- #710 [DY2036], 23-01-23 23:13
- #709 [bigleung], 23-01-23 22:13Yes, 82隻.
- #708 [DY2036], 23-01-23 17:2182隻CD?
-
- #707 [bigleung], 23-01-23 16:52
- #706 [DY2036], 23-01-23 15:15真係花開佢個富貴，好彩今次唔使一個鐘頭就搞掂，又可以焚下機。
順便update埋個foobar2000去v1.6.16。
最後修改時間: 2023-01-23 15:28:37 - #705 [DY2036], 23-01-23 14:02
用notebook做source有時都幾麻煩，當部機進行緊Window update嘅時候分分鐘行幾個鐘（i3舊model），期間乜都做唔到，吹漲。
最後修改時間: 2023-01-23 14:02:57 - #704 [DY2036], 23-01-22 13:38
先祝大家兔年心想事成、身體健康、事事如意。
睇到電視上某個朱古力廣告，同時講滿你三個慾望，我就諗起呢套卡通片。我細個嗰陣時當然科技唔係咁發達，所有異想天開、天馬行空嘅劇情都只可以響漫畫書或者卡通片嗰度才可以睇到。
以前嘅慾望好簡單就係中六合彩頭獎，不過經過咗咁多年之後，一般頭獎獎金都唔能夠提供乜嘢安穩嘅生活，所以而家嘅慾望就係要獨家中金多寶頭獎先得。
喇叭出聲再用mic收錄。
最後修改時間: 2023-01-22 13:39:18 - #703 [DY2036], 23-01-19 20:48如果再加個「春哥」印象會唔會比較深刻一啲。
- #702 [DY2036], 23-01-19 09:22如果你見到呢幅圖，你會諗起乜嘢。
- #701 [DY2036], 23-01-17 16:17
財神就到咗嘞，但係如果財神手緊嘅話噉就弊傢夥。香港人比較現實，最後屘都係講緊一個字。
喇叭出聲再用mic收錄。
最後修改時間: 2023-01-17 16:33:08 - #700 [DY2036], 23-01-15 22:14
呢三年香港無論響旅遊、運輸、零售、金融...等等都係奄奄一息，大家都係等緊一樣野希望可以扭轉乾坤。終於今日通關喇，大家期望都係「財神到」。
喇叭出聲再用mic收錄。
最後修改時間: 2023-01-15 22:15:18 - #699 [DY2036], 23-01-09 09:25一講到乜嘢叫做好聲好多人都有唔同意見，但係主流有一個意見就係自己覺得好聽嗰個就係好聲。當然我唔否定套器材買返嚟係畀自己享受一定要過到自己過關，但係每個人聽音樂嘅要求都唔一樣，有的鍾意厚聲、有啲鍾意低音、有啲鍾意高分析力而有啲鍾意聽高音...等等。所以好難會有一個統一嘅標準，但係響我心目中好唔好聲客觀上都應該有一個標準，最近嘅一次交流強化咗我呢個理念。
部後級自從加呢隔籬牛同DC block之後，低音明顯係潛得更低更有力同更實，人聲就更加厚潤。雖然其中一個前輩係主力聽LP而我呢套係CAS，但係呢個結果都得到呢位前輩同另外一個師兄在更早時候過嚟交流時嘅認同（客觀好聲標準）。
另外一件事就係早一個兩個禮拜前呢位前輩過嚟我屋企交流，聽咗一輪歌曲之後原來佢帶咗一條DIY超合金信號線過嚟，當然即刻褪下咗我自己嗰條DIY信號線用佢嗰條線上馬睇下個分別喺邊度。講真一時三刻聽唔到有明顯嘅分別，當然我唔敢講係完全無分別，可能需要作比較長時間認真地聆聽才可以分出勝負，就算有分別可能都係以點數決勝。
雖然大家條線裏面都有六條線芯，但係好明顯佢用嘅材料同埋結構同我嗰條線係完全不一樣。前輩嗰條線線芯用咗六條超合金，整體條線係比較幼同比較柔軟。而我嗰條係用咗六條7N銅線芯，整條線相對比較粗同硬。雖然兩條DIY線由材料、結構和RCA插頭都完全不一樣，但係出嚟嘅音效似乎都接近完全一樣。出現噉樣嘅結果唯一嘅可能性就係兩條線都趨向同一個目標，就係有線等於冇線完全隱形。
好多時聽啲師兄講某某牌子的線係乜嘢聲底（特別嘅音染），所以當幫整套系統較聲嗰陣時相對比較容易。不過響我概念裏面要用線材連接器材係一個無奈之選，所以線材應該儘量係冇個性（隱形）才能反映出器材本身嘅價值。當然呢個世界每樣嘢都不能盡如人意，當套器材整體表現出現偏差或者有個人特別音效嘅意向，可能就需要用呢啲本身有明顯特徵嘅線材作一定嘅補償或者修正。但響我角度嚟講器材本身嘅音效係你所要嘅特徵反而係最重要（用中性線材作聆聽），最終出嚟嘅表現一定遠遠好過最後屘要用線材作修正。
最後修改時間: 2023-01-09 09:35:49 - #698 [DY2036], 23-01-04 10:12今日陰天又唔係太凍真係行山嘅好日子，湖面相對平靜響「流水響」今日真係聽唔到流水聲。
北望神州而家係比較模糊，但過多幾日就自然清晰。
最後修改時間: 2023-01-04 10:28:06 - #697 [DY2036], 23-01-02 15:20Dan D' Agostino 嘅現身說法正正講明咗儀器量度出嚟嘅數字只可以作設計嘅基礎和參考，好聲與否最終都一定要用人耳去判定。
- #696 [DY2036], 23-01-01 06:49新嘅一年祝願大家一天好過一天。
- #695 [DY2036], 22-12-30 21:32
呢位女歌手在我印象中又不至於去到殿堂級，但絕對係示範級。因為佢而家主要係做導師，好多人都叫佢做Ms. Chan Chan。
噉就聽返一隻佢開始出名嘅其中一隻歌。
喇叭出聲再用mic收錄。
最後修改時間: 2022-12-30 21:33:40 - #694 [DY2036], 22-12-27 16:10天朗氣清梗係去郊遊啦，不過今日唔係郊遊係市遊，即市區旅遊。
四隻狗、四條脷。
最後修改時間: 2022-12-27 16:11:29 - #693 [DY2036], 22-12-27 09:46
如果你信宿命論，既然人嘅命運係不能改變嘅話噉就唯有隨遇而安。如果你信人定勝天嘅話，當然就係遇到困難唔會咁易放棄。不過無論點都好，人之所以快樂唔係因為你擁有幾多成就或者財富，而係事事不計較抱樂觀嘅態度人才會快樂。
呢幾日都風和日麗，藍的天白的雲當然唔少得溫暖的它。響克勤啲舊歌裏面呢一首歌當時嚟講都係相當heat嘅。
喇叭出聲再用mic收錄。
最後修改時間: 2022-12-27 09:57:23 - #692 [DY2036], 22-12-25 16:07
你究竟發揮咗你套器材幾多成功力?
其實亦都係問緊你究竟能夠重播返牒裏面幾多嘅內容?
撇開器材嘅問題（假設相同器材響其他地方可以表現非常好），其實要改善重播嘅低音唔係換機、唔係換喇叭、亦都唔係換喇叭線，而係要改善擴音嘅電源。當電源改善咗之後不但令到低音有力同結實，兼且亦都改善埋人聲嘅厚度。
至於高音開叉或者失真呢個問題，在我家訪嘅經驗就係同訊號線有關。有一次去其中一個師兄作家訪，佢嘅高音開叉兼且有明顯嘅失真，當換左我條DIY信號線之後，所有問題解決曬兼且高音非常動聽。
喇叭出聲再用mic收錄。
最後修改時間: 2022-12-25 16:09:00 - #691 [DY2036], 22-12-22 20:04老香港，全部係微型縮景。
最後修改時間: 2022-12-22 20:13:58 - 下一頁 (2 of 37)
- 返回 ...
Any Fanling or Sheung Shui hifi friends 4
我覺得啱一啲音樂喜好者，我就比較喜好音效嗰方面要好啲。
最後修改時間: 2023-01-23 23:15:44