珠玉在前, up下.

都家訪過d同道
有d 無膽不歡, 有d非LP不聽…

百貨搭百客, 各聲入各耳, 各有各好…
;

D 線材 對d聲 影響大唔大?
視乎器材…

例: RCA 線

1部 輸出阻抗200Ω 前級 駁 1部 輸入阻抗50KΩ後級.
vs
1部 輸出阻抗 1kΩ前級 駁 1部 輸入阻抗10KΩ 後級.

又或者

有1部後級個輸入端 早已經500Pf餅仔落地.
vs
另1部後級 個輸入端 只係100Pf餅仔落地.


同1 条 RCA 線 駁唔同嘅機 影響程度 都唔同.

有關D類放大坊間早有大量不同睇法，隨著發展越來越好都係正常的，個人經驗判斷自己已經唔可能用回AB類或A類了，嘗試分析自己嘅判斷暫時有幾點，第一是溫度優勢，以前用AB類時基本只能在秋後先可以聽得安樂，現時夏天沖個凍水涼後開少少風扇已可以享受一個下午，第二是電力質素要求無咁高，因為D類輸出經電感可過濾不必要的噪音，經驗上使用D類後差不多再無這個煩惱，第三是穩定性很高，少有出現AB類時會有感覺不對勁又找不到原因的時候，作為音響愛好者可以有這滿足而安樂嘅一段日子是多年來未有過的感恩，誠意推薦各位未玩過D類的玩家可以試下，當然揀選產品都是有嚴謹的要求。

聽得越來越開心就是走啱路了，天氣凍其實係玩純A嘅理想條件，想像幾千火暖氣純A系統應該幾有趣。

咁最近啲師兄呢就分享一啲佢哋切機嘅經驗 , 咁但係因為呢我對電子砌機呢樣嘢呢我就一無所知嘅, 咁就只可以分享吓啲擺放器材啦.

我嘅車房呢就係分開同間屋嘅，我就將去變咗做我嘅音樂天地啦, 咁但係好簡陋. 一到冬天呢even加埋我個暖氣機呢都凍到飛起嘅，所以冬天對我嚟講就會少咗啲嘅聆聽時間啦. 咁就咁最近就將其中一間房改變做我嘅音樂室.

咁就因為入咗對Linn嘅SARA Isobarick喇叭咁就擺咗喺度. 咁就呢對喇叭SARA就非常之大食嘅, 咁我用過一啲嘅合併機嘅石機, 每邊100 watt Yamaha又Audiolab又好都OK嘅, 但係就都仲係唔夠力水. 跟住妄想記就用咗部 Leak Stereo 20 嘅膽機去推, 就更加軟弱無力, 一啲表現都冇啦!!!

咁就心諗一於唔理咁多啦, 點解never用收起做PA Power Amp去推佢呢？啦咁我就有幾部呢啲嘅QSC你嗰啲PA Amp, 咁我就試吓用呢一部GX3去推呢一對SARA啦.

咁就用部GX 3去配一部安橋嘅前級咁就喺我另外一間房裏, 呢一部GX3就每邊有300 WATT嘅功力.....又掂喎，又聽得幾個人喎，咁就今日一於就器材分享, 砌機嗰啲就唔得㗎啦, 唔好意思.

咁呢一間房都係用Digital做呢個medium，用部Apple嘅Notebook再加埋部SHITT嘅 Modius E DAC去做呢個主播。我就用呢一部Zoom嘅H5N呢就做一個叫做Analog to Digital嘅Converter，由部安橋preamp個tape output直入呢一部H5N嘅Line In 裏便啦，Set去嗰個File就係24/96，咁就將佢up sample都OK嘅啲聲。

最後修改時間: 2025-03-25 01:26:54

玩音響過程中大家都想有個方法調整出滿意聲音，在未有足夠知識及經驗下難免作出很多不理想判斷，換機換線玩幾十萬可能只是入門，換樓換裝修可說是進階，有天份的話學習電子工程才是真正入道，修道之路當然唔係一朝一夕之事，悟道成仙的都只因學懂面對現實，這天聽歌再無抱怨什麼什麼不理想無味道太數碼缺感情就是了。

同意.先練好焊錫.唔合格

明白曬，唔怪得之你話線材冇乜影響，我絕對同意響你呢套系統裏面分別唔會太大。

#103中嘅佈局

想問師兄你套器材嘅音源到喇叭約莫係啲乜嘢（膽機石機 前後級...），音源究竟係LP，CD定係computer。



最後修改時間: 2025-02-27 15:27:38

線材材料基本用銅會更有保證，不過要靚銅就要有講究，而且在靚絕緣材料包裹後要長時間不變，一般開線後從其光澤亦可有一定判斷，如果環保啲來玩可以考慮使用寬頻線試下，正常Cat線質素都好高，我訊號線喇叭線及usb線都有大量使用，未覺得有任何缺點，當然前提係要有動手能力，否則一萬幾千可以解決嘅問題基本唔咪問題。

記得當年換線材比較上心的日子，套機其實好唔掂，只是妄想心存僥倖換條線就有機會搞掂，人總是在迷茫中成長，不過多愚蠢的年青都是回不去的快樂。

線材對音響系統表現有絕對影響，相信玩音響嘅人士應該都認同，講得出線材無乜影響嘅師兄都係有經驗唔會用啲垃圾，用得正常嘅線材都唔會太差，因為音樂製作流程各環節都應該係採用正常嘅線材，不過在正常範圍內總會有差異，這就是玩線材嘅意思，而這音色差異通常不可能短時間判定邊樣適合自己，不過聽幾日多數都有結論，資深玩家套系統多已穩定下來，線材亦好少需要改動，暗角處總藏著一堆各種線材。

其實唔只音響，玩好多嘢都要交學費，有市場就有人做，產品商出新產品有時係開發市場，任何有利推廣嘅賣點都一定盡量突顯，高價產品好多時已超越功能性，什至比較藝術性，一條線從品牌到外觀至豪華銷售團隊已是一種價值，買家購買嘅過程喜悅感及使用上嘅自豪認同感等都係支持市場的，資深玩家會比較少再入坑只因已從坑裡走上來，但幸好市場總有新加入者會重覆前輩嘅路，至於線材對音色嘅影響就又是一段故。

其實嗰個題目最大嘅問題係一個「騙」，用唔同線材唔同結構得出唔同聲呢個係公認嘅事實（不過如果加電阻電容電感呢個就有啲呃嘅成分，因為佢已經系分音器），祇不過呢個變化咗嘅聲音係唔係用者所想要嘅效果。線材當中都有平有貴，有啲有錢嘅師兄肯花十萬八萬為咗改善1%都唔出奇，最緊要佢覺得值。當然我呢啲精打細算嘅係唔會花呢啲冤枉錢，講真我係花唔起。

如果用者係甘心情願噉就唔牽涉到騙呢個問題，即係等於LV出個紅白藍膠袋賣幾萬銀一樣。



最後修改時間: 2025-02-21 15:14:07

每個音響玩家都會玩過線材，總會有自己嘅心得，這心得就是自己的冰。

睇完套片覺得好好笑，只覺得夏蟲不可語冰。

網上有關線材嘅一點睇發，只作參考。

玩音響過程中經常會遇到不同問題，初接觸時經驗不足會用好多時間去搞都未必找到原因，接觸不良係其中一個，幾靚嘅配件經過一段時間都可能出現問題，而在問題明顯比你察覺之前一般長時間其實已經影響音質，所以可以嘅話最好用比較可靠嘅零件去處理，多年前已經將主要訊號線改用BNC插，喇叭線其中一邊會用固定電形式連接，盡可能防止接觸不良情況出現，令日子過得輕鬆啲。

這是傳統商業推銷技巧啫，到無人買就會吹過第二部，只要市場還在就揾唔到理由唔做，紅酒市場先勁，絕大部分人都未飲過靚紅酒，任由持份者玩弄。