滄海桑田而家已經見到好多天稱，影張相先因為過多一兩年老洞呢度就會有翻天覆地嘅改變。

繼續播返啲番邦歌。


DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-10-10 23:01:44

「大同世界」或者所謂嘅「烏托邦」幾時會出現，「天堂」嘅生活就係咪無慾、無求、無所缺。當大量機械人被大量投放去各行各業甚至取代咗人力，全世嘅人從此唔需要為溫飽而煩惱。到時候人類便要去思考身為萬物之靈「人類」生存喺世上嘅價值，呢個絕對係上層重新架構人類發展或者轉型嘅重大難題。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2024-10-06 20:26:06

其實如果翻開歷史都係野心、霸權、屠殺同整合，不過西方嘅歷史就主要係掠奪他國嘅資源，屠殺或者控制他國嘅國民。美國嘅立國離不開屠殺本地嘅印第安人，為咗建設捉咗大量非洲人去美國做奴隸。第一次和第二次世界大戰都係因為某啲國家認為自己科技發達天下無敵，想擴展自己嘅國土侵佔他國嘅資源而導致。

反之中國過往嘅君主所謂嘅「天下」都唔係講緊其他國家反而主要都係響中國國境之內，當然權鬥都唔係講玩，都係要死人冧樓。不過中國就算初初打生打死，但當權力已經確立咗之後，反而會主力建設國家同埋改善人民嘅生活。

唔好比歷史嘅包袱永遠影響你嘅思維同判斷能力，就當以往全世界嘅人都係未開發係野蠻人，將佢以往嘅惡行全部抹走曬。我哋將目光放返響今時今日嘅現在，如果有班人話因為佢有個敵人響聯合國辦事處、學校、醫院或者難民營，所以佢就用個炸彈將佢夷平唔理裏面有幾多其他無辜嘅人，唔知大家認唔認同呢種行為。如果有啲國家不但認同佢哋嘅行為，仲要提供大量彈藥，你又點睇呢啲國家。我諗一般市民只係希望可以安居樂業都唔希望戰爭嘅發生，不過人嘅野心就導至咗戰爭，但願現今所有戰爭都立刻平息。

理想世界，代表著人類對未來社會的美好憧憬。 基本特徵即為人人友愛互助，家家安居樂業，沒有差異，沒有戰爭。 這種狀態稱為「世界大同」，此種世界又稱「大同世界」。

其實呢個「大同世界」亦都有啲似國家領導人提出嘅「人類命運共同體」，顧名思義，就是每個民族、每個國家的前途命運都緊緊聯繫在一起，應該風雨同舟，榮辱與共，努力把我們生於斯、長於斯的這個星球建成一個和睦的大家庭，把世界各國人民對美好生活的嚮往變成現實。




DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-10-03 23:30:39

西方國家崇尚霸權，當佢覺得佢嘅地位受到威脅嘅時候就唔需要再裝再同你講乜嘢仁義道德，直接撕下面具大開殺戒見人殺人見佛殺佛。因為佢知道如果響神壇跌咗落嚟個後果會係幾悲慘，勝者為王敗者為寇，為咗贏幾滅絕人性幾汚糟邋遢嘅事都可以去做。
--------------------------------------

東方殘酷更甚！整死幾百萬面不改容（Cambodia)，收地鬥死地主一家幾百萬人（不好說)，餓死３千萬話係天災濕濕粹（說不得)，文化革命鬥死？百萬（也說不得)，改姓黨教育迫走二十萬連同子女香港人（更說不得)。。。

西方國家崇尚霸權，當佢覺得佢嘅地位受到威脅嘅時候就唔需要再裝再同你講乜嘢仁義道德，直接撕下面具大開殺戒見人殺人見佛殺佛。因為佢知道如果響神壇跌咗落嚟個後果會係幾悲慘，勝者為王敗者為寇，為咗贏幾滅絕人性幾汚糟邋遢嘅事都可以去做。



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-10-02 22:19:55

做咗咁多測試之後最終又悲又喜，喜嘅就係原來我一開始就揀對咗，悲嘅就係花咗咁大氣力原來都冇寸進。用notebook做CAS點樣可以好聲一啲，總算得出一個規律如下:
其實都係嗰句「Simply is the best !」
1. CPU唔需要咁多核，2到4其實足夠。
2. 只作播放音樂用途，不要裝無謂嘅軟件。
3. 音樂庫不要用USB作儲存（儲存響內置硬碟）。
4. 機內硬碟要用HDD，不可用SSD。
5. 最好不要有風扇，如果有都要係舊式慢速風扇。
6. 要有兩個USB插頭並排，其中一個插電源主動濾波器。
7. Notebook要遠離其他器材，切勿將notebook同其他器材上下放置。
8. DAC USB輸入一定要有isolator。



DIY信號線接響DAC同擴音機之間，魔改擴音機在推喇叭之後再用咪收錄。





最後修改時間: 2024-09-30 23:45:04

SATA SSD vs SATA HDD.


SSD


HDD




DIY信號線接響DAC同擴音機之間，魔改擴音機在推喇叭之後再用咪收錄。(SSD)


DIY信號線接響DAC同擴音機之間，魔改擴音機在推喇叭之後再用咪收錄。(HDD)



DIY信號線接響DAC同擴音機之間，魔改擴音機在推喇叭之後再用咪收錄。(SSD)


DIY信號線接響DAC同擴音機之間，魔改擴音機在推喇叭之後再用咪收錄。(HDD)



DIY信號線接響DAC同擴音機之間，魔改擴音機在推喇叭之後再用咪收錄。(SSD)


DIY信號線接響DAC同擴音機之間，魔改擴音機在推喇叭之後再用咪收錄。(HDD)





最後修改時間: 2024-09-29 02:05:46

發燒友從來都有個頭疼嘅問題，當更改咗啲器材或者線材甚至零件噉究竟個聲同之前有乜嘢分別? 純粹憑個人記憶根本係極唔可靠，特別係要離開個座位搞一輪野才可以坐返個位，可能個人嘅狀態同心情已經改變，好難有公平嘅比較。但係如果用相同嘅器材、相同嘅距離、相同嘅音量用同一個咪收錄之後再作比較，噉樣就可以仔細比較之間嘅分別，呢個方法相當有效，簡直就係快靚正。

SATA HDD同SATA SSD究竟有乜分別，下回分解。



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-09-27 20:46:14

唔知你覺得邊個版本比較吸引，我仍然覺得HDD聲音更加吸引，SSD人聲有啲毛躁兼且鬆散一啲。其實我用HDD作錄音嘅時候嗰條SSD仍然插喺部機上面，所以如果HDD噉樣都贏就更加無話可說。

另外我睇到有個師兄講SATA SSD係最好聲，我覺得如果冇經過實試呢啲都不可盡信。既然部機已經拆散咗，噉今次不如借條SATA SSD做埋呢個測試。



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-09-25 22:19:44

早排有一日放假太座一早話出去買啲嘢，諗住佢起碼都搞個零兩個鐘，噉即刻諗住錄音點知佢一個屈尾拾一個鐘就返嚟，噉就只可以錄咗兩隻歌。不過其實一聽兩個對比，就已經明顯分出孰優孰劣。




DIY信號線接響DAC同擴音機之間，魔改擴音機在推喇叭之後再用咪收錄。(M.2 SSD)


DIY信號線接響DAC同擴音機之間，魔改擴音機在推喇叭之後再用咪收錄。(HDD)




DIY信號線接響DAC同擴音機之間，魔改擴音機在推喇叭之後再用咪收錄。(M.2 SSD)


DIY信號線接響DAC同擴音機之間，魔改擴音機在推喇叭之後再用咪收錄。(HDD)





最後修改時間: 2024-09-25 00:15:20

終於買咗條M.2 1T SSD做埋呢個實驗，其實買佢仲有個考量就算出嚟個結果唔係太理想呢條SSD都可以用返響我舊嗰部坐枱電腦（i5 3th 8G），即係而家我成日作錄音和作後期處理呢部電腦。不過整個過程都係一波三折真係爭啲俾Window玩死。

因為唔知點解佢無端端set咗做auto update一開機佢就響度做update，我並冇為意因為早一兩日我已經update過部機所以冇諗過咁短時間佢又有新嘅update。插咗條SSD一開機就發覺部機好似食咗成擔豬油，不知就裡嘅我在整個過程都reboot咗部機好多次，真係爭啲連個OS都炒埋。搞咗幾日最後正常返，即刻再次掃毒、update然後做backup又搞一兩日，最後再將整隻HDD clone過去SSD。終於所有準備工作都完成咗，可以開始試聽同錄音作比較。



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-09-22 20:38:25

之前用唔同notebook比較過嘅聲效之後都係覺得舊notebook比較好聲（i3 7th HDD），唯一唔確定嘅就係內置硬碟究竟HDD好聲啲定係SSD。早幾個禮拜行經深水埗便去黃金嗰度睇睇啲M.2 SSD價錢，發覺咗有一隻頗出名嘅牌子1T 5000MB/s read都係賣緊HK420，心裏面覺得呢個都係頗合理嘅價錢，問題係究竟我部notebook支援邊一種M.2。

終於鼓起勇氣嘗試拆開notebook嘅底蓋，之前試過老鼠拉龜都唔知點拆失敗咗，後屘響「你條管」嗰度睇到人哋用張膠卡片去慢慢撬噉今次就嘗試用呢個方法。幾驚艱辛圍邊都好似已經撬開咗但係好似中間仲有螺絲上住，再三睇返佢嘅底蓋發覺其中有兩個螺絲窿旁邊印有keyboard個符號，其中一個好似印多一支嘢。噉嘗試搵支嘢隊上去，果然成個Keyboard被隊高咗，Keyboard其中一邊留咗條罅位，你可以用手指甲慢慢將佢掹咗出嚟，果然仲有兩粒螺絲上住咗。睇咗個M.2嘅長度，打算過幾日就去咗黃金地舖嗰度買。當時以我所知其實都有好多唔同嘅速度，我都有啲擔心會唔會好似啲RAM噉需要硬件配合，但係響網上面又搵唔到相關資料所以腦海裏面都存在一個問號。終於隔咗幾日去咗黃金嗰度打算買，個店員第一個問題問我部notebook買咗幾耐，實際日子都唔太肯定我同佢講都應該有幾年，佢即刻同我講你部機支援唔到咁快，我幫你搵條慢啲嘅跟住響佢部notebook顯示咗某隻牌子和價錢，一條係需要HK470。我心諗我睇緊嗰條都係HK420，慢啲仲要貴啲...唔係吖。跟住我問佢可唔可以插落去，佢話可以但係行唔到嗰個速度，我再問係咪跟返notebook嘅速度，佢話係噉我即刻回復噉咪即是得囉就呢條HK420。原來「提子」無處不在。


DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-09-21 21:30:32

少年，看你的骨骼驚奇，是萬中無一的練武奇才，維護世界和平就靠你了，我這裡有本秘籍《虎鶴雙形拳》，我看與你有緣，就十塊錢賣給你吧！





最後修改時間: 2024-09-20 15:59:11

Keep on singing...



DIY信號線接響DAC同擴音機之間，魔改擴音機在推喇叭之後再用咪收錄。




最後修改時間: 2024-09-19 20:06:38

終於見到條大火龍。








最後修改時間: 2024-09-18 20:14:33

燈泡小火龍先出現。

蓄勢待發。

大坑舞火龍，搵地方食個晚飯先。








最後修改時間: 2024-09-18 18:26:04

Good song once more.



DIY信號線接響DAC同擴音機之間，魔改擴音機在推喇叭之後再用咪收錄。