各位前輩
地盒幾問，如Entreq 或Tripoint
1) 如新款地盒與舊款地盒真的有幾大分別？如 Entreq Primer 與 Primer Pro. 有冇Ching 試過，有幾大分別？
2) 大地盒同時比幾部機用好或細地盒獨比一部機用，那一種效果明顯啲？
謝謝

玩地盒，應是調整整個系統最後一環，如果還有很多基本問題未解決的話，不應過早使用地盒。

真係有用?

#3
很有用，但很貴，連我太太也跟我說，不要賣掉這個東西，真是很好聽。

所有器材落哂地咪夠乾淨咯，平平地屋企搞個Clean Earth Terminals亦得，得咗

應該大地盒效果會明顯啲

我得隔籬牛先可以杜絕機與機之間嘅漏電電流，絕對比地盒更有效亦都冇時限問題。

隔籬牛係唔會隔得到機與機之間嘅漏電電流比較理想的情況，它並會形成機與機之間地線閉環路互相干擾及從家中市電地線回傳諧波與雜訊到所有器材機殼及影嚮埋所有電子板各級的電路，咁樣套hi-fi仲點會有好聲嘅出現呢！

最後修改時間: 2020-05-30 23:51:57

以前玩過entreq 舊款小地盒 , 再買埋條原裝銅線 , 加埋都3千幾 , 覺得係霎眼嬌玩意 , 一個月後就放左 , 無興趣再玩呢 d 野

#8 師兄所言簡直超越物理定律，願聞其詳。

地盒呢樣嘢其實係幾 romantic 既東西，正如某大狀說的浪漫主義，是幻想出來的東西，想要幾漂亮就幾漂亮吧，回到現實地盒本身不接地的話，佢只是一條天線，不如叫佢天盒仲好，不單止不會引走雜訊干擾，反而會像天線般將雜訊引入機內，接與不接效果是有不同的，是好是壞也可以去幻想一下佢有幾美麗吧，用地盒也好，用 isolation transformer也好，音响系統的安全接地就一定要接，不接的話，任何一件器材有 earth fault都係唔識跳掣的，那就非常危險了。

有無方法, 去量度個ground port

有幾多noise去量化的效果?

最後修改時間: 2020-05-31 08:01:13

醫院裏面接觸病人嘅儀器基本上都需要用隔籬牛隔籬，防止設備漏電電流對病人產生不良嘅影響特別係近心臟地方嘅設備，當然都可以成功防止儀器嘅漏電對病人產生致命嘅觸電危險。

生產高頻設備嘅工廠，在網房裏面嘅電源都需要經過隔離牛隔離才進入網房以防止外部市電電源雜訊干擾，影響儀器嘅參數或者調校時嘅困難。

呢個係我對隔離電源嘅認知。

其實經過隔離牛嘅設備（每件獨立用隔籬牛）就等於每個設備用另外一個電源供電（B電），或者可以當佢係一個電池供電，所以呢個設備嘅電源跟市電（A電）基本上係冇關係。當然用家其實可以嘗試將（B電）設備嘅金屬外殼接落有地線設備（A電）嘅金屬外殼（我嗰部就係膽後級是冇用隔籬牛有接地），造成單一接地嘅效果（ref. point）。



最後修改時間: 2020-05-31 08:39:06

Ground noise當然可以去量化，而且有IEC標準去規範，好多重要設施的對地雜訊都是要做詳細報告，例如下圖所示的某電腦房的ground noise, 留意右下圖 neutral對地的 waveform, 因香港電力糸統用左一種叫 TT即 terra-terra的獨立接地方式，對地emi干擾受大地阻抗影響頗為嚴重，尤其國內超大型HVDC正在運行中，對地噪音更加複雜化。

其實無論電腦房，醫院，通訊基地台，電力輸電配電站等等，也許超級音响發燒友的音响糸統也好，一條 clean earth如下圖所示是必須的，量度方法和要求亦有 IEC標準去規管，總之係跟人要求去做，有鑊唔怕上身。



最後修改時間: 2020-05-31 08:55:16

師兄嘅提議當然係好，不過呢啲一定係有錢人嘅玩意。你唔係住house（全座連地下）根本冇辦法自己做一個獨立clean earth出嚟。

不過玩時玩，千祈唔好引雷上身到時就屙可喇。特別是唔知情況做近咗防雷網旁邊噉就死硬。

最後修改時間: 2020-05-31 09:10:10

其實自己玩就冇乜所謂，風險自負，唔ground個 isolation transformer就等如成個糸統 float起，是旦任何一件器材有 earth fault的話係冇人知道，也不會跳掣，危險可想而知，醫院，電腦房，控掣室等等，如有 isolation transformer的話，一定要如下圖方法接地，否則隻鑊都幾大下。

其實又唔使擔心嘅，因為好多音響設備基本上都係double isolation無需落地，所以經過隔離牛後嘅設備其實都可以唔需要落地（當然隔籬牛本身個金屬殼係需要接入市電嘅地電位）。隔離牛嘅作用只係阻隔器材與器材金屬殼嘅浮動電壓電位差嘅關係，從而防止漏電電流在器材之間嘅流動最終影響音質。


最後修改時間: 2020-05-31 09:42:33

Clean earthing,在foundation stage 做就易D達標。



最後修改時間: 2020-05-31 10:54:55

其實平衡隔離牛已經有個虛擬接地，呢個接地好似同市地個地唔通，是否代表唔需要一個靚嘅「真地」，定啱啱相反，一定需要一個靚「真地」？thx