Typical Ape sound… ^^

The franchise has developed quite a following over the yrs ^^

Kingdom of the Planet of the Apes OST 2LP (Back)

2024年電影《猿人爭霸戰：猩凶帝國》。
呢部電影已經係人猿系列嘅第十部製作。
電影故事講述一隻年青人猿Noa嘅族人被兇殘嘅人猿霸主Proximus擄走作為奴隸，而佢父親亦喺過程中被殺。當佢遇上一個人類少女Mae後就開始質疑自幼接受嘅人猿統治世界論嘅真確性。當Proximus擄走兩人並企圖利用Mae打開一個人類嘅知識寶庫，希望藉此雄霸世界時，覺悟前非嘅Noa就同Mae 聯手，希望能夠阻止佢嘅陰謀，避免暴政降臨世界，雙方亦為此展開咗一場鬥勇鬥謀嘅博弈⋯

電影配樂由新晉荷里活電影作曲家John Paesano負責。同凶兆電影系列一樣，人猿系列電影配樂嘅開山鼻祖都係Jerry Goldsmith，而Jerry當時替第一部電影作嘅配樂可以講得上係劃時代，大量運用唔同嘅樂器，甚至物件去營造出一種讓人似熟非熟嘅聽感。John為咗延續呢種配樂上嘅傳統，亦都使用咗大量嘅敲擊樂器。呢套原聲大碟入邊嘅音樂，基本上全部都係用管弦樂演奏，只有極少量嘅合成樂器同少量嘅人聲合唱。由於號角已經成為呢個系列電影嘅signature sound，所以照例都有出現於其中。

捷克壓制嘅綠色雙LP唱片集碟面平直，炒豆聲唔算多，聲音有龐大嘅動態，喜歡動作電影配樂嘅朋友應該會啱心水。至於包裝方面，雙封套嘅插圖、紙質同印刷亦係十分精美，並附有側紙，可以話係賞心悅目。

Kingdom of the Planet of the Apes OST 2 LP (Front)
Music Score by John Paesano
Czech Pressing

English actress and singer Nell Tiger Free ^^

Fresh elements being introduced here ^^

Trailer ^^

First Omen OST 2LP (Back)

2024年恐怖電影《第一凶兆》。

電影係以 Omen故事為題材嘅第六部電影。 故事可以話係第一集嘅前傳,講述魔鬼之子 誕生之前種種由魔鬼布下嘅陰謀。話說 Nell Tiger Free 飾演嘅 Magaret係一名前往意大利進修嘅美國修女。到步後佢被安排於 一間孤兒院居住同學習。喺入邊佢接觸到好多奇人怪事,後來更因為另一個準修女嘅誘惑而流連夜場,更同一個年青人發生咗關係。喺一個身份神秘嘅神父提點下，佢發覺孤兒院背後原來隱藏住一項顛覆社會同宗教嘅陰謀! 另外一個問題就係佢已經意外懷孕…

女主角樣貌甜美,演技亦可圈可點,係呢套戲嘅其中一個亮點。相對於第一集,恐怖場面到肉得多,但亦未至於 slasher movies嘅 level。電影配樂由新晉加拿大電影音樂作曲家 Mark Korven操盤,佢前作包括有《The Witch / 巫魍之災》同《The Lighthouse / 燈 塔》等。由於前作 Omen三部曲嘅配樂係出 自大師 Jerry Goldsmith 之手,珠玉在前,所以呢位仁兄壓力唔會細。為咗回應第一集奪得奧斯卡金像獎嘅配樂風格，Mark廣泛用上咗男女聲嘅合唱喺配樂創作上，除此之外佢亦加入咗唔少弦樂，仲運用咗撥弦、不和弦之類嘅技巧嚟營造不安嘅氣氛。仲有一點值得慶幸嘅係佢冇食老本不斷重複AveSatani呢首第一集嘅主題音樂，記憶所及只係臨尾完場嘅時候才挪用過。

捷克壓制嘅140g雙紅膠LP，碟片平直冇炒魷魚但係唔知點解，喺第一首嘅開頭部份比較多嘅炒豆聲。以全碟音效計其實算上乘因為有立體感、有聲音分格度同有良好嘅兩極伸延。包裝方面，外封套開有天窗，可以跟內紙套構成圖案，設計得頗有心思。

First Omen OST 2LP （ Front）
Music Score by Mark Korven
Czech Pressing

What a nice day !

Holkenborg’s usual stuff, can’t notice any discernible difference with the introduction of Antonio Di Lorio^^

最後修改時間: 2024-10-13 14:23:48

No surprise for fans of Kaiju movies ^^

Godzilla x Kong : The New Empire OST 2LP (Back)

2024年電影《哥斯拉x 金剛：新帝國》。
電影係一個發生喺Monsterverse框架下嘅故事。話說上一集Godzilla 同King Kong聯手打敗Mechagodzilla後各自回歸自己嘅地盤，地面同地下世界Hollow Earth。由於壟斷怪獸事宜嘅Monarch公司接連收到黎自Hollow Earth嘅奇怪訊號，所以Dr Andrews 決定伙同一個地底lwi族女孩Jia、公司嘅Titan Trapper同一個podcaster Bernie落到地底世界一看究竟。及後佢哋發覺咗一啲古老嘅壁畫同類神裨體文字明白到遠古時候有一隻邪惡巨猩Skar King因為嘗試征服地面世界而被Godzilla因禁於地底世界嘅某處而訊號嘅來源就係Iwi 族人發出嘅警告信號，希望通知地面人類Skar King正想利用通往地面嘅portal有所行動。為壯聲勢，Skar King仲喚醒埋由佢操控嘅冰雪怪獸Shimo 企圖利用佢打敗哥斯拉同金剛，好完成佢嘅稱霸大業。另方面，Jia亦喚醒咗飛蛾怪獸Mothra(!)，連番惡鬥亦由此而起⋯

一如小弟所料，睇完後覺得套戲劇情唔合邏輯兼且反駁處多不勝數，但入場嘅觀眾應該都唔會介意，因為無論老少，應該都係為咗睇啲Kaiju而入場嘛！電影嘅CG效果已經屬於現今最高水平，而且入邊嘅聲效都好震撼，再加上荷蘭電影音樂作曲家Tom Holkenbeorg (Junkie XL) 嘅轟炸式配樂，令觀眾根本有目不暇給/過度疲勞嘅感覺。原聲大碟入邊二十三首配樂選段基本上貫徹咗呢位作曲家一貫嘅疲勞轟炸式風格，如果再配合埋電影入邊嘅聲效喺一齊可以話係「震耳欲聾」。演奏方面，除咗管弦樂外亦大量運用咗合成樂器，但由於聲音時常處於萬馬奔騰萬箭齊發嘅狀態，所以基本上聽唔到乜嘢音效⋯

實體電影原聲大碟係由美國Waxwork 公司以雙180g彩色LP形式發行，碟片算平直，炒豆聲亦唔算多。包裝方面則係雙封套設計，除插圖精美外印刷亦屬上乘，在小弟而言又係一套觀賞價值高於聆聽價值嘅OST。

Godzilla x Kong: The New Empire OST 2LP (Front)
Music Score by Tom Holkenborg
Czech Pressing



最後修改時間: 2024-10-13 14:06:16

All day make my day !

A traditional English breakfast.

Envy !

Just woke up to the “Local Hero”.

Suspense, suspense & suspense ^^

Trailer of the movie ^^