想請教各位使用dCS嘅師兄

dCS解碼嘅模擬輸出，是否用平衡輸出會靚好多？

因為間廠講到平衡輸出有特別設計過嘅Class A放大

但係我師傅 (Matisse 藝泉陳) 以前教落，RCA啲聲音和諧好多，音色靚過平衡輸出

我都知道要睇吓下一級是否真正全平衡輸入，我用緊Stax SRM-T8000靜電耳筒放大，望落去又真係似真正平衡輸入(每聲道有兩組放大)

但係我已經買咗Kondo Theme 41 RCA 版本連接兩部機。

如果要買全平衡Kondo又要破費，又唔知音效會唔會冇咁和諧 (Kondo都好似唔主張平衡傳送)

所以想請教各位師兄，有關dCS全平衡輸出嘅音色同埋和諧度，同佢自己嘅RCA輸出點樣比較

謝謝賜教

冇錯，dCS Ring DAC既平衡輸出部份係行Class A，而RCA轉出只係簡單用兩組opamp做輸出！

謝謝師兄賜教，咁睇嚟冇得選擇，如果次一級係真正全平衡，咁就一定揀返全平衡

請問audiofanS師兄，

以上線路圖，是否non-Apex version? 請問知否Apex version 嘅unbalanced output 是否仍然用op amp?

APEX unbalance一樣用opamp的

感激萬分！

我尋日走去買咗一對Cardas Clear全平衡 (實驗性質)

和諧度冇差到，中低頻多咗一浸

但係Kondo RCA 聽小提琴又好似多一點嬌美

我仲有一個option係trade-in 返條Kondo RCA買Kondo XLR，但係佢嘅XLR插頭好似係Hitachi，而RCA插頭係自家製採用純銀接點，理論上RCA先至係正宗Kondo

好難揸主意

唯有借一條Kondo XLR返嚟做一個正統A/B比較先至可以有結論

當年玩過 AN.VZ 1.82M RCA, 見朋友同期玩 ANVZ XLR 是用兩條 RCA 改做一條 XLR, 高手話一條行（＋）另一條行（－）才正確。真大手筆!

#7

用咁多導體，似乎係想調節tonal balance令到聲音變厚啲，即係等於以前有人強行加大輸出交連電容數值令到原本薄聲變厚

但係導體用得太多會令聲音變得唔夠幼細，會粗、會遲鈍

另一個例子係以前用電阻砌attenuator, 用0.5W就夠了，如果落2W電阻，聲音會變粗

如果英國AN要咁樣玩先靚聲，係設計上嘅問題。我以前試過一條當年旗艦級嘅AN訊號線，聽小品還可以，一大爆棚全部嘢散晒

係呀，條ANVz 係當年頂班丶二手都 萬一丶同其他一比後丶一萬放左。
中古 名線乃留住是 MIT Oracle。
玩 ANVz 時也有試 Kondo （頂班）, 多心過 Vz，但不是 我杯茶

當年兩心的 Rca丶兩條做 XLR 是線一紅接xlr 的（＋）丶另一條 紅接 xlr （－）丶原本 RCA 的地 接到 Xlr 的 地。
所以 xlr 的 ＋／－ 沒有多左心

咁即係+/-之間有crosstalk

所以有時啲音響線做到好似水喉咁粗，都唔係純粹為咗扮嘢，導體分隔開少少可以減低crosstalk，亦都好過不停咁加屏蔽，因為太多屏蔽令到聲音納悶冇生氣

對丶中古自己切機丶搞過 機內xlr 的 ＋／－ 飛出兩短線 丶接兩徊 rca 座丶一個 rca 是 ＋丶令一是 －。
即是 stereo 平行丶用 四個 rca 座丶行兩對 rca 線
可惜 Kondo 沒有 三心的 接線, 那就可做 xlr, 因如用 shielding 做回路丶而不用同樣的心丶聲音有大分別丶自己試下 diy rca 平缐丶就即聽出分別。
Gotham 11301 丶超正確丶每心都自己有自己 shielding

謝謝提醒，所以好多人都話Kondo係主張用非平衡RCA， XLR interconnect係夾硬做俾一啲一定要用平衡接駁嘅人，唔代表係最靚聲

咁睇嚟我都唔使試Kondo XLR

依家反而用Cardas Clear Cygnus XLR又聽得幾過癮喎，唔知升級做Clear Beyond 好唔好？因為美國佬升級只係加大碼，啲嘢可能會變得肥大。

另外想請教吳師兄

你點睇純銅鍍銀線？我不嬲都覺得兩種金屬咁樣黐埋一齊會有二極管效應，高音會開叉

最近俾人氹咗買兩條Valhalla時鐘線，講到好正，一開聲，我都聽到鍍銀線嗰種開叉

好多年前我已經堅持要單一種導體，但係買時鐘嗰日好似鬼揞眼咁，而Nordost名氣又咁大，聽完啲聲之後，我真係不禁問自己一句：點解純銅鍍銀線可以賣到咁貴？普通料嚟咋喎

哈哈丶剛剛這幾個月丶悶悶地丶比試 Qed signature audio 40/audio s vs Oyaide az 910丶如有要求丶這三條不用買
同你一樣丶鍍銀的丶怪怪地。
及記憶中 ANVz 聲薄，密度不高丶 平價 Oyaide 銀 有密度及中低量足丶symphony ok丶但超高弱過 AN
又當年 audioquest Sky 及之後同級的丶值得一玩丶 Sky xlr 不貴丶但多A貨，sky 厚聲過 AN
Cardas 頂班 clear 吾平丶不如玩二手 MIT oracle, 中性丶三段平均, 有獨特吸引力
只是個意見！！！

又丶當年 同期 冩手話丶Cardas 頂班 好聲過 oracle, 搞到禾即買兩對
最後留低的是 oracle

Oyaide 910 好似係純銀嚟嘅

不過佢啲銀被重複碌過十幾次，我以前試過擠壓過一啲純銀，啲聲即刻惡晒

瘋狂咁樣碾壓，啲聲好有可能會又硬又惡

我一向都好主張導體純度同埋冶練方法。Cardas算做得幾好，我而家用緊嗰條Clear Cygnus五千幾蚊一對咋，因為唔係粗壯型號，反而冇以前Cardas嗰種大滾筒式低頻同埋肥甜。音色中性咗好多。依家被呢一條Clear Cygnus搞到心思思想試吓佢更高級嘅型號。其實佢更高級嘅型號都係用相同嘅導體，只係導體多咗。所以我反而驚住會打破咗而家我咁滿意嘅平衡度。

MIT以前玩過，感覺上唔夠生猛。而且我唔係太喜歡佢同Transparent用巨型盒裝幾粒零件，用咁嘅手段去抬高價錢。唔鍾意佢哋咁嘅營商手法

910 最後要做⋯
https://www.metalsupermarkets.com/what-is-annealing/

呢幾日反覆試咗dCS全平衡同埋非平衡輸出嘅音效

兩者除咗線材本身嘅特性之外，其實冇乜大分別

再睇返#2嘅線路圖，全平衡輸出其實都有op amp，佢同RCA輸出嘅最大分別，係多咗放大元件，即係話訊號反而要經過多咗嘢。

依家睇嚟又唔係咁心急，要決定買乜嘢全平行線，因為我本身係一個崇尚線路越簡單越靚嘅人，只要RCA輸出交足功課，又唔一定要多一組放大元件

#2中的線路其實唔算完全平衡處理，佢一開始已將正負訊號統一再以電路分正負輸出。