請問大家覺得‘丹麥 Noder audio ’擴音機質素如何？

最近也有留意呢部機，話丹麥設計， 大陸生產， 性價比高. 綱上資料不多. 但經一些資料蒐集後， 發現這部丹麥設計的後級， 所用的放大線路， 線路板， 零件等， 和 一部Audiogenic 後級（好似話係香港設計的） 用料如出一轍.
咁如果係丹麥設計嘅，又點解會同香港N年前一部土炮機嘅設計一樣？ 有冇違反商品說明條例呢？似乎有新瓶舊酒之嫌。但今次連個牌子都換埋，就當一部全新外國設計新機 銷售， 買咗中招就慘了！

Audiogenic power amp

Noder power amp 右手邊是一部N年前 大陸生產的Generation Audio, 可以睇到 入面主要線路板，竟然同Noder power amp 是一樣的！即係 換個殼，再吹大d，就當全新機種賣！？



最後修改時間: 2026-01-12 00:26:45

有興趣可上佢個網站睇下！

謝謝資訊，甘都得！ 得閒上網先了解一下

你要先了解清楚線路上是否完全一樣？部機出嚟聲音係得既邊度造邊個設計覺得已經吾係重點？除非你年資玩既音響少啦！你有冇聽過部機先？如果係香港嘅話 我又覺得香港人既驕傲可以做到部好機出嚟 好多人聽完都有讚好 你有冇去聽過先？

我無話過部質素唔好. 我更加支持香港設計制做！ 我講嘅係有人將部 話係 香港設計嘅Audiogenic, 換湯不換藥，重新包裝，仲話係丹麥設計再去銷售， 咁冇乜經驗嗰d買家，會唔會諗到，其實佢係買咗部Audiogenic 返來？ 問題係點解要用呢啲欺騙手法去銷售先. 既然邊度設計唔係重點，咁咪用返原本香港設計品牌繼續銷售就得啦！ 線路係咪一樣，有圖為證，唔係換咗一粒電容，一d 電阻唔同數值， 就巳經唔同的！ 識電子嘅，就一睇都知道，係同一個線路架構啦！唔信去搵海關／消委會 check吓，睇吓究竟係香港嗰部抄丹麥嗰部，定係丹麥嗰部抄香港嗰部？ 作為一個消費者， 你買件貨品，係要俾到你正確的資料你去考慮購買，唔係用一種誤導嘅手法，去欺騙消費者！

最後修改時間: 2026-01-12 17:53:13

如果有人，原本用開Audiogenic, 因經驗不足，道聽塗說， 信錯代理，走去換用呢部Noder, 咁就重大鑊，使錢以為換咗部新機升級丹麥設計，點知部新機入邊個餡原來都係Audiogenic， 咁就唯有怪自己經驗不足，當交學費學嘢囉！

最後修改時間: 2026-01-12 18:12:58

消費者其實而家一定醒目 好吾好聲相信消費者會自肯決定買吾買 我去買産品都會去試下聽下 好聲岩聽就比錢買 玩音響多年 品牌玩得多都已經明白一個道理 好聲同價錢合理 就算500萬全套大品牌但出嚟聲音唔得 真係會比D老友笑到暈 玩音響玩得合理就開心 玩得多自然會明白 以聽聲為收貨 相信玩得比較資深既發燒友都會明白這道理！

最後修改時間: 2026-01-12 18:30:19

咁得閒咁樣比較

有啲似呢壇嘢

http://www.lampizator.eu/lampizator/references/Goldmund/goldmundizator.html

Goldmund呢單嘢應該大鑊過乜嘢丹麥嘢，因為Goldmund係老牌子，丹麥嘢可能係東莞裏面個丹麥

不過應該唔會有人癲到真係相信德國寶係德國造

我反而想知道呢D香港野質素如何
如果平靚正 唔洗玩歐美貴野 聽聲收貨

我原本都有興趣買呢套嘅！我就唔怕俾老友笑，但最怕自己可能做咗鷓鴣，可能俾代理心底裡笑係傻仔。

而家部機好似化妝，換過樣就可以賣貴一倍，就可以有人落疊，餡原來係一樣嘅，如果我係聽聲收貨，咁點解我唔買Audiogenic ？ 要買呢部Noder?

如有得罪，請諒

#12所以從果陣開始，我已經唔會再睇Goldmund這個牌子 ，最搞笑系個remote, 懶到貼自己個牌落去遮鳩住pioneer就當係自己嘅。Made in China的完全冇問題，但made in HK的我反而會覺得鬼鬼地，印象中一般呢d都系cap水野

最後修改時間: 2026-01-14 20:44:05

係架， 你睇吓大陸生產的Kinki , 用料都有返咁上下， 電源慮波電容都用到來佬嘢Vishay.

而話 丹麥設計， 大陸生產的呢部Noder. 就用R M 朗日電容！

淘寶 有售， 80v 10000uf 相信不雖要20蚊 人仔一粒！

#16
＞＞＞＞＞電源慮波電容都用到來佬嘢Vishay

會唔會係淘寶嘅Vishay?

淘寶售vishay 並不是問題， 只要係真貨就得！



最後修改時間: 2026-01-15 17:44:58