- #37 [abcefg], 26-11-05 17:53
- #36 [Thanatos], 26-11-04 19:30回應返樓主嘅主題
音色最優美、小提琴最嬌艷:Kondo Avocado, $16000-$18000 用喺source preamp夠晒電流,如果用喺後級,可能要玩打孖version, 不過好似僭建咁好肉酸。記得格價,我同代理識咗30年都要俾貴啲,冇辦法,我唔信坊間其他店舖。亦都可能因為佢哋知道我嘅職業,一個仙都唔平俾我
立體感最強 : Siltech, 不過有時太圓滑太甜,好似個大滾筒咁
Sootto音色都靚嘅,電流亦都夠大。不過唔知點解英國Audio Note啲嘢都偏斯文,夾硬要大爆佢啲嘢會散 - #35 [一休大師], 26-11-04 18:44好正常呀 因為你係標準發燒友!嘿嘿嘿
幾好食嘅嘢 都係會食厭嘅! 所以換嘢玩好正常 個藉口係講畀人知嘅啫 嘻嘻 -
- #34 [Thanatos], 26-11-04 18:20#31
如果淨係講夠唔夠力,可以叫嗰啲人去買一部Crown又或者Class D power amp
再唔係disco嗰啲大功率後級都可以㗎
包你夠晒力,爆爛晒間屋都得
真係玩音響,梗係唔係咁簡單
不過有一樣嘢我想講,你明知有一樣嘢超級好聲到絕頂,聽吓聽吓你又心思思想試吓其他制式嘅嘢
以我為例子,聽耳機已經聽緊靜電,明知已經靚到絕頂,有時又想走去聽吓動圈,有時又想去聽吓Planar。兜兜轉轉又係聽返靜電,隔一陣又心思思。你問我,我一定毫不猶豫回答你:靜電耳機最靚聲。但係放假,又會心思思聽吓其他制式 - #33 [Thanatos], 26-11-04 18:07不過我都想提一提大家,我相信我哋呢度好多人都過50歲,聽到14000Hz以上已經叫做好叻,
我就肯定自己只係聽到14000Hz 所以我都開始唔係太敢發表自己以為好客觀嘅意見
我最記得後生嗰陣時聽到18000-19000Hz
同埋年紀越嚟越大,口味都唔同晒,以前一定要OTL膽機,而家最鍾意嘅係純A類三極單端有輸出牛嘅後級,仲有喇叭都唔要最高分析力,最鍾意嘅係Harbeth
唔知係咪同聽力退化有關? - #32 [一休大師], 26-11-04 17:50咁但係又會 衍生出第二啲問題, 可能佢哋就會話 邊有咁多錢玩呀師兄 識咗銀紙咩? 樣樣都話試下
咁其實 而家啲音響 好多都天價, 你要去追 可以追到幾時? 揀一個 認為冇壓力嘅位置玩, 咁咪可以試好多嘢玩! 我成日都話勿忘初心 有壓力去玩音響 就唔好玩㗎喇! 揀一個舒服嘅位置, 買完條線 唔啱唔使即刻放嘅, 又可以配搭下 不知幾正!哈
最後修改時間: 2026-11-04 17:53:06 - #31 [一休大師], 26-11-04 17:43國仁 好多時直播 大家都會問佢 咁樣夠唔夠力?咁樣夠唔夠推?
其實佢答得好好 冇話夠唔夠, 淨係音壓每個人都唔同, 咁點樣先為之夠? 唔親身玩下 真係唔會知道答案 - #30 [一休大師], 26-11-04 17:34同埋每個人要求都唔同 測試同埋參考點都唔同, 我自己上次買ferrum 供電嗰陣時 其實我插咩線落去 大體上都ok嘅! 唯獨是試到一隻小提琴獨奏 上落感就係爭啲 有時唔係話要hi-fi感, 而係爭咗一個演繹, 反而原装條雞線畀到我, 就好似聽beyond咁樣 冇咗一個向世界控訴嘅聲音 就係爭咗嗰份演繹
最後修改時間: 2026-11-04 17:35:09 - #29 [一休大師], 26-11-04 17:29所以有時解釋咁多技術層面 吹到天花龍鳳, 真係意義不大 最終都係要插落去先有感覺, 而且對住個mon打得X機多都係冇益...
師兄講嗰條銅線 我自己都有玩過 其實做得幾靚聲 好順滑 空靈感都好好, 但就係cut咗啲紋理 滑得滯 好似電視機 將smooth度數推到最高咁樣! 所以我只係認為 我自己唔鍾意 但唔代表佢出得唔好嘅! - #28 [DIDIT212], 26-11-04 17:04#27, 間間廠都話用OCC單晶線芯,但係個molecular structure應該係點呢? 喺幾多範圍下一個晶體為之單晶體呢? 其實無論係化學界或者音響界都冇任何定義! 我自己用呢啲單晶銅或者銀線嘅經驗,係普遍單晶銅嘅訊號線或者電源線,質感比較好, 分析力比較好,高低音伸展比較闊。但有時係單晶銀嘅線,我覺得個動態冇用普通高純度銀線咁好,仲有就係音色比較淡,原因我就唔多識去解釋,係咪因為單晶銀比較貴,所以用嘅粗幼度比較幼,同埋數量比較少嘅關係?
最後修改時間: 2026-11-04 17:10:20 - #27 [Thanatos], 26-11-04 16:40其實一條音響線,最緊要講嘅係導電體純度、退火嘅方法同埋時間、以及geometry
唔好古靈精怪就得
不過有時幾大間廠都好都會玩過火
有啲純銀線,為咗遮掩有啲銀線嘅高頻特性,整到每條道體4-5mm咁粗,以為攞返個平衡。誇張到咁樣樣,有一位美國評論員話嗰條線低音boom 到無倫,直程失控
另外有啲物理學好似好掂嘅嘢,例如OCC,用得太多都會有自己嘅特性。可能配返一條日本製非OCC嘅銀線,音色會優美好多。日本仔唔係間間廠都玩OCC, 有啲講緊長時間天然退火,啲聲其實都好靚唔係OCC贏晒。我真係聽過有個發燒友話:我絕對唔會用OCC。我個人嘅經驗:OCC物理好似好掂,但係用得太多高音會有少少鹹鹹哋
即使講緊OCC, 都會有唔同級數,如果生產嘅時間長好多,晶體結構一定再靚啲。急速生產嗰啲,質素肯定低啲。 依家個個都話自己係OCC,但係聲音就好大分別 - #26 [一休大師], 26-11-04 16:22#24
係呀 過去咗就算 大家知道就得啦 開開心心 玩下就最正, 勿忘初心 大家互相交流 其實係好幸福㗎 - #25 [一休大師], 26-11-04 16:13#23
啊! 牌子就冇乜㗎喇 通常都係測試, 揀嘅時候 主要都係留意線芯, 放頭我就鍾意比較用0.75 1mm, 如果畀amp 可能會揀啲1mm/1.5mm, 通常都會揀冇屏蔽 線皮盡量要薄, 一插落去比較焗嗰啲 一定唔會用 - #24 [DIDIT212], 26-11-04 16:08#22 小事一宗,玩音響有時要偏激少少先過癮嘅 :) 不過講開大陸線,有時我都會玩下象神 ,雖然唔係好多,但係大陸嘅純銀線,我覺得有一個方面係幾好,就係相對個音染比較低,聲音比較straight forward, 難聽啲講,啲聲就好似大陸婆講普通話咁,比較直率! 我估個原因係大陸製造音響線嘅廠家,仲未完金掌握到外國廠家咁,點樣用屏蔽用編織方法去教聲掛? 又或者掌握到部分,但係因為成本考慮,唔會揼本落啲線度,因為就會拉高價錢,大陸發燒友始終傾向低消費! 反而台灣嘅線材,就硬係有一種台灣女性特色嘅陰陰柔柔嘅感覺,我玩過無論Neotech,台北小李DIY嘅,或者係Harmonic Technology,都有少少咁嘅傾向。大牌子線,例如 Siltech Crystal Cardas NBS AN Kondo 個種音染,就大家都好明白,鍾意就好鍾意,唔鍾意嘅就週身唔聚財!
最後修改時間: 2026-11-04 16:15:04 - #23 [Hahayanyan ], 26-11-04 15:58#21 一休先生先生
### 但係我同樣會配搭雞線###
可以分享一下這些雞線是什麼類型的呢?
最後修改時間: 2026-11-04 15:58:15 - #22 [dtbb], 26-11-04 15:54#20
首先我要同C兄你正式道歉,對唔住,昨天係我失言,有任何冒犯之處,請你原諒
其實我自己一向都唔會響討論區同別人爭執,我係來結交同好、學習知識、分享樂趣的,昨天失控潑婦罵街,實在太過失禮,也向各網友講聲:對唔住
其實,我覺得性價比和高階名牌從來不在一個對立面的,見到DIDIT兄剛剛的發言,我必須承認自己昨天太過武斷認為你係強加自己嘅性價比就是一切,到一個喜好高階要求玩家身上,對此,我再說一次對不起
昨天的阻埞論,無意冒犯任何品牌,我自己也是玩Mps這些土炮,只是我相信一個玩到$30000一條電源線嘅燒友C兄,佢對硬核材質的性價比、高階品牌溢價、以至週邊邊際效益隨價錢遞減的道理,會清楚過好多人,到呢個層次的,已經不是追求純度有多少、材質是什麼,值不值得某個價錢,而是追求自己完美的品味同風格,去爭論值不值得已經沒有意義了,所以我不會向樓主推介什麼高性價比的,不是說它們不好,而是不適合樓主現在提出的要求⋯⋯
我不會捨得玩$30000的電源線,但我尊重他們的選擇和要求,決不會取笑他們什麼的,始終音響是個人的喜好,沒有絕對的對和錯吧?希望大家唔好學我,可以回到理性的討論和分享,再次抱歉因我的失言影響大家討論的氣氛,對不起 - #21 [一休大師], 26-11-04 15:34#1 有啲我用過嘅都幾好 可以分享一下 不過有時都要睇下用喺邊個位置
siltech 380p 880p spx800 35th/ single crown,burmester 跟機電源線,inakustik/ 或者電腦線 都可以考慮下
不過每個人情況真係會唔同, 極端啲舉個例子 譬如個喇叭係燒咗高音 咁你插咩線落去 都未必分辨到 邊條高音有幾靚, 所以有時分享還分享, 親身試下 係最有效
我自己本人 都係器材行先, 雖然我都會玩發燒線, 但係我同樣會配搭雞線, 所以喺我心目中, 貴同平其實地位係一樣 就係睇下啱唔啱用, 我真係唔覺得用雞線 會拖累套組合, 有時配搭出嚟個效果 真係自己都唔相信, 電腦線 可以出得咁好!哈哈
跟住就會諗 用曬雞線咪正囉! 但係當你用曬之後 又唔係想像中嗰個效果, 有時真係唔聽得㗎! 好鬼搞笑! 所以真係唔好用一條 formula 去做曬, 乜鬼都試下!
我自己最近 一個case, 就係個ferrum 供電, 我真係用過好多線去匹配佢, 最正嗰條 就係跟機嗰條雞線, 問你死未? 不過係配搭美式插頭hubbell 8215c, 我試過改咗用其他都冇咁正
最後修改時間: 2026-11-04 15:46:04 - #20 [DIDIT212], 26-11-04 15:09象神,牧風,MPS,老農同埋其他大陸品牌嘅hifi線, 基本都係玩高性價比,即係千零蚊條象神訊號線,就做到三四千蚊名牌訊號線嘅聲音, 四五千蚊條電源線,大致做到八千到一萬蚊左右名牌電源線嘅水平,但係就唔代表佢哋出到極致嘅聲音。例如你話同條Siltech單晶銀電源線,或者Crystal Audio 相比,咁梗係唔係嗰個級數! Having said the above, 其實玩音響線最重要嘅就係識配搭,例如如果部機動態都唔係好勁,整條Audio Note落去,係咪合適呢? 又或者套系統已經非常通透,喇叭高音伸展又好勁,整多幾條The One落去,又襟唔襟聽呢?
最後修改時間: 2026-11-04 15:21:54 - #19 [hyk98007], 26-11-04 11:55等我有機會試試象神
多謝師兄分享 - #18 [phil.ng], 26-11-04 11:40留意 siltech , 如 Siltech Ruby Crown 40th、二手二萬尾丶siltech 味不需多講
又 shunyata sigma NR ll 丶不是全銀內有銀缐及銅丶聲 密度高丶氣勢強過 siltech
以上兩廠 都"靜"丶現用。
之前在 R33 有師兄叫我掉曬 siltech/shunyata, 用返電腦缐! - 下一頁 (1 of 2)
- 返回 ...

我以前都覺得 "高清高分析力" 嘅喇叭係好緊要,但而家可能真係年紀大咗少少 (只是少少(^_^:),覺得聽得太清晰好似好攰,寧願聽啲朦朦地,舒服一些嘅喇叭,可能會耐聽好多,聽多幾首歌都唔覺攰
最後修改時間: 2026-11-05 17:53:55