筒兼且點零鐘就已經響寶蓮寺出發。一路行去到手機發射站即係可以望到東湧嗰個位置,時間約莫三点鐘咁上下。望落去好似只係一條極長嘅石級一路去到山腳,不過行起上嚟呢條石級好似落極都落唔完,終於落到去之後腳都軟埋。不過不可思議嘅事就發生咗。
因為響好多年前行呢條棧道嘅時候,因為比較輕敵兼且沿途停留過長時間喺度拍照,去到呢個手機發射站已經去到差不多五點多。但係響嗰度望落去似乎覺得半個鐘頭已經可以落到去,但唔知點解開頭以為係一條石級直落到山腳,行下行下去到中途似乎條路變咗之字形不斷往左右行,兼且兩邊啲樹同草高過個人基本上你係睇唔到出面嘅環境。天基本上越嚟越黑,我同太座只可以憑些少透過嚟嘅光睇到條路。當時大家嘅心情非常凝重只係不斷加快步伐往前行,但係唔知點解條路往左右就好長向下就唔係好多,就係噉樣行下行下都唔知咩時間突然間沖咗出樹林行到落石屎路。呢個時候再望返個天基本上都接近黑齊,心裏面大呼好彩如果天黑齊手裏又冇電筒我都唔知點算。
呢個係上次行呢條棧道嘅經歷,所以每次提起我太座都猶有餘悸。不過今次行完大家都驚覺點解條路係直落而唔係之字型往下,其實我行嗰陣時都特別留意幾時會打橫行,但係我並未發覺有一條打橫行嘅支路。呢個現象又令我諗起一個問題,呢條之字型山路究竟存唔存在?
如果我同我太座嘅記憶無錯,即是話呢條之字型山路我哋係經歷過噉點解而家唔見咗,呢個會唔會係咪平行宇宙嘅現象。又或者如果呢條之字型山路根本從來冇存在過,噉之前我哋行嗰條係乜嘢路,唔通入咗結界? 並且多得神靈保佑響天黑之前行咗出嚟。我諗呢個都係不解之謎。
最後修改時間: 2024-02-04 14:14:36 - #1032 [DY2036], 24-02-02 21:13
一連聽左幾隻用花做歌名嘅歌,噉不如聽返一隻用草做歌名嘅歌。
如圖擴音機推喇叭出聲再用mic收錄。
最後修改時間: 2024-02-02 21:13:52 - #1031 [DY2036], 24-02-01 23:18
用花草樹木做歌名嘅歌真係好多,噉究竟邊個歌手唱得比較多,一時間都好難講實係邊個。不過以我嘅印象羅記有隻碟全隻碟都係以花做歌名,創咗先河暫時後無來者。不過今次唔係播佢啲隻歌,先播一啲少眾嘅歌。
如圖擴音機推喇叭出聲再用mic收錄。
最後修改時間: 2024-02-01 23:18:40 - 下一頁 (4 of 56)
- 返回 ...
講錢嘅歌我諗霑叔呢隻可能比許氏兄弟嗰啲更早。
歌詞裏面有這兩句:
1. 「冇銀紙,乞人憎,親朋戚友冚唪唥匿埋怕到震。」,我諗噉樣講又比較誇張咗啲,但係如果有個親戚時時都走嚟借錢,而你環境亦都唔係太好噉樣都唔好話唔煩。
2. 「偷呃拐騙箍頸打劫就話唔好,否則銀紙豈可不搵。」,只要係正財噉點解唔搵。
如圖擴音機推喇叭出聲再用mic收錄。
最後修改時間: 2024-02-13 21:36:28