- #1151 [DY2036], 24-07-01 07:55
- #1150 [DY2036], 24-07-01 07:48
後生嗰陣時公一份婆一份兩個都要出去打工,有咗小朋友自然要畀爸爸媽媽去湊,當時屋企距離爸爸媽媽住嘅地方超過一個鐘頭嘅車程,所以都係每個星期湊返個小朋友返嚟一齊生活加上教下佢啲功課上嘅問題。當然如果有啲人住嘅地方距離父母親好近嘅話,噉可能會晚晚都會上去食餐飯順便睇下小朋友功課。我諗呢種生活正正係大多數香港人嘅寫照,直至有個女人出現打破咗大多數家庭嘅生活習慣,呢個唔係大陸嘅二奶...佢係菲傭。自從有咗菲傭之後小朋友就可以留返喺屋企方便家長去親自管教,可能以前晚晚上去爸爸媽媽屋企食飯變成每個禮拜甚至每個月先至探一探爸爸媽媽。
但係自從疫情過後,唔知點解有幾十萬人開始習慣日日返去或者起碼每個禮拜返去食飯呢個習慣。當然佢哋唔係返窮辭退咗菲傭將個小朋友擺返響父母嗰度,而係佢哋真係返咗母親嘅懷抱吃喝玩樂玩得唔知幾開心。以前成日聽啲人講架仔角係佢哋個第二個家鄉,所以佢哋一有假期就會飛過去幾日,有啲比較誇張就一年可能飛過去幾次,但係同日日或者每個禮拜過去比較根本唔係同一個層次。 - #1149 [DY2036], 24-06-30 20:42
踢波規則我諗大家都明白,除咗對手之外膊頭、胸口、背脊和腳嘅任何地方都可以接觸個波。噉如果用細佬去踢個波又得唔得? 小弟今日就已經試過兼且射中個波入咗龍門。 -
- #1148 [DY2036], 24-06-29 00:46
香港地啲小朋友除咗學鋼琴之外,第二種最受歡迎嘅樂器我諗應該佢。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-06-29 00:47:23 - #1147 [DY2036], 24-06-26 23:41
呢種樂器當然係用口吹,吹得過癮梗係會吹到濕曬,當然唔係吹簫萍嗰種吹法。因為當個男人特別係啲西人裸露上身露出六嚿腹肌,著住條吊帶褲跟住摣住支樂器一路吹一路擺上擺下擺左擺右,我諗就已經睇到啲女士眉飛色舞,高潮一浪高過一浪。噉究竟呢種係乜嘢樂器呢...佢就係sex...瘋,好似串錯字唉不過唔緊要。呢支嘢一吹起,啲女當堂冧曬加上個名簡直就有好多想像嘅空間。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-06-26 23:41:46 - #1146 [DY2036], 24-06-26 16:54
當然有買家居保險買嘅原因就係貪佢裏面有份相當高額嘅第三者保險,現時每月供款都過100文買咗幾十年,我相信現時嘅保額都應該足夠。
最後修改時間: 2024-06-26 17:04:20 - #1145 [mcc2018], 24-06-26 10:39師兄,這情況也屬於工傷,工友到醫院求診,醫護人員有機會上報勞工處,這類小型工程如果涉及高空工作,屋主也有其責任的,最好考慮一下保險的問題,尤其第三保,以求安心!
- #1144 [DY2036], 24-06-25 23:18
終於室內溫度由31度降返到25度,可以舒舒服服過返個夏天。不過係安裝過程中出現咗啲意外,個師傅仔唔小心鎅親咗隻手,其實都頗嚴重。但係佢哋都係止咗血搽咗火酒黐咗藥水膠布後繼續開工,完成咗呢單柯打之後先去醫院再做詳細檢查,相當敬業樂業。其實安裝冷氣都係一項相當辛苦嘅工作,睇佢哋大汗搭細汗出曬全身之力去鎅塊玻璃出嚟,但係因為塊玻璃實在太長,隻手伸到盡都掂唔到最遠嗰邊。就係噉樣苦鬥咗半個鐘頭之後,雙方合作出咗少少錯誤就導致鎅親手指當時小師傅大嗌一聲,我目睹一切仲擔心佢隻手指會唔會斷咗,一時間心情起伏得比較厲害有啲想作嘔見暈嘅感覺,好彩坐低得快趴低個頭並作深呼吸終於穩定咗情緒。好在最終小師傅都止到血隻手仍然健在不過兩隻手指有好深嘅鎅口,希望佢只係皮肉之傷冇乜大礙,以後工作要小心啲。
講真我都樂意見到而家啲後生仔肯腳踏實地做一啲咁辛苦工作,不過都希望佢繼續進修就算最終留返響呢行都應該向做老闆嘅目標進發。而家買部冷氣都唔平,唔計部冷氣機嘅價錢淨係講安裝費超過3600文,不過安裝完之後我都畀咗張二哥佢哋當係對佢哋小小嘅鼓勵。
不如轉個話題畀個謎語大家估下,知唔知乜嘢樂器可以撩起女性嘅性慾?
最後修改時間: 2024-06-25 23:19:59 - #1143 [bigleung], 24-06-25 08:17#1141
這個情況我以為疫情時才會發生,估唔到而家都係咁,唔怪之得咁多人轉用大陸機啦! - #1142 [DY2036], 24-06-25 01:23
有時人就真係比較衰格,當擁有嘅時候就唔去珍惜但當失去嘅時候又好想再擁有,不過感情一旦逝去就好難挽回。
父親節剛剛過咗,希望現時父親還健在嘅或者做父親有小孩嘅,都相聚在一起慶祝呢一日,千祈唔好好似古仔嗰隻歌噉愛得太遲。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-06-25 01:25:58 - #1141 [DY2036], 24-06-24 22:49
5月6號落單今日先開始送貨,如果係其它產品可能問題都不大,但偏偏呢部係廳嘅分體冷氣機,太陽都去到地球66 2/3度呢個位置,你就可以想像響屋裏面會有幾熱。
落單嗰陣時呢間電商舖頭已經講明2月份有兩張單仲未送貨,皆因呢間廠根本冇任何回復。但係我實在俾佢嘅功能同埋價錢所吸引,心諗唔會過咗夏天先送嚟啩,就係噉樣full payment,之後就好似蔡琴嗰隻歌噉樣只可以癡癡地等。偶然講返呢件事比一個承判商聽,佢即刻幫我查下有冇貨,果然香港係攞唔到貨。最慘佢講左個例子畀我聽直情嚇我一跳,佢話呢個牌子佢之前試過訂過一隻model,足足等咗一年先送貨。唔係化...真係屙哩吉弟即將脫離火燒嘅感覺。 - #1140 [DY2036], 24-06-23 21:20
之前講過如果讀中學嘅時候的男生走去學吉他,大多數都係未必咁神心鍾意音樂,可能懷有另外更大嘅目的。唔係淨係我噉講嘅,校長都認同。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-06-23 21:21:40 - #1139 [DY2036], 24-06-23 01:42
其實我之前都講過信號線嘅作用同埋會影響佢性能嘅因素如下(point 10 & 11同訊號線無關):
#930 [DY2036], 23-10-26 14:05
信號線嘅作用就係連接兩部機,從而將信號由一部機傳送去另外一部機,理論上佢只需要做好呢個簡單動作冇加冇減就完工。響電工佬同物理學家眼中呢個係一個萬無一失唔會出錯嘅動作,但係響音響發燒友嚟講呢個係Mission Impossible嘅任務,對整套器材最終嘅音質有舉足輕重嘅作用。逢係資深嘅發燒友都知信號線會改變音色,各別廠家都有自家獨特嘅音色,講真唔同音色就代表唔同嘅失真。
噉其實當訊號響訊號線傳輸嘅時候究竟有乜嘢會影響到佢原先嘅狀態? 我諗到有以下幾樣:
1. 電阻 (Resistance)
2. 電感 (Inductance)
3. 寄生電容(Parasitic Capacitance)
4. 導電材料嘅雜質(Purity)
5. 互感(Mutual Inductance)
6. 集膚效應(Skin Effect)
7. 震動(裏面同外面)(Vibration)
8. 靜電(Static Charge)
9. 外來高頻干擾(RF/EMI)
10. 機與機之間地電位有電壓差(AC or DC)導致出現漏電電流(Leakage Current)流經信號迴路。
11. 左右聲道地電路互相連通導致部分迴路電流經過對方聲道才流回信號源,最終導致聲道串擾問題(Channel Interference)。
12. 信號線+/-阻抗不一樣,導致接收端信號隨頻率而變化。以上各項都對訊號產生壞嘅影響,當然有的比較嚴重有啲會比較輕微,但樣樣加加埋埋就會產生嚴重影響。
現今出名信號線嘅製造商出嘅信號線似乎都只係針對上面某幾樣問題作改良,例如有啲針對線嘅分佈電容,有啲針對集膚效應,有啲針對屏蔽或者震蕩...等等。當然我都花費唔起買頂級線嘅費用,噉唯有基於信號線出現嘅問題自己去嘗試針對以上問題自己DIY信號線,經過好多次嘅嘗試最終定型咗兩對線,一對線芯係用咗7n銅,另一對線芯用咗Duelund油浸線。而家用緊並作錄音嗰對線係7n銅,至於Duelund線芯嘅聲底係點樣呢? 基本上都係超高分析力,但係比起嗰條7n銅都係起碼爭咗一兩班。不過佢就相對柔一啲,對聽開LP或者玩開膽嘅師兄,似乎比較接受Duelund呢一對線多啲。
最後修改時間: 2024-06-23 01:46:10 - #1138 [DY2036], 24-06-21 17:56
今期音響雜誌有兩篇文章,其中一篇講喇叭廠商另外一篇講信號線。喇叭廠商強調聲箱嘅震動會將呢啲微弱信息疊加響喇叭音盤上導致原訊號疊加咗其他干擾信號,呢啲唔屬於原音樂嘅信號就算最終美化咗嗰整體音質,但係對於追求完美嘅廠商係不能容忍。呢個令我想起好多時有啲擴音機或者信號線有強烈品牌嘅獨特音色,只可以講依類失真你喜歡就鍾意唔喜歡就嫌棄。
另外一篇講訊號線嘅文章,佢嘅觀點同我之前講雙絞線嘅問題基本一致,兩條線互相纏繞基本上增加咗每條線嘅電感量(對比平行線),互相緊密纏繞亦都增大咗分佈電容,如果再響雙絞線外加網線分佈電容進一步增大。所以我都係強調平行線係最好嘅解決方案,當然每條平行線都需要分開一定距離加上適當嘅處理同屏蔽。雖然最慳資源和付出最少金錢而能夠抗干擾嘅最佳方法就係雙絞線,不過要犧牲音質和高頻。平行線唔係唔得祇不過佢嘅設計相對會複雜啲成本亦都會貴好多,但係而家知名嗰啲信號線動不動都過萬元,所以如果廠商用最簡單嘅設計收最昂貴嘅價錢我覺得有啲那個。
最後修改時間: 2024-06-21 17:57:15 - #1137 [bigleung], 24-06-20 20:53>>可以幫我買盒飯
响沙田都遇過! - #1136 [DY2036], 24-06-20 20:31
同一位歌手其實仲有一首歌同吉他有關,不過當我用呢個歌名「午夜吉他」喺網上搜索嘅時候竟然發現呢首唔係粵語歌而係國語歌,奇就奇在我明明聽過佢用相同嘅音樂唱過一首粵語歌,噉究竟呢首歌叫做乜嘢名? 最後屘發覺原來佢係電臺廣播劇(午夜吉他)嘅插曲,雖然歌曲相同但係歌詞已經不一樣名稱都不一樣。
如圖擴音機推喇叭出聲再用mic收錄。
最後修改時間: 2024-06-20 20:32:29 - #1135 [DY2036], 24-06-20 14:32
騙徒嘅手法層出不窮,有一日我響屋苑範圍正要行出欄桿去公眾行人路之際,正值當時有五六個人正響行人路經過迎面而來,當中有一位中年女性。在此時大家有眼神接觸約莫一兩秒,我就不以為意繼續行到行人路去我要去嘅地方,就在擦身而過那一刻個中年女性返轉頭嗌住我並說:「你響嗰度出嚟呀,唔知呢度有冇飯買呢可唔可以幫我買盒飯。」。起初我以為佢問路所以停低聽聽佢講乜,點知佢講埋嗰啲問題令我個大腦即時hang機,好彩條subroutine寫得好,一出現hang機就36著走為上著,否則電視東成西就又多一單中年豬扒奪產案。
近期東成西就播放咗幾單中年豬扒奪產案件之後,似乎比咗一啲立心不良諗住零置業嘅中年豬扒一個想像嘅空間,原來置業係可以唔使錢(有如外國零元購),不過發功嘅對象一定係有樓嘅孤獨老人,所以我終於明白點解佢第一句就係問你係咪響嗰度出嚟。
最後修改時間: 2024-06-20 14:39:11 - #1134 [bigleung], 24-06-19 21:34借位一用
各位北區友
可能我杯弓蛇影都唔定,但都想在這裏提醒一下。
今天下午5時許,我沿投注站對面天橋(有生果檔個位)哪邊行上天橋,走回彩園邨,剛上到去天橋位置,遇一中年(4-50歲)男人問路:(廣東話)請問去地鐵站從這裏下去嗎?他用"地鐵站"一詞。
我便用手指向火車站,並回答那便是上水火車站;他沒有望我的手勢指向便走下天橋,並說唔該。
好似好平常,但同類事情在上星我已遇過一次,在同一條天橋去彩園邨方向(彩蒲苑路口)另一個中年(4-50歲)男人問路:(廣東話)請問投注站點去,我在上水兜了成個鐘頭都揾唔到!
我心裏奇怪;兜了成個鐘頭都揾唔到投注站! 又唔早d問人?!
我便教他要行上天橋過了火車軌位置,轉左落樓梯便見到;又用手勢指向張知行大厦哪邊,說那便是投注站方向;
奇怪他只聽我說,沒有望我的手勢指向便走了天橋,並說唔該,再加多句普通話’謝謝’。
共同特點:
1. 問路
2. 中年(4-50歲)男人
3. 沒有望我的手勢指向,問完便走了
4. 沒有行理跟身
5. 强國人、雙語、衣著也算整齊 - #1133 [DY2036], 24-06-17 08:12
鋼琴梗係多人學,不過我後生嗰陣時我諗最多人學都係吉他,可能因為結他價錢相對比較平又比較容易學,好多時啲校園電視劇裏面個男主角都會彈下吉他冧下女。
希望大家都唔係孤獨老人。
如圖擴音機推喇叭出聲再用mic收錄。
最後修改時間: 2024-06-17 08:12:45 - #1132 [DY2036], 24-06-17 06:45
昨日係父親節亦都係國際龍舟錦標賽,適逢剛剛去尖東食午飯,就睇到呢個盛會。每隊參賽隊伍都扮到鬼咁馬鹿,有啲無論男女都扮成春麗噉樣,香港隊就扮小丑個個戴上彩色假髮。
政府講今年有幾百個盛會,我覺得有啲都係夾硬加上去,反而端午節政府真係搞得幾熱鬧,加上天公造美。講你都唔信響度活咗超過半個世紀,竟然冇響現場睇過人哋扒龍舟,今次係我第一次去尖東現場睇人爬龍舟。
最後修改時間: 2024-06-17 06:48:42 - 下一頁 (3 of 60)
- 返回 ...
激動嘅一刻。