- #1067 [DY2036], 24-03-01 22:49
- #1066 [DY2036], 24-02-28 23:23
音響玄學:
當然如果係低檔啲音響,使用者但求有聲音質好過FM基本上都收貨。但當器材級數一路向上,佢啲價位就好似Log function一樣幾何級數上昇,銀蛋唔係咁足嘅發燒友唔可以隨意換機及升級,咁唯有尋求其它方法嘗試改善器材嘅表現。市場自然就會顯伸咗好多呢類嘅產品,有好多係講咗一啲似是而非嘅道理,當然冇乜嘢數據分析和提供。另一啲講出一啲基本原理似乎會令到100個人有99個都相信,不過都係嗰句音響係要攞嚟聽唔係攞嚟睇,最終都要套上自己套器材到先至知道有冇料到。當然呢件嘢可能響你嗰套器材冇乜效果,但係並不等於響其他師兄套系統裏面冇效,呢個就係依類產品玄妙之處。
講返呢隻USB data isolator,當然佢嘅原理同埋示波器顯示出嚟嘅波形都突出咗佢呢集產品嘅除雜訊嘅能力。加上網上其他品牌都有類似嘅產品亦有唔少好評,其實呢個氛圍就已經某程度上會作自我嘅催眠。套用上去之後聲音有某啲地方某程度嘅改變,噉嘅情況下好容易自我意識放大咗佢好似好嘅地方而抑制咗佢帶來嘅壞處。所以無論更換器材或者更換配件都好,你一定要好清楚你追求嘅係乜嘢音色或者音效,每次只可以改變一件配件否則你永遠搞唔清楚發生乜嘢事。再加上一定要重複比較自己熟識嘅多類型音樂,如果全部都係正面嘅話噉自然呢個改變係正確。否則如果你淨係聽某一類型音樂,咁樣極大可能會走入咗一個死衚衕裏面,一聽其他音樂就會發覺音效麻麻,整套器材表現唔得全面。 - #1065 [DY2036], 24-02-27 23:36
以下呢兩句說話我哋成日講或者成日聽到人哋講:
第一句就係:「百尺竿頭,更進一步。」
第二句就係:「逆水行舟,不進則退。」
第一句就好簡單即係鼓勵人哋繼續進步,不過前提係如果嗰個人不嬲成績都係一般,要進步當然唔係一個難事衹要勤力一啲就得喇。但係如果佢成績已經非常好,要再進一步個難度相對就會大好多。
第二句都係差唔多嘅說話,即係你唔進步人哋個個上曬去你就變相退步咗。
其實響音響嘅範疇呢兩句都適用,永遠都希望自己套野可以再進一步。所以羅友恒去咗淘記淘咗一隻USB data isolator,試一試睇下對音效會唔會有正面嘅效果。我同一時間錄咗兩隻歌,一隻係用現有嘅setup聆聽,另一隻加咗USB data isolator。不如你講俾我聽你鍾意邊隻嘅錄音(A or B),不過要留意唔知點解A嗰個錄音嘅電平係細少少嘅(頭嗰度有少少噪音),為公平起見要較大一格先作比較。
A (如圖擴音機推喇叭出聲再用mic收錄。)
B (如圖擴音機推喇叭出聲再用mic收錄。)
最後修改時間: 2024-02-27 23:39:25 -
- #1064 [DY2036], 24-02-25 23:10
今次呢首有個花嘅歌名原來現實世界係冇呢種花,祇不過係電影嘅戲名嚟。
如圖擴音機推喇叭出聲再用mic收錄。
最後修改時間: 2024-02-25 23:11:49 - #1063 [DY2036], 24-02-24 19:19
音響去到極致,半隻腳已經踏入咗玄學(即係好似日本某隻知名音響牌子咁樣,佢啲機裏面好多嘢都鬆鬆動動顛覆你嘅認知)。當然響中文嚟講,「玄」好似唔係太科學,其實當人解釋唔到某啲現象時,就會覺得神奇甚至神怪。人類歷史上面好多開頭解釋唔到嘢(例如煉丹 - 化學),最後都可以用科學作解釋。
其實有啲師兄成日叫人提供測試儀器嘅數據先可以確認某種現狀,我反而覺得科學本身最基本嘅定義就係可預測性和可重複性,即係話衹要你跟住某個程序去做就會得到預期嘅結果。所以未必需要提供一啲儀器上嘅測量數據先至定性為科學。
其中一個比較突出嘅例子就係量子糾纏,現今科學家研究嘅焦點已轉至應用性階段,即在通訊、計算機領域的用途。然而,物理學者仍舊不清楚量子糾纏的基礎機制。 - #1062 [DY2036], 24-02-23 20:41
- #1061 [DY2036], 24-02-22 22:48
能夠熬得過冰天雪地植物,通常啲葉都唔係一片片而係尖嘅。噉就輪到呢位歌手出場,講講呢種植物點樣可以捱過冰天雪地嘅煎熬。
如圖擴音機推喇叭出聲再用mic收錄。
最後修改時間: 2024-02-22 22:49:34 - #1060 [DY2036], 24-02-22 22:00
近期發生咗兩件事,一件唔係咁開心但另一件係開心嘅事。或者先講咗唔開心個件事先,陪伴咗我差唔多20年嘅電腦顯示器在極潮濕嘅天氣之下終於拒絕工作。開心嘅事就係終於可以換一部1080p嘅電腦顯示屏,因為外框變細咗而喇叭仔外露嘅面積大咗聲應該會更加好。
最後修改時間: 2024-02-22 22:03:59 - #1059 [DY2036], 24-02-18 20:51
- #1058 [DY2036], 24-02-18 15:28
呢部機係完全解決咗市面上大多數音響設計出現嘅問題:
1.呢間公司完全明白乜嘢叫做聲道串擾呢個問題。
2.如此之外張輸入信號同地一齊切斷,張輸入干擾斷絕。
最後修改時間: 2024-02-18 15:41:26 - #1057 [DY2036], 24-02-18 11:26
過年除咗啲傳統嘅水仙花受歡迎之外,七彩繽紛嘅百合亦都漸漸受更多人嘅喜歡包括我。
如圖擴音機推喇叭出聲再用mic收錄。
最後修改時間: 2024-02-18 11:27:41 - #1056 [DY2036], 24-02-18 08:48
今日響屋企食咗一個簡單嘅早餐,一杯鬼佬涼茶加一件隔夜麵包。但係麵包我通常會有特別嘅處理,先用微波爐800W叮佢20-30秒(視乎麵包大細同密度,天氣冷熱都有關係),之後擺入光波爐250℃烤佢約莫三分鐘。之後出爐嘅麵包口感非常接近麵包舖新鮮出爐嘅狀態,其實最後屘烤嗰個過程仲有一個重要嘅功能就係殺菌消毒,因為都唔係第一次見到有啲會飛嘅物體響麵包鋪裏面啲麵包走嚟走去。
最後修改時間: 2024-02-18 08:49:43 - #1055 [DY2036], 24-02-16 22:27
好又返返去大自然講返啲花先,飲醉酒嘅人我哋通常叫佢做醉酒佬,飲完酒耍功夫就叫醉拳,噉唔知呢個世界上有冇醉花呢?
如圖擴音機推喇叭出聲再用mic收錄。
最後修改時間: 2024-02-16 22:28:54 - #1054 [DY2036], 24-02-15 23:18
廣東話成日聽到人哋講:「一千幾百如同垃圾。」,不過講得出口嗰啲人通常都唔係有錢佬,係英文「Money for nothing.」都有類似嘅意思。好似呢對樂隊噉當然講出嚟就好豪,實際當然唔係視錢財如糞土,恰恰相反就係因為呢隻歌或者呢隻碟令到佢財源廣進。
如圖擴音機推喇叭出聲再用mic收錄。
最後修改時間: 2024-02-15 23:20:04 - #1053 [DY2036], 24-02-15 12:55
以今時今日嘅衛生角度去睇,似乎好多人特別後生嗰一輩都未必接受得到。但係專程嚟買嘅人就絕對唔會介意佢呢啲傳統製造嘅方法。
最後修改時間: 2024-02-15 12:56:00 - #1052 [DY2036], 24-02-14 21:38
中國人呢個族群特別勤力我諗全世界都認同,係咪就係噉様認定中國人就係發錢寒。我諗又唔可以噉講,祇不過中國人有積穀防饑呢個概念,再加上希望可以搵多啲錢改善一家人生活或者可以畀多啲資源小朋友。你知道而家小朋友又話要學英文、學音樂、又有興趣班再加上遊學團在在都所費不菲,唔努力啲又點應付呢。如果唔生仔嗰啲可能就好似啲廣告噉講:「Work hard, play hard.」,賺多啲出去玩嘅時候就使盡的。
當然個個都有發白日夢嘅時候,都希望中個六合彩頭獎發筆橫財一夜暴富。不過如果係男嘅除咗發橫財之外就只可以憑一雙手。至於女哩,以前響公司嗰度大家吹開水嘅時候都講千祈唔好得罪啲女性,點解...因為佢分分鐘有一日變咗你嘅事頭婆。因為女性要發圍比男性多一個途徑,就係嫁個有錢人。
中國人特別發錢寒? 不過呢隻英文歌我諗在我讀中學嗰陣時已經唱到街知巷聞。
如圖擴音機推喇叭出聲再用mic收錄。
最後修改時間: 2024-02-14 21:42:00 - #1051 [DY2036], 24-02-14 14:23
啲人講人哋潛水,即係失蹤咗唔知去咗邊,但係呢條橋行行下一定要潛水過去對面人工島。飛機向呢個方向飛唔係去搵麻九煩,而係一飛沖天我都唔知佢飛去邊。
最後修改時間: 2024-02-14 14:24:09 - #1050 [DY2036], 24-02-13 21:35
講錢嘅歌我諗霑叔呢隻可能比許氏兄弟嗰啲更早。
歌詞裏面有這兩句:
1. 「冇銀紙,乞人憎,親朋戚友冚唪唥匿埋怕到震。」,我諗噉樣講又比較誇張咗啲,但係如果有個親戚時時都走嚟借錢,而你環境亦都唔係太好噉樣都唔好話唔煩。
2. 「偷呃拐騙箍頸打劫就話唔好,否則銀紙豈可不搵。」,只要係正財噉點解唔搵。
如圖擴音機推喇叭出聲再用mic收錄。
最後修改時間: 2024-02-13 21:36:28 - #1049 [DY2036], 24-02-13 19:40
其實無論係呢個社會、國家或者呢個世界都有好多古靈精怪現場,甚至人性嘅轉變都可能因為呢個字。
如圖擴音機推喇叭出聲再用mic收錄。
最後修改時間: 2024-02-13 19:40:59 - #1048 [DY2036], 24-02-13 13:17
五拾文祈個福,當然摣住個寶碟大大力掟上去啦,但係見到跌返落嚟喎,心裏諗唔係吖...即刻嗱嗱臨走去執,一睇竟然係人哋嘅寶碟。即刻令我諗起祈福可能都有限額唔係無限,不過今次等價交易係我祈咗福不過要將人哋個祈福打咗落嚟。善哉...善哉。
最後修改時間: 2024-02-13 13:17:15 - 下一頁 (3 of 56)
- 返回 ...
山寨好多時就係形容大陸一啲冒牌貨,當然好多大陸歌手起初都係翻唱一啲知名歌手嘅歌(特別係已故),兼且會模仿佢嘅唱腔最終慢慢為人熟悉。不過就算個唱腔點似都好,但係個音韻係學唔到特別係音與音之間嘅轉調,呢個可能同每個人嘅硬件有關。
即係好耐之前響旺角一間唱碟鋪門口經過,聽到佢播緊一首鄧麗君嘅歌。當然我聽佢唱兩句就已經知道呢個唔係原唱,但我佩服佢唱得都相當神似。就響呢個時間有個年紀大過我嘅阿伯就行出嚟,不斷喺度講:「一啲都唔似。」,What??? 果然係die hard fans。反而另一歌手呀潔麗小姐佢之前都係主打唱鄧小姐嘅歌,不過主要都用返自己嘅唱歌技巧同風格,似乎都係一條成功之路最起碼唔使活響人哋嘅陰影之下。
好...講返花嘅題目,女人最怕男人就係拈花惹草,所以佢最想就係點呢隻歌畀佢旁邊嘅男人聽等佢警惕一下。呢把聲唔係鄧小姐最近榜嗰把聲,個高音仲係比較尖尖地嗰陣時嘅錄音。
如圖擴音機推喇叭出聲再用mic收錄。
最後修改時間: 2024-03-01 22:49:49