Once more....



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-03-24 01:33:20

音樂界又再損失咗一個重要人物盧國沾先生，或者嚟緊播返幾隻佢創作嘅歌曲懷緬一下昔日嘅時光。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-03-22 23:58:44

上禮拜有位師兄過嚟家訪交流，佢都好客氣哋講出咗我套系統有好多問題，例如左右聲道唔平衡，人聲位置偏低，低音稍缺...等等。其實我聽在心裏暗覺佩服，有啲問題我係知不過厭煩都係一個字...懶，唔想再拆機去搞。

你唔好以為我錄出嚟啲聲覺得分離度和人聲有唔錯嘅效果，其實背後都做咗啲嘢。先講左右聲道唔平衡，其實好多年前響set up嗰陣時唔知點解總係覺得左聲道比較出（左邊有側牆加上前面有個琴，但係右邊喇叭就冇牆），但係我部機冇balance制唯有將比較強聲嘅左喇叭推後啲又或者張右邊喇叭推拉出啲，雖然咁樣做可以某程度改善咗大細聲呢個問題但係因為左右兩個喇叭到耳仔嘅距離已經不一樣最終導致音場有啲亂。咁樣冇辦法唯有張右聲道個gain改大少少，從此就埋下咗一個伏筆。其實響我開始錄音嘅時候就好肯定有一邊聲道高咗2dB，因為錄完音後我都要響電腦張某聲道增加返2dB才正常。

人聲高度偏低呢個問題，最主要係呢隻喇叭個高音唔係響個喇叭頂而係夾住響兩個六吋單元中間（已經偏低），再加上我坐嗰張係電腦櫈相對高度比較高，呢個問題都困要咗我一段時間最終響淘寶買咗塊墊板托高少少，但係都未足夠之後就懶得再搞。錄音冇呢個問題因為支咪係對住個高音同一高度。

之前畀大家睇嗰篇文係關於Sound Stage & Sound Field，我而家屋企嗰個音效係極度偏向sound stage（無論係人聲或者樂器嘅聚焦，樂器嘅分離度同動態都有唔錯嘅效果），最主要我嘅皇帝位基本上係同喇叭成一等邊三角形，而喇叭係大toe in基本上向住對耳仔，十足就係等於聽緊耳塞嘅效果(99%直接聲）。有時分離度比較高導致前面嘅音場會有留白嘅地方。呢個擺法都係因左聲道有個琴頂住，焗住喇叭要作大toe in先有合理嘅音效。

不過經過師兄將我隱藏咗嘅問題揭返出嚟，我今次真係要認真處理，第一先將擴音機個gain調返一致，將個廳其中一個細嘅書架拎走然後將個鋼琴移前四吋，喇叭而家有足夠空間可以擺平再去教聲。喇叭平放聚焦和樂器分離度嚴重變差，有啲似背景音樂（sound field）。將兩隻喇叭慢慢toe in 直至人聲嘅聚焦去返我覺得合理嘅水平，現時會有適當嘅反射聲。至於人聲嘅高度已經將喇叭向前傾一定角度，人聲已經比之前大約升高返半呎。至於低音今次就未有咩改善方案，不過而家打算買過張HiFi櫈，會低好多到時有機會會嘗試將喇叭塊托板移走，希望喇叭坐低啲會令到個低音有加強嘅效果。

Sound Stage & Sound Field:

https://mp.weixin.qq.com/s/UbOFghojWFcxko4GTrqHsQ

值得大家仔細閱讀。

一個情場失意嘅漢子響情場裏面屢敗屢試可惜都係屢試屢敗，佢會唔會開始懷疑一生一世純粹只係一個傳說。


DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-03-21 23:53:26

一至五下午有機會就一定去蒲田嗰度食，78炆下午套餐抵食到冇朋友，一碗燉湯三小點一主食靚茶任斟仲要唔收加一，香港地去茶餐廳食啲唔知乜嘢都要咁嘅收費。







最後修改時間: 2025-03-18 19:46:01

以前父輩教子女唔好畀人呃通常就講唔會有咁大隻蛤乸隨街跳，不過我今日對呢句說話有小小疑問，因為過馬路嗰陣時喺安全島真係見到有咁大隻蛤乸跳嚟跳去。






最後修改時間: 2025-03-16 18:25:10

今日下午會有師兄上嚟交流，趁住上午有啲時間便認真檢討下套器材嘅狀態。當聽到蔡琴老歌其中一首嘅時候，就發覺好似比較乾咗啲冇昔日咁感情豐富，當然即刻睇下發生咩事，套器材近期唯一嘅變化就係加咗個外置USB，咁唔使諗即刻將佢掹咗發覺啲聲當堂回復昔日一樣咁艷麗。

所以每次對器材作出改變（當然一定有聽覺上嘅分別）最好都係一樣一樣嚟並作長時間聆聽才可以下結論，否則好容易走入一個死糊塗轉嚟轉去。
唔講啦繼續聽下歌先。







最後修改時間: 2025-03-16 10:42:25

現代世界好多嘢都可以買保險，其實都係擔心一旦失去會對自己有好大嘅影響或者傷害，不過偏偏有一樣嘢似乎暫時都冇保險公司受保，佢就係感情。


DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2025-03-15 02:01:08

有啲女持住有幾分脂色就設鬼咁多個要求同條件，可能男方開頭都容忍得到，但係個女方可能得寸進尺層層加碼，最後男方真係忍無可忍最終都頂佢唔順。



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2025-03-13 00:22:17

我諗而家好多師兄都會用模擬嘅軟件先模擬一下自己設計咗嘅線路，睇下個線路可唔可以正常工作先至動手砌出嚟，咁樣可以慳返好多無謂嘅時間。

不過模擬歸模擬始終唔係真實，佢基於嘅零件參數同現實可能係完全兩馬子，所以只能參考不能盡信。

即係好似我魔改嗰部HD1969擴音機一樣都係根據網上一啲魔改嘅資料去做，但係最後尾發覺改改下就唔多對路完全唔係嗰回事，原來個網主只不過係基於模擬軟件去發表偉論，所有嘅判斷同真實完全不一樣。最後尾都係要自己慢慢逐步逐步一路改一路試聽去完成埋最終嘅線路。

又或者我近排響度研究緊嗰部冇負回輸放大器，用模擬軟件就發覺正負波放大器都有嚴重失真，但係兩個輸出合併出嚟嘅波形就正常，呢個絕對係運算上嘅問題，都係嗰句模擬軟件只可參考不能盡信。

上個禮拜有個師兄過嚟家訪，咁佢亦都帶咗佢自己一條diy線過嚟比拼，聽感就係高音量多咗低音比較輕。最後未得知條線本身係用十幾條幼嘅同軸鍍銀線並聯而成，不過銀線或者鍍銀線嘅特性似乎冇變，都係頻寬會係向上飄移。

拍咗拖一段時間之後，嗰條女就以為食硬你，慢慢佢就變成咗你嘅主人，對你諸多要求。對啲初入情場嘅初哥，可能以為條條女都係咁樣，所以就逆來順受被人又打又要跪。


DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2025-03-07 22:19:09

呢位堅果女王很早前在4朵膠花嘅時候當然有唱歌有出碟，估唔到之後都仲有錄音不過就唔知道有冇出個人大碟。除了呢位歌手之外，有一位現役好受歡迎嘅電影演員佢嘅錄音更加稀有，並且大受歡迎。



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2025-03-03 21:57:22

而家的無人機咁細技術上應該可以做到，如果睇返網上面有個人砌咗艘航空母艦，上面有戰機，直升機和升降臺。戰機和直升機可以遙控起飛，升降臺又可以上下升降戰機，連炮臺都可以發炮。所以呢個世界冇話冇可能。

今日新聞睇到昨天霧鎖香江，剛剛昨天我都有去香港都被呢個現象吸引到所以拍咗張照片。





最後修改時間: 2025-03-03 20:09:12

如果架朋友號好似4軸機咁，可以上落萬能俠個頭頂，就更有共鳴親切感喇!

補多兩張之前影慨相。








最後修改時間: 2025-03-03 12:08:32

陸續有來。









最後修改時間: 2025-03-02 14:30:00

也嘢叫做童年記憶，這哋咪就係嘍。





最後修改時間: 2025-03-02 11:33:58

有時男女嘅關係真係好奇妙，可能一開始嘅時候大家都好似仇人一樣針鋒相對，但係可能又唔知隔咗幾耐又或者發生啲吔嘢突發事件，大家又突然化敵為友，開始一段男女關係。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2025-03-01 22:31:25