現用條chord chorus 2 xlr 都用左一段時間，想升級, 爬文後現心目中有Siltech 330i 同 Oyaide AR910, 想加強分析力，增加空氣感，同帶點甜潤，改善低音線條。

小弟系統以下：
B&W805d3 （chord odyssey 4 bi wired)
Luxman lx507uxii (PC Cardas clear reflection)
Source: Teac NT505 + Clock (PC Oyaide black mama v2 頭Oyaide M1 + 尾wattgate 銅）


請各位高手指教，謝謝

其實我想揾一條再可提升高頻分析力既Ic , 而又不會影響現有中低頻，再可甜潤一點更好！最近換了Cardas reflection pc 到合併amp 之後，中低頻已有好大改進人聲甜潤樂器分離度高，3d 左，低頻出左而實淨咗好多。高頻空氣感都有提升，但冇中低咁明顯，所以才有這個換Ic 嘅念頭，諗住用純銀線在高音同分析力會再有所提升！(小弟喜愛叮叮查查，闊音埸，高分析，3d感）

這兩條線一般評論不錯性價比高，希望有師兄的研究過及用家比d意見小弟，感激！

我講下兩條線既音色.

330i 高頻算係幾清通,但因為成本所限,線身導體唔太粗,能量同密度唔太夠,如果地方唔大..喇叭擺位又唔係拉到好開好闊,鍾意聽d叮叮叉叉都冇咩問題,只係中頻比較薄,同埋低頻量感會爭d...

至於ar910 ,呢條係銀..但佢出奇地比較似銅聲,比較暖聲,但又冇咩銀線果種高頻清通既華麗感,而且高音有d硬,點煲都係堀,唔得順滑..中低音既能量會比330i 多返dd...但又唔係話十分厚聲既一條線...總之怪怪地..

師兄咁換都係頭痛醫頭,換左都未必係你心目中要既野...



最後修改時間: 2023-08-22 20:40:08

多謝分享心得，有人話，910 要夾機，請問師兄套組合是什麼聲低？Siltech 係咪要上到5字或以上才好聲？新一代380iok嗎？

Hifi 店老闆見我本身用開chord , 也有推介過chord epic 2。有冇師兄或用家可以分享一下。thx!

330i 好多年前就係AA int + Esoteric x05+sf喇叭 (舊esoteric+aa,呢套機音色係直,白,加上以前esoteric分析力就有..但音色冇咩味道...) 亦都係咁,可以好客觀咁聽到唔同既線材音色同特性.
後來770i 都有用過. (果陣就用成套金仔)
siltech既線好特別,低階既型號比較中性偏冷,纖細,但超高級就密度越高,音色亦都越有簽名特色,順滑,帶微暖,高音亮而不利,中低音亦都更為飽滿有質感..所以如果套機要加返d質感,就避開入門既siltech,相反,如果空氣感唔夠..甚至係音色重,能量太大,siltech既入門線用黎減磅加強空間感就好好用既..所以睇你點擺.
鄗一代380i 我幾位朋友都用過/用緊, g9既380系列我覺得幾好,而且g9技術上比g7進步左好多,唯一唔好就係音色淡左,380i會更淡,但就相對中性好多..(我自己就用過380p 同380 digital coax)


至於ar910,我果陣係金仔前後級(2800+a45+dp550),擺過係cd去前級,又擺過pre-去後級...中間就係用aslc-15 ,應該係夾機問題,總之聽到好唔舒服,好快又放左...

我睇返師兄既器材,其實訊源部份提升下好過走去3,4千買對訊號線...
lux + 805 d2 已經係一個好穩陣既組合,但我就唔會擺條cardas俾lux用...cardas我都好鍾意..(我最癲係試過一套機玩4條cardas..當然最後都係加加減減,,所以我對佢既音色都有一定認知)
不過clear ref 呢條真係舊cardas聲..但佢既音色又唔係特別厚,係唔夠清通亮麗...聽就聽得幾幾舒服..不過細節同埋分析力佢都係唔高分..,特別係食左好多高音細節同泛音..用黎收下火氣就ok..我自己cardas都玩過好多條...比較鍾意新既clear系列..即係clear beyond,同clear cygnus ,而clear ref 則有點拖住不放既感覺..建基於呢個情況,你換條ic落去...治標不治本.
chord epic 我用過喇叭線 ,訊號線就冇用過..俾唔到意見..喇叭線就比較普通,冇咩邊方面特別突出

下圖為我之前玩cardas,一共4條.
clear coax
clear beyond pc
clear cygnus pc
同埋clear ref rca..

感激師兄既valuable 分享，非常詳细，絕對可供參考。

可能我寫少左個clear 寫，其實我係用緊Cardas 新款clear reflection PC, 已加入新頭尾插，佢比到我暖厚潤人聲，好似加左d油，低頻加強有層次，而高頻都keep 倒，且有進步，空氣感增加，可能是b&w 805d3 再加上d寶品插頭關係。至於source 方面，最初只有nt505 確實未如理想，但加了鐘後大有進步，分析力高了，音場加闊，立體了，更漆黑寧靜，不過當年加埋個clock 都要2萬多。但係玩得hifi, 都想追求好聲，得到好聲後，又會身痕想再好聲d!
心想揾d有resell value 既品牌，試過唔鐘都容易放返出黎！

雖然兩條線都未能有明顯改善，二揀一，會選那一條？910博下夾唔夾？定入門Siltech 感受一下?

樓主 你用Luxman配805 已經 係一個好正嘅選擇啦！ 至於邊條好呢， 其實每個人測試嘅結果都會唔同， 如果二手放得返出去嘅， 不如直接買嚟試下la， 就算唔啱使， 起碼都攞咗個經驗 同埋了解咗個特性， 下次匹配都容易啲！

反而有個 重要嘅點， 就係我見你用咗soundcare 呢隻釘， 佢都幾麻煩嘅， 小心留意下， 如果真係覺得有問題解決唔到， 試下用返原裝， 然後改返用不銹鋼釘墊落地

玩呢啲嘢， 遊戲嚟嘅啫， 平有平玩， 貴有貴玩， 一個好嘅廚師， 冇話一定要用靚嘅材料嘅， 相反， 個廚師係冇料， 買乜嘢靚嘅材料都係冇用㗎喇！ 所以呢， 慢慢嚟， 搞下搞下就會 越嚟越好聲 㗎喇

最後修改時間: 2023-08-23 21:24:25

del

最後修改時間: 2023-08-23 21:32:04

厲害厲害！果然是大師，咁都俾你見到！先多謝大師意見同提點，哈哈見佢釘同墊連在一起幾方便又唔貴。今個weekend , 做下運動，換返d完裝釘試下先！ 知道你之前都係B&w用家，希望日後可以提點一下小弟！起初我由d2 轉去d3時，都唔習慣，覺得冇咁好聲，人聲冇以前咁厚潤，聽咗兩三個星期之後，可能轉左口味,反而喜歡咗，d3嘅高音真係好靚，音長又闊，低音速度快！

最後修改時間: 2023-08-23 21:51:00

clear reflection PC 我用都過.

我寫既聽感係基於我自己比較過..

呢條pc係咁既性格.

因為同期我都有玩過其他幾條cardas既電源線..

所以我對佢既性格都有一定認識..雖然我同你用既機種唔同.不過線既音色..有a/b/c比較就好易分別到.

我用過好多條cardas線..包括ic pc 同digital..基本上佢地既性格都了解..


至於師兄問起,到底應該用ar910 定係 330i .
(我傾向試330i先.)

我同意一休既建議..換走soundcare隻腳先..聽下高音會唔會明亮返..
因為呢隻腳我以前玩天朗都用過...除左方便之外..自己發掘唔到佢既優點..而且仲要聽少左好多泛音尾音..

收到。哎呀冇釘墊添！

oyaide 有出

回覆#9

師兄 千祈 唔好咁講， 我同你都係玩玩下， 大家互相交流， 最錯就係當年改錯咗個名， 真係畀人笑死， 乜嘢大師.... 冇能力背負呢個名字， 將來有機會 用第二個email， 我一定改返個名， 唔再用 呢個account， 所以我依家都好少答人嘢

d2去d3 其實冇所謂呀！ 因為口味會隨著時間同埋認知而改變， 亦都有可能一世都唔會改變，Anyway 既然買咗 就要玩好佢 玩盡佢， 呢舊錢先會洗得值

最後修改時間: 2023-08-23 22:18:38

#13 唔止多經驗，仲好體貼！換咗之後再同大家報告，早點唞，明天又要返工了。

#12 如果冇墊,用1蚊銀聽下先..

用原裝釘腳仲要配合埋喇叭線既插法

我自己玩805 d4 係墊同jumper 配合都試左好多唔同既組合.

Hoishun兄弟，好提意，我應該明天放工去買返套Oyaide 墊，之後再向師兄報告同指教！

尋晚終於換返d3原裝釘加Oyaide 墊，好有驚喜，兩個世界，聲音開揚哂，更加寧靜，三頻有提升，尤其是高音同低音最明顯，高音伸延好，多左空氣感，低頻實淨晒，且聽到輕微嘅伏伏聲。之前一直覺得原音高級音響展啲錄音冇乜特別, 比起老虎魚這些hi fi 聲還差一點。昨晚有所改觀，2015年第12首，開頭大提琴既低頻好有線條，好有現場感，中尾段更出色，各種樂器好分明，（之前聽感有點嘈），有震撼感，聽得好頭入，好享受！14首是一首中樂，聲音好響亮，細微既低頻一陣一陣咁(伏伏聲)好正。 實實仲有好多不能盡錄！

唔係上黎r33, 可能已經盲摸摸用5，6千咁去買左條Ic , 唔咁講冇提升，但有一定風險。

今次分享是，真係冇諗過要換speaker stand 釘腳，一來依件事對我嚟講比較麻煩，二來亦都係最重要的，低估釘墊這些會對聲音會有如此影響。 好彩得到有經驗師兄肯提點分享，比倒寶貴意見。今次真係多得大家尤其係大師，我只係用左不到$300，同做咗少少運動，就享有大幅提升！

好開心之前嘅迷思(高音伸延唔夠）已經解決，現在我諗都可以止一陣燒，可以遲d先再諗買Ic 線！身為一個發燒友，真係好想一試銀線威力，感受一下果種華麗飄逸聲音有幾毒！當然唔會一步登天，諗住先從一啲入門嘅級數，一路一路玩上去。

小弟之後仲有好多hifi 嘢要師兄們指點。 學大師話齋，既然買咗，就要用盡啲器材，呢舊錢先至洗得值！

高音伸延好，多左空氣感，低頻實淨晒
＞＞＞＞＞＞
yeahhhh！師兄耳仔好厲害， 呢句說話 中曬， 正常結果 ， 恭喜曬恭喜曬

有了空氣感後·
留意 磁性丶感情丶喉底厚度，
如果不夠也可試用黑檀墊丶來回比試