細地方考慮掛牆淘寶平替方案
係呢啲幾舊水音柱喇叭
有啲係包埋個wall mould
由於size唔闊
咁就左中右surround天花都可以用埋佢

細地方平平地淘寶方案
二千零蚊呢隻12吋算係好足料

片主以細小空間玩 5.2.2，前、後同天空聲道之間嘅銜接，我覺得已經做得相當唔錯。

不過，片主近乎唔聽音樂類型內容，所以比較難再進一步判斷佢套系統播放音樂時嘅表現。

如果你話你朋友屋企地方好細，我覺得又唔係冇得玩。物理同空間嘅極限雖然唔可以突破，但總有方法可以盡量逼近。

消費方面，唔需要太平，但亦唔使一味追求昂貴器材。一部 Denon X3800 已經有相當唔錯嘅基礎。

至於喇叭同超低音，淘寶其實有好多「秘密武器」可以慢慢發掘。只要識揀、識配搭，未必一定要買大名牌，都有機會玩到性價比相當高嘅效果。

任何環迴立體聲嘅制式基本上對每隻喇叭參數同擺位都有一定要求（最理想啲喇叭就係同系列），當然有時未必咁完美咁就靠佢嘅自動校正咪去修正頻寬、大細聲同埋延時時間。修正咗之後咁樣飛機或者炮彈由前面飛去後面就會有一個比較順滑嘅銜接，唔會因為頻寬不一樣而導致變聲，大細聲不同或者延時時間不一樣而導致銜接出現問題。

至於片中嗰個空間我諗絕對超越咗一般AV擴音機自動調節嘅範圍，可唔可以達致一個理想嘅銜接我會有啲懷疑。當然標準係死嘅，最緊要自我感覺良好咁就乜都得喇。







最後修改時間: 2026-07-07 00:29:14

#52

我同片主啱啱到返轉
片主鬼死咁整齊我就鬼死咁亂
片主著重用DSP eq教聲
我自己嘅信念就保留喇叭原聲
當然片主有音響雜誌去訪問
我呢啲三腳貓就不能同佢相比


最後修改時間: 2026-07-07 00:20:38

#51

全部畀你講中晒
唔止鑽埋牆
天花仲要加多兩條路軌
畀atmos擺位調聲
而且用緊啲喇叭仲要係最樣衰
啱啱有個冇乜人睇嘅kol
出段片仲笑我對喇叭
好似兩隻紅蕃茄喺度咁樣

#50

嘩咁多嘢玩都可以咁整齊，真係唔容易啲

this YouTube 分享帶給我一個感覺

玩av所需要調試嘅時間，Vs 玩音樂多了很多

最後修改時間: 2026-07-06 23:44:16

我諗好多師兄都羨慕你，轉到埲牆咁太座都唔詐型。你都明白香港地好多都係小男人，你部機同喇叭個樣衰啲都可能入唔到門口仲話要轉到埲牆一撻撻。另外如果個單位係租返嚟嘅更加唔敢亂咁鑽窿，唔係好易就上咗慌張西望。




最後修改時間: 2026-07-06 23:38:06

如果大廳個闊度都係嗰7-8呎你仲有乜嘢要求，我就識得一個朋友住黃大仙其實佢都肯花錢去玩音響，但係因為屋企空間所限佢只係擺咗一對有源喇叭REF LS50，佢由冇源轉做有源已經覺得聲音好咗好多，不過你都明白咁細嘅空間前面擺咗個櫃之後梳化一定貼後牆，其實對我嚟講個聲音就真係麻麻地。如果仲玩後置喇叭，對喇叭基本上唔可以向前一定向左向右對住個人，咁樣我又唔覺得個效果會好到去邊，不如前面擺個sound bar算數再唔係直接由LS 50 wireless出聲可能效果更好。

我自己覺得如果要玩環迴立體聲擺後置喇叭嘅話，皇帝位必須不能貼近後牆，咁自然對空間大細會有一定要求。

Soundbar 主要都係招呼啲買功能、唔係買要求嘅人。
試諗下，一條 Soundbar 好多時闊度都唔夠一部 65 吋電視。如果咁都可以做到個音場闊過個銀幕，甚至包圍到去後面，咁我哋玩開兩聲道嘅，真係要檢討下自己套系統。
如果屋企真係冇地方，我反而幾 Buy 而家新出嗰啲 All-in-One Speaker。好多已經有 HDMI eARC 輸入、藍牙、USB，再高級少少仲有 Wi-Fi 串流功能，尺寸又有大有細，對一般家庭其實好方便。
有好多人介意佢唔識點亮 Atmos 個燈，但就要睇買家係從邊個角度考慮。如果最主要係方便、慳位，又想比電視內置喇叭好聲好多，其實已經達到目的。
如果屋企環境細，但又仲有少少空間，我反而會建議考慮市面上嗰啲條狀喇叭（LCR Soundbar Speaker）。可以掛牆或者放喺電視下面，後面再加兩隻環繞，天花再加兩隻 Atmos。
配一部入門至中階 AV 擴音機，例如 Denon AVR-X3800H，再加一隻放得落屋企嘅 Subwoofer，就算平時主要睇串流平台，都已經可以玩得相當過癮，效果比一般 Soundbar 更有升級空間。

工作project 需要要去Cambridge, 如果將來有機會單人北上工作，有得玩得幾好 haha thx thx.,我甚至乎佢試音室感受一下set up好嘅av system都未試過

Haha

Oh...north。。。。that north。。。

哈哈， then wish to see you sometime...

Haha

Haha兄你同MDLP都在同一個島上啊!

其實香港住屋環境劣化越嚟越細（納米樓興起）亦都導致咗AV市場嘅沒落，試問屋企連部大機都擺唔落仲點可以擺咁多對喇叭。再加上TV邊框越出越細導致前向喇叭不能放置，後場反彈嘅聲音基本上找唔到焦點，焗住啲人要加外置喇叭。呢個時候多功能嘅sound bar興起，聲稱一條就可以模擬5.1聲道，咁乾手淨腳嘅做法何樂而不為。

多謝邀請多謝邀請

多分享就當去你度玩咗喇

都唔知幾時先至回來地球的這一邊

多謝多謝

有機會北上嚟我度玩下haha

#40

嘩原來咁多嘢玩㗎

我從來都冇玩過av ，極其量就開個投影機加個subwoofer用套hi-fi系統睇下戲

嘩原來可以咁多嘢玩，太多嘢玩喇，睇完分享到玩咗


Haha ？

有唔少玩家庭影院嘅朋友，其實同玩兩聲道一樣，每個階段都有唔同心態。

有啲人追求嘅係電影同音效帶嚟嘅官能刺激，同視覺衝擊，呢個完全冇問題。但慢慢就會發現，開始唔係睇電影，而係玩器材或被器軟件材玩。

我見得最多嘅，就係醉心用支咪量度，日日Plot頻響曲線、熱狗圖、Waterfall，再不停改EQ，加幾dB、減幾dB，迷信一支咪加一套軟件可以改變一切。反而真正影響最大嘅喇叭擺位、座位位置，就好似當佢透明。問親都係「分頻點設幾多？」「呢個位加減幾多dB？」好似一條FR拉到直尺咁，就等於有包圍感、有音場。其實睇唔少地方做個實驗，如果啲喇叭有返一定質素，唔畀DSP係咁插數碼filter幹預，聲音會嚟得更自然。高級音響示範係唔會現場用DSP，當上網睇得多kol集體洗腦，唔用嘅個心梗係唔安樂。

仲有些收藏好多電影，但由買返嚟嗰日開始，到今日都未完整睇過一次。每日開機都係播嗰幾段Demo，金陵十三釵掟手榴彈、機關槍、坦克車、鐵鏈聲，日日都係呢幾段。慢慢重心就變成淨係追超低音，其實好多槍聲、鐵鏈聲、爆炸嘅質感，反而係由中高頻決定，唔係淨係隻Sub愈震愈好。

其實今日玩家庭影院，亦都唔一定係睇科幻片先至有意思。Netflix、自家串流平台好多劇集及提材，雖然只係DD+ Atmos，未必係無損音效，但空間感、走位同混音一樣可以做得非常精彩。反而有啲人仲停留喺二十年前，只識搵Demo片測器材，錯過咗真正欣賞電影同故事。

最感慨反而係軟件收藏。由LD、DVD、Blu-ray、3D Blu-ray，再到4K Blu-ray，每次轉世代都有人瘋狂追特別版、鐵盒版、限量版，結果今日好多都變成唔值錢嘅收藏品。音樂如是，電影亦如是。

仲發現一個有趣現象，唔少AV玩家，同兩聲道聽歌完全係兩個世界，甚至連演唱會Blu-ray都冇興趣。覺得睇戲嘅喇叭，唔需要識得播音樂，唔會明白電影嘅BGM對電影嘅氣氛有幾重要？

當然，家庭影院一樣有軍備競賽。有不停追戲院級器材，100幾dB高靈敏度喇叭、幾百瓦專業後級、戲院退役Processor，以為搬到香港屋企就等於戲院效果。問題係，香港一般客廳，100dB敏感度可能只用到一兩瓦功率，器材根本未去到最佳工作狀態，連自動校正都未必容易做好。更有趣嘅係，明明今日家用Processor已經支援HDMI、Dolby Atmos、DTS:X，自動房間校正功能亦成熟，偏偏有人堅持用戲院退役器材，仲停留喺AC-3年代，犧牲咗新格式同便利性，只因為覺得「戲院用就一定好」。

玩AV最重要始終係享受電影，而唔係日日望住條頻響曲線；玩音響最重要始終係享受內容，而唔係永遠沉迷器材。當電影變成測試片，音樂變成測試訊號，器材就已經由配角變成主角，初心亦可能喺不知不覺之間走遠咗。

「如來神掌」4K ,Imax, atmos，有得諗喎!

但係找真人角色就難啦!

誰可代替陳寶珠、石堅、曹達華??