各位師兄，
小弟對濾波認識少， 請各位師兄多多指教。
我有一個濾波拖板 Weiduka AC8.8，同一個 濾波器 Corcom F7251. 20VW1
想問下:
1. 可否串聯一起？ 會唔會燒？過濾完，再過濾是否效果更好？
2. 點樣駁法 效果最好？
我只有一部 合併 Amp, OPPO Blu ray 機，一個電腦 (用來播歌) 及2.1喇叭.

請各位師兄多多指點指點。
唔該哂
Thx.

我都係用Weiduka AC8.8（裏面有兩組獨立filter），我會將電腦同oppo插響同一邊，amp插另外一邊，但係唔會考慮串接兩個不同filter。

除非你部oppo已經改成線性電源，否則應該問題不大。或者都可以試下插唔插電腦對播放有冇影響，如果有明顯影響可以將電腦插去另一個插座（或者另外一個filter座）。




最後修改時間: 2021-04-30 18:43:00

DYreal 師况，多謝指點。 Weiduka 系有兩邊獨立 filter. 我的接大置都同你所講的一致。我就是有多一個濾波器。睇下可以點樣用或者接法。唔知可否串聯或者有其他接法？吾知有冇師兄可以指點？謝謝。

Corcom F7251. 20VW1 裝一個拖板俾電腦 及2.1喇叭，其他插 Weiduka 。

借圖：


最後修改時間: 2021-05-01 00:15:36

0925 師兄，多謝指點。若我冇理解錯的話，你的意思是分開嚟過濾是好過串聯過濾。請問分開過濾有什麼好處？
另外，我見你用 Schaffner 濾波器。是否比Corcom 好？我都有興趣買返個。吾該哂。Thx.

0925 師兄， 謝謝你的yotube 資料。非常有用。幫助了解 filter. 最後的一個，我可以理解到10分一，我唔喺Engine出身所以理解有限. 吾該哂。？

我現在只有一個 疑問:
濾波拖板 Weiduka AC8.8，可否同濾波器 Corcom F7251. 20VW1
串聯一起？ 會唔會燒？過濾完，再過濾是否效果更好？
吾知有冇師兄可以指點？ Thx

1. 串聯不會引至燒機。
2. 單從濾波來看，效果應會更好，但改善空間不大。相對令內阻和降壓也會增加，會否得不償失，樓主也要考慮。

最後修改時間: 2021-05-03 12:00:11

還有一點，濾波器串聯，等於X電容和Y電容並聯，Y電容若過大，或會觸發跳大掣。

相信每一件使用交流電的電器，都會或多或少製造 RFI & EMI 污染/干擾周邊環境及供電電源，我屋企有8個帶 EMI filter 的獨立電源拖板，3個俾3部 desktop 及相關設備，其餘俾電視、音響和一部掛牆風扇。

羅密歐師兄， 多謝你的指點。 等我試下 串聯的效果如何。 唔該曬？

0925師兄，多謝分享。是否不同設備 用不同濾波器拖板？ 同埋可否分享用咗濾波器嘅分別？ 尤其是喺 音響同埋電腦方面。我亦有興趣學你添置多啲畀唔同嘅 設備。Thx

#9 2. 單從濾波來看，效果應會更好，但改善空間不大。相對令內阻和降壓也會增加 x 2

kokoro 兄,

是否不同設備 用不同濾波器拖板？
個人意見，有 for 不同用途的濾波器，但係 for 音響用，一個結構跟 Corcom F7251. 20VW1 差不多的已足夠，如果 DIY，可以每個 AC outlet 獨立接一個/组濾波。

可否分享用咗濾波器嘅分別？
相信這裡好多用大功率擴音機的師兄，都有相類似的感覺，當接上濾波拖板后，在高功率輸出時部擴音機變得乏力，迅變慢，音色模糊，高低頻被壓縮.........等，個人估計，可能係部擴音機的 power consumption 太大而濾波拖板的承受功率太细。

喺音響同埋電腦方面
用喺音響度係想减低供電電源的雜訊/干擾；用喺電腦度係唔想電腦所產生的雜訊污染電源。
我部后级個 power consumption 係 2000W


我砌咗個 60A 獨立濾波供電俾佢，用咗拾幾年。


最後修改時間: 2021-05-04 10:55:38

而家好多機都 "built-in" 了濾波。




最後修改時間: 2021-05-04 12:36:21

整俾電視機和唱盤專用拖板


插唱盤專用拖板，造俾 Project phono amp 的 18VDC power supply，懶出街買機箱，求其揾两個膠盒駁埋用。




最後修改時間: 2021-05-04 13:14:48

0925師兄，非常多謝你分享。大開眼界，獲益良多。覺得自己要多多學習。
亦多謝一聲其他各位幫助嘅師兄。
亦多謝 Review33提供一個分享平台,等我地多多學習. 唔該哂 ！！！
？？？

kokoro 兄,

唔知你部合併 Amp 大唔大功率，用乜嘢 AC 插頭，上網見 Weiduka 個磁圈唔大、銅線也不粗，所用六個萬用插頭質量不高，如果想試用 Corcom F7251. 20VW1 ，建議嘗試個 Corcom 駁一個單頭蘇底插合併 Amp ，OPPO Blu ray 機 與電腦 (用來播歌) 及2.1喇叭插 Weiduka 的分開濾波供電。




最後修改時間: 2021-05-06 14:01:38

自己 desktop 用


小兒子 desktop 用，唔拍照都冇留意到膠紙跡要清潔


大兒子 desktop 用


20A濾波接兩個孖蘇底，而家插掛牆扇和 CD 機(built-in 濾波)，個獨立 10A接 DAC


個 10A插電視和駁一個拖板接唱盤，phono amp 個 power supply 裝了個 3A濾波，pre-amp built-in 濾波，插 Fantastic 拖板


上面大部份用了超過廿年。

最後修改時間: 2021-05-06 16:21:00

市面所賣的膠拖板個簪線位銅柱孔好短，用耐了會 contact INT，如果長用和可以的話用辣鷄銲死佢就穩陣好多。


最後修改時間: 2021-05-06 16:40:02