最近銀行加息及樓價下跌，如果有地方又唔多捨得駛太多錢嘅話，入手音響可以盡量選二手，當然重點係要懂得選，如果手上一無所有，可先選喇叭，不過選喇叭之前要先佈局擺位，呢步搞唔好或唔在意，之後點玩都唔會理想，喇叭擺位坊間都有大量參考，我可以講嘅重要一點要考慮係座位要離後牆，這點惗唔掂嘅話之後都係搵來搞，簡而言之室內設計係第一步。

座位離反牆遠定近，謝謝

#2
三尺左右已可，雖然係基本嘢，不過要做到要求所見不多，生活上可自主的真的不多。

＃4
基本無，即係唔咪必然，電器或機械好多時出現唔應該出現嘅問題，當時能以某種方案解決亦不代表這方法是必然，而且CD機唔應該有雜訊走出來，其他器材亦唔應該會受雜訊影響，出現問題有好多可能性，有接觸不良已經可以搞到你折騰好耐。
BTW發燒嘢有好多時無嘢搵嘢搞，搞到更容易出現唔應該出現嘅問題。

最後修改時間: 2024-09-13 16:15:45

80年代stereo sound曾經測試過，將cd機插在擴音機後面所附帶的ac電源插座，然後量度擴音機高頻噪音，發覺的確有所增加，所以stereo sound不建議將cd機插在擴音機後面所附帶的電源插座

＞＞#4...高頻噪音...
------------------------------------------
有d Ham友會整d咁野

Eliminate your high noise floor
utube:
https://tinyurl.com/5n92pwud


最後修改時間: 2024-09-13 16:49:24

其實所有數碼器材都內置line fiter，但唔係代表能夠完全濾清祇不過係合乎某標準。如果擴音機嘅設計係冇line filter特別係嗰啲DIY，受影響自然比較大。

＃6
明顯係部CD機問題，當然分開線可以解決已經好簡單，有條件可以由電箱出三幾組線比器材，一組比數碼嘢，一組比前級電壓放大，一組比後級，不過如果你插晒啲嘢落一個拖板都無事的話，就睇你有無動力去搞電源，雖然唔咪好多錢，而且如果自己識電的話可以自己搞。
如果系統出現高頻噪音是嚴重問題了，一般多是接地問題做成嘅噪音。

最後修改時間: 2024-09-13 17:02:58

音響發聲係喇叭，所以揀喇叭係器材第一步，初玩音響多數主要聽pop music，一般要求低音勁，不過點先可以出到勁低音就先明白原理會好啲，多年前我初入手乜都唔識，聽人講3/5A好就去買，當時約3千4，同期平價HiFi喇叭Selection 就貴啲，當時無話揀得啱唔啱，只係受當時市場資訊推動去買，不過唔知要推好佢唔易，買部日本合拼amp 3千幾就出事（當時當然唔知），拍晒邊，靚唔靚聲已唔重要，大聲啲都唔得，折騰兩年一無所得。之後把心一橫整對12寸低音嘅喇叭，嘩！無拍邊了，低音好多，多得滯，這時無錢無知識，走去研究喇叭結構，無耐下直接在分音器減低音，成功咗已好安心，叫做聽咗兩年，當然唔會靚聲，唔知其實係amp唔夠力控制個低音所以低音失控，所謂減低音就只係減少失控嘅低音。所以要低音勁就一定要amp夠力推，damp得著個低音。

如果是新裝修的話，有要求的話應該避免series single point earthing, 而改為跟一些重點供電設施般用parallel single point earthing, 用EMI receiver測量出來的分別是非常大的(ref.下圖)。

揀喇叭一般都會考慮房間大細，香港二百尺左右廳都應該揀座地會比較好，除非你真係唔考慮爆（大音壓啲啲），基本聽張學友都要爆得起先好聽，低音有10寸以上更理想，有啲喇叭低音單元在側面的都可以，如果在二手市場搵就比較被動，要慢慢搵合適，阻抗一般是8ohm或4ohm，之後找後級時一定要配合到阻抗先會靚聲，市面好啲嘅喇叭價值唔少嘢，原因係佢地嘅產量唔咪太大，喇叭單元其實唔算太高成本，最有價值係個箱，比幾萬叫你造你都唔會考慮，所以如果只求靚聲不求貴氣的話，搵二手喇叭或自已造（有基本功）都是可行。

低音勁就一定要amp夠力推，噉樣amp點先為之夠力。8瓦夠唔夠，因爲我部機就係得嗰8瓦。

＃13
要計部amp推8ohm喇叭時最大輸出火數，配合得好就可以用盡部amp，當然要靚聲就要部amp火數足夠大及質素夠靚。

個人聽歌仔四十多年嘅經驗分享

有電到之後,環境係第一先決條件.有合適甚至靚空間的話,放任何器材,包括幾百蚊嘅無線藍牙喇叭都可以出到decent 聲音.
錄音排第二
第三先到喇叭

喇叭擺位都會決定所需功放功率要求，等邊三角係基本，邊長兩米應該適合一般家居，屋大擺開啲未必一定好咗，離得太開可能房間產生嘅氾音相對直接音比例會過高。市面主流喇叭靈敏度多是86db左右，所需功放功率可參考網上資料https://www.crownaudio.com/how-much-amplifier-power
200W基本走唔甩，不過當你揾到部200W amp返來試時，好多時都未能滿意，多是一大聲（未到爆嘅層次）就失真，啲聲耷晒或嗱埋一舊，這當然可以話係質素問題，不過問題唔知係乜質素問題，這打擊足以令一個實力不足嘅男人失落好一段日子，在這段迷茫時日中只好靜靜地聽吓一啲還可接受的歌仔，期望有奇蹟總是不切實際，一切寶品都無補於事。抱團圍內的人門會給你安慰，聽HiFi唔會大聲的，有音樂感人聲夠厚夠真夠還原就是音響HiFi至高境界，太大聲只會聽壞耳呀（這又是真的）。



最後修改時間: 2024-09-14 12:07:19

請問這個計算表，為何不需要輸入房間面積？

如果音壓改為90dB計算，擴音機只需20W

人哋嗰啲係PA amp戶外開放型，當然就唔需要理會房間空間大細。可惜大多數發燒友都係響一個立方體房間裏面聽歌，呢啲噉嘅報告完全不適用。

＃17
應該係靜音室數據。
用高效率喇叭的確係可以用細啲火數推，不過市場決定技術走向，唔咪主流玩法總有其原因，如果有技術係可以點玩都得，多好多選擇。

喇叭與功放嘅配合當然重要，在耳朵收貨前都應該有啲數據跟吓會容易啲，例如 Accuphase p4600
https://www.accuphase.com/model/p-4600.html

8ohm下150W，4ohm時300W，2ohm不足600W(估計出現電壓降)，所以適合4ohm喇叭，推8ohm當然唔咪唔得，數字上會係嘥咗，當然可能推8ohm會更靚聲，不過力度必然無推4ohm咁足，亦可能有人會話推你部8ohm喇叭時更加從容不迫。
呢部嘢都唔平。
揀喇叭時可以考慮Active喇叭。