有些舊版的cd 都好過新出的lp, 都幾明顯是mixing 問題...

300b 兄，你那些錄音帶有什麼歌曲呀？
似乎你那些24 track 兩吋？如果長期放喺冷氣房，就應該仍然可以，如果只係放喺普通倉庫的話，就應該已經變成垃圾了。

而家好多唱片公司，佢哋用語言偽術。所謂母帶，根本就已經係指嗰批大約在千禧年前後，由模擬錄音帶轉成數碼的檔案。真正用模擬錄音帶再轉做黑膠唱片的reissue, 九成九都會講到明，甚至連原本餅模擬錄音帶都印埋出嚟俾你睇到，例如近呢一兩年嗰隻Original Source.



最後修改時間: 2025-08-30 15:44:13

triodefan #27

你講得好啱, 新進hifi友, 只買reissue LP, 因為貪 reissue LP靚, 冇花. 但是hifi友就話 reissue LP好靚聲.

#27

黑膠經歷過黑暗時代，通街垃圾價5蚊隻，而家叫嗰班舊人用幾百元買返隻reissue，真係好難過到自己個心理關口

#26 300b師兄，母帶先係最靚聲，但狀態難保存，價格又超貴，人聲小提琴聲係另一個層次？

外國碟也一樣。Reissue 主要是给近年才聽黑碟的樂迷，HiFi友買。資深的黑碟友，我指有廿年經驗的，以我所認識，無一人買或從前買過，已停買了。

(最原始的音源)，這些在倉庫30多年的錄音帶，是制作黑膠和CD的，因為那部錄音機给公司掉回日本，這些帶也快成廢物！

其實更多關mastering engineer點做mastering事

大把所謂母帶製作，真係聽帶咁，係高清真實，但直白冇嘢好聽，除咗用嚟曬套機有幾勁外冇咩意思

同一隻碟用母帶重製唔見得新版好聽。因為60-80年代其實mastering engineers會加味精令隻碟好聽啲，就算同樣digital mastering舊時都會有韻味啲

當然會帶到去，到底係聽錄音定係聽音樂嘅討論

非常同意iyyeung兄意見

因為好多復刻係用數碼存檔，經過DA conversion 刻落黑膠，經過analog母帶轉digital，digital 再轉返Analog落黑膠，乜都無哂。

玩黑膠最艱難係揾返純analog錄音和製作嘅碟，我試過用Carpenters 黑膠和24bits file播比阿媽聽，blind test下阿媽話黑膠先係人聽，高清file好似小朋友玩泥沙。所以新歌一定係file好聽，因為已經係數碼錄音。舊錄音和Analog混音，無經過AD，就黑膠好聽。

最後修改時間: 2025-08-27 19:29:11

就以哥哥一首可人兒為例，

母帶當年音釋是這動聽，

但沙吖冇分釋力，局悶感，

就算後期版 CD SACD 平貴版本同樣依舊

張國榮 Leslie Cheung -- b5 可人兒

當年第一批錄音效果係靚聲黑膠，

復刻版後期當然效果唔會差，

但前期母帶錄音唔太好，後期復刻版又點可能靚聲。

同意

可能宜家工作人員用耳機鑑聽調聲，因此成品音質古怪。

＞＞#17.....
--------------------------------
講開又講

廿年前 都買過1隻 國語舊歌CD,

邊間出品 唔記得, 因早已經放入垃圾桶.


睇見 隻低音喇叭個紙盤 不時彈出 彈入,

又約 每兩秒 送炒豆聲.

9X9係用左隻 炒魷&刮花 黑膠 做source...


最後修改時間: 2025-06-08 13:29:14

禾都買過幾隻 " 大粒墨 '' 吹喇叭，

仲要係 SACD , 啲聲衰到茅朋友，

又砂啞又暗淡，送埋炒豆大大碟。

原汁原味呀！！唔知以為用隻佔完煲底舊 LP 灌錄，

或者係禾唔夠品味定唔夠老 ^^""

母帶轉了數碼檔，就請唱片公司直出不要多手搞 EQ 了。
曾經有朋友送我一隻在錄音室現場的數碼檔錄音 CD，成班人彈彈唱唱，偶然拍手開玩笑，錄音靚到市面上不會買到。從此就沒有勉強去追什麼錄音，最好的錄音不會拿出來賣給你。起碼經過 mastering 會遷就耳機和跑馬收音機，大眾都可以聽到成隻歌，不能只為極少數的 hifi 友服務。

小弟覺得好視乎母帶狀態，磁帶每播放一次，就會有損耗，當年嗰餅母帶要製作卡帶、CD或黑膠，都唔知播過幾多次，狀態會有幾好？ 所以通常都要再做母帶後期處理，即係大家所講嘅胡亂做所謂remaster，而且唱片公司都好少會用原裝母帶，通常都係用數碼檔母帶。。。。





“母帶” 兩只字果然吸引，今年曾經親自問過一間香港大唱片公司，他們回覆母帶做CD費用好貴同埋依家都好少用母帶做碟(對方答母帶再攞出去做碟，要再焗及甩磁粉及師傅要再攪～呢句我當然唔明)，他們話當年已經將母帶轉晒做數碼檔保存，依家做碟主要都係用數碼檔做。禁我當然唔知其它唱片公司係咪仲有用母帶，只不過我感覺一個母帶經歷幾十年歲月仲係咪當年果回事姐。邊間唱片公司無謂講，因為我唔知其它唱片公司係咪一樣主要用數碼檔做碟，如果係只公開呢間唱片公司會對呢間唔公平。
https://post76.hk/thread-250379-6-1.html

小弟同意mark1兄見解，而我只是希望製作者們嚴？處理母帶＇勿為出黑膠而出黑膠＇將聲音「處理」至如CD ＇甚至差過的情況＇而小弟亦了解開卷母帶難保存＇但也希望製作者用心復修＇否則只是打著180 G ＇乜乜先進科技制作口號＇結果可能徒勞無功＇事實上＇例如德國DG近年的復刻古典不少便比原版聲效更佳＇而由數碼錄音製作的telarc,Decca早期黑膠＇聲音亦理想＇一様出到靚黑膠聲（無論用模擬或數碼母帶）＇由於近年新黑膠售價每每三＇四百元一張＇所以我倒希望能多些買到合理價格而質素理想的黑膠＇總之再三謝謝各位師兄留言

以前年代嘅磁帶，尤其係廣東歌，有幾多可以保存良好，好多應該已經數碼化保存，如果搵得返嗰餅原裝磁帶壓碟，有時未必係唱片公司想左調右調，可能係要進行母帶修復，母帶處理，否則可能出唔到街