科技進步下百零蚊買到啲方便嘅儀器（電橋）來配對零件，做維修都方便咗。



最後修改時間: 2026-05-07 18:20:36

呢排聽書枱喇叭多咗，聲音質素好的話都無出廳開機，可能係張椅頭枕位好過沙發，而且同時有枱面可以用，想上網又方便，靚嘅書枱系統可能比主廳系統更重要，以前唔夠靚聲都唔會點真係用嚟聽歌。

佢設計都玩得幾盡，有Digital filter可以調聲，加埋控制減低增益等佢無damp得咁勁，效果可以調得好好。

新一代 d 廠校聲偏向分析力, Crystal & ESS 始終又爭 d, that.s why

聽咗幾日AK4495晶片直出後級，分析力有點太過份，音樂訊息量多到應該唔咪製作所預期的，之後要試下如何保留訊息量之下優化聽感減少個人聽覺輸入後嘅處理壓力。

Youtube啲AI歌真係幾掂，再發展落去真係唔知乜世界。

搞好個喇叭之後想進一步改善音質就正正經經用返個DAC，搵咗個AK4495，佢可由晶片直接輸出平衡訊號比後級，試下唔駛用i/V opamp會唔會更好，都係靠串電阻控制gain來調聲，亦用電阻降低音量配合使用環境，睇YouTube啲聲靚好多。

用緊大型啲嘅室內音響系統已確認全向發聲會好好多，無論定位及空間感都唔同維度，今次搞開順便試下桌面喇叭會唔會有效果，中低音已有兩邊發聲，加個高音在頂或後面睇下，結果證明沒有例外，明顯係好好多。

生活中有多點要求就要花點功夫，加個8寸，分音慢慢調啱心水，聲音是兩個世界。

近日上網見有啲AI歌曲幾過癮，有少少動力搞好啲套桌面喇叭系統，喇叭已是三十幾年前DIY嘢，4 ohm喇叭來，配合之前DIY嘅D類都好夠力水，不過房細情況下一爆的話啲聲就會混濁，不過之前唔夠力啲聲就唔靚所以都係一定要夠力，喇叭咁近更加要調好角度先好聲，基本高音喇叭同中低音喇叭嘅中心位至耳位的距離要一樣，另外喇叭上下倒轉啲聲都會不同，要睇喜好及方便度來決定點放好。

大動態樂章，有能力感受到嗰份音效嘅音響系統應該幾好，最好中途唔駛調音量啦。

啲聲傳到隔離應該唔會過70dB啩。

AI

香港住宅噪音管制並無明確的單一分貝數值，而是根據《噪音管制條例》判斷是否構成「煩擾」。然而，可參考的指引包括：一般交談約為65分貝，長期超過85分貝可能危害聽力，而在70分貝的環境下就可能構成「煩擾」。

日間裝修爆牆一般都係一至三個月時間，裝修無可避免發出噪音，鄰居都會理解包容，但係音樂噪音係長年累月，情況有些不相同

一般日間裝修爆牆震到隔離都係可容許合理範圍，音響大聲極都應該未到牆震級滋擾，爆個零鍾都應該包容啩。：）

咁要睇下爆到幾大聲，如果爆到好似搖滾band房咁大聲，冇做任何吸音或隔音處理，室内都成100dB或以上，你隔離鄰居可能都有60dB至70dB，如果佢可以忍受到，咁佢真係同你friend過打band。。。

平日日間一般爆大聲點都唔會有人投訴，房間聲學處理就真係好講究，要睇造化，好多情況下係無得搞。

器材失真可能唔係一個好難搞嘅問題，就算一對JBL4312開到100dB，可能低音會差啲，其它應該都不過不失，最難搞應該係房間聲學處理問題

小弟估計一般家庭發燒友，並非對音壓冇要求，而喺實際情況環境下，唔容許佢把音量調教到同真實樂器演奏時的音量一樣，你自己頂得順，你啲鄰居都頂唔順。。。。