時時話用原裝母帶＇但做法又好似神神袐祕＇真的希望唱片公司可以正正常常地做復刻＇勿再胡亂做所謂remaster ＇出來變咗CD聲

1. 母帶會變舊，磁粉會剝落 (沒有一個儲存體是永久的)
2. 器材差異（以前用全套真空管全模擬，依家用原子粒再加啲數碼去remaster)
3. 工程師多手，又搞混音又搞EQ扮高清，畫虎不成反類犬

同意Thanatos師兄所言

請問有邊隻唱片復刻版差過原版？係邊方面唔得？係邊度做㗎？

宜家啲母帶全部數碼。磁帶保存唔到咁耐。

母帶係素顏，通常有後期製作加姿色加味精，唔岩口味？

新嘅材料厚啲，耐熱耐磨啲，冇咁容易吸麈，所以靜啲清啲深啲大聲啲。似數碼聲。

吹水唔好介意。

我唔會買香港出的新黑膠

香港代表作有 審死官，帝女花。

其他唔知。

復刻通常是 3. 工程師多手，越搞越衰聲，衰聲無分國藉。

最好聲的是審死官，母帶直出，不搞是最好的。

我盒仲末開 ！

同意七仔兄所言＇母帶直出（若真有開卷母帶的話）＇直出刻碟最正＇勿多手用EQ又轉數碼又tune ＇其實外國碟都出現這情況＇總之而家的所謂復刻碟＇同舊版比普遍少了餘？＇尤其人聲更甚＇因小弟中很多次招＇有感而發＇望各位見諒

鬥牛場，兩個原版一個復刻。
葛蘭，一個原版一個復刻。

結果相同，復刻都是給EQ搞死的，買過就不再買復刻。復刻唯一的好處是不用食炒價，沒有第二個優點了。很不明白，為什麼復刻時個個都多手。黑膠還是舊版最自然。

我買過日本版的母帶數碼直刻，用母帶經dsd製成數碼母帶，直接用數碼功率收大器驅動金屬刻母盤机製成母盤印碟，好靚聲，噪音很低！

同意＇若母帶靚而又製作認真＇復刻都可以做得靚＇而小弟亦想提吓最近買入永恆復刻茫茫路黑膠＇小弟曾比較過原版＇復刻版做得很好＇個人認為是認真的製作

以前年代嘅磁帶，尤其係廣東歌，有幾多可以保存良好，好多應該已經數碼化保存，如果搵得返嗰餅原裝磁帶壓碟，有時未必係唱片公司想左調右調，可能係要進行母帶修復，母帶處理，否則可能出唔到街

小弟同意mark1兄見解，而我只是希望製作者們嚴？處理母帶＇勿為出黑膠而出黑膠＇將聲音「處理」至如CD ＇甚至差過的情況＇而小弟亦了解開卷母帶難保存＇但也希望製作者用心復修＇否則只是打著180 G ＇乜乜先進科技制作口號＇結果可能徒勞無功＇事實上＇例如德國DG近年的復刻古典不少便比原版聲效更佳＇而由數碼錄音製作的telarc,Decca早期黑膠＇聲音亦理想＇一様出到靚黑膠聲（無論用模擬或數碼母帶）＇由於近年新黑膠售價每每三＇四百元一張＇所以我倒希望能多些買到合理價格而質素理想的黑膠＇總之再三謝謝各位師兄留言

小弟覺得好視乎母帶狀態，磁帶每播放一次，就會有損耗，當年嗰餅母帶要製作卡帶、CD或黑膠，都唔知播過幾多次，狀態會有幾好？ 所以通常都要再做母帶後期處理，即係大家所講嘅胡亂做所謂remaster，而且唱片公司都好少會用原裝母帶，通常都係用數碼檔母帶。。。。





“母帶” 兩只字果然吸引，今年曾經親自問過一間香港大唱片公司，他們回覆母帶做CD費用好貴同埋依家都好少用母帶做碟(對方答母帶再攞出去做碟，要再焗及甩磁粉及師傅要再攪～呢句我當然唔明)，他們話當年已經將母帶轉晒做數碼檔保存，依家做碟主要都係用數碼檔做。禁我當然唔知其它唱片公司係咪仲有用母帶，只不過我感覺一個母帶經歷幾十年歲月仲係咪當年果回事姐。邊間唱片公司無謂講，因為我唔知其它唱片公司係咪一樣主要用數碼檔做碟，如果係只公開呢間唱片公司會對呢間唔公平。
https://post76.hk/thread-250379-6-1.html

母帶轉了數碼檔，就請唱片公司直出不要多手搞 EQ 了。
曾經有朋友送我一隻在錄音室現場的數碼檔錄音 CD，成班人彈彈唱唱，偶然拍手開玩笑，錄音靚到市面上不會買到。從此就沒有勉強去追什麼錄音，最好的錄音不會拿出來賣給你。起碼經過 mastering 會遷就耳機和跑馬收音機，大眾都可以聽到成隻歌，不能只為極少數的 hifi 友服務。

禾都買過幾隻 " 大粒墨 '' 吹喇叭，

仲要係 SACD , 啲聲衰到茅朋友，

又砂啞又暗淡，送埋炒豆大大碟。

原汁原味呀！！唔知以為用隻佔完煲底舊 LP 灌錄，

或者係禾唔夠品味定唔夠老 ^^""

＞＞#17.....
--------------------------------
講開又講

廿年前 都買過1隻 國語舊歌CD,

邊間出品 唔記得, 因早已經放入垃圾桶.


睇見 隻低音喇叭個紙盤 不時彈出 彈入,

又約 每兩秒 送炒豆聲.

9X9係用左隻 炒魷&刮花 黑膠 做source...


最後修改時間: 2025-06-08 13:29:14

可能宜家工作人員用耳機鑑聽調聲，因此成品音質古怪。