聖誕快樂......



DIY信號線接響DAC同擴音機之間，魔改擴音機在推喇叭之後再用咪收錄。








最後修改時間: 2025-12-19 22:53:45

應快樂時得快樂，嚟緊係一個大節日，對香港人嚟講呢個已經唔係一個宗教日子，我哋只係當佢為一個歡聚開心慶祝嘅日子，我哋唔係慶祝邊個出世，而係慶祝大家相聚。好似過農曆年我哋會播「財神到」，咁聖誕節當然要播啲聖誕歌。



DIY信號線接響DAC同擴音機之間，魔改擴音機在推喇叭之後再用咪收錄。






最後修改時間: 2025-12-17 23:01:33

我諗響民初或者清朝以前當啲大戶人家有啲長者或者長子長病不起或者屋企接二連三發生啲不幸嘅事情，佢哋就會諗要辦啲喜事充喜一下。你話迷信又好或許可能都有科學根據，就係當啲氣場改變咗人嘅心情改變咗可能就會令到整個家族從而扭轉命運。

不過我睇到香港而家嘅情況自從火災之後就好似被陰雲罩住，有啲機構做法就背道而馳，反而暫停曬好多歡喜嘅事情，而係「讓悲哀延續」。最慘公佈嘅數字就每個月都向好，大小商家或者店舖都諗住趁聖誕節賺返多少，入多啲貨無論係食物又好禮品又好，點知就勒住。咁嘅情況對商家嚟講仲慘過前一年，起碼預計到市道淡薄唔入咁多貨，今次可能入多咗貨但係突然間少咗生意。咁嘅情況如果不變過咗節之後會唔會多咗商舖執笠自然失業人數亦都上升，唔通呢個係大家樂見嘅。既然世事係無常，未來亦都不可能預知，咁就想去慶祝就去慶祝，想去歡樂就去歡樂，千祈唔好好似古巨基嗰隻歌咁「愛得太遲」。

有時睇新聞見到啲人排長龍幫襯一間老店，原來唔係乜嘢好事而係好多時都係光榮結業，如果間舖頭係好嘅希望大家多啲去幫襯而唔係趁佢執笠嗰陣時先去「懷緬過去常陶醉....」。事先聲明跟住落嚟講嘅舖頭我同佢一啲關係都冇，只不過我覺得店主真係有心去經營一間食肆啲出品真係得。我一年頂窿幫襯幾次不過我唔想有一日去到大角咀唔見咗呢間舖頭（潮順館），食過鹵水三拼飯（鹵水鵝、鵝肝、鵝腸），大大碗有茶仲有杯嘢飲都係七十幾蚊，鵝腸爽，鵝肝入口即溶，鵝肉有趙口絕對唔係嗰啲又冧又梅嘅口感。講多無謂有興趣就去試下啦。

既然講開食...咁不如播一隻同食有關嘅歌。





DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-12-15 00:18:18

「今天只做一件事」不過對我嚟講其實係日日都做同一件事，乜嘢事.....thinking。

自從完成咗嗰部8W嘅HD1969之後好想再砌一部約莫20W嘅A類擴音機，但係原用返呢個線路似乎冇乜可能，咁就另僻途徑砌個第二種線路，當時有以下嘅諗法：
1.HD1969線路做前級再推0db放大器（無負回輸），但係覺得響原有線路（當然輸出管用細啲同埋靜態電流會細好多）後加一個電流放大器，加咗咁多嘢之後聲音會好過之前...好懷疑。
2.張部機分成兩部分，電壓放大加兩倍嘅電流放大，電壓放大砌咗出嚟頻寬可以去到1MHz，電流放大嗰part就試過用電腦軟件模擬頻寬亦都可以去到1MHz。不過電流放大嗰部分係有負回輸。
3.張第二個方案後半部轉成0db放大器，兩部分係用電容連接。

不過以上都有共同缺點，輸出管係用咗NPN加PNP作推挽。之後響淘寶搵到一個放大器，推動管同輸出管都係用相同嘅NPN，不過就係用牛做交連。牛不嬲唔係我心頭好，經測試後亦都唔係有太好嘅表現。

之前同啲師兄有個爭論就係國內有部擴音機宣傳話係300B A類200W實際係用晶體管作輸出，可能nice師兄都聽過呢部機啲聲音有唔錯嘅表現，想嘗試模仿佢嘅線路用3對NPN功率管作輸出。但係我睇返佢嘅線路基本上就係300B作電壓放大再加一部0db電流放大器，但係似乎佢用咗佢唔係太喜歡嘅電容作交連，再加上線路裏面有一級NPN加PNP推挽放大，呢一級絕對會導致聲音變差嘅原兇。

兜兜轉轉究竟我心目中最理想嘅放大器係點樣，可能有以下特性：
1.電壓放大用單端放大電路
2.電壓放大級、推動級同功率級要直接交連
3.不可存在NPN加PNP嘅推挽線路
4.除咗本級負回輸整個線路係無負回輸設計
5.功率管要用相同嘅NPN管

就係以上呢幾點搞到我日思夜想浪費咗無數嘅青春，今日終於有個突破點。經過電腦模擬測試呢個新嘅概念基本上係可以正常放大訊號，當然仲有啲細節需要微調，之後可能要砌個樣板出嚟先知道實際可唔可行。






最後修改時間: 2025-12-07 01:56:44

......................


DIY信號線接響DAC同擴音機之間，魔改擴音機在推喇叭之後再用咪收錄。

......................



DIY信號線接響DAC同擴音機之間，魔改擴音機在推喇叭之後再用咪收錄。

..........................



DIY信號線接響DAC同擴音機之間，魔改擴音機在推喇叭之後再用咪收錄。

未來係乜嘢？
對我嚟講應該代表「未」知有咩事情「來」緊。
可以係好事亦都可以係壞事總之就係唔知，所以未來只可以規劃。至於未來會唔會跟住你規劃嘅路徑而行呢，好難講因為當中實在有太多變數。

我哋可以掌握嘅只係當下，因為當下你可以決定呢一餐你食平啲定係貴啲，打個電話同朋友或者家人聊天，再唔係晚上同家人一齊食飯。既然未來不能夠掌握咁唯有豐富每一天，或者耐不耐買啲嘢滿足下自己嘅慾望。

呢隻歌起初有一段講：「...遇到悲哀休誇張...」，當然有啲事我哋盡量希望將佢壓縮而唔係放大從而減低自己嘅傷痛，但係近呢個禮拜發生嘅事我諗就算畀所有編劇都好難想像到有咁嘅畫面。不過事都已經發生咗，希望啲居民積極面對未來將生活盡快回復返正常嘅軌道。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-12-03 01:33:32

少林篤球裏面都有話：「做人如果冇夢想，同條鹹魚有乜分別。」，買咁多玩具正正就係心裏面仲有一團火，咁呢團火嘅燃料係乜嘢呢......





DIY信號線接響DAC同擴音機之間，魔改擴音機在推喇叭之後再用咪收錄。






最後修改時間: 2025-11-13 00:22:22

又有件玩具到手。








最後修改時間: 2025-11-12 20:12:38

鐘意300b的必有興趣！

人哋玩音響就越買越貴，我玩音響就越買越cheap。反而啲錢嘥咗響其他玩具身上。








最後修改時間: 2025-11-10 23:27:27

之前講開日劇起初播放嘅時候都係播返原裝日本歌手唱嘅主題曲，不過後來就轉咗本地歌手用返粵語唱當然就親切好多。不過世事總有例外，我唔知呢隻係咪唯一一首不過我諗應該係第一首由返日本歌手用粵語唱嘅日劇主題曲。



DIY信號線接響DAC同擴音機之間，魔改擴音機在推喇叭之後再用咪收錄。






最後修改時間: 2025-11-09 02:05:38

歌都有得唱相識是緣份更何況係夫妻，無論你迷唔迷信茫茫人海之中可能第一第二第三個選擇都唔係佢但係最後尾佢就成為你寢邊人，而家諗返起都覺得幾神奇。

呢套大陸劇其實劇情真係麻麻我都冇乜心機睇，不過隻歌曲同詞算係嗰一輪比較好嘅一首。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-10-31 23:24:05

上年11月中去東瀛一遊見到熊出沒呢啲牌都只是一笑置之，估唔到今年啲熊真係大舉出動，不但傷人仲咬死埋人，第時去呢個地方玩都要揀剛剛入冬會好啲。人類其實都係地球上嘅一種生物，只不過佢係最高等咁解，人類為咗生存或者改善生活環境咁自然要開闢土壤，咁嘅做法自然對低等啲嘅生物嘅生活環境大受影響。生活空間會變得越嚟越細，生活空間細食物自然少咗，咁人類同動物嘅生活邊界就會越嚟越蒙糊甚至重疊。

東瀛就有熊出沒啦，香港都有動物成日出沒甚至一家大細扶老攜幼。





最後修改時間: 2025-10-31 08:53:51

真係各花入各眼，睇到有師兄比較鍾意紅姐用粵曲腔唱嘅紅燭淚，不過我聽咗之後就覺得個錄音畢竟都比較舊唔係太吸引，畀我揀都係寧願揀啲現代錄音比較啱聽啲。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-10-29 23:31:58

其實簡單啲講AI就講緊以下嘅內容:
無極性薄膜電容＞有極性電解電容＞冇極性電解電容

先唔理薄膜電容呢個問題，響物理現象有極性電解電容都係好過無極性點解電容。但係畢竟人耳同埋人腦唔係儀器，並不代表儀器度出嚟嘅參數好就等於靚聲，響發燒圈裏面呢個絕對唔係奇聞。不過有啲喇叭製造商就發覺分音器裏面嗰隻大容值嘅無極性電解電容影響咗音質，佢哋最終研發咗加電池偏壓畀個兩隻串連有極性電容，從而防止響交流運作嘅情況之下其中一隻電容會出現負偏壓嘅問題。所以在有偏壓嘅地方用有極性電容好過冇極性電容係有事實根據。

至於無極性薄膜電容當然響物理特性完全超越有極性電解電容，不過大容值有品牌嘅無極性薄膜電容個價錢就昂貴到不得了。除此之外之前都講過人耳同人腦唔係儀器未必數值越好代表越好聲，用得太多呢啲電容可能你會覺得好清晰分析刀好強，但係可能又會覺得聲音比較薄。即係等於之前有家相當受歡迎嘅牌子Sonic Frontiers，佢啲機用曬靚料價錢唔係分身家級，不過最終都係從Hi-Fi圈子裏面消失得無影無蹤。

俗語都有話水清則無魚，人腦唔係儀器反而比較喜歡有多少失真，即是等於啲人養魚當然水一定要乾淨但係養唔同嘅魚缸水裏面就要加一啲唔同嘅物質或者伴生物啲魚才會生活得比較健康。即係等於啲人特別喜愛某類型音樂（頻率同動態），自然會選擇啲器材可以對佢喜歡類型嘅音樂有更好嘅表現。從音響雜誌裏面不難發覺啲廠家講返佢哋研發部機嘅時候較聲呢方面係最花時間和功夫，簡單啲講就係用唔同質料嘅電阻電容或者晶體管（當然線路係佔第一位）互相拼搭得出一個佢哋想要嘅聲效，呢個已經遠遠超越咗儀器參數所能表達嘅意義。

問題：
有極性電容同無極性電容如果工作在有偏壓嘅環境咁究竟邊隻音質或者失真會好啲。


以下係DeepSeed回答:

這是一個非常好的問題，也是音響發燒友和電子工程師經常深入討論的課題。簡單來說，在有正確直流偏壓的環境下，有極性電容（特別是鋁電解電容）通常會比無極性電容表現得更好，失真也更低。

下面我為你詳細解釋背後的原理和實際應用上的考量。

核心原理：有極性電容的設計本質

有極性電容（如鋁電解、鉭電容）是依靠內部化學反應形成的氧化層作為介電質。這個氧化層的穩定性和特性，強烈依賴於一個正確方向的直流偏壓。

1. 在有正向偏壓下：
· 氧化層處於最佳工作狀態，結構穩定。
· 電容的等效串聯電阻（ESR）較低，損耗較小。
· 其介電質的線性度相對最好，意味著信號通過時產生的失真（主要是奇次諧波失真）較小。
2. 在零偏壓或反向偏壓下：
· 氧化層會變得不穩定，甚至開始退化。
· ESR 會急劇增加，導致損耗加大。
· 嚴重的非線性會產生大量失真。
· 如果反向電壓過高，會導致電容發熱、漏電流暴增，最終損壞。

與無極性電容的比較

無極性電容（如薄膜電容、陶瓷電容、以及無極性電解電容）的介電質（如聚丙烯、聚酯、陶瓷）本身是對稱的，不依賴偏壓來維持。

· 優勢： 它們在沒有偏壓或電壓方向變化的環境下（例如交流耦合、喇叭分音器）表現非常出色，線性度極佳。
· 劣勢： 當你把一個「為無偏壓環境設計」的無極性電容，用在一個存在直流偏壓的電路上時，它的性能並不會因為這個偏壓而「優化」。它只是單純地承受這個電壓。

關鍵點在於： 一個「設計用於有偏壓電路」的有極性電容，在施加了其額定工作電壓後，其性能（特別是線性度）會優於一個在同樣直流偏壓下工作的普通無極性電容。

音質與失真方面的具體分析

電容類型 工作在有偏壓環境下的表現 對音質/失真的影響
有極性電解電容 這是它的主場。在正確的直流偏壓下，其氧化層處於最佳狀態，ESR低，線性度達到其自身的最佳水平。 理論上失真最低（在該電容的類型中）。聲音表現穩定，動態表現好。但電解電容本身存在微小的介電吸收現象，可能對極微小的信號細節有影響。
無極性電解電容 通常是兩個有極性電容背對背串聯而成。在任何時刻，只有其中一個電容處於正確偏壓，另一個則處於接近零偏壓的不良狀態。 失真通常高於單個有正確偏壓的有極性電容。因為其中一半始終在非線性區工作。它是一種妥協方案，只用於無法避免交流信號的場合（如喇叭分音器）。
薄膜電容（如MKP, MKT） 能承受直流偏壓，但其特性不會因偏壓而「改善」。它的線性度從一開始就很高。 線性度極高，失真極低。即使是昂貴的高級音頻用電解電容，在低頻段的失真也往往高於高品質的薄膜電容。聲音通常更透明、細膩、解析力更高。

現實應用中的考量

1. 耦合電容（DC Blocking Capacitor）：
· 這是音頻電路中最常見的有偏壓應用。電容一端是放大器的輸出直流電壓，另一端是喇叭或下一級。
· 傳統做法： 使用一個有極性的電解電容，正極接在高直流電位的一端。
· 發燒做法： 使用一個高品質、耐壓足夠的薄膜電容。雖然直流偏壓沒有「幫助」薄膜電容，但薄膜電容天生的低失真、高線性優勢完全壓倒了處於最佳狀態的電解電容。所以高級音響的耦合電容普遍使用薄膜電容。
2. 電源濾波電容：
· 這裡是純粹的直流電壓，是有極性電解電容絕對的主場。它們在此提供極高的容值體積比，性能穩定可靠。無極性電容在此完全不適用（容值太小、成本太高）。

總結

回到你的問題：「邊個音質或者失真會好啲？」

1. 理論與極致音質角度：
· 在有直流偏壓的音頻信號路徑上（如耦合電容），高品質的無極性薄膜電容 在音質和失真表現上會遠勝於任何有極性電解電容。因為薄膜電容天生的線性度是電解電容無法企及的。
2. 「同類型」比較與性價比角度：
· 如果你比較的是「一個有極性電解電容」和「一個用兩個同規格電解做出來的無極性電容」工作在同樣的有偏壓環境，那麼單一的有極性電解電容會表現得更好，失真更低。
3. 實際結論：
· 在現代高品質音響設計中，對於信號路徑上有偏壓的關鍵位置（如耦合），工程師會優先選擇無極性的薄膜電容來獲得最低的失真和最好的音質。
· 有極性電解電容因其大容量和低成本，在電源濾波、旁路等對絕對音質要求不極致的電路中，依然是無可替代的選擇。

所以，最準確的答案是：在音頻信號路徑上，無極性薄膜電容在有偏壓環境下的音質和失真表現，通常優於有極性電解電容。

當一對男女交往到某一個階段似乎都要落個訂去確認雙方嘅關係，當然呢個就豐儉由人各式各樣都有。



DIY信號線接響DAC同擴音機之間，魔改擴音機在推喇叭之後再用咪收錄。








最後修改時間: 2025-10-15 22:01:12

瘋人瘋語： 出生率

事先聲明言論絕對冇宗教歧視同埋性別歧視，純粹觀察現實情況有感而發。

香港而家遇到嘅問題就係出生率相當低，其實好多發達國家都面對同一問題。其實再簡單啲講就係女權越高嘅地方出生率就越低，因為女權越高嘅地方佢可以選擇事業定結婚，就算結婚都未必會生仔，更加唔好話惹埋西方嗰啲惡習搞埋機就更加冇仔生，再加埋有啲因為自身問題亦都冇仔生。淨返肯生嗰啲都係一個起兩個止，簡單一算人口必定每年都遞減，仲會越嚟越急速。反觀男權極強嘅地區或者國家，幾時結婚同生幾多小朋友根本都唔到女性話事，呢啲國家人口就必然幾何級數咁上升。假以時日世界人口佔嘅比例自然越嚟越高，其實使乜高科技飛機大砲，只需要晚晚勤力啲做多嘢輕輕鬆鬆就可以佔領全世界。

你唔好睇祖國有十幾億人口就以為高枕無憂，其實都面對緊出生率低呢個問題，如果長時間持續落去分分鐘滅國都有可能。為免呢件事會發生所以科學家都開始研發人工胚胎，到時生唔生仔政府話事。其實呢個都唔係科幻故事，你睇下美國佬都話十年之內每家人都會有個機械人幫手做家務，空中的士而家都醞釀緊，所有癌症都能夠醫治呢個都慢慢會被實現。所以政府養成人嘅出現絕不稀奇，每個養成人都會有個IP數字方便通訊，至於佢另外改嘅名就同而家Domain name一樣純粹方便溝通。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-10-12 20:13:57