應該係依家年輕人無咩要求
唔會好似我哋依批年齡既人

影音生態已經改變，而家手機已經做曬以前既av用途

Have you guy fact checked yet?

我都係廿年前先開始入坑聽碟, 原來廿年前玩hifi既師兄們已經係hifi世代既末代了

#53

廿幾年前初出社會, 果陣d師兄成日彈當時d新樓細, 廳窄, 梳化伸直隻腳已經可以開到大牛龜電視, 玩hifi好唔friendly云云.......

到家陣有個錢買樓, d新樓已經縮到二百幾至三百頭呎, 當年比人笑「個廳窄」的樓, 今日睇返已經叫大單位了!
依家我都係住二百零呎單位，老虎難得同意我留套hifi, 但造完傢私, 能擺到hifi的位得返好少好少, 其實最理智的辦法, 可能係買隻靚少少的藍芽SPEAKER, 由部IPHONE射個訊號比佢出聲就好, 不過聽左成廿年大機,要放棄真係唔捨得

AV方面, 依家買靚少少SONY SOUNDBAR連SUB仔都已經好夠, 部藍光機都冇開好耐, 主力睇NETFLIEX就夠晒.......

所以主觀環境上, 家陣HIFI AV出左好多產品都好方便, 又平, 要求唔高買一次就玩到十年八年

客觀環境上, 住的地方愈來愈細, 點可能放到一舊二舊hifi, 喇叭?放到都好聲有限,真係要好聲可能玩headphone用現實d, 我怕傷耳先唔玩

其實都唔止香港的問題, 全世界玩hifi的人都愈來愈老愈來愈少, 早十零年內地班大款搵到錢都好發燒, 新機舊機都比佢地掃晒
但近七八年, 睇個二手市場都知, 內地d大款都好似唔再用hifi去炫富,世界一大消費市場開始沒落
以前好發燒的日本, 我見行電器睇音響的人都少左好多, 秋葉原都變左女僕天下

所以呢...................hifi業都係無咩前景可言了

#57
我廿幾年前第一次hifi,都遇上拉閘放狗式推銷
果陣只係心癢癢想試聽下部機
比sales帶左入試聽室就奶野晒
唔比錢都出唔返去

唔係話唔like部機, 當時後生未搵到錢, 果陣plan係儲多半年錢先出手, 結果成個plan打亂晒
部機仲要放左半年先開到箱

自此行音響鋪都係分明混吉window shopping算, 寧願比人白眼都唔立亂叫人地開聲試

到混得十年八年，知道行情先識約下d鋪頭試機

又到左近年, 網上買機其實都好易, 有d廠甚至做埋direct sale, 直接用個靚價賣部機比你, 包埋運費

我依家玩緊的player amp speaker全部都係一手網購返來

唔使麻煩本地行家, 亦唔識下下拎把大刀同佢地一刀刀咁劈價, 大家開心

又因為本地音響行業呢種「傳統」經營方式, 嚇怕左好多新手, 特別近年音響器材下下幾萬上落, d後生邊有咁多錢交學費?

有錢買架二手車出去溝下女, 或者去返半個月日本食買玩唔好?

#55
重點係你畀咗錢，售貨員就話 去倉攞緊嚟，跟住扮friend 同你吹水，口口聲聲話 點解唔加多小小錢買部更好嘅機？
之後大家都知發生咩事了。

我七老八十啦, 屋兩套 Hi Fi, 廳一套, 工作房一套, 另有兩套走鬼收埋房櫃內, 問兩個女要唔要一套, 佢地都唔要, 話聰手机得啦

當年旺角音響中心某些品牌都會特別落足咀頭去sell但不買也不會好似嗰堆"聲"字派音響店咁落閘放狗迫你買！

師兄不要忘記80，90年代旺角音響鋪 好多間係集團式黑店佔有旺角最旺地點，成條街充滿呃人音響鋪。
小弟都瀨過野！果啲黑店完全破壞真心打算買機嘅市民信心。
就算叫做正派嘅旺角音響中心都有呃人成份，只係無集團式黑店咁狼死！
某程度上因為黑店林立，普通買Hi Fi 嘅市民因為資訊不似現在流通情況下，其實選擇不太多。

#51

顯而易見的現實、事實，絕對不是斷估。結果就係小數買家負責養起一大棚由生產至零售商的一家大細，一部家用擴音機貴過一部寶馬，點生存？

當然還有軟件的缺乏同其它消閒方式的出現亦是純音響市場滅亡的原因，相信目前大家聽緊的主要還是20前的音樂，近20興起的所謂音樂主要是比人去睇，而唔係去聽的，真係想聽一部電話加個耳機更適合，高D要求自然是AV設備，邊個得閒理你什麼聲底，音色，韻味，定位，咀形............

近年如果還見到D後生的話想玩發燒音響，我都會問佢點解咁多好野唔玩而要將資源放在呢D意義已經不大的東西上。

近年都是用威達的vip證去睇音響展，即是從此連音響展都不用去了。

#51 師兄不是斷估，分析得相當有道理。
自從智能手機普及後音響及影音市塲不論高中低階都逐年萎縮，現在仍有玩的都只是以前7-80年代玩開嗰班但隨著年齡漸長相信很多亦已退燒有錢寧可去旅遊享受人生，今天一部智能手機已可提供玩不完影音娛樂及速食文化影響新一代不會再願意花時間花錢玩音響及影音，加上香港普遍居住面積狹小很多新樓客廳設計連小型書架喇叭也放不下所以最多只會玩藍牙喇叭及soundbar算。
20年後音響店可能已全消失！

多謝觀賞，70後可能會有共鳴

家用高級音響，由50年代發展至今，一路以嚟都係小眾玩意，高級音響廠商唔係咩搵到大錢嘅小型企業，高級音響市場非常之細，投資失誤分分鐘破產，好似50年嘅JBL同60年代嘅馬蘭士，當年馬蘭士九喺香港嘅銷量都係得拾多部，破產之後輾轉畀日本企業收購，70年代至80年代，馬蘭士同其它日本大企業新力先鋒一樣，主攻中下價市場，因為市場非常之大，薄利多銷之下，真正可以搵到大錢，80年代通街都係音響舖，主力都係賣平價日本機，金仔大天朗比較貴嘅要行上樓上，但好少會見到Mark仔FM高文之類，玩得起嗰班有錢人，都係佔整體音響市場好少數，做唔到薄利多銷，只有高價求售，當年音響市場已經好成熟，客戶涵蓋老中青一代，始終會有一班人慢慢由初階轉投高階音響產品，養活音響代理同廠商，今時今日，家用高級音響市場，客戶群集中在上一輩人，這班人隨著年月會不斷減少，高級音響產品銷量會不斷下降，音響廠商只能用加價去抵消產品銷量下降，去維持利潤，但問題加價又會引致產品銷量下降，產品銷量下降跟住又要再加價，做成惡性循環，最終導致廠商生意淡薄，代理去唔到貨自然好難再經營落去。。。而家連B&W、天龍、馬蘭士呢類中下價品牌，都話要面臨破產畀SAMSUNG收購

以上分析全係斷估。。。

最後修改時間: 2025-05-17 04:21:33

寫得一首好詞, 再配返腦海中繞樑三日既曲, 會心一笑! mark1 兄果然係聽得之人

三拾年前

關熟兒 x 李香蘭合唱

再見
唔好怪我第一句就同你講再見
因為我真係專程嚟同你道別㗎

冇人焚機 淨係聽我焚機
嗰陣時個世界好嘈吵 冇而家咁靜
襯得我套HiFi特別高級 特別勁揪
我記得去"音樂速遞"租CD
隻喇叭會係響我耳仔邊焚嘢
佢焚得好大聲
其實我一啲都聽唔清楚
不過 我好鍾意聽佢噉樣不停焚歌
以後再冇人噉樣不停焚歌
因為佢話畀我知佢要執笠喇
忽然間 已經過咗好多年
我再冇租過CD


我記得 當年我去過嘅每一間音響店
嗰啲地方通通留喺我心裡面
我唔會講 我老喇
我只係會講 我耳朵撞聾
時間耐咗
難免知道人總會慢慢噉將高頻淡忘
又會睇住啲靚聲無聲無息噉消失
我點解要執笠？
我先兩日 唔知諗緊乜嘢
無端端走咗去睇檸檬
個檸檬就同我記得陪住四哥嘅嗰個一樣
不過 就算我點樣裝出盡量投入
我都冇辦法唔承認
我自己嘅年紀實在太老

我的經驗，機內空間多少，與其結構是搭棚還是用電路板，並無必然關係。

電容之好壞，要看用途及特性是否配合，電容體積大小，並非其指標之一。

用電路板，位窄，電路板下手也不及搭棚容易。好的電容往往大大舊，機箱會造成限制。看上圖的機箱，可下手的很有限。

#45 用電路板的機，摩改或換零件又有何難處？

#43 膽機不搭棚，膽來幹什麼 ...........
電容差不要緊，最緊要有得摩。對住塊電路板，大摩王都無從入手。咳。

其實可能威達老板想退休唔做，人到中年去享受人生，但又冇其他人買盤咁結束都係合理，記住呢D音响生意唔似誠哥果隻長江，可以子成父業

最後修改時間: 2025-05-16 01:51:08