- #980 [DY2036], 23-12-08 23:45
- #979 [DY2036], 23-12-08 17:21
呢間又係聲稱咪株連，我太座就最滿意喇樣樣都話好食，不過價錢就比起之前嗰間貴一倍都唔止，遺憾嘅就係一心想食佢嘅魚子醬臭豆腐蝦多士當日竟然話冇貨賣。
最後修改時間: 2023-12-08 17:22:37 - #978 [DY2036], 23-12-07 22:10
以上都係我印象中擁有過嘅LP，至於中文大碟真係奇怪我好似冇乜印象可能有啲係粵曲，不過唯一嘅印象就係呢隻大碟。
如圖擴音機推喇叭出聲再用mic收錄。
最後修改時間: 2023-12-07 22:11:49 -
- #977 [DY2036], 23-12-06 22:37
英文嘅LP當時應該仲有呢一張，可惜我手頭上無呢隻CD噉唯有響網上借住嚟一用。
最後修改時間: 2023-12-06 22:38:37 - #976 [DY2036], 23-12-05 22:14
香港人唔知由幾時開始行路就特別快過人，我諗嚟諗去都唔知實際幾時開始行得快一點。可能由我剛讀完書出嚟做嘢嘅時候要由葵盛搭車去大埔返工，夜晚要由大埔搭巴士去香港返學。當時分分秒秒都要趕，一早起身刷牙、洗面、去廁所、食早餐沖去搭巴士。放工沖去搭巴士，跟住好快食啲嘢去返夜校，返到屋企都已經好夜跟住沖涼噠落牀極速瞓著，週而復始咁就幾年。
之後另一份工係要成日響大陸唔同地方嗰道工作，當時上面好多扒手，衹要你企定定一陣間分分鐘袋裏面嘅荷包就不翼而飛。所以我響大陸裏面步速比香港更加快，如果有人能夠跟得上我呢個人一定係諗住打劫我。自此我行路永遠都係超越他人，所以當時其他香港人對我嚟講已經係龜速，更加令到我唔知幾時開始大家都一齊行得快咗。
另外一隻歌hit唔hit有好多方面嘅因素，包括電臺播放率，容唔容易朗朗上口，隻歌嘅旋律同埋歌詞能唔能夠令到大多數人有共鳴。之前嗰隻歌當時播放率都好高，不過畢竟都係英文歌而大多數市民學歷都唔係咁高，所以隻歌就算點hit都係有個譜。但係情況有180度嘅改變，就係當呢隻歌改編成中文歌之後，唱到街知巷聞係人都可以唱到一兩句，呢啲咪就係hit到爆。
究竟係有隻歌先啲人才有噉嘅行為，定係啲人已經係噉樣才有呢隻歌，真係雞同雞蛋嘅問題。
如圖擴音機推喇叭出聲再用mic收錄。
最後修改時間: 2023-12-05 22:19:11 - #975 [DY2036], 23-12-04 22:38
今日星期一為咗要減少啲戾氣所以走咗去食齋，呢間齋鋪聲稱有米芝蓮嘅光環，不過叫咗六樣嘢埋單都係二百零文幾抵食。
最後修改時間: 2023-12-04 22:58:48 - #974 [bigleung], 23-12-04 21:35
- #973 [DY2036], 23-12-04 20:46
- #972 [DY2036], 23-12-03 22:38
後生嗰陣時梗係鍾意啲刺激啲嘅音樂，所以當時比較喜歡低音同高音比較多嘅音樂。漸漸年紀大就自然開始喜歡聽柔和啲嘅音樂，再加上而家開始鍾意想當年噉呢隻歌一定啱曬。
如圖擴音機推喇叭出聲再用mic收錄。
最後修改時間: 2023-12-03 22:38:54 - #971 [DY2036], 23-12-03 13:41一到聖誕節嗰個月份，你就算唔知道商家佬都會提醒你聖誕節就快到。
最後修改時間: 2023-12-03 13:42:07 - #970 [DY2036], 23-12-02 20:59
有啲工作狂一日24小時可能都覺得唔夠，甘如果將一個禮拜7日變成8日噉你估下滿唔滿足到佢嘅工作慾望。不過呢隻歌嘅歌手每個禮拜都想加多一日，但係唔係為咗工作而係為咗溝女。
如圖擴音機推喇叭出聲再用mic收錄。
最後修改時間: 2023-12-02 21:00:05 - #969 [DY2036], 23-12-01 20:17
如果工作得好辛苦廣東話通常會講:「做到隻積咁」、「做到隻屐咁」或者「做到隻狗咁」。
歌神嗰啲歌就聽過做到隻積噉嘅樣，但係就冇聽過做到隻狗噉嘅樣。反而響呢隊班霸嘅其中一隻歌歌詞裏面就有做到好似隻狗噉，我好奇上網查下呢句說話嘅出處果然係嚟自番邦。
其實歌詞裏面亦都透露咗當時西方男性上班嗰陣時好擔心屋企唔知會發生乜事，唔通當時已經係性解放嗰個時期所以男主人好擔心會戴綠帽。
如圖擴音機推喇叭出聲再用mic收錄。
最後修改時間: 2023-12-01 20:18:56 - #968 [DY2036], 23-11-30 22:16
記憶中當時僅有嘅LP應該仲有呢隊班霸，好奇怪唔知點解對呢首歌特別有印象，可能佢重重複複都講住黃色潛水艇。
如圖擴音機推喇叭出聲再用mic收錄。
最後修改時間: 2023-11-30 22:52:22 - #967 [DY2036], 23-11-29 22:02
- #966 [DY2036], 23-11-27 23:35
之前嗰兩套電影就影響咗呢個世界嘅一代青年，當然係教壞咗佢哋令到佢哋變得反叛，瞞住阿爸阿媽走咗去開party。
至於這套電影亦都相當出名，不過我覺得啲歌可能更加受歡迎。呢隻歌當時我最有印象就係裏面有講蘋果樹，但係我而家細心去聽原來講聖誕樹講咗四次反而蘋果樹只係講咗一次，所以我都唔明點解我只係對蘋果樹有印象。另外原來歌詞裏面亦都講咗牛頓發現萬有引力嘅場景。
如圖擴音機推喇叭出聲再用mic收錄。
最後修改時間: 2023-11-27 23:43:25 - #965 [DY2036], 23-11-26 20:11
- #964 [DY2036], 23-11-25 21:41
本來搖滾同交響樂似乎冇乜關係，但幾十年前呢套電影竟然將交響樂搖滾化，噉樣做可能將啲本來唔係太喜歡交響樂嘅人仕容易接受一啲?
如圖擴音機推喇叭出聲再用mic收錄。
最後修改時間: 2023-11-25 21:42:42 - #963 [DY2036], 23-11-24 22:53
突然有一日發覺好多人將個頭整到立立令，之後先發覺原來電影嘅影響力真係大到你想像唔到。當然除咗呢部電影之外，仲有一部電影亦都係影響深遠，特別係見到呢班歌手哥哥個個大大隻鬍鬚核突，點解會係雞仔聲嘅。
如圖擴音機推喇叭出聲再用mic收錄。
最後修改時間: 2023-11-24 22:54:09 - #962 [DY2036], 23-11-23 21:39
佢隻碟吸引之處唔係呢隻主題曲，反而係佢主演嗰部電影嘅插曲，不過今次我唔係播佢隻碟啲歌，反而係電影原聲大碟裏邊嘅一節，當然有佢份唱。
如圖擴音機推喇叭出聲再用mic收錄。
最後修改時間: 2023-11-23 21:39:53 - #961 [DY2036], 23-11-23 00:07
呢位女歌手同男主角都係憑呢套電影走紅（係大紅特紅），當時佢出咗呢隻大碟「仙樂都」，呢隻碟嘅封圖我最有印象，幾十年後嘅今日我都印象深刻就係佢著住對好高嘅高踭鞋好似舉住個牌噉樣。當我響互聯網打XANADU搵唔到呢個封面，直至我響呢個英文後面加多CD呢兩個字才搵到我要嘅封面。
如圖擴音機推喇叭出聲再用mic收錄。
最後修改時間: 2023-11-23 00:09:13 - 下一頁 (1 of 49)
- 返回 ...
Any Fanling or Sheung Shui hifi friends 4
睇到呢幅相令我想起好多兒時嘅事，當時成日響嗰啲屋村穿梭已經覺得地方好大，但係好似呢幅相噉樣抽離咗用一個更高角度望落去其實又好似好細，原來我嘅未來住所當時都仲未建設尚系爛地一笪，感覺好神奇。
唔知點解腦海裏面好快就諗起呢隻歌嘅歌名。
如圖擴音機推喇叭出聲再用mic收錄。
最後修改時間: 2023-12-08 23:49:21