- #41 [zoneaudio], 15-09-11 09:56
- #42 [strida], 15-09-12 00:48人比人,比死人,音響一樣.各自修行!
最後修改時間: 2015-09-12 00:49:26 - #43 [whizmika], 15-09-12 11:40Re: #23
已在系統聽了Gidon Kremer嘅New Seasons。係幾考機但未算最高難度。其實先決條件係,你要唔厭惡contemporary classical點樣運用弦樂器先。 -
- #44 [yt], 15-09-12 15:36whizmika 好野播
- #45 [whizmika], 15-09-12 22:21講番CAS啦,雖然,就咁講效果會有人話唔科學,講科學會有人話唔夠或者唔係科學,講用儀器量度跟著就話最緊要耳仔收貨。
我只明白一點,音響不外乎物理現象,但係要以科學準確地解釋呢啲物理現象,唔係喺一般人嘅科學認知可以解釋到。一般人接觸到嘅科學,係被大幅度簡化令人容易明白及大致可解釋人嘅五感可觀察到嘅現象。當越去接近真實情況就越會發現以前嘅認知被推翻甚至係一派胡言。我讀書唔多,但好簡單,以前中學讀化學,會考程度係話俾你知電子係一粒粒按軌跡圍住原子核轉,去到高考程度第一堂化學已經話你知之前兩年學嘅「一粒粒電子圍住走」完全係假嘅。
玩Hifi玩CAS,我係攞住幾條老生常談通常都會啱嘅原則去設置去調整,到行唔通嘅時候再找更高層次嘅解釋或者數據,甚至可能會推翻原本相信嘅。 - #46 [yt], 15-09-12 23:18幾條老生常談通常都會啱嘅原則去設置去調整,。。。。。是什麼呢?
- #47 [yt], 15-09-12 23:27我就發現了一個現象。。。。。。。
就是越學越懂,自己就好像越不會。
就好似依家D人,樣樣都話不好,呢樣不好果樣又不好,大家好像沒有共同標準去聽音樂,
又是否。。。.可以聽出不好就是大佬。。。。。。?
最後修改時間: 2015-09-12 23:29:05 - #48 [whizmika], 15-09-13 01:48其實點樣係好,我覺得喺Hifi友圈子中係有一定程度嘅共識同標準,只係好抽象,好難三言兩語講得完整。要用一首歌去定奪一套系統好唔好係無乜可能。如果我俾心機去audition一套系統,我會試可能上十首歌包括大型嘅交響樂/協奏曲、鋼琴為主嘅樂曲、管風琴、四/五重奏、古典男女聲、流行曲,電子吉他等,綜合去評估。
我所謂嘅老生常談嘢,不外乎都係要有一整套策略處理房間,電,諧振。玩CAS多加一樣要處理data嘅傳送,務求做到數碼數據流low noise low jitters。 - #49 [yt], 15-09-13 01:50價錢比例也很重要。。。。。。
- #50 [whizmika], 15-09-13 02:05Re: #49
唔明你價錢比例嘅意思。 - #51 [yt], 15-09-13 02:14組合整體價錢比例,5,6萬組合,不可跟10幾萬組合比較,
幾千元就是幾千元。。。。。。。 - #52 [whizmika], 15-09-13 02:42價錢只係其中一個方便嘅比較「指標」,CAS系統有好多非常細廠甚至個體戶產品,或者自行「摩」機,價錢可反映質數嘅能力相應較低。
當然,返番去品牌世界,幾千蚊嘅器材,同幾萬蚊嘅會有質數音色嘅分野,但系統能否合理地組織要重播嘅音樂,我相信係評估任何系統嘅最基本。但去評估前,需要對聽現場音樂,錄音音樂,同不同錄音音樂嘅重播器材、系統等有一定程度上嘅認知,係經驗嘅不斷累積同鑽研。 - #53 [yt], 15-09-13 02:49whizmika 講的很好,
但我經驗是,很多人好像只把標準定在無限價錢器材,來評論有限資源組合。 - #54 [yt], 15-09-13 03:05咁一套CAS 電腦,播放器,可以跟幾多錢的CDT作比較呢?
- #55 [yt], 15-09-13 03:25.
- #56 [yt], 15-09-13 03:26貼錯
- #57 [momei], 15-09-13 06:08同意Whizmika 在 #45所說。所以我往Radar 聽 Magico Project M 和 Constellation 就用8 隻LP 和 4隻CD.
- #58 [momei], 15-09-13 06:17""咁一套CAS 電腦,播放器,可以跟幾多錢的CDT作比較呢?""
我心中有數但說出來令人懷疑。也許十天後由頂級CDT機主比較過後說出來會更有説服力。 - #59 [whizmika], 15-09-13 08:00Re #54
要對比嘅係心目中作為標準嘅CD/SACD盤,唔係單一個price/price range。例如好多時Hifi友講某某機/系統嘅表現可比一件十萬元級嘅器材/系統,其實係佢心目中嘅標準本身就係一手價賣十幾萬,只係講嘅時候簡化咗令聽者更容易拿捏到個概念。
所以係可以有多個標準,萬元以下嘅一部,一萬到五萬,五萬到十萬,十萬到二十萬,二十萬以上,甚至只係講係邊一部CD/SACD機。係套CAS系統可以達到哪一個層次,甚至超越標準。
我唔會豪言話幾千蚊成本嘅CAS系統可以打到一套dCS Vivaldi轉盤系統(亦都應該係因為我未夠功力),但一個CAS系統可以達到甚至超越Vivaldi嘅水平,唔係狂言瘋語。
CAS同CD/SACD盤都係做緊重播數碼資料,我個人認為分別在於由訊源到解碼嘅路徑。CD/SACD盤基本上就係得隻碟,之後所有嘢都係廠方同你調好晒廠要表達嘅音質同音色,方便非常,但除非開蓋「摩」,可變性甚低近乎無。玩得發燒啲,用分體CD/SACD純transport加DAC,可以玩多一兩條電源線同數碼線一兩塊墊板,或者同CD除靜電消消磁。CAS係將訊源到解碼嘅路徑無限攤開,中間玩家可以用唔同嘅方法/方案去調聲及清理data stream,可以做出一個好帶有個人風格嘅音色,及調整重播質數。以我自己嘅系統為例,由訊源到解碼嘅路徑裡面其中一兩個環節換一換damping用嘅物料,已經可以調出兩種唔同風格嘅聲。不少嘅重播軟件亦可以以落不同filter或者改重播函數嘅手段嚟調聲。
最後修改時間: 2015-09-13 08:06:01 - #60 [whizmika], 15-09-13 08:57再回 #47
「我就發現了一個現象。。。。。。。
就是越學越懂,自己就好像越不會。」
我嘅個人見解係,因為當舊有知識越豐富,越發覺有情況係舊有知識解釋唔到,見到舊有嘅不足。咁先會帶嚟突破。
最後修改時間: 2015-09-13 08:58:12 - 下一頁 (3 of 13)
- 返回 ...
每個人耳朵頻寛,外型都不同,喜好也不同,
載眼鏡,唔載眼鏡聽又差一大段,
同一段音樂你聽到效果,不是我聽到一樣,
標準給儀器用