有時愛情真係會令人理智盡失。


喇叭出聲再用mic收錄。



最後修改時間: 2023-10-03 22:58:40

無聊師兄我諗你都比較休閒，呢套片擺得上嚟有聲出就證明佢有用mic收音，祇不過響影片裏面我哋見唔到mic嘅存在。

聽完段錄音明顯樂器都主要響中間發聲冇乜兩邊申延，鋼琴聲比較暗不能分辨按琴鍵嘅位置。明顯地冇響樂器裏面或外面set mic，應該係遠場收錄，我猜想應該唔止1支mic起碼兩支收錄主聲道。為咗提高SNR擺mic位置一定響觀眾席前面，兩支mic嘅距離遠遠長過人耳的距離，所以呢個錄音同聽眾聽到嘅並不一樣，或者只聽其中一聲道可能會接近一點。另外我相信教堂嘅回音同觀眾嘅反應會用另外一支或者多支mic去收錄，方便之後出CD時作後期加工。擺mic時亦都要考慮會否出現相位問題，而導致主訊號出現互相抵消嘅現象。教堂迴音呢方面衹要兩支mic嘅指向性夠強（向前 - 舞臺），呢方面影響不大因為回音主要由觀眾席嗰面返轉頭。反觀觀眾坐嘅位置可能受相位和回音嘅影響，個個聽到嘅內容都會唔同越坐得後同邊影響越大。

最後簡單一句，我相信現場聽眾係聽唔到同呢個錄音同樣嘅質素嘅音樂。


最後修改時間: 2023-10-03 13:48:12

既然師兄畀隻「卡門」我聽，噉我都搵返隻「卡門」畀你聽。


喇叭出聲再用mic收錄。



最後修改時間: 2023-10-02 23:12:46

其實呢個世界仲有一隻Class AA線路，但係佢同傳統嘅Class A電路有好大分別，佢冇高偏置電流而係靠電橋嘅電壓差去控制一個Class B電流放大器。聲稱可以消除晶體管嘅開關失真，從而達到A類嘅音質。電橋有電容、電感、電阻和可變電阻組成，但係我嘅疑問就係經過歲月嘅洗禮，零件嘅數值可能有變噉樣電橋嘅平衡可能會被打破。另外唔同喇叭嘅有效阻值都不一樣，可能對電橋都有一定影響。

另外再講講滑動和跳動Class A線路，以我所知有啲名牌大功率Class A擴音機有用跳動Class A嘅操作。

滑動定跳動好啲咁就要睇實際使用情況。
例如: 有一部100瓦Class A機 當高過20W會跳去高偏流，另一部同樣系100瓦Class A機 當高過10W會跟隨信號改變偏流。
呢個情況就要睇你平時聽音樂嘅時候一般輸出瓦數係幾大。
如果10W以下，兩者分別不大。
如果20W以下，跳動Class A嗰部機就有少少優勢，因為響呢個過程無任何變動，反之滑動Class A就不斷調整偏置電流，噉樣多多少少都對原訊號產生影響。另外在接近滿度輸出嘅時候跳動Class A可能響整個聆聽過程都係變動一或兩次，但滑動Class A就不斷變化。

以上都係純理論嘅說法，實際嘅聲音都要睇品牌本身的科技人員的功力，但技術同聲效可以係兩回事，高科技不等於好聲，可能只係節省成本嘅伎倆。當然買一部機要瞭解佢實際嘅操作情況，但係講真最終都係靠對耳仔去收貨。




最後修改時間: 2023-10-02 14:47:21

有師兄問A機點樣分，係咪有真有假嘅。

A類機當然分好多種，好難界定佢係真定假，只可以講佢係堅啲定流啲。最堅嘅就係佢嘅峰值輸出電流永遠細過佢嘅總功率管偏置電流（聲稱嘅輸出瓦數下），或者簡單啲可以睇下以下嘅列表:
1. 20W 8ohm Class A，40/80W 4/2ohm Class AB.
2. 20W 8ohm Class A，35W 4ohm Class AB.
3. 20W 8ohm Class A，舉例冇信號下5W Class A，當訊號越大偏置電流亦都跟隨信號變得越大（滑動A類），40/80W 4/2ohm Class AB.
4. 20W 8ohm Class A，舉例冇信號下5W Class A，當訊號越大偏置電流亦都跟隨信號變得越大但分成兩級或者三級去調整（跳動A類），40/80W 4/2ohm Class AB.
5. 同以上3/4 20W 8ohm Class A，舉例冇信號下5W Class A，當訊號越大偏置電流亦都跟隨信號變得越大（滑動/跳動A類），4/2ohm Class AB輸出瓦數不能倍翻。


最堅嘅當然係第一種，之後如此類推。我現時嗰隻係第二種，不過輸出只得8瓦。MF A1強調佢係滑動A類自然應該比跳動A類更好，因為滑動係漸變而跳動係突變，因而可能響變化嘅過程裏面產生噪音。
第一二種A類，散熱器同電源都一定要十足材料即是所謂堅料。
第三四種A類，散熱器同電源都可以偷工減料即所謂冇咁堅料。
當然第三四種A類再差啲嘅機種可以在冇信號下A類瓦數可以再細啲，咁樣散熱器同電源可以再細啲進一步減低成本。
第五種A類不但散熱器同電源可以再細啲，甚至連功率管嘅數量都可能用一對便算。

有冇第六種A類，因我知識所限暫時我知道有以上五種。其實工程師響音質同效率方面不斷研發，最終研發咗一種G類放大器，佢等於細瓦數嘅A類+短時間大瓦數B類機。呢啲機等於以前我哋睇架仔嘅超人片，超能力只可以維持幾分鐘。當然G類機爆棚輸出可能維持唔到幾秒甚至一秒以下（視乎機種同設計），聽一啲偶然來一嘢爆棚聲嘅碟還可以，持續大輸出就會即刻腳軟。

市面上好多機聲稱佢輸出嘅功率都好大，但係佢嘅體積響唔同牌子嘅分別都相當巨大，呢個完全基於佢不同線路嘅設計，所以買乜嘢機好睇你荷包有幾漲、聽音樂嘅類別同對音質嘅要求。

知識所限，如有錯誤敬請原諒。


最後修改時間: 2023-10-02 12:10:32

如果好似某啲師兄講一定要聽真聲，噉應該收曬啲mic就咁聽，我呢啲要求高分析力當然喜歡聽啲味精聲（經錄音師處理）。

其實一個交響樂嘅錄音，好多時某啲樂器都會輪流擔主角，但去到大合奏嗰陣時可能佢又會縮返入去，尤其係嗰啲細眉細眼嘅叮叮查查。如果冇人為嘅調控，個錄音自然冇咁HiFi可能會比較平淡一啲。


最後修改時間: 2023-10-02 07:44:14

有啲師兄成日講話要聽現場先有正確樂器嘅參考，但係好似我之前話齋就算喺現場佢都係咪收音經過mixing混音之後先去到喇叭出聲，噉真聲喺邊度?

睇完煙花我就明白乜嘢叫做真聲（冇經修飾刪剪），嗰啲成日攞住隻1812砰砰聲響度聲稱幾勁幾勁幾真幾真。我應該同佢講你去睇下煙花啦，聽下咩嘢叫真爆炸聲，你啲幾百一千個嗰啲機出到真爆炸聲咩。



手機現場錄影錄音。



最後修改時間: 2023-10-01 23:28:02

今夜煙花燦爛。

乜嘢叫做人山人海，出嚟尖沙咀你就知喇。
幾十萬人而家都有同一個目的，當然唔係遊行，係期待緊第一顆煙花嘅綻放。




最後修改時間: 2023-10-01 20:31:51

剛入情關梗係唔會諗咩嘢結婚呢個問題，初出嚟做嘢接觸女性多咗慢慢嘗試探討女性係一種乜嘢嘅動物。我諗好多人開頭都會舐嘢，因為女性係一種口是心非嘅動物，最鍾意講大話。你要憑佢嘅眼神、表情和說話語氣去揣測佢真實嘅意圖。如果你用邏輯理性去分析問題，通常得出嚟嘅答案都一定係錯嘅，有時都會覺得幾攰。

既然初入情關亦都唔係諗住過世嘅話噉就自然好似邪神話齋:「我冇乜想點，我只係想溝咗妳之後飛妳，或者俾妳溝咗之後飛我。」。總之感情嘅結束總有一方會比較痛苦。



喇叭出聲再用mic收錄。



最後修改時間: 2023-10-01 08:11:03

以前呢間酒店出嘅奶黃月餅相當搶手，因為有錢都未必買得到（限售）。但係而家變得普遍，因為衹要你有錢多多都有。

中秋節梗係飲返個靚茶，轉返個大運。






最後修改時間: 2023-10-01 07:03:36

下午睇完熊熊，夜晚就睇花燈。
真係估佢唔到原來睇花燈仲可以睇埋大戲。














最後修改時間: 2023-09-30 19:28:34

其實每件事對唔同人都有唔同嘅睇法，節日一樣。有啲人一到節日能夠一家團圆當然會期待和開心，但如果剛剛甩拖又遇著中秋節，望住個月亮心情就絕對唔一樣。



喇叭出聲再用mic收錄。



最後修改時間: 2023-09-29 21:03:02

今年天公做美，個月亮又大又圓。
祝大家中秋節快樂。

一開始遇著大姐姐都可能好啲，如果遇著啲情場女殺手可能你會畀佢純情嘅外表嬌嗲嘅態度殺到片甲不留，最終就錢財兩空腎上腺素每日在大幅上上落落。



喇叭出聲再用mic收錄。



最後修改時間: 2023-09-28 22:59:11