- #1171 [bigleung], 24-07-18 08:19
- #1170 [DY2036], 24-07-17 23:59
呢隊出名英國band,佢玩嘅音樂基本上都唔係我杯茶,所以我從來都冇買過佢啲碟。佢再次喚起我嘅記憶就係佢嗰套傳奇式電影裏面大型戶外演唱會嗰一幕,無論影像或者音效都好有衝擊感。直至今年奧運會就快到喇,我又惗起佢哩隊band其中一隻歌,跟住響網裏面搜尋發覺其他網站有師兄放呢隊band嘅其中一隻日版精選碟,佢放嘅價錢實在太吸引喇30幾文,所以我即刻聯絡事主並且成交。隻碟除左碟套花啲之外,基本同新嘅冇乜分別一啲花痕都冇,佢係1994年東芝出品應該係第一版,呢個價值實在太值。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-18 00:01:32 - #1169 [DY2036], 24-07-15 19:31
人人期望可達到 我的快樂比天高
人人如意開心歡笑 跳進美夢尋獲美好...
最後修改時間: 2024-07-15 19:32:27 -
- #1168 [DY2036], 24-07-15 16:08
有時真係盡信書不如無書,之前設計嗰部20W冇負回輸放大器,模擬頻寬嗰幅圖可以去到3MHz,其實如果真係入返個3MHz輸入訊號,輸出訊號已經嚴重變形。實際測量當輸入300KHz時輸出波形都算正常,但去到500KHz已經有明顯嘅失真。
Input 300KHz
Input 500KHz
最後修改時間: 2024-07-15 16:09:39 - #1167 [DY2036], 24-07-15 00:47...
最後修改時間: 2024-07-15 00:54:29 - #1166 [DY2036], 24-07-14 21:37
國際奧委會在《奧林匹克憲章》中「奧林匹克主義的原則」條款中有這樣一段話:「每一個人都應享有從事體育運動的可能性,而不受任何形式的歧視,並體現相互理解、 友誼、團結和公平競爭的奧林匹克精神」。 也稱現代奧林匹克精神。
以前每個國家為咗爭奪奧運舉辦權都會出盡全國之力,不過自從經過幾次金融風暴,每個國家特別西方國家嘅經濟已經大不如前,噉樣呢啲原本競技活動就更加商業化。國家選手攞到獎牌不但系國家嘅榮耀,對個人嚟講亦都帶來不菲嘅財富,基於咁樣嘅背景之下出貓自然係正常不過。不過藥檢係由西方去制定,自然其他國家使用違禁藥品就一定捉到出嚟,佢哋呢...當然有辦法因為佢哋知道幾時用藥幾時唔用藥就可以避開藥檢。使用禁藥催谷運動員大多數情況之下都係國家嘅行為,至於比賽途中為咗獎牌而使用啲邋渣嘅行為好多時呢個就係運動員個人或者團隊嘅行為。你睇下泡菜國嗰啲下流邋渣手段,真係令到全世界都譁然,並多次取消佢哋得獎資格。
不過當今世界仲有幾多人記得起奧林匹克成立嘅初衷,咁多國家聚埋一齊參與一個競技活動,當然唔係每個國家都諗住攞到金牌,因為每個項目金牌衹係得一個。大多數國家都衹是希望得到其他國家嘅認同,促進大家互相瞭解並增進友誼最終都係希望和平共處。可惜奧運會而家不但更加商業化,仲更加政治化。乜嘢不受任何形式的歧視,相互理解、 友誼、團結和公平競爭...已經被西方國家拋諸腦後,連貓貓狗狗都可以係制裁,現今距離和平真係相當遙遠。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-14 21:41:17 - #1165 [DY2036], 24-07-14 17:13
美國嘅反恐狙擊手果然厲害,佢要等到槍手打完六槍之後才一槍結束狙擊手條命(留意開槍前或開槍後佢支槍嘅方向都冇變過)。其實呢啲系小學雞嘅常識,基本上最高嘅制高點必須要有警員把守,因為呢啲關鍵嘅地方可以俯視曬周圍所有環境。 - #1164 [DY2036], 24-07-13 20:24
過多十幾日就奧運開幕日,我記得細個嗰陣時無論係世界盃或者奧運,全港市民都會齊聚響電視機前面觀看。自從有咗有線電視或者其他電視臺加入競爭之後,大家都去抌錢爭奪播映權,從此之後祇有肯畀錢嘅人先可以睇到呢啲盛事,整下整下香港人開始對體育節目或者呢啲盛事變得冷淡。雖然我唔認同政府用公款去同私營機構爭奪乜嘢播映權,但係今次我都不得不讚賞政府做法,祇有每個人都有機會免費觀看,先可以帶起全港嘅運動氣氛。
香港係一個好細地方每個人都要為生活奔馳,所以運動祇不過係一個個人喜好嘅活動,所以從來香港都衹係一個參與者。自從珊姐響1996年攞到第一面奧運金牌,香港人開始發覺原來我哋唔衹係參賽者同時都係其中一個獎牌嘅競爭者。果然自此之後香港嘅運動員好似打咗雞血一樣,響好多嘅運動項目都開始嶄露頭角並且攞到國際大型比賽嘅獎牌。如果玩技巧好似踩單車、打桌球、玩風帆、打劍擊...等等攞到獎牌當然我會覺得驚喜,但係相比起游泳項目都可以攞到奧運獎牌呢個絕對係難以想像嘅驚喜。因為所有游泳項目響我細個嗰陣時不留都係歐美壟斷嘅項目,呢個對身形要求比較高嘅運動項目對香港人或者中國人嚟講都相對比較蝕底。就係響每個香港人都覺得冇可能嘅情況之下,竟然香港人可以響國際比賽擊敗呢啲從來都俾西方國家壟斷嘅項目並且攞到金牌,所以呢個更加係喜出望外嘅驚喜。希望我哋嘅本地運動員或者國家嘅運動員可以響呢屆奧運會攞到更好嘅成績為港為國爭光。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-13 20:26:47 - #1163 [DY2036], 24-07-13 00:56
香港個春季相對比較潮濕啲牆都會出曬水噉又唔係個個鍾意,冬天又點呢。不過對我嚟講人老咗活動機能相對都弱咗,其實就唔適宜住響太凍嘅地方,香港還可以不過有時凍起上嚟都已經好難受。我哋住北區都已經比市區凍幾度何況廣州,更唔好講係歐洲嘅地方如果畀唔起暖氣費或者電費,響負幾十度嘅情況之下好容易玩完。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-13 01:04:19 - #1162 [DY2036], 24-07-12 18:44
嘩今日個旅程都幾豐富,獎勵自己食返個豐富嘅午餐,之後搭飛機去日本睇下啲專賣店,跟住再去日本啲食市睇下有乜好食。講咗咁耐其實都係響香港尖沙咀。
最後修改時間: 2024-07-12 18:47:00 - #1161 [DY2036], 24-07-11 21:10
幾時係春天,好簡單嗻睇下月曆咪知囉,但係如果你根本冇月曆,都唔係好難嗻凍完之後開始覺得暖應該就係。不過其實係呢個虛擬世界裏面,所有生物都係根據程式去運行,有啲植物就植入左如果溫度去到幾多度超過幾多日佢就會開花(If temp>X and NumDay>y then Flower=Grow)。人見到佢開花就知道春天到咗,因為歌都有得唱啦:「XX盛放,天氣暖洋洋。」。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-11 21:12:10 - #1160 [DY2036], 24-07-09 20:59
而家夏天去到戶外每一日都好似有塊燒熱咗嘅鐵板喺你身旁,如果俾你揀一年四個季節最喜歡邊一個,我諗而家應該好少人揀夏季,特別係如果你屋企冇冷氣機或者你要長時間響戶外無遮無擋噉樣工作。
如果畀我揀秋天係最爽,以溫度嚟講春天都可以。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-09 21:01:24 - #1159 [DY2036], 24-07-09 11:03
放大器係咪一定完全冇負回輸先至係最好聲,暫時持保留態度因為我覺得我嗰部有環路負回輸嘅A類放大器都幾好聲。
不過基於冇負回輸呢個要求我都設計咗一個線路,規格如下:
OTL 20W輸出35Vp-p 功率管總靜態電流2A,
負載去到2 ohm,頻寬去到3MHz。
睇以上參數就有唔錯嘅表現,不過唔知如果砌咗出嚟音效係咪都好掂。
綠色線係電壓放大器buffer嘅輸出,紅色線係功率放大輸出。
最後修改時間: 2024-07-09 11:05:46 - #1158 [DY2036], 24-07-08 21:12
而家天氣咁熱就算企喺陰涼嘅地方都好似有個火爐響旁邊一樣,好快就成身濕曬大汗搭細汗。響呢個時候最好前面有個泳池,一嘢跳落去咋一聲當堂舒服曬。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-08 21:13:41 - #1157 [DY2036], 24-07-07 23:33
而家睇天氣新聞我諗聽得最多就係呢一句:「極端天氣」,極端天氣就自然產生極端氣候,極端氣候亦都產生極端高溫,極端高溫就會產生極端風暴。不過就算呢個風暴再大,響香港都只可以掛十號風球,呢啲係大自然威力人類無法阻擋。但係如果呢個十號風球發生響人嘅內心深處,噉就只可以用人為嘅方法去撲熄佢。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-07 23:33:46 - #1156 [DY2036], 24-07-07 20:47
既然有師兄對我嗰條DIY線有啲興趣或者我不妨都講一講條DIY線屏蔽嗰一部分嘅結構。一條單端浮起嘅導線無論係一條金屬或者係一條銅線甚至係一個圓筒形嘅網線,其實某程度上都係等同一條天線。我哋身邊佈滿大量不同嘅電磁波,當然最強嘅干擾信號一定係手機同埋屋企嘅router。變動嘅磁場經過金屬線就會產生變動嘅電流,當然變動嘅電流經過導線會進入機裏面疊加喺信號迴路從而產生干擾。嘅電流經過導線倒返轉頭亦都產生變動嘅磁場從而對旁邊嘅導線產生並感作用,呢個係另一種干擾信號。
噉點樣防止呢個干擾? 根據安培右手定則,電流流動方向向上嘅時候便會產生一個逆時針嘅旋轉磁場(Fig. A),我諗大家都知道乜嘢叫做磁生電電生磁,如果有得呢個磁場嘅出現佢就會對其他導線產生干擾信號,噉點樣抑制呢個干擾磁場。最簡單嘅做法就係以其人之道還治其人之身,產生一個相反但相同嘅電流噉自然就有相同但反向磁場抵消原本呢個干擾磁場,就如第二幅圖(Fig. B),加多層屏蔽響裏面。相同嘅電流會經外部屏蔽流到尾部再轉返去內部嘅屏蔽層,所以呢個干擾電流係一樣而產生嘅磁場亦都一樣但係相反自然會自我抵消或者減弱。但呢個世界冇完美所以殘留嘅干擾信號亦都會最終進入地端,為咗進一步抑制呢個干擾電流所以響最尾嘅地方加左磁圈先接地,理論上應該抑制越強效果越好,但係現實講畀我哋聽乜嘢叫做適可而止,過多音質受影響,太少一啲效果都冇,所以最好就係加咗磁圈之後你唔發覺有影響,但係再加多兩三個就會聽到個影響,呢個就係中庸之道。為咗進一步減低呢個殘餘干擾訊號嘅影響,所以會響內部再加多一層屏蔽,呢一部份大致係咁樣(Fig. C)。至於線裏面嘅關鍵技術恕不能公開。
最後修改時間: 2024-07-07 20:48:30 - #1155 [DY2036], 24-07-07 13:45
純粹懶惰,因為之前要加磁圈仔但係唔知數量幾多為之最合適,所以開左個缺口用呢件野方便加減磁圈之後作聆聽測試,試完之後懶得用辣雞焊返佢,因為純粹自用不作銷售。 - #1154 [.ghost], 24-07-07 13:00DY2036 兄 您好: 這個東西有什麼作用, 對聲音有改善嗎? 謝
- #1153 [DY2036], 24-07-07 09:32
其實響香港我哋由細到大都被灌輸崇洋嘅思想,彷彿外國乜嘢都好甚至放個屁都香啲,我並不否認在我細個嗰陣時外國的科技特別係美國遠遠超越咗全世界。當然人哋好嘅嘢我哋要學,人哋唔好嘅嘢自然引以為戒,中國人嘅智慧絕對唔會差過其他人,否則中華文化亦都唔會延續咗幾千年歷史,再加上中國人特別勤奮,只係用咗幾十年就已經跟對手持平甚至超越。
講返學樂器,響我讀書嘅年代自然學中國樂器嘅人比較少,其實好多時中國嘅樂器相對便宜反觀西方嗰啲吹奏樂器因為佢有相當複雜嘅機械結構,價錢自然比起中國樂器貴上幾倍或以上。其實響西方呢啲吹奏嘅樂器因為有相當複雜嘅結構主要係方便吹奏者好容易並且完美噉封咗個出氣孔,所以吹奏出嚟嘅音相當準確,對我嚟講噉樣嘅設計亦都限制左呢件樂器嘅變化。反觀中樂嗰啲簫同笛,吹奏者其實可以因應情況只蓋住出氣孔嘅四分一,三分一,二分一...等等從而產生更多嘅音域,不但止噉樣兼且仲可以快速由上掃下或者由下掃上從而產生快速變調嘅聲音,衹要你玩得精基本上響中樂嚟講每種樂器都有機會擔當主角。就好似以前我哋覺得系死人樂器嗩呐竟然而家可以出得大場面重要吹到全世界都驚歎。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-07 09:34:01 - #1152 [DY2036], 24-07-05 23:38
讀中學嘅時候音樂堂我諗大多數中學都會教吹牧童笛,不過除此之外而家好多時候學校都要求學生去學多一種樂器。當然揀咩野樂器家長占咗主導地位,呢種樂器當然一定可以當主角,例如鋼琴、小提琴或者色士風都得。不過喺西樂裏面有啲吹奏嘅樂器差唔多主要都係做陪襯,所以除非個小朋友扭計係都要學否則家長一定係揀大路嗰兩樣。
DIY信號線接響DAC同擴音機之間,魔改擴音機在推喇叭之後再用咪收錄。
最後修改時間: 2024-07-05 23:39:04 - 下一頁 (2 of 60)
- 返回 ...
我都有UK版,正㗎!