呢套戲膾炙人口嘅歌曲當然唔止得呢一隻，仲有呢隻...


如圖擴音機推喇叭出聲再用mic收錄。



最後修改時間: 2023-11-29 22:03:36

之前嗰兩套電影就影響咗呢個世界嘅一代青年，當然係教壞咗佢哋令到佢哋變得反叛，瞞住阿爸阿媽走咗去開party。

至於這套電影亦都相當出名，不過我覺得啲歌可能更加受歡迎。呢隻歌當時我最有印象就係裏面有講蘋果樹，但係我而家細心去聽原來講聖誕樹講咗四次反而蘋果樹只係講咗一次，所以我都唔明點解我只係對蘋果樹有印象。另外原來歌詞裏面亦都講咗牛頓發現萬有引力嘅場景。



如圖擴音機推喇叭出聲再用mic收錄。



最後修改時間: 2023-11-27 23:43:25

呢套戲改編交響樂唔此得一隻，仲有呢隻。


如圖擴音機推喇叭出聲再用mic收錄。




最後修改時間: 2023-11-26 20:11:34

本來搖滾同交響樂似乎冇乜關係，但幾十年前呢套電影竟然將交響樂搖滾化，噉樣做可能將啲本來唔係太喜歡交響樂嘅人仕容易接受一啲?



如圖擴音機推喇叭出聲再用mic收錄。



最後修改時間: 2023-11-25 21:42:42

突然有一日發覺好多人將個頭整到立立令，之後先發覺原來電影嘅影響力真係大到你想像唔到。當然除咗呢部電影之外，仲有一部電影亦都係影響深遠，特別係見到呢班歌手哥哥個個大大隻鬍鬚核突，點解會係雞仔聲嘅。



如圖擴音機推喇叭出聲再用mic收錄。



最後修改時間: 2023-11-24 22:54:09

佢隻碟吸引之處唔係呢隻主題曲，反而係佢主演嗰部電影嘅插曲，不過今次我唔係播佢隻碟啲歌，反而係電影原聲大碟裏邊嘅一節，當然有佢份唱。



如圖擴音機推喇叭出聲再用mic收錄。



最後修改時間: 2023-11-23 21:39:53

呢位女歌手同男主角都係憑呢套電影走紅（係大紅特紅），當時佢出咗呢隻大碟「仙樂都」，呢隻碟嘅封圖我最有印象，幾十年後嘅今日我都印象深刻就係佢著住對好高嘅高踭鞋好似舉住個牌噉樣。當我響互聯網打XANADU搵唔到呢個封面，直至我響呢個英文後面加多CD呢兩個字才搵到我要嘅封面。



如圖擴音機推喇叭出聲再用mic收錄。



最後修改時間: 2023-11-23 00:09:13

CD Vs CAS

用電腦rip CD嘅過程中令我領略到一啲嘢，因為手頭上有啲二手CD碟嘅狀態實在好差，響rip嘅過程有啲歌曲係用比較長嘅時間才成功輯錄。當完成咗整個輯錄過程之後，我嘗試打開其中一啲歌嚟聽（電腦播CD），發覺啲聲真係嘛嘛，有啲甚至播放唔到。正當我奇怪點解可以輯錄成功，於是我嘗試用foobar2000去播放剛輯錄嘅數碼檔案（Wav），播放音質我覺得回復返正常兼且剛才不能播放嘅歌亦都好正常播放。

呢件事情帶出咗一個問題，就係CD嘅狀態會每況越下，除此以外CD播放器機械部分或者鐳射頭都會有相同情況。有機會係音質慢慢慢慢變差祇不過呢個時間拖得比較長，人耳已經慢慢適應咗所以唔察覺音效變差呢個現象，直到有一天情況差到已經播與播唔到之間才被發現。


最後修改時間: 2023-11-22 14:43:21

又到兒時記憶:

之前播咗隻午夜快居，當然當時唔止得呢隻外國LP碟，不過講時講三四十年前啲外國碟大多數同電影有關。一係就販毒俾人拉（午夜快居），一係就變態俾人禁（發條慘），再唔係就做知名嘅鴨鴨（美國鴨鴨等人call）。外國幾十年前風氣已經係噉，而家只會更加變態。



如圖擴音機推喇叭出聲再用mic收錄。



最後修改時間: 2023-11-20 20:50:06

瘋人瘋語: 正常反常

近期又有一個好熱嘅話題，正常同反常嘅問題。似乎呢個問題耐不耐就會出現，兜兜轉轉兜兜轉轉最後屘都冇乜結果。

要探討呢個問題我哋先要搞清楚乜嘢叫做正常（正相）乜嘢叫做反常（反相）。如果擴音機輸入一個正弦波係先高後低，喇叭嘅動作應該係先推出後拉入，喇叭對空氣產生嘅作用就係先加壓後減壓。呢個有壓力變化嘅空氣傳到耳仔導致耳膜被推入跟住拉出（接收咗一個正相信號）。如果而家將喇叭線正負調轉咗，噉樣耳膜就會係先拉出後推入（接收咗一個反相信號，相對輸入相位而言）。噉究竟人耳聽唔聽到之間嘅分別?

如果一套器材特別係喇叭擺位已經擺得好，頭部輕微左右前後移動正常音場係唔會有太大變化。如果有明顯變化，經驗之談通常就係喇叭左右toe in角度不一致，或者左右喇叭距離不一樣一個前啲一個後啲而導致。如果而家套器材冇呢個問題，咁人耳究竟聽唔聽到呢個分別呢? 先考慮高頻同中頻，其實當我哋聽到呢個中高音嘅時候，佢裏面已經包含咗好多次上下震蕩，即係話耳膜已經在短時間被拉出同推入好多次所以聽感變成咗一個平均聲壓。反之如果係一下好狠好快嘅打鼓，鼓皮集中一點被擊落去從而產生一個強大嘅聲壓（加壓），當抽鼓棍嘅時候整個鼓皮反彈上去（減壓）自然聲壓冇打落去咁強勁，之後鼓皮來回震盪幾下完成，即係話呢個信號係上半波大下半波小跟住有幾下來回震盪而消失。呢個時候如果耳膜係收到正相信號，耳膜應該係被大力推入跟住稍為彈出之後來回震蕩幾下。相反如果耳膜係收到反相信號，耳膜先係被強力抽出再稍為彈入之後來回震蕩幾下完。問題就嚟喇在相同聲壓下，耳膜被壓入同抽出響聽感係咪一樣?我唔係呢方面嘅專家我真係講唔到個答案，我相信網絡上亦都冇呢方面嘅研究資料。我只可以講如果我用個咪去收音，基本上應該得出同一個幅度輸出（人耳聽感可能會有輕微分別），如果響呢個情況之下正相信號同反相信號響收音咪輸出有明顯分別，噉樣呢個就係有缺憾嘅咪，分別越大缺陷越大（係咪要去check下隻咪有冇問題?）。



最後修改時間: 2023-11-20 16:56:41

一連播咗好多首粵語歌，噉不如轉轉口味播西曲。


如圖擴音機推喇叭出聲再用mic收錄。



最後修改時間: 2023-11-19 17:33:43

眾多嘅癡男怨女最鍾意夜蒲啲釣魚店，各自攜帶架罉長矛或盾，自然好容易一言不合就會發生激烈埋身肉搏。矛系攻擊性武器而盾係防守性武器，俗語都有話久守必失，長矛嘅一輪急攻同抽插，持盾者終於失手被長矛插入身體自然會發出一聲淒厲嘅叫聲。噉樣落去遲早搞出人命，呢個時候大家係咪都要停一停諗一諗，需要「LOVE」?



如圖擴音機推喇叭出聲再用mic收錄。



最後修改時間: 2023-11-18 20:52:15

呢個世界有怨女自然就有癡男。


如圖擴音機推喇叭出聲再用mic收錄。



最後修改時間: 2023-11-17 20:37:48

要去到遁入空門又似乎比較偏激咗一啲，我諗而家啲人就算受到極大嘅情傷，只可能會對一份長遠嘅感情失去信心或者信任，反而退而求其次去追求短暫嘅激情。



如圖擴音機推喇叭出聲再用mic收錄。



最後修改時間: 2023-11-16 20:28:59

問世間 情為何物教人生死相許。

如果一段感情投入得越深，當情海翻波嘅時候就傷得越重。有啲人可能經過一段時間就能夠回復正常，但係有啲人已經對世界嘅事物失去興趣，為咗免除俗世對佢嘅滋擾張三千煩惱絲全部剃掉遁入空門，好耐以前都有幾個藝員作出呢個嘅抉擇。



如圖擴音機推喇叭出聲再用mic收錄。



最後修改時間: 2023-11-15 21:14:26

呢個世界傻女點止得一個，仲有呢一班。


如圖擴音機推喇叭出聲再用mic收錄。



最後修改時間: 2023-11-14 21:09:03

感情去到終結唔係男飛女就係女飛男，究竟邊個比例較多? 雖然冇乜統計數字但係我自己覺得應該男飛女情況比較多。

不過有時又好奇怪有啲有姿色嘅女性就係要挑戰難度，明知對方係花心但係偏偏要纏上去，除了要證明佢嘅美豔可以臣服對方，兼且最終可以改變對方。不過好多時都事與願違，你睇下嗰位浩南哥啲女一個接一個送上門，但係最終都系浪費咗幾年青春敗興而返，你係咪覺得佢哋真係攞嚟賤。



如圖擴音機推喇叭出聲再用mic收錄。



最後修改時間: 2023-11-13 21:30:47

瘋人瘋語延續篇: 擴音機快聲慢聲的迷思。

乜嘢叫做快聲，乜嘢叫做慢聲?當然唔係時間軸嘅長短，因為播放時間嘅長短係由訊號源所決定而非擴音機。

既然係噉點解聽感上有快慢之分?其實快慢就係聲音由起同落嘅速率，簡單啲講就係信號嘅上緣和下緣嘅速率。呢個速率越快（90度直角）響聽覺上越感覺到鼓棍敲擊嘅速度同力度越大，反之便覺得鼓聲比較腍。如果呢個邊緣角度一路下降落去甚至會影響到個輸出信號未去到頂峰信源已經開始回落，最終輸出放大率比起輸入會所折損（高頻尤其影響比較大）。再簡單啲講如果放大器能夠完美放大方波（20Hz-20KHz），呢部絕對係高速放大器。方波係由同頻正弦波加上其無限嘅諧波所組成，要完美放大一個方波擴音機就要有無限嘅寬頻並對其放大嘅正弦波及其諧波作冇損失嘅放大包括佢哋各自嘅幅度同相位。

響以前VFA線路因為回輸輸入阻抗大，回輸電阻數值比較大，分佈電容同晶體管輸入電容對佢嘅影響亦都相對比較大，即係話輸出信號進一步變形（高頻濾波電路）先至去到晶體管輸入腳。但係而家音響公司普遍開始採用CFA電路，佢嘅回輸輸入阻抗非常低所以回輸電阻數值都好細，分佈電容對佢嘅影響微乎其微。另外CFA線路基本上設計比中頻放大（0 - 100MHz），絕非音頻放大線路，所以佢對信號嘅反應同速度絕對不需要懷疑。祇不過市面上有啲公司為咗討好長期捧場嘅客人，減低由VFA轉做CFA線路對擴音機音質上嘅突變，故此響功率放大零件選用速度慢啲嘅Mosfet，所以呢隻牌子亦都不能夠代表CFA嘅獨特音質。

我嗰部機雖然得嗰8W，但係佢都係CFA線路。另外CFA線路仲有一個問題，就係整體放大倍數不能太高。以我呢部機為例之前嘅設計係20倍，聲音當然失去控制，最後將佢改成十倍音效立刻有脫胎換骨嘅效果。金仔部擴音機CFA呢部份電壓放大倍數非常低，佢嘅電壓放大主要係靠前面嘅Instrumentation Amplifier完成。

而家有啲人俾人叫做鎅女王（以前可能叫大情人）都係以溝女聞名。如果每條女溝完都可以和平分手然後好快再溝過第二個，當然不得不佩服佢嘅精湛演技。不過佢嘅劇目比較窄，要攞最佳男演員獎我諗都要磨練下其他劇目嘅演技。

講起頒獎我就諗起星爺有一套戲裏面係有頒獎呢一幕，劇裏面嘅佢以為攞硬最佳男主角獎點知比人話佢演技浮誇最終失落咗呢個獎，唔知佢係咪用呢套戲對現實嘅控訴。



如圖擴音機推喇叭出聲再用mic收錄。



最後修改時間: 2023-11-12 19:24:57

有乜嘢網係無遠佛界......無論你身在何處 ，地底深處甚至響第二個銀河系，在冇網絡嘅地方你都深受佢極大嘅影響。

噉究竟呢個係乜嘢網? 佢就係......情網。



如圖擴音機推喇叭出聲再用mic收錄。



最後修改時間: 2023-11-12 00:33:58