小弟玩左對atc scm40 gen2 已經半年，見好多師兄問有關新一代atc難唔難推，想分享下小小心得，如果有講得唔好請各位師兄指正指正。

最後修改時間: 2020-01-03 09:06:34

小弟聆聽環境大約100尺，後級用classe sigma amp2 ，前級用“活”前級。訊號線用330L。

先講後級，小弟用過2部，一部高文mono ，一部classe ，兩部都係200W 8歐,高文係class ab , classe 係class d 。仲用過一部krell 合併機都係輸出200w 8歐。係class ab 。
三部機應該都算大電流，我覺得atc scm40 較適合大電流amp 推，所以選amp 都係搵大電流。



最後修改時間: 2020-01-03 09:25:05

圖片中Krell合併機

不如分享下三部大電流後級，d 聲有咩唔同

好的，高文mono聲音係中性清淡，高頻較華麗，分離度較高。但推力三部機中排第二。
Classe sigma amp2 聲音較暖聲，低音較實淨有力，分離度無高文mono咁高,推力三部最高。
Krell 合併機就因爲推力三部中最少，低音較散，聲音平較平淡。



最後修改時間: 2020-01-03 11:08:00

但我覺得atc scm40 對後級要求無對前級要求咁高。後級只要大電流amp 推出黎都唔會粗聲，而且scm40 個低音都唔係咁難出。我相信100呎地方150w 左右都可以出到足夠音壓。atc scm40 都係有大食大，所以功率當然越大越好，但都要自己夠地方先食得落。我諗自己就算有300w自己都未必食得落。

最後修改時間: 2020-01-03 11:10:08

我未用过ATC但好钟意佢既中音单元，一直无买ATC就係怕佢难推，就算够火力既AMP亦未必夹。

见过一位师兄用Active 既100，前级一般，线材一般，但效果令我“哇哇哇”，好得不得了。

唔玩Active 既 ATC，真係要花好多时间係配搭上下功夫，玩得好就好有满足感。

老實講小弟機聽過都唔少，但只要係大電流既機基本推三頻就無問題，之後就係口味問題。前級我建議用最好較中性無音染。咁樣調聲會較容易。

老實講後級現在要買大電流200w 8歐，400w 8歐既機唔需太多錢。外國貨4位數內就可以買到。

前級用國産膽前已經有不錯效果。Atc scm40 對前級要求係gain 要高。最好要有20db以上。10倍放大係基本。

之前用teac ud505做前級，但ud505 gain 只有6db所以效果不好。合併機推唔好scm40 好多時都係因為內置份前級唔夠gain 同放大率不足引致。

前級gain 同放大率不足，聲場同低頻都會嚴重受到影響。聲場內縮，低音鬆散。

另外我唔建議scm40用純銀jumper ，因為scm40 對線材要求較特別。
因為新高音高音比較以前去得更盡，所以jumper 千萬唔可以用銀，否則高音太亮反而唔耐聽。
大家買Jumper 時候就注意。

最後修改時間: 2020-01-03 12:06:32

那部 QUAD QMP Mono 260 Watt,Class AB，推 SCM 40 又如何？請分享。

Quad qmp Mono 只試聽左1小時左右，因為機不是大電流機種，感覺無力，音場內縮不適合scm40 。

大家選購Amp 時注意spec 功率顯示，大電流機種會顯示多個歐數，例如8歐150W 4歐300W，通常8歐去到4歐但功率增加一倍都係大電流機種。


最後修改時間: 2020-01-03 13:18:54

金仔e470小弟都曾有一部，但也推不好scm40。e470 spec 8歐180w 4歐260w，所以唔係大電流機。

小弟有曾有部麗磁219去scm40 中高音可以，但低音出唔到。要大功率膽機就要天價，所以轉玩石機。

已售給高人師兄！

推好scm40 中音純厚，低音動態強，收放快速，音場不會內縮，聲音能量感強，低音推好係野野打心口感覺。