最近有一個歐美品牌廠家 (是中價品牌) 私下分享說, 絕大部份品牌的線材用料, 都只是很普通工業用的銅，並不是在網頁中所聲稱的。

這是他們生存之道，特別在近年的市道低迷的日子裡，更是如此。


其實不論歐美或內地的線材 (價錢可以相差幾十倍), 聲稱是什麼級數的銅/銀/金....都好, 其實作為用家, 都係只有一個"信"字，不可以"問"。

我諗諗下都是沒有發燒友或檢測機構(例如"消委會"、海關等等)把一條幾萬元/幾千元的線, 劏開，送去做檢測的。在中外網上的確找不到這類的資料。因為廠家看準燒友們無論怎樣也不會根據"商品說明"條例去投訴

我們這些發燒友所高舉的"金科玉律" -- 聽聲收貨和最緊要自己鍾意開心。

因此，應否都不需要介意被廠家"勁劏"?

智商税

有本地hi-fi 店相熟的老闆 ，跟我說通常線材的成本，約為零售價十分之一。即是你買 一萬蚊條audio note，成本都只是一千元左右罷了!

全世界真係會生產導電或通訊電線公司， 10隻手指數得晒

玩嚟玩去都係嗰啲嘢

噱頭同埋包裝佔咗音效九成

量產比你嘅嘢一定唔係最精品，主要係交到貨過到骨。淨係講OCC silver，本身都有分快速鑄造同埋慢速鑄造。慢速鑄造晶體靚好多。我從來未見過有一間廠會講明自己最貴嗰隻OCC係用最慢嘅生產速度同埋附上電子顯微鏡嘅晶體圖與其他低級產品作比較。

所有嘢真係講個信字，同埋盲目追隨

如果有一日我整咗一條線，贏人哋九條街，我舉辦音響展，我一定瘋狂安排double blind test，每一場觀眾都會明顯分到出嚟

唯一可能會真心想俾最靚嘅嘢俾客人，可能只有日本仔。不過日本仔最靚嘅嘢通常都係留返俾日本人。

修高檔線時發現，八芯銀，兩芯金，看橫截面，並非鍍金或鍍銀。至於是幾N純度，我就無條件驗證了。

用料是否老實，也不是全行都是靠吹的。不過是否代表靚聲，又是另一個話題了。

睇嚟去金舖買4N金飾，都要去驗一驗，乜嘢世道

線材有4N銅已經唔差，據聞去到5N或以上好難檢測到。

另外D鍍金插頭有幾多金亦成疑。

不過如果按標題討論，我又唔會將歐美同內地嘅線材混為一談

我講緊全世界寥寥可數嗰幾間由原材料生產線材嘅大廠，生產出嚟嘅線材符合國際規格。雖然成本遠遠低於音響線嘅售價，但係物料質素有保證

求其響大陸買條所謂音響線或A貨線，材料來歷不明，可以好垃圾好多雜質，「純銅」可以牽引磁石，絕緣體來自舊拖鞋、用過嘅避孕套

內地廠商有能力生產7N銅
http://www.haitedianzi.com/pd.jsp?fromColId=2&id=6#_pp=2_576

＞#1,音響用的材料屬於細眉細眼，不值得拿去Lab.做檢驗，但如果渉及重要工業，食品安全，或專業教學則不同，本地/國内/國外有多間機構可作下圖的金屬純度測試（atomic absorption spectroscopy, AAS），原子吸收光譜法。

#10

的確係有能力，亦都會賣出去國際市場

不過會唔會用響「音響線」、淘寶A貨線，自己諗

我就諗都唔需要諗

做實業的,未必喜歡這種靠說故事賺錢的

消費品，高級消費品，銷售的不是絕對質量，是一些複雜的情感故事，相信做實業的都明白，說故事都係搵其他人做拍檔

說故事的人也未必鍾意做實業
做實業的人故事都應該有點悶

做marketing好似難過做實驗找答案

專長不同

high end其實唔係咁好賺

Haha

最後修改時間: 2025-11-15 09:04:25

俾細路仔玩嘅都可以有石棉

「音響線」？算吧啦。

心知肚明，故從有商譽的品牌購入

反過來說，不明來歷的亦是智商稅的付出

彼此彼此。

#16

用家買著衰嘢嘅機會率有分別，一個百份之九十，另一個百份之一

唔好以為東洋人不會做假：

呢個係偏、全嘅老生常談

由於文明國家都有不文明嘅人

所以不文明國家嘅人同文明國家嘅人冇分別

忽略咗比率

花生敏感都會死人，東洋人點解做假？願聞其詳
AI講原料中含有某種毒素，是明知故犯？AI無講