而大部份單端机發燒友都係玩300B, 做全直接交連其實唔難，只要电源变压器分開兩組高压，一為輸入及推動級大約290V DC, 另一組是430V 300B加自給偏压电阻，再加一個約60至100亨25mA plate choke就可以做全直接，留意升起之706V屏300B, 其陰極之350V 60mA 並不需要流到大地而只係电流回到+295V 之升起直流电压，這Config避免300B 陰極十多watt之功耗

而第二级推動級推動胆為2K内阻左右(5687, ECC99, ECC182, 7119, 7044, 6900, 6V6 或EL84 triode strapped)，plate choke 只要80H 25mA 以上，如果這級用上6H30, EL34或6550 triode strapped, plate choke 只要30H 35mA 以上

個plate choke 製做比起interstage 容易好多好多因為冇咗次級之一二次寄生电容影响，我包你自己用手動繞線机都繞到，唔想自己繞可以買Lundahl, Hammond 或淘宝甚至叫牛廠繞都得

Plate Choke 高品質較容易獲得主要係佢冇需要磁力couple去次級，只要分五至六段繞線即可獲得超過50kHz高頻响應

而這線路之優點為2K内阻之推動級係inductive load做成Current Source效果失真比电阻load低十倍，加上此2K 内阻drive係直接300B栅極，其中低頻之動態係明顯更好，最新Audionote Meishu Tonmeister 就係由5687电阻load改為5687 interstage load其中低頻更瞬速有力，而此直結电路係choke load跟住直結，效果比Tonmeister interstage 應該更好





最後修改時間: 2025-05-29 15:29:04

只係當分享個人睇法

交連电容做得最出色無疑係把輸入訊號所有細節及動感一一保留然後送去輸出脚，這一点其實沒有甚麼地方需爭議，而最好嘅交連电容就係冇交連电容，所以高手千方百計去設計直接交連係最有效方法

但係用OTL胆機去比較單端胆機係蘋果同橙比較，OTL胆機功率輸出用胆陰極出而且要推挽才做到，整個輸出Harmonic Pattern 完全唔似單端三極胆機，直熱三極單端胆機声音靚在隻胆自身的瀑布式harmonic patterns分佈, 此種harmonic order 分佈近似於自然物質被敲打所產生之自然諧波分佈，某些單端機可能有較誇張，但人類耳仔係特別享受低order諧波成份係2nd and 3rd Harmonic，做成更明顯泛音及声尾

我地喜歡單端機声音係主要因為隻胆本身，線路設計得宜，訊號線和电阻及輸出牛/推動牛等係應該用最高分析力及高動態之品種，而交連电容一樣要用最高解像高動態品種，但最高品質的交連电容都唔夠一條銅線做直接交連，到時三極管特有之低order harmonic 誘出之泛音細節或叫空氣更明顯

我之前使用一級直接交連及一級RELCAP RT Polystyrene 交連電容已經好滿意效果，但都計劃用直結方式(唔用任何交連电容，唔用任何陰極bypass电容)去希望突破





最後修改時間: 2025-05-29 13:52:49

剛測完50隻，這隻真嘔血，100Hz為Q=999，但7.8KC則咁嘅款。掉得!

今早再測一次，ESR沒有"一"數，Q都為三條9，用100Hz都一樣。

Engineering啲嘢永遠有得有失，以前玩OTL/OCL冇輸出牛，理論上好正

但係啲嘢總係好似食齋咁寡，講衰啲直程係師姑尿

點樣响Engineering有得有失之間搵到自己喜歡嘅嘢，可能要有好多歷練

邊個會諗到我一個追求最高分析力最通透聲底嘅人，今日會玩Harbeth?

揾到自己喜歡交連电容值得高興，但有冇諗到更上一層樓去改部機变成直接交連，單端改直接交連容易過推挽

一粒好靚声的交連电容 vs 直接交連，邊個會贏？

最後修改時間: 2025-05-28 23:44:20

仲有一啲嘢要試清楚，不過我想啲AgTF再煲熟啲先至換落去

我初步試過呢一對Kondo 300B都幾唔似原本Takatsuki 聲底，據聞Kondo俾咗意見校聲，同埋個底座都係Kondo比佢哋嘅，四條pin雖然唔可能係純銀(太軟)但係都係Kondo生產嘅

佢聲底俾Takatsuki幼細高貴，但我未煲夠，中頻好似少咗啲。網上面啲人話煲到咁上下中頻會出返。

我嗰幾粒 VCap AgTF繼續進步中，今晚聽所有嘢都如入仙境，好順滑、無塵、杳無邊際

我都同意Dielectric Constant最為重要

但係生產嘅過程同樣重要

淨係講拉力，如果繞Teflon薄膜用錯拉力，太細力就會有氣泡分離位，太大力就會拉到Teflon穿窿，仲有要顧及Teflon需要時間變形定型。唔係我哋想像中咁簡單。

跟住仲要講金屬膜嘅純度、由原材料draw出嚟嘅速度 (啱啱先有YouTuber講OCC生產速度會影響品質)、金屬暴露於空氣嘅時間、同埋繞形容嘅時候有冇被過分重複屈曲破壞分子結構

前蘇聯嘅鐵佛龍電容一啲都唔好聲，我個人覺得佢又粗又惡，我估直接受到上述嘅生產過程同埋物料純度嘅影響

另外仲要諗埋hermetic seal，空氣唔係電容器嘅最大敵人，空氣裏面嘅濕氣先至最大鑊。Kondo電容呢樣嘢似乎做得唔夠好。佢哋成日話純銀被氧化之後唔影響到電功能，所以冇所謂。咁硫化銀呢？好聲嗎？另外dielectric之間藏有空氣中嘅水氣就會大大影響dielectric constant，甚至乎會漏電

點講都好啦，我以後再要買交連電容，似乎只會選擇AgTF。

#5059


""""""CuTF之前用TFTF，中間試過換過AN Silver foil, 嫌佢唔夠分析力同埋唔夠通透，所以響呢個forum賣咗俾個國內發燒友

Jensen 純銀都試過，用響Atmasphere OTL後級裏面，用唔夠幾個月就漏電，好彩我每一日都度住OTL嘅offset同埋bias，否則燒喇叭都唔知乜事。印象中Jensen都唔係通透高分析力型。""""""


Atmasphere 是喜歡用Vcap 及高分析力零件。我見他的前级都是用Vcap, caddock 电阻。所以Jensen不一定夾Atmasphere 的設計取向。



最後修改時間: 2025-05-28 23:29:21

＞＞換過AN Silver foil, 嫌佢唔夠分析力同埋唔夠通透....啱啱開始玩音響就試過晒Multicap RTX/Rel-Cap/Hovland諸如此類，冇乜特別優點。Multicap我直程覺得好粗聲

我都試用過Audionote 銀滔油浸电容而覺得唔值咁貴，經驗係所有油浸交連电容都會專登減低高頻瞬变，目的係當部机有higher order odd harmonic到某個大程度時，D声唔會太粗糙，D声滑D，但缺點就係冇咁清晰冇咁快速冇咁高分析力，Audionote 係用油浸交連电容表表者，因為佢D机失真頗大引致高order harmonic 之機會比人地高，簡單講油浸交連电容可以今一些高order 失真机種摭醜或好聽D講去美化

曾經看過MIT RTX 制造廠之訪問，制作者揚言佢地最注重交連电容之瞬变反應高及电容自身的低失真(刚與油浸电容表現相反)，MIT RTX 係設計到盡量貼近直接交連一樣，等於似冇电容一樣，如果部機用油浸电容時唔粗声，但用MIT RTX变粗声就問題唔係MIT RTX而係部機，實際上MIT RTX放入一些低失真線路中係效果係一流中之一流

我理解交連电容之電介質之物理特性比用甚麼銀或銅或錫重要得多，其中最重要係介電常數(Dielectric Constant)，交流電訊號流經交連电容之电介質(例如Teflon, Polystyrene, Polypropylene, Polyester 等了)會做成若干之殘留电荷去影響清晰度及動態，Dielectric Constant 越低會使殘餘电荷越少，真空係1，Telfon 2.1, 高密度Polystyrene 1.8, 中密度Polystyrene 2.2, Polypropylene 2.4至2.6, 空氣注入Teflon 1.67

我去選擇交連电容第一考慮係介質之Dielectric Constant, 市面上銀或銅或錫可能係銷售策略多過實際performance, 你睇幾千蚊Audionote 銀滔电容之分析力仲比粒幾百蚊MIT RTX仲差就知道







最後修改時間: 2025-05-28 23:05:21

在上面的討論中，大家可能太注重個别零件的表現，例如交連電容，那是不足夠的，交連電容在音响中是作為impedance bridging的其中一小角色，電容本身有頗多分佈參數，電容前後即推動和load/接線等本身亦有不少分佈參數，例子如下，要分析是需要scattering matrix 參數的，即是s-parameter analysis. 用電容錶是無能為力的，工業上多用低頻VNA, 比RF VNA 昂貴得多！

這五月初，在測試老友的那堆唔算平野的電容，結論在同一廠的不同系列中比較，貴一級的數據是必定比平一級的好，如果唔同牌子，咁就唔好比較咁多數據了，自己决定啦!

兩年前幫朋友定這機時，對比過了。價錢差很遠，但數據差很少。

所以要睇埋都係-90度就正確了。
我亦用掃頻作比較過。
而且在該批電容內，亦有約20%是在7~800數的。


最後修改時間: 2025-05-28 18:08:00

#5069 ESR是直流電阻，必須是正值才對。現在測出個負值來，許老師算法，將Q值算成999，令你驚嚇了。跟測其餘三款電容一樣，必須看到ESR是正值，其餘數據才有意義。



最後修改時間: 2025-05-28 17:59:43

#5068，睇下這雲母電容在7.8KC的測試清楚否。
這隻是一位大師兄送給我的美國軍級雲母電容。



最後修改時間: 2025-05-28 15:59:46

我無興趣介紹這電容的商業資料，亦都不展示其他幾隻電容牌子，以免引起不必要誤解。
咁，數據去到咁頂尖的電容是否對系統無乜幫助呢，這就要看放在甚麼位置，要用得其所，才能發揮它的優點。
響那老友測完佢大堆電容組合後，我取出這4.7uf電容測一下，朋友都很驚訝，因此送了三隻給他，而佢亦馬上回去用後回報給我，由於語音內容太肉麻，所以不列出了。
重申，我系唔會賣這電容的。



最後修改時間: 2025-05-28 15:43:11

首先，我並非想强調所謂數據很精彩就一定是好音色，亦不想再爭議這個在幾拾年前音響界都已收聲的論題。
我祇是展示一個十分驚嚇的電容測量，這電容是我在四十多年前其中一個產品所用，而亦為客戶所指定，前幾年在垃圾堆中無意之下測試才嚇了一跳。
留意一下，這電容是4.7uf，但低頻及高頻的Q值都為999，這個值，我在幾個都玩千元級電容老友測量中，從未出現過超700的值。



最後修改時間: 2025-05-28 15:27:56

新老手師兄, #5062 的圖太細, 睇唔清楚, 請問可否貼多次清晰的呢?
小弟至在學野.

在上兩帖測量的三隻電容中，可以睇出Q值的差別很大，亦符合一般對電容物料的認知，舉例，雲母電容的Q值比較優秀，而亦在頻率高時優於低頻率，但很少見超過1uf的，大油容在低頻時比高頻好很多，雖然那隻很普遍用的交連電容在高低頻的差異不太大，但Q值的表現實在有點那個了。
由此可見，不少人對於不同電容的評論是有証據去核對的。
那麽我在測第四隻電容又有甚麼表現呢？
等我組織一下再分享，好快!