- #2446 [twinggy], 24-07-27 20:04
- #2445 [fotheringay], 24-07-27 17:07
Our collective memory from the bygone days........
A song for those 200,000 settled here in the UK.
最後修改時間: 2024-07-27 17:09:43 - #2444 [twinggy], 24-07-27 12:56
Trailer of the film ^_^ -
- #2443 [twinggy], 24-07-27 12:53The Young Messiah OST CD (Back)
- #2442 [twinggy], 24-07-27 12:522016年宗教題材電影《彌賽亞》。
電影故事講述少年基督嘅故事,但係觀眾千祈唔好以宗教角度嚟評論呢齣電影,因為戲入邊好多劇情都難免會有啲穿鑿附會嘅情節。撇開呢點唔講,電影製作水準其實都算唔錯。
話說少年基督因為受到黑落德王下令屠殺男孩嘅命令所迫,要跟隨父母Joseph同Mary由伯利恆移居埃及及亞歷山大港。電影入邊嘅基督雖然有異能,但對自己嘅身份卻無甚所知因為父母從未有向佢提及關於佢身份特殊嘅由來。及後黑落德王駕崩新王繼位,此時Joseph同Mary認為回歸當地嘅時機已經成熟,所以就展開歸鄉之旅。過程中,少年基督不時被只係佢先至能察覺到嘅魔鬼作出引誘,但雖如此佢亦都多次施展異能造福世人。可惜事與願違,新王竟然同佢父王喺滅絕男童一事上並無二致⋯
美國作曲家John Debny十幾年前曾經替另一套由米路吉遜主演嘅宗教題材電影《 The Passion of the Christ / 受難曲》創作過配樂,所以呢次佢負責呢部電影嘅配樂工作應該駕輕就熟。原聲大碟入邊有26首配樂選段,全部真樂器演奏。總括嚟講就似係加咗中東味道嘅動作片配樂。如果大家仲有印象可能會記得呢位作曲家以往曾經替唔少有動作場面嘅電影配樂,《Cutthroat Island / 奪寶縱橫》就係其中一個例子。
美版digipack電影原聲CD音質合格有餘,兩極延伸表現合理、聲音分隔度亦良好,整體上聲音平衡。
The Young Messiah OST (Front)
Music Score by John Debney
US Pressing
最後修改時間: 2024-07-27 12:59:00 - #2441 [twinggy], 24-07-26 12:55
Mads Mikkelsen’s performance is persistently above par ^_^ - #2440 [twinggy], 24-07-26 12:50
Last track of the OST album ^^ - #2439 [twinggy], 24-07-26 12:46The Door OST CD (Back)
- #2438 [twinggy], 24-07-26 12:462009年德國科幻奇情電影《再生門》。
電影由飾演過《Casino Royale / 鐵金剛智破皇家賭場》入邊嗰個大魔頭角色嘅丹麥演員Mads Mikkelsen主演。電影故事講述一個成功畫家David因為五年前疏忽照顧女兒,導致佢溺斃而變得終日愧疚。瀕臨自殺嘅邊緣嘅佢意外地發現咗一道能夠通往昔日嘅時光門。自然而然佢就想利用呢次機會去糾正錯誤,但問題係當佢遇到昔日嘅自己後一切事情就變得令佢後悔莫及⋯
電影評價好壞參半,但Mads嘅演出同電影配樂就受到一致好評。電影當年係被安排喺德國電影節放映,換轉係幾十年前呢類內容懸疑,再加科幻元素嘅電影好有可能會被安排係普通院線公映,可惜今日一般歐洲電影除咗攞獎作品外(雖然呢套都有攞獎),比較少機會被安排喺主流院線上映。
電影配樂由瑞士電影音樂作曲家Fabian Romer 創作。OST CD入邊有18首配樂選段,音樂主要用鋼琴同弦樂器演奏。劇情緊張嘅時候加入咗適量敲擊樂,亦有利用撥弦呢類手法嚟增添畫面嘅滄涼味道,整體上就似典型嘅荷里活懸疑電影配樂,之不過一切同歐洲沾上關係嘅東西都會變得細緻同優雅,電影配樂亦唔例外所以聽眾會發覺個別配樂選段嘅旋律優美,令人有興趣一聽再聽。
德版電影原聲CD音質中上,聲音分隔度、立體感、兩極延伸通通都合格。包裝方面就比較行貨,都係普通Jewel case 加封面紙頁。^^
The Door OST CD (Front)
Music Score by Fabian Romer
German Pressing - #2437 [twinggy], 24-07-25 17:01
The mentioned song ^^ - #2436 [twinggy], 24-07-25 16:59Moonfall OST CD (Back)
- #2435 [twinggy], 24-07-25 16:572022年美國科幻電影《月球隕落》。
呢齣戲嘅德國導演Roland Emmetich專門拍攝一啲大型製作科幻片,for example 《 Independence Day / 天煞》,呢套戲嘅男主角Patrick Wilson以演出《The Conjuring / 詭屋驚凶實錄》比較為人所熟悉,而啱啱去世嘅老牌演員Donald Sutherland亦有份喺片中演出。所謂「橋唔怕舊,最緊要受」,呢套電影嘅故仔其實冇乜新意,不過作為一套娛樂片一看亦無妨。
故事講述男主角太空人Harper喺探月期間遇上不明物體結果導致人命意外。回到地球後,有關方面認定係人為意外拒絕接受Harper對事件嘅解釋,佢亦因此被解職而及後太太亦下堂求去。另方面,一個民間天文學家發現月球軌跡異常,好可能會危及地球但可惜佢嘅發現不為官方接納。其實原來喺NASA入邊嘅過來人早就察覺問題所在同埋月球係人工構築嘅事實,只不過秘而不發。由於月球偏離軌跡引起嘅問題日益嚴重,影響之下地球產生咗好多異象,乜嘢海嘯呀、氣壓突變啊、地殼板塊移動諸如此類不一而足。此時NASA阿頭,亦即係男主角嘅舊同事就決定搵埋男主角同嗰位民間天文學家帶埋軍方昔日製造嘅電池脈沖武器一齊上月球試圖解決危機。
不看猶自可一看嚇驚人,當佢哋進入月球內部時發現推動月球自轉嘅能源喺度比一羣由邪惡AI生成嘅生物吸取緊,就係因為咁令到月球偏離軌道,男主角同時亦明白到當年奪命意外嘅兇手究竟係乜東東。之後控制月球能源供應嘅良性AI向嗰幾位登月者解釋邪惡AI同人類嘅關係,令佢哋明白到黎自外太空嘅人類祖先原來早已擁有高超科技同埋導致今次危機危機背後嘅種種因果關係⋯
電影音樂由導演兩位長期同鄉拍檔Thomas Wander同Harold Klosser負責。OST CD入邊23首音樂除咗最後嗰首係由其中一位作曲家Harald Kloser嘅女兒Luka Kloser唱嘅主題曲《One More Time》外,其餘都係配樂選段。以往呢兩位作曲家嘅風格都係比較bombastic,呢隻碟雖然都係走呢條路線,但係就喺探月場面方面就比較多啲相對靜態嘅樂段。全部配樂都係利用管弦樂演奏,主要嘅樂器係弦樂但去到動態畫面就加入埋澎湃嘅敲擊樂。呢種手法演繹嘅電影配樂好受發燒友歡迎,所以佢哋嘅前作 Independence Day 隻OST CD喺香港曾經好受歡迎,嗰陣時仲出過24K CD版本添。
呢隻日版原聲CD音質相當唔錯,動態同兩極延伸都交到貨,至於包裝就只係普通Jewel case、書仔加日文簡介。
Moonfall OST CD (Front)
Music Score by Thomas Wander & Harald Kloser
Japanese Pressing
最後修改時間: 2024-07-25 16:58:46 - #2434 [twinggy], 24-07-24 15:35
Closely resembling the action score of the blockbuster “Die Hard “ ^^ - #2433 [twinggy], 24-07-24 15:28
Patrick even got one of his ribs broken during the filming of a fighting scene ^_^ - #2432 [twinggy], 24-07-24 15:20Road House OST CD (Back)
- #2431 [twinggy], 24-07-24 15:191989年美國電影《拳霸街頭》。
電影由英年早逝嘅Patrick Swayze主演。故事講述男主角James係一個「睇場」,由於佢曾經因自衛殺人所以心中留低咗陰影。為咗轉換環境,佢就應聘喺一間小鎮酒吧繼續做佢嘅老本行。佢坐正後就清除瘀血,辭退咗幾個問題僱員,其中一個仲係當地惡霸嘅外甥。呢個惡霸持住自己財雄勢大,喺地方上無惡不作,佢威脅酒吧老闆重新聘用佢嘅外甥,又使橫手阻止酒吧嘅酒水供應商供貨。雖然James過關斬將,應付咗好多呢個惡霸嘅滋擾同恐嚇,但由於過程中少不免有因肢體衝突而受傷嘅情形,就係喺佢去醫院求醫嘅時候佢認識咗女醫生Elizabeth,兩人後來仲成為咗情侶。為咗應付惡霸嘅不斷滋擾,James搵咗佢師傅Garrett過嚟幫手但惡霸不單止冇收斂,反而仲變本加厲,最後仲殺咗Garrett。面對此情此景James實在忍無可忍,決定搵惡霸報仇。呢個時候嘅佢又點會聽女朋友或者身邊眾人嘅勸阻呢?
當年同電影一齊推出嘅電影原聲係一隻song album,並無任何配樂選段在內。呢度介紹嘅係近年限量推出嘅電影配樂OST CD。電影配樂由一位又係英年早逝嘅電影音樂作曲家Michael Kamen創作。入邊嘅配樂選段主要係用合成樂器加小部份管弦樂演奏。其中電結他、結他同鋼琴佔比重最高。聽眾會發覺動作場面嘅音樂風格上好接近呢位作曲家替電影《Die Hard / 虎膽龍威》創作嘅配樂,可惜天妒英才,佢咁早走咗所以流傳於世嘅作品都唔算多。
美版OST CD音質上乘,聲音分隔度優良,隨碟亦附有關於電影同配樂嘅解說資料小冊。由於係限量發行,所以呢隻碟早已斷版多時,估計都係要炒價先至可以入手。
Road House OST CD (Front)
Music Score by Michael Kamen
US Pressing - #2430 [twinggy], 24-07-23 14:32
Music score from the film ^^ - #2429 [twinggy], 24-07-23 13:23Princess Peacock OST CD (Back)
- #2428 [twinggy], 24-07-23 13:071982年中國電影《孔雀公主》。
電影根據傣族神話故事改編而成。話說有一次熱愛大自然嘅王子從一隻黑色禿鷹爪下救回一條小銀龍,所以得到龍王嘅三枝金戰作為報答,謂有事發生可以利用金箭敲門向佢求助咁話。後來王子由於不滿雙親安排嘅政治婚姻,所以挺而出走。喺森林入邊佢因為追逐一隻小金鹿而遇上咗七位從天而降嘅孔雀公主,其中嘅七公主同王子一見鍾情所以就喺離去前向佢拋下金手鐲作為定情信物。由於王子後來遍尋不獲公主嘅身影,所以利用金箭去求助龍王嘅指引。得到龍王指示後佢終於得償所願仲同佢一齊返去皇宮,準備覲見見父王、母后。但因為父王受到國師唆擺,所以起初對佢哋閉門不見但後來立場軟化,同意比佢哋成婚,就喺新婚之夜國師用陰謀製造戰爭迫使王子留下公主領軍出征。邪惡嘅國師就利用呢個機會誣蔑公主係魔鬼化身,指控佢為國家帶嚟厄運,仲慫恿國王利用佢嚟進行「血祭」,平息上天嘅怒意。就喺祭禮進行期間,上天降下孔雀彩衣一件,公主穿上後就冉冉升空而去。後來王子返到嚟後發覺妻子不知所終,四處找都無影無蹤。闖過國師設下嘅重重關卡後佢最後終於去到公主嘅母國,但公主嘅父皇同母后因為不屑王子護妻不力,所以拒絕讓兩人復合,此時王子就要施展渾身解數去證明自己嘅實力,希望能夠換取兩人復合嘅機會⋯
電影配樂由早幾年已經喺美國逝世嘅中國民族音樂家田聯韜創作。原聲大碟入邊有18首音樂。配樂方面除咗管弦樂外仲加插咗葫蘆絲同其他傣族樂器,去突顯地方風味。整體風格上接近蘇俄管弦樂嘅一般編曲手法,側重展現宏大氣勢。其中第二及第四首比較能令人留低深刻印象。OST第14首音樂係插曲《在這裏留下美麗的夢》,喺中國大陸都曾經頗為流行。
OST CD係紀念中國影業百年經典電影音樂系列出品之一,外盒包裝用上類似DVD型嘅digipack,兼有介紹電影製作嘅小冊子一份,應該係當時嚟講算係一隻重點製作。出版當時,CD光碟剛剛推出市場所以呢隻OST應該算係走在時代尖端嘅產物。音質方面如果同同期大陸出品比較算係上乘。不過喺今日呢隻CD應該比較難搵到。
Princess Peacock OST CD (Front)
Music Score by Lian Tao Tao
Chinese Pressing
最後修改時間: 2024-07-23 13:15:42 - #2427 [twinggy], 24-07-22 14:04
One of the three new songs from the OST album ^^ - 下一頁 (1 of 123)
- 返回 ...
Luk Siu Fung had been one of my favourite TV drama series . I like this song all because of its lyrics which conveys vividly the emotion of a man who is parting his wife and new born for a life and death duel .
Though quite on the expensive side , the sound of this single is full bodied and thus enjoyable.