- #1 [k66], 18-05-06 01:18
- #2 [phil.ng], 18-05-06 08:49102.4 kHz
Analog master tape 有冇?
黑膠有冇?
CD 44.1 怎可能?
做到 當然好
最後修改時間: 2018-05-06 08:52:39 - #3 [Pilotrol], 18-05-06 11:02一般錄音室用嘅咪20KHZ已經係上限,而成年人聽覺上限一般只去到15KHZ-18KHZ已經係上限!呢個先係真正事實...!
-
- #4 [K66], 18-05-06 11:26各位高手專家請不用再爭辯了,超高成分從不是由訊源中收錄和産生的,重點只要將從全部基音收集好,超高的責任只是徹法將基音一次又一次嘅諧波盡量地伸延下去直至自然消失,究竟到今日有幾多人會明白呢個理論呢?
- #5 [paul168], 18-05-06 11:39我有喇叭出到40KHz 以上,但手上的錄音原來母帶有資料顯示的也最多到24KHz(DAT), 25KHz(Soundstream Digital Recorder), 所以從喇叭處應聽不到24KHz 以上。當然如果我自己用特別咪加96KHz recorder 錄又當別論。
但同意電子部份高頻一定要比20KHz 高,例如前、後級去到100KHz 差不多, 這有電子方面理論或實際情況支持。
最後修改時間: 2018-05-06 11:44:36 - #6 [niceday009], 18-05-06 12:45>>超高的責任只是徹法將基音一次又一次嘅諧波盡量地伸延下去直至自然消失,究竟到今日有幾多人會明白呢個理論呢?
如果原身隻高音已經可以在昤聽環境内平直及準確清晰地出到致20kHz,加超高音只會可能差咗因為額外分音器及不一致發聲位置會做成相位响應互相干擾,唔加好過加,好多時果D靚超高單元只係設計俾D大型2路horn喇叭因為其2路高音horn係冇法平直及準確响應到20kHz,Wilson Audio D超貴價喇叭係佢D分音器過咗21kHz後全部大幅度斬走,為免更高頻玲震去影响20kHz内之重播準確性,好少人會話Wilson嘅喇叭高音伸延唔好
超高音單元出到超過20kHz其實實聽係人耳聽唔到兼人類五官係感覺唔到,講乜嘢基音或諧波都冇用,除非個訊源同埋隻超高出到視頻信號咁樣对眼就睇到,究竟到今日有幾多人會明白呢個理論呢?
最後修改時間: 2018-05-06 13:05:01 - #7 [K66], 18-05-06 12:59我真係好想知邊個科學家話超高頻段係全人類都“感覺”唔到呀?你唔好一個人代表晒全世界人嘅感官能力可以嗎?
- #8 [niceday009], 18-05-06 13:13我剩係知所有科學家都話20kHz係人類聽覺嘅高頻極限,更高頻就去到視頻,人類係視頻領域係用5官之眼睛去接收
如果你話係你聽覺可以聽到100kHz,除非你係其他動物
最後修改時間: 2018-05-06 13:19:38 - #9 [kermit], 18-05-06 13:58轉會做蝙蝠
- #10 [K66], 18-05-06 14:33如果到依家仲係有人話超高频係要用耳仔直接去聽而唔使係用身體去感受其實仲好好笑,因為呢類人真係到今日都未懂超高音系統嘅存在價值
- #11 [ccli1996], 18-05-06 14:50其實呢個問題,可以試試找出以下客觀事實,再去討論應該會有更佳效果
1) 唱片錄音後經由音響器材,擴音機輸出端,是否包含有大量或顯著成份的超高頻訊號(定義超高頻為頻率超過20KHz以上)?
2) 如果單接個超高音單元,更準確的描述為超高音單元加上被動式分音線路,如擴音機對它輸入只由20Hz到20KHz(可聽頻段)嘅訊號,人耳是否會聽到其發出“聲音”呢?
3) 如跟(2)一樣,對它輸入只有20KHz以上嘅超高頻段,人耳是否會聽到其發出超高頻“聲音”呢?
4) 將(2)及(3)加埋一齊,即對其輸入由20Hz開始,去到大於20KHz超高頻段,人耳是否聽到其發出“聲音”呢?
綜合以上嘅事實答案後,可能會對“超高音”是否可“聽”或“感受”得到,有更清晰嘅方向
我個人覺得(只是憑常理去推斷或叫做斷估),第(1)應該不會有太多,特別係CD,當然正確答案須要專業測量才可確定
第(2),應該會聽到少少由10KHz以上,至接近20KHz範圍嘅聲音
第(3),應該聽唔到有聲音掛
第(4)所聽到嘅,應該跟第(2)時(如有)是一樣的
咁加了超高音單元(及其分音線路),會對整體聲音(指可聽頻段)產生改變,是否一定因為由超高音單元所發出的“超高音”段(或其實係因為其發出嘅其他可聽頻段)所引致的,確係個幾有趣嘅問題!
我相信在第(2)到第(4)假如事實係都聽唔出有“聲音”,但把它加上去一隻原有喇叭(沒有超高音單元)上時,會對原有喇叭嘅聲音作出顯著改變,咁真係幾神奇,但我就唔會認為是突然間,是因為“超高頻”段可以變成是聽得到嘅聲音所引致的改變囉!
最後修改時間: 2018-05-06 15:04:57 - #12 [niceday009], 18-05-06 14:57>>有人話超高频係要用耳仔直接去聽而唔使係用身體去感受其實仲好好笑
人類身体5官為:
眼及耳都是依靠頻率能量去感受影像及声音
味覺及嗅覺是依靠物質化學反應去感受味道及香嗅味
觸覺依靠全身皮膚組織去感受熱力,壓力,及温濕度
除了眼及耳只可在某段頻率可感受外,其他更超高頻人類5官係不能夠立刻感受到更高頻率,例如你去照X光時係沒有當時感覺,當然你暴露於加瑪或宇宙射線呢種極高频時又另作別論,到時因幅射太強做成即時細胞突变係可以感受痛楚,但30至100kHz係仍然不能在人体5官上察覺得到
所指加上超高音單元做成之声音变化係人類聽覺仍然係係20kHz之内
最後修改時間: 2018-05-06 15:08:07 - #13 [阿福], 18-05-07 10:50本來訊源係冇20KHz以上嘅超高頻訊號,但經放大系統後,由於系統嘅THD產生超高頻諧波,咁輸出咪有超高頻訊號囉。而有D人某些感官靈敏,又鍾意含有呢種失真訊號嘅聲音,咁咪鍾意加個超高單元上喇叭頂去滿足吓囉。而感受唔到嘅或系統THD超低,輸出冇超高頻諧波嘅,咪保持原狀,慳翻D錢買碟聽囉。
最後修改時間: 2018-05-07 10:51:49 - #14 [k66], 18-05-07 10:58節錄自“應泰音響YingTai Audio - Speakers workshop”於2017年5月19日的一個分享:
超高音的迷思:
一路以來發燒友為改善音質各施各法,當中加超高音是其中一種靈活性頗高的玩法,但經常有人問我, 既然人耳聽覺上限只有大約16至18KHz左右( 嬰兒時期會高一點), 那樣再高頻率的超高有什麼意義?
其實超高音除了加強高頻伸延,令樂器弱音細節重現外,同時有很多基音以外的諧波能潤澤整個音域,增加空氣感及現場感,帶動音樂的氣氛,令立體感更強,演唱/奏者的感情更易感受到,這些優點都是直接而明顯的,而另外有一樣間接的改善就是對超低頻亦有加強作用,這一點好像難以理解,我先暫且不解釋原因,讓大家先思考看看!
既然加超高音有這麼多優點,為何有時候會聽到發燒友說玩超高後效果總是不理想?
這樣要從幾點去分析,首先並非所有高音單元都可以用來做超高音,要10KHz以上頻率沒有明顯衰減,靈敏度足夠才適合,其次因為超高頻率波長短,分頻器設計得宜才可避免同主高音互相干擾令相位抵銷,所以坊間很多只用單只電容(-6dB/oct) 的分頻設計很難有理想效果。另外超高音擺放位置多數放於主喇叭頂,單元圓心高度普遍高於聆聽者,因此單元必須有良好的垂直指向特性才能避免因離軸導致的高頻衰減,能夠滿足以上幾點才能有理想效果。
不知上文中提到超高音能對超低頻有幫助的原因大家想到沒有?其實道理不難明白,當人耳受到聲波震動,再由大腦分析對比後就感覺到聲音,正因為有對比所以能感受高低,因此當超高頻上限伸延後,超低的下限對比亦感受加強, 道理就好像要將白色顯得更雪白,只要在旁邊放上黑色就可以了,對比加強感受自然會加深,這個變化連精密的儀器亦不會測得出,但我們卻可感覺到!
最後修改時間: 2018-05-07 11:00:21 - #15 [k66], 18-05-07 11:13我們所聽到的自然樂音或人聲都包含兩種成分,一是基音,一是泛音。基音決定音高,例如你按下鋼琴的標準A鍵,會發出一個頻率為440Hz的音,但為什麼此時你能辨別出是鋼琴彈的,而不會認錯成是小提琴拉的A音,是因為基音發出的同時還含有泛音的成分。泛音是基音的整數倍頻率,例如880Hz、1,320Hz、1,760Hz…,或是基音頻率的1/2、1/3、1/4…,像是220Hz、146Hz、110Hz…等。因此泛音會決定音色。鋼琴、弦樂、管樂,甚至鼓聲都有泛音,所以我們不會認錯。超高音喇叭同樣由擴大機驅動,除了含有更高頻率的訊號,也包含更高頻率的泛音,它的聲音會改變原有系統的波形,因此雖然我們聽不到超高音,但可以聽出整個波形的改變。
既然如此,只要加了任何一個超高音就一定可以帶來提升效果囉?我想這牽涉到兩方面的問題,一是超高音的設計、性能與細節表現力好不好,二是擴大機的頻率響應優不優,如果這兩方面都好,表現自然加乘。 - #16 [k66], 18-05-07 11:19所謂的超高音,通常是指超過人耳所能聽聞上限20kHz的高頻,而能再生20kHz以上頻段的喇叭,我們就稱之為超高音喇叭。
說來弔詭,既然人耳只能聽到20kHz,那20kHz以上的超高音喇叭何用?況且現在所生產的喇叭,高音多半都可達到25kHz,這樣還需要多加單獨的超高音喇叭嗎?
事實上,超高音喇叭這樣的產品可以從幾個面向來看。首先,超高音不是新產品了,過去玩古董喇叭或號角的人就很需要超高音喇叭,因為古董高音單體或號角高音的頻率響應都不夠高,勢必要加裝超高音來增加高頻延伸。另外,新世代的音樂格式,例如SACD,頻率響應已超過20kHz,若要完整呈現SACD的音樂內容,更高規格的重播設備似乎有其必要。再者,每支喇叭所標的頻率響應規格與實際聽感不見得相同,大家都標註到20kHz以上,但有些喇叭聽起來就是比較暗,這時如果想單就高頻做提升,單獨的超高音喇叭便是簡單又立即的改善方案之一。 - #17 [Joeyd], 18-05-07 11:55本來訊源係冇20KHz以上嘅超高頻訊號x2
錄音師睇住個mon,明明18khz或更低時已經係"零","零"仲可以放大D乜?
用真樂器做例子冇意思,錄出黎係冇就係冇,如果唔係唔駛再有真樂器唔駛再聽現場。
SACD只係載體,個訊源都係冇20khz以上。有錯請指教。 - #18 [低燒新人], 18-05-07 15:22呢個唔係宇宙大爆炸般深奧的話題,只係論點一直未放係正確和源頭果個位。 任何可以聽得到的聲音,重點係 - 包括喇叭單元震動時發出的任何一個音,都同時由音頻倍數的諧波 (亦可理解為以octave倍數上的泛音) 組成,高度一直去到能量耗盡為止。 所以冇超高的喇叭並唔係完全冇超高,只係無論高和量都比要還原的“真聲” 差好多。 音響和現場始終有分別的其中一個原因就係唔夠呢D未必去到90kHz但一定高過20kHz好多、所謂 “聽不到的聲音”,至播出的鋼琴聲同真鋼琴硬係有D講唔出的不一樣,唔好畀一大堆數字影響思考同聆聽。小弟係另一個POST曾提過比較Townshend Audio的Supertweeters和Kharma 90kHz鑽石高音的喇叭,果種實在和AIR聽過就返唔到轉頭! High end本來就唔可以百分百數據,但如果硬要講理論,我都信幾間落重本用鑽石高音的大廠多D囉。
- #19 [mark1], 18-05-07 16:37#15
>>>雖然我們聽不到超高音,但可以聽出整個波形的改變
和菅野老師說的一模一樣 - #20 [mark1], 18-05-07 17:37好多人誤會了加超高音係推高可聽高頻,其實基音已決定了音高,即鋼琴最高音係4.18k就真係只有4.18k,泛音的功能是把鋼琴的音色完美還原出來
- 下一頁 (1 of 7)
- 返回 ...
A Survey of Musical Instrument Spectra to 102.4 KHz
https://www.cco.caltech.edu/~boyk/spectra/spectra.htm
最後修改時間: 2018-05-06 01:20:29