我只諗，改得好咗，做乜唔要?

#17
大件的。我記得我估個石波約有四十幾五十cm闊，
仲有個底座，連埋水，裝咁重嘢在住宅大廈都頗危。

為貼近主題，又或者甘…將部摩改後可改用300B,跟住插對二手價過萬嘅WE300B膽連膽放二手，機價跟原機未改前二手價1萬放二手市場。

如果唔講膽就當摩改輸出牛吧...尼對牛二手市價過萬一對，都係賣一萬，真係唔賣得？起碼我會考慮買…

我部膽cdp都係R33師兄二手買嘅(2萬幾)…上手機內摩改加鐘(過五仟)，我一聽便即時俾錢托走，我那習慣聽聲作參考。。

或仲誇啲摩改成推挽…送夠2對WE300B膽！

#13 x 2
石機摩過就要諗住同佢過世
就算二三十年機翻新電容都係咁話，除非原機廠料

貼近主題的話,賣家多數會話應該；買家就好多“摩”過嘅機都唔考慮,莫講照正常未摩的二手價賣.
買摩完之後的機再三手放出去市場窄好多.
如果DIY 機要計埋人工？Clone ProAc 1SC 賣家set 價錢貴過原裝機當然可以,等有喜歡clone聲的人買.

摩機的利弊，梗係弊多於利啦！

市場成交已反映一切！講完。


..

買正常機 = 欣賞間廠，亦多數以前有試過機或試過此廠產品。

加錢買摩機 = 欣賞你。。。但你是誰?

其實，名廠机的老闆都是天材，因他廠內有金耳指數其高的工作人員，又有真正的專業儀器作監定標準，改机的人大部份乜都無'只有佛出世時!說的，天上天下唯我獨尊，咪改得就改囉。

印象中早前有部摩改電容…Melody前級好快交易，但最近見Melody無摩改前級好耐都仲未賣出。

當然只係個別case。

好似CJ部膽前送廠摩改為SE版(只係換一粒電容)就加幾仟蚊！當然大把人話值！此摩不同彼摩。

同一粒電容您摩改就要平啲賣！而廠摩就賣貴幾仟！部機摩改後聲一樣，但價錢就好大分別，不竟心理因素大過聲音因素。

都好嘅，真正用家多個機會可以平價買入。

最後修改時間: 2020-05-22 18:40:01

你覺有興趣先會去摩部機, 摩完又唔還原賣走即是對佢無晒興趣
換而言成個progress 係"即興"
點解仲想搵人清理果位人兄的"即興" ?

最後修改時間: 2020-05-22 18:46:45

到您還原放二手…又或者俾錢人話…即係摩完唔得先還原放二手！
如果摩後升幾級…又點忍心還原低幾級先放！？

摩改完我個人唔介意！但必須要試聽！

市埸上好多幾拾万器材線材放二手區！名牌多的是。

真係吾好聲或吾鍾意先放？買果時當然覺佢好先買，但點解又放去二手區？

身痕、花心、升級、對得耐厭（厭吾代表吾好…好比日日要你食同一樣最貴最好食物，長年累月吾凖食第二樣，你會真係吾想轉？？？

轉手同唔好無必然關係。口味就更無准則…我只信自己對耳！



最後修改時間: 2020-05-22 20:17:16

摩機梗係貴d啦，Marantz 好多型號有 SE / KI 版，用高級d零件同重料d既機箱，貴成倍tim。

但。。。我摩既就送比你都唔好要啦，著火點算? 唔係揸起辣雞嘅就係大師傅!

人地KI 版由廠出, 依然有大廠保養, 有乜事都可以搵廠
你一個師傅....我有乜事時搵你維修好, 定上庭告你比較好?

#33

AMG, TRD, MUGEN 當然賣貴D,二手仲好價.土瓜灣某車房大改就仲有冇二手高價就唔知.

主題係講二手價格當然應該對翻二手(當然未過保養期都有人放二手)，但點會未過保養期就去摩佢？

就算未過保養期部機著火引起火警…有巨額損失！廠會賠俾您？

再退一步，得部機壞靈件…好多廠都係包檢檢唔包換靈件(另外報價)，而且報價換靈件嘅價錢貴市面幾多倍？

就好似早前某名牌手機叉電著火火警…手機商或火牛供應商係未過保養期內會賠償火警所損失？

況且主題所講二手價格我理解為摩改後『正常』運作嘅機，加錢摩改後應否加到機價上？

我對內地Rogers復刻版5/9嗽叭都等到過曬保養期先摩改(雖然買果時都預左摩…因為想還原翻早期嘅分音元件…)。

其實果市場係最現實…而家外國賣發燒零件嘅公司…光顧過後想同佢議價，佢都費事睬您。

再者您睇二手區果啲發燒摩機元件…好似vcap.mcap.audionote...貴價電容，一陣風就無曬！難道啲師兄買翻去擺？嘅然所摩改發燒靈件有價有市，點解唔可以反影係機價上？

打個比方：機主摩改2粒0.22UF杜蘭銀電容(街價過2萬)部機二手價只賣翻原有市價1萬！跟機送翻原裝電容！換言之，買翻尼拆賣電容再還原為原裝，部機唔洗錢仲分分鐘有賺！我都希望機主唔好將摩改的後反映係機價當上！

再用另一角度睇，如果摩左無好左…晨早執曬又或者二手無成交…。

甘講了,
我買左個名牌手袋, 自己或者求其搵個刺繡同好group的人再係上面繡個花
你話甘樣送去2手鋪放, 果袋仲值唔值錢?

你話有果刺繡師係名人做晒新聞的程度連路人A都知就話值姐
如果唔係, 我理得你用乜線.

最後修改時間: 2020-05-24 10:58:25

其實如果有DIY經驗嘅師兄，佢心裏邊我相信已經有一個答案。

以前我曾經試過更改一部機嘅回輸電阻數值，希望達到我想要嘅效果。改咗之後都係覺得唔拖唔水，最後屘我改返轉頭。即是話線路冇變到，祇不過焊錫可能有少少出入（我相信廠方亦都唔會用銀錫咁大手筆）。不過我發覺咗個聲底已經唔同咗（應該係冇咁潤），已經返唔到之前嗰音效。都唔好話將零件改變咗，個聲底可以係同原廠有極大出入（所以而家我已經唔敢去搞輸入同回輸呢啲地方）。

其實每個師兄當佢想買嗰隻牌子嘅某model時，當然佢對佢有一定認識或者響音響展或者響鋪頭聽過覺得唔錯，請注意呢個係原廠聲音。俾其他師兄摸改完之後，嗰部機可能已經係另一個陌生品牌嘅聲音。

噉你覺得值幾多錢呢?可能有啲師兄聽完覺得仲好咗肯俾多啲錢去買都唔出奇，不過呢個應該唔會係我。

但係如果呢個係廠方嘅摸改噉又唔同，一如我部DAC都要俾多幾千文變成L2，如果要去到瘋改版L3就要俾更加多嘅錢。



最後修改時間: 2020-05-24 11:30:41

得一個人撐。但越撐越樣衰，用埋啲語言偽術東拉西扯龍門亂搬方式，
係好事係合理的話又點會需要尼種人尼種狗技去撐。

最後修改時間: 2020-05-24 14:16:44

#38
我倒認同的。

還原100%係有點難度。但好過原裝(指焊及錫方面…焊錫嘅影響不竟有限)，難度反不高。

玩音響同聽音響當有一定分別，有好多師兄好安份守己很安全的(絕不摩改)，唔啱就寧願換機。

但有些師兄會係重點摩改(正如樓上師兄所指…買原廠摩改要加幾仟...好多更會就客人口味而改…所謂原廠版本，可以有好多…)。

如果有部機話已係『最好』無摩改善空間，我反唔多信，否則都唔會成日有新型號或摩改版出街。

或者分為兩類型甘睇睇：

1：安守本份$10000聽翻$10000級數嘅機(只係打個比方),如要聽$20000聲音級數就要再俾$20000買過(或將前機放二手約值$6000)，即係約用$24000聽值$20000嘅級數嘅機…當然可能唔只換一次啦…往後有可能用$100000只能聽到約值$50000(只係求其打個比方)嘅機。

二手價較有保障。

2:不安守本份$10000，可能自己花$5000(都係打個比方)摩改同數值發燒零件…(或參考廠方摩改版而摩改)已可聽值$20000級數嘅機,即係可能用$15000就聽緊約值$20000…級數嘅機。

當然二手機價或可能不及原裝版。

總結：
無話邊個啱唔啱，只係取捨唔同。

如果站係個人口味而然…摩改或較買機易(比如前後級要夾阻抗…等匹配,即使買貴價機…配唔啱可以好難聽…)，但摩改就較少尼類問題。

況且將部摩改到同原裝機比較…或好幾班果種感受，唔少發燒零件比原裝零件質素何只高幾班！但高幾班唔代表一定會夾聲好聲，選料好講經驗…技術亦有一定要求)但安守本份一族好難感受到尼類意外驚喜，尼類人或可領會『玩音響』果種樂趣。

就好似砌模型同買成品，最終都係一件成品，但感受好唔同。

但個人並唔建議人摩改，不竟有風險的！雖然風險同報高有可能係正比。

舉個例：點解WE300B膽甘貴(同以前比更升值唔少),點解呢？因為『聲』，個樣又無乜特別！唔少音響組件因好聲而價值飛升已唔係新聞！

如果有人將部機摩得更好聲而要平賣？當然您情我願就可以。




最後修改時間: 2020-05-24 14:47:45