- #56 [邱邱邱邱], 20-05-25 21:04
- #55 [Photosan], 20-05-25 17:11聽落甘似炒股票?
- #54 [kk6666], 20-05-25 16:40識先好買,冇人迫你,冇得話值唔值應唔應該
-
- #53 [chhnpng], 20-05-25 13:52取問前輩咁人哋摩完部机你有無試過出高價去買?
- #52 [254mm], 20-05-25 12:47#50,說得冇錯,見到d 摩过機,真係惨不忍睹,飛线飛到亂籠,零件銲到diu dil fing, 睇埋线路板仲死,冷銲,假銲,线路銅片被攪到甩皮甩骨,底板都飛线,个摩手功夫根本未到家,所做一切只是謀殺架機,心口有个勇字咋
- #51 [Mc225], 20-05-25 12:27如果只是幾千蚊嘢(喇叭除外)、型號又不常見就冇乜所謂,貴嘢一般不會買摩過的,要調教聲音我寧願買過另外一部機
- #50 [長長影子], 20-05-25 12:11我自己就一定唔會買摩過機,見以前幫過朋友執過手尾嘅例子通常都慘不忍睹。 換 op-amp 雖然好常見,相信好少人有注意到 ESD。 但普遍問題係亂用補品及用咗啲唔適合嘅零件,啲線飛到亂七八糟,以為用含銀焊鍚就一定好聲又唔用支好少少嘅辣雞,焊功一來亦不敢恭維,明顯見到啲零件焊到內/外傷,最後當然會唔知咩原因會唔同咗聲喇。 左、右輸出結果唔對稱不在話下。 亦遇過 bypass 咗 DAC 輸出嘅 LPF 同我 sell 話好聲咗好多....等等。 雖然話聽聲收貨無你符,但宜家係聽聲出貨就有啲過份。 如果係因為維修就冇得咁計,好彩我見多數維修過嘅機啲師傅都整得算專業點都有個譜。
- #49 [Photosan], 20-05-25 07:25其實真係幾對牛彈琴, 有D人講極係真的唔會明,
好似鏽花師傅不斷講手工同線料樣點好, 但個手袋多左個唔應該係度的花就係多左,
2手鋪好少領情之餘, 而且找個二手準買家都唔易 - #48 [邱邱邱邱], 20-05-24 23:49254mm前輩咪取笑我啲後輩啦。
個人覺得論壇唔應該設什麼框框界限…心裡係碗咪話碗囉,又要驚某某唔鐘意或得失邊個邊個甚至什麼利益關系…甘辛苦為乜?
人生有幾多個10年呀?連心底裡話也不敢說!
我倒幾欣賞樓上幾位唔支持摩機嘅朋友…以唔同角度去分析…起碼像真心話!見解唔同正常過正常…反而您話乜就乜倒也或要小心❤見解唔同唔代表唔可以交流❤
好似網上好多人話德仔CCA西門子CCA(好多期…唔代表其他期都係)....係我幾套膽機組合表現只係唔錯…無網上講得甘好(什至炒到都幾貴添),我反而聽較平身價嘅Marconi...CCA一年都聽唔到幾個鐘。
Jensen油浸電容同樣網上都話好正…我過往至今評價都係好一般(分析力結像分離度…比好多發燒電容弱…),係其他組合或者好好都未定…但係我組合試過係點咪照講囉!
總好過睇啲膳稿無邊樣唔好…我都記唔起有幾多年無買過音響書睇。
最後修改時間: 2020-05-25 00:06:18 - #47 [254mm], 20-05-24 22:07邱兄真客氣,安份守己,真婉轉,好野!!cheers!!
- #46 [邱邱邱邱], 20-05-24 21:35#44
254mm前輩…所說也是,有時唔係甘容易去分享…話好或唔好都好…!好可能係什麼打手…或有什麼利益企圖,什麼是真正分享?有果樣係果樣就係…有幾複雜?真係辛苦佢哋,玩音響啫…都甘多嘢唸。
一來可能係自己表達得唔好…二來自己半桶水…講唔到重點。
但遇到懂摩機師兄…倒係樂事,有吹不完話題,尼種樂趣!安份守己一族好難感受到或同您去分享…。
最後修改時間: 2020-05-24 21:45:35 - #45 [邱邱邱邱], 20-05-24 21:15個人利申報一下也好:
個人純一個用家,由cd未出玩Lp玩到而家…約近40多年,現任職物業管理公司文職(又不是什麼不可告人的事…好多師兄都上過寒舍聽過歌仔…吹過水,如師兄有興趣可pm我上尼交流下…睇見總好耳聞,我習慣直話就直說…年終都得罪唔少人,係Hiendy甚至有師兄話我似打手…先多謝抬舉)。
不過自己貪玩,好多時鐘意摩改下…以迎合自己口味(一來無錢唔啱就換機...退而求其次摩改),上網都好易搵到我對摩改零件分享…希望自己交左甘多學費,希望幫到一啲師兄少走枉路,當然亦有出post希望有師兄能分享經驗…比如最我出post希望師兄能分享『錫線、機內接線』心得…但好少回應…惟有出去亂撞亂買試試…)。
但重申一點:我鐘意摩機但就唔多鐘意『賣機』,又鐘意係R33同啲師兄買機買膽…買買下…而家有3套膽機,電源線買買下都過10多條…如果有師兄有信心可毒到我…不妨帶上寒舍試試,不竟都有我聽完即去買…或要求收下…玩音響就係甘嫁啦。
但到而家我印象中未試過將機放賣二手,但膽或線材有時都會讓俾啲師兄(但買10對都唔會賣1對果隻…但有時借俾人聽完…佢又想買,有時都會賣,但聽開果啲就唔好意思,無奈地托手踭)。
最後修改時間: 2020-05-24 21:31:22 - #44 [254mm], 20-05-24 20:46其實玩 hi-fi 的,又有幾多个識摩機,好多連个機蓋都唔敢打开,莫再講零件數值,質數,缐路圖也未必識睇,怎摩?時不久見人問电源线裡那三條线怎分,你同佢講摩機?大家辛苦,佢唔知你講乜,你亦对牛彈琴。个 *玩* 字,其實包括識落手落腳去攪,去改善个hi-fi 系統,又有幾多个做得到呢?至於摩機成本加落二手價,就見仁見智,識貨的自然會考慮,唔識貨的,慳番啖氣好过。
- #43 [photosan], 20-05-24 17:57乜乜觀點與角度, 乜乜立場定偏見啊...都係果句
個名牌個名牌手袋被人係上面繡個花, 對用家好有意思, 可能好襯佢套衫,
只是對其他人呢?
甘個面繡花價又使唔使轉落去2手價? - #42 [ich], 20-05-24 15:16#40
我估呢度冇乜人唔識乜叫“摩”機或者“摩”得好的好處.所以呢度大把師兄分享摩機經驗.
二手機入面有“貴價”補品材料平過正常二手價+摩機材料就係抵?我知道大部份人點睇,亦係市場反應到.狗尾續貂定畫龍點睛就憑去買二手貨時短時間在賣家套組合就試到摩得“好聲咗”就適合自己套合?
再次講題目係“應否轉價”而唔係“摩機”的種種.我之前講過賣的人好多答案係“應”,想買的人梗係話“唔應”.而且更多的人根本唔會吼“摩”過嘅機.
現實就呢條貼的回應及二手市場真金白銀買賣就反應多數人的答案. Bear
in mind 答案冇對錯,係個人的選擇. - #41 [chhnpng], 20-05-24 15:11#40 師兄可否利益申報一吓
- #40 [邱邱邱邱], 20-05-24 14:33#38
我倒認同的。
還原100%係有點難度。但好過原裝(指焊及錫方面…焊錫嘅影響不竟有限),難度反不高。
玩音響同聽音響當有一定分別,有好多師兄好安份守己很安全的(絕不摩改),唔啱就寧願換機。
但有些師兄會係重點摩改(正如樓上師兄所指…買原廠摩改要加幾仟...好多更會就客人口味而改…所謂原廠版本,可以有好多…)。
如果有部機話已係『最好』無摩改善空間,我反唔多信,否則都唔會成日有新型號或摩改版出街。
或者分為兩類型甘睇睇:
1:安守本份$10000聽翻$10000級數嘅機(只係打個比方),如要聽$20000聲音級數就要再俾$20000買過(或將前機放二手約值$6000),即係約用$24000聽值$20000嘅級數嘅機…當然可能唔只換一次啦…往後有可能用$100000只能聽到約值$50000(只係求其打個比方)嘅機。
二手價較有保障。
2:不安守本份$10000,可能自己花$5000(都係打個比方)摩改同數值發燒零件…(或參考廠方摩改版而摩改)已可聽值$20000級數嘅機,即係可能用$15000就聽緊約值$20000…級數嘅機。
當然二手機價或可能不及原裝版。
總結:
無話邊個啱唔啱,只係取捨唔同。
如果站係個人口味而然…摩改或較買機易(比如前後級要夾阻抗…等匹配,即使買貴價機…配唔啱可以好難聽…),但摩改就較少尼類問題。
況且將部摩改到同原裝機比較…或好幾班果種感受,唔少發燒零件比原裝零件質素何只高幾班!但高幾班唔代表一定會夾聲好聲,選料好講經驗…技術亦有一定要求)但安守本份一族好難感受到尼類意外驚喜,尼類人或可領會『玩音響』果種樂趣。
就好似砌模型同買成品,最終都係一件成品,但感受好唔同。
但個人並唔建議人摩改,不竟有風險的!雖然風險同報高有可能係正比。
舉個例:點解WE300B膽甘貴(同以前比更升值唔少),點解呢?因為『聲』,個樣又無乜特別!唔少音響組件因好聲而價值飛升已唔係新聞!
如果有人將部機摩得更好聲而要平賣?當然您情我願就可以。
最後修改時間: 2020-05-24 14:47:45 - #39 [Joeyd], 20-05-24 14:16得一個人撐。但越撐越樣衰,用埋啲語言偽術東拉西扯龍門亂搬方式,
係好事係合理的話又點會需要尼種人尼種狗技去撐。
最後修改時間: 2020-05-24 14:16:44 - #38 [DYreal], 20-05-24 11:18其實如果有DIY經驗嘅師兄,佢心裏邊我相信已經有一個答案。
以前我曾經試過更改一部機嘅回輸電阻數值,希望達到我想要嘅效果。改咗之後都係覺得唔拖唔水,最後屘我改返轉頭。即是話線路冇變到,祇不過焊錫可能有少少出入(我相信廠方亦都唔會用銀錫咁大手筆)。不過我發覺咗個聲底已經唔同咗(應該係冇咁潤),已經返唔到之前嗰音效。都唔好話將零件改變咗,個聲底可以係同原廠有極大出入(所以而家我已經唔敢去搞輸入同回輸呢啲地方)。
其實每個師兄當佢想買嗰隻牌子嘅某model時,當然佢對佢有一定認識或者響音響展或者響鋪頭聽過覺得唔錯,請注意呢個係原廠聲音。俾其他師兄摸改完之後,嗰部機可能已經係另一個陌生品牌嘅聲音。
噉你覺得值幾多錢呢?可能有啲師兄聽完覺得仲好咗肯俾多啲錢去買都唔出奇,不過呢個應該唔會係我。
但係如果呢個係廠方嘅摸改噉又唔同,一如我部DAC都要俾多幾千文變成L2,如果要去到瘋改版L3就要俾更加多嘅錢。
最後修改時間: 2020-05-24 11:30:41 - #37 [photosan], 20-05-24 10:55甘講了,
我買左個名牌手袋, 自己或者求其搵個刺繡同好group的人再係上面繡個花
你話甘樣送去2手鋪放, 果袋仲值唔值錢?
你話有果刺繡師係名人做晒新聞的程度連路人A都知就話值姐
如果唔係, 我理得你用乜線.
最後修改時間: 2020-05-24 10:58:25 - 下一頁 (2 of 4)
- 返回 ...
幾好呀!好多良性分享。
正如前文個人並不建議隨便摩改…因有一定難度,即使用貴料…未必夾機(我就試係外國訂左幾款發燒元件代替原裝…點知最後要用翻原料!曬錢曬心機!阿Q精神安慰自己又領略多幾款發燒元件性格…❤我摩機大原則每換一元件經abba比較完,唔好就即還原!唔好自欺欺人…我其中果部300B合拼單端機仔摩摩下聽聽下都過左10幾年…有啲師兄就祝我部機快啲壞(唔壞點迫我換機…心地真好)。
我所買過果啲摩過嘅二手機…全部都要親耳聽睇過過先買,我情佢願…個人覺得無所謂。
阿Q地轉轉角度睇:即使幾靚嘅廠機上代理或音響舖或家訪…唔難聽到),即使您再有錢焗限買原裝廠機…就較難感受時下那些頂端發燒元件那份過人質素…即使貴機都極少肯用這些發燒元件…好似audionote甘用料分好多級…高階就用高階料!他們理念我幾認同…好線路加靚元件,好聲機率大好多。
個人總結對今次主題取向:如果一部機摩改完聽過啱聽!睇過機內ok...!就會衡量所摩改元件約以當下二手價作參考…可酌量調高機價(所加銀碼當然不能高過所用元件二手總和…好似買衫甘買多幾件都有折啦)。
當然安份守己安全又唔驚二手價受壓…當有一定好處。
但自己尼幾拾年玩機俾機玩嘅經驗…總體摩機樂趣會大過機換機!尤其感受到果種發燒元件果份『感染力…當然唔係指全部啦…都有失敗例子…所謂網評(當然包括我啦)參考下好啦』,可以聽到嘅聲無框框限住,類型會較多變(多變唔一定代表好…但唔變就肯定無)。
個人取向較另類,相信會同好多師兄見解…唔同!正如前文…見解唔同正常過正常…,而自己只係心裡係碗就話碗。
世事無絕對好!亦無絕對不好!
打個比方…即使您樂善好施好人好心…人緣極好,但唔排除有人話您影射佢,攪到佢好似無善心…甘。
隨緣淡過舒舒服服過餘生。祝願各位師兄闔家安康幸福…。
最後修改時間: 2020-05-25 21:05:49