對小弟來說，比想當年別超話退隱江湖更加震撼。

過多段時間，香港就冇人玩音響架喇

其實佢哋賣啲嘢都唔算天價

Proac嗰個Level嘅產品，唔係開天殺價，係正常聽音樂應該付出嘅中位價錢

無奈而家啲人可能都要再平啲

又或者覺得淘寶嘢都搞得掂

咁咪變咗幫襯晒啲國語人、鄉音人

又睇返威達嗰兩個地方，舖租太貴。

Proac 入門至中級十幾二十年前就叫OK
而家根本就係Over price
個餡啲嘢都冇乜特別
仲要久唔久係英國有啲全新死貨當二手賣
Spec 又唔係特別高級

宜家音響只係一小眾人玩意玩開嗰班只會陸續退燒故市場只會不斷的萎縮。

真無奈又可惜！就連咁大嘅威達都要淪落到咁嘅田地，最主要新一代嗰班後生仔無人去承接，賣音響嘅店舖執下一間執下一間只會越嚟越少，香港嘅音響市塲真係玩完了。

最後修改時間: 2025-05-06 23:31:41

其實之前威達冇左 naim, dcs, magico 代理權都估到佢準備退場

唔好話ProAc啦, 其實dCS啲聲都係好普通，都係非常之overpiced! 大陸有啲解碼 例如D字頭嗰部Plus， 再加個鐘，再加埋個DDC, 用啲靚嘅i2s線及接線同power cords， 啲聲隨時拍得住頂班嗰部dCS...

好！收到，一定要向早国找好嘢。一定好，除非唔係。

啲音響廠家又唔爭氣，偷工減料轉晒大陸電容

我上星期就諗住買部Unison Research Simply 845

一睇到裏面啲零件，全部用晒江蘇嘅JPX JNJ垃圾電容 (紅色嗰啲同埋大水塘)

呢部機送俾我都嫌阻埞，仲要我俾五萬幾蚊，發夢冇咁早

換個角度， 國產零件質素不斷提升， 得到國際名牌認同。

最後修改時間: 2025-05-07 21:09:45

威達太overprice 啦！入去只有一種被劏嘅感覺！個個老sale對眼都在頭頂，跟本無興趣留多一刻。
事實上新一代都冇乜人玩Hifi 喇。一來貴，二來好多搵笨產品，三來屋企冇地方擺。佢哋聽歌可能feel 多過音質，攞個黑膠唱盤在喇叭上都冇問題！Hifi 行會轉哂面貌㗎啦！

#11

咁不如直接買大陸機啦，使鬼俾五萬幾蚊

路過插嘴。我覺得威達公司的價錢已經不算開天殺價，你估人工舖租唔使成本嘅咩？另外，有時也不是香港代理想加價，而係英國廠商要求加價，以Naim為例，英國廠方要加價，香港代理也局住要加價。你要攞個代理權，又要提供售後服務和維修，你估唔使成本嘅咩？ 自己久不久也會去威達的陳列室，尖沙咀嗰間就比較少去，銅鑼灣嗰間都去過好多次，我又唔覺得嗰度啲職員，服務唔好喎。

威達服務算係咁，我上次去試喇叭，聰哥換完一對又一對，每裝一對新喇叭都好細心擺好位置再用力壓實，唔係求其放上去

雖然我最後都係買咗Harbeth，都好滿意威達嘅服務態度，尤其係若果佢真係就嚟關門。比着其他就快關門嘅公司，關人鬼事，態度一定差。

我都去過尖咀同銅鑼灣試喇叭 服務很好 都好細心setup 比我聽

動態清零三年，之後，官宣一小時大灣區生活圈，港人北上食呀食食呀食，香港消費各行業百業凋零。

冇人消費，玩開音響嘅中產好多話要移民，或者已經移咗，又或者唔再買音響，只想賣音響。

官宣話香港由亂入治及興，十分勵志。但行行的店都要減損，分店關得就關。

留下來的發燒友，想如常地買呀買新機新喇叭，有得入店揀！奈何？

唯有，玩你手上擁有的喇叭和機，什麼新的 model 音效已比天高，信佢？

源頭不加廢，也有即極意義！

最後修改時間: 2025-05-08 00:39:17

#17

依家啲廠家真係搶錢， $7000買條fuse，買嗰個直程患上hypomania ，我估呢啲人買梳蕉都要$500先至覺得好食

新機=好呢樣嘢，識玩嘅人應該唔會犯呢個錯

真空管肯定唔係，膽機都唔係，數碼都要走返去R2R，新黑膠唱盤整到坦克車咁大隻--啲聲仲死過「棺材好聲音」第一千八百六十集。你覺得音色好、有活力、有泛音嗰隻Linn旗艦唱盤？雖然仲食緊老本，但係夠膽死突然黐孖筋獅子開大口$500,000一台。

好多音響設計師已經忘記初衷：為所有熱愛音樂嘅人帶來音樂

最乞人憎係嗰啲裝假狗整到部機大大部，雕晒花，裝模作樣，開價幾百萬一部。最大鑊係真係有豬頭炳上釣。

7K 買條灰士都有1%電學根據
最離奇係買天價牛肉粒放係雪柜會影響音場， 真係R哂頭

#18
大大件和精雕細琢...............因為主打神州大國市場, money no problem