Bekim Fehmiu from Yugoslavia , lead actor of the film. ^^

The film spared no expense in its production. ^^

Search for Amparo. ^^

The film was shown in Hong Kong six years after its premiere in the States. ^^

The Adventurers OST LP (Back)

1969年政治題材劇情電影《大冒險家》。

《Allie /偷情浪子》同三套占士邦電影《You Only Live Twice /鐵金剛?破火箭嶺》、《The spy Who Loved Me /鐵金剛勇破海底城》同 《Moonraker / 鐵金剛勇破太空城》嘅英國導演Lewis Gilbert負責執導此片。故事講述生於某虛構國家一個革命家庭嘅少年Dax目睹家中女姓被其獨裁者手下軍人姦殺。喺手刃仇人後佢就躲進山區，遇上咗革命領袖Rojo而且仲同佢女兒互生情愫。革命成功後，Dax跟隨被派往意大利當領事的父親Jamie移居當地，變成咗一位花花公子。Jamie後來發現Rojo當政後已經變成咗新一個獨裁者，因為咁，佢企圖接觸革命派但卻被Rojo嘅爪牙殺害，此時Rojo說服咗不知內情嘅Dax當說客，對革命黨領袖進行勸降。Dax成功游說目標投降後，該革命領袖卻被Rojo殺害。此時嘅Dax 發現父親亦係被Rojo所指使殺害，再加上Rojo現在食言殺降，令佢立志復仇，但呢一切嘅行為，又係咪會令各人陷入另一輪政治仇殺嘅惡性循環中呢？

呢部電影係喺TW Airline 首次利用747客機由紐約飛洛杉的航班上作首映，可謂開創先河，但係電影評價麻麻，到了近年甚至成為咗一部camp片⋯電影配樂方面係由巴西Bosa Nova音樂其中一位始祖Antonio Carlos Jobim，亦係名曲《The Girl from Ipanema 》作者創作，著名音樂人Quincy Jones編曲。 電影原聲LP入邊共有十三首配樂選段，音樂整體屬於funk 風格，除帶有節奏感外亦加入咗當時流行嘅女性和聲同wah-wah結他等元素充滿當時嘅時代氣息。個人對此OST感覺就似對電影本身嘅印象，有點違和感⋯音質方面，美版黑膠碟片平直，底噪普通，有一定動態同高低延伸，屬於合格有餘。至於包裝方面就只係跟一個普通單封套。

The Adventurers OST LP (Front)
Music Score by Antonio Carlos Jobim
US Pressing

《 Atomic Blonde 》 OST入邊除咗有Tyler Bates嘅配樂，仲有好多自己好喜歡嘅八十年代英國/歐陸產流行歌曲。
如果依家先入手，尤其係Mondo版LP，就要捱炒價⋯⋯
多謝分享 ^_^

The band Morricone Youth. ^_^

Trailer with new recording of the original Wolfgang Zeller score. ^^

Interesting vibe. ^^

The Adventures of Prince Achmed Original Live Score EP (Back)

1926年德國動畫電影《阿密特王子》。

呢部係世界上嘅第一部動畫電影，主要以硬卡紙、鉛片及其他材料製作成卡通人物及佈景，再用菲林拍攝而成。由於每秒需用上二十四格底片因此耗時三年才完成整部製作。此片亦係世上首部採用多平面攝影機攝製嘅製作，比迪士尼出品足足早了十年，無論從任何角度看，此片均屬先驅之作。此外，導演及編劇Lotte Reiniger 女仕完成此片時才不過二十六歲，不禁讓人嘖嘖稱奇。

電影取材自《一千零一夜》，故事講述一名非洲巫師向某國哈里法進貢一匹飛馬但條件係要迎娶公主，此事被其弟亞密特王子知悉後強烈反對，因此巫命施法令飛馬失控，連人帶馬地把王子載走。及後王子找出控制飛馬之竅門，降落於某海?，及後王子與當地公主共墮愛河，可惜其後公主亦被非洲巫師擄走，由於巫師派遣怪獸及軍隊阻止英雄救美，因此一切看似兇多吉少⋯

原本電影配樂係由一位當時著名嘅德國電影音樂作曲家Wolfgang Zeller創作。此君善於運用複雜篇章嘅管弦樂創作電影配樂。雖然製作電影其時）已經進入古典音樂界嘅現代時期，但出自其手筆嘅《亞密特王子》電影配樂卻充滿羅曼蒂克風格，優美動人跟電影風格配合得如魚得水。讓人感到可惜嘅係Wilfgang Zeller嘅配樂從未發行任何實體版，至於近年發行之Blu-ray影碟內所包含之配樂則僅為重奏版本。此電影多年來在歐、美影院連番上映，亦因此出現過眾多唔同版本，重新創作嘅電影配樂。小弟藏有嘅就係由美國Morricone Youth用eclectic rock風格創作嘅EP版本，亦係以小弟所知目前存世嘅唯一黑膠版本，其餘由其他作曲家創作嘅配樂則只係發行過CD版本。全碟長約半小時，收錄有六段配樂選段，由於係限量發行關係所以現已於市面上罕見。說句實話，以eclectic風格，亦即任意為之或興之所至嘅形式去替此古典電影配樂著實令人有點格格不入之感，私下認為及不上原創版本，但係百貨百客，此樂團多年黎曾經替為數不少嘅電影重新創作配樂，並且發行有黑膠版本。配樂主要由結他、鼓、女聲、鍵盤等演奏。配樂旋律帶中東風味，其中以主題音樂《The Adventures of Prince Achmed 》最能代表全碟風格。
呢款美國壓制嘅EP係150 Gram製作，碟片平直底噪唔高。音質方面，由於係2014年製作因此絕無沙石，分音清晰兼有一定動態，兩極延伸亦屬合格。包裝則係一個附帶免費下載卡嘅單封套。

The Adventures of Prince Ahmed Original Live Score EP (Front)
Music Score by Morricone Youth
US Pressing

Phoebe Cates is so hot in the movie ! ^^

Trailer. ^^

A really catchy song . ^^

This story of this film has absolutely nothing to do with ’Grease’ the film. ^^

Fast Times At Ridgemont High OST 2LP ( Back)

1982年青春電影《油脂妹》。

電影中較為香港觀眾熟悉嘅演員有辛潘、菲比姬絲，同初登銀幕嘅尼古拉·基治（！）。電影中文名稱明顯受到另一套之前大熱嘅青春歌舞電影《Grease / 油脂》影響，希望借助該部電影大熱之勢再下一城。片中嘅萬人迷，菲比基斯更在片中犧牲色相，讓人大飽眼福。

電影故事根據同名小說改編，據聞作者Cameron Crowe曾經以臥底學生身份入讀該校作資料蒐集云云。電影故事離不開同類青春片老套路，話說校內一衆男女學生正值青春期求偶心切，因此成就了多段務水情緣。又因為校內多人於快餐店兼職因此遇上咗唔少人生中嘅第一次，親身經歷咗現實生活中嘅人情冷暖，亦成為各人成長路中段段充滿喜怒哀樂嘅插曲。電影票房成績亮麗，讓片商賺過盤滿缽滿，電影原聲自然都唔例外。

導演同製片並冇好似一般電影咁聘用作曲家替電影配樂，而係利用咗一啲現成或者新創作嘅歌曲去幫電影敘事。電影原聲雙LP集總共收錄咗十八首歌曲。其中第一集碟A面第一首歌曲，Jackson Browne 嘅《Sonebody’s Baby》，甚至曾經高踞美國Billboard流行榜第七位，但OST入邊，一般香港人最熟悉嘅反而可能係第一隻碟A面第五首，由Timothy B. Schmit翻唱嘅《So Much In Love 》，該曲調子輕快，歌者聲調輕柔，令聴者很容易便會琅琅上口。唱片集入邊其他嘅歌手仲包括Jimmy Buffett、Don Henley、Poco、 Steve Nicks、 The Go-Go’s、Quarterflash、Joe Walsh 同Donna Summer等等，完美配合當年嘅潮流、口味。

小弟藏有嘅係日本版OST 2LP集，碟片平直底噪低但聲音比較斯文，可能相比起其他版本，例如美版咁，聲音會冇咁生猛。此套OST用上左雙封套，至於印刷同紙質方面，日版就始終優於其他版本。

Fast Times At Ridgemont High OST 2LP (Front)
Songs by Various
Japanese pressing

Director, film producer, composer and occasional actor John Carpenter, photo taken also in his thirties. ^^