前級輸出，最少標準要3K output impedance(只可load 50K以上後级)，一般都有600 ohm , 有D强力石机係2 ohm



最後修改時間: 2022-05-03 17:31:45

客觀出現似係方便器材配合，前級配合所需訊源，後級要配合喇叭，中間設個約定規格。

玩過有限既機，前後級係比合拼甚至直出後級要好聽，原因各人不同描述，我就從聽感解釋前後級有種鬆容不迫，有理有節，後級有音量制更可以調較放大比例，增加可玩性

Nowaday...

We can have 4 layers of volume

The software player..

The dac..

The pre amp

The power amp..


Fun
....

Haha

有D設計精嘅合併机其結構成本仲重本過前後級分体

已故天才Ayre Charles Hensen 曾講，現今高电平為主流將高电平放大級造係後級及加上高解像控音量制，可以將整個放大過程之訊號途徑縮到最短，佢呢部AX5 twenty 合併机其前級部分結構精良，成本大過一般分体前级，用銀接点美國Shallco 4通band switch, 分体VISHAY 电阻，Servo motor



最後修改時間: 2022-05-03 23:04:38

提供音量是後級，控制音量是前級。


無乜特別!




最後修改時間: 2022-05-03 23:19:41

之前有寫過有關不同年代機器不同音性取向，年代不同因應成本或技術。另一個會影響硬件就係軟件。

如果如 nice 師兄講今天向簡約方向發展，那這之前就是前後級年代，咁既時代下的軟件必會在錄音方面配合前後級硬件，或者今天的音樂也是開始向簡約硬件配對。

簡單測試下便知道

個人感覺係年代越遠軟件錄音越收歛，當然有技術受限的因素。收廉目的就是為了給前級發揮空間。

相反近年就係高電平高清錄音按理確是可以不用前級。

無論那種硬件，能夠如實重播越多不同類形不同年代軟件為之好機。我追求的不是好聽而係如實，唔追求咩高音延伸，唔追求咩空氣感，這些軟件有就有無就唔應該被重現。

燒友成日講既粒音有幾清，個尾音有幾長，可能都係系统唔準確出來的結果，錄音確係有這些音粒的，但原意可能係唔想太凸出聽到這個音粒或尾音，當系统唔準確這些音粒尾音由於其他頻率波段已衰減就將這些音粒被突顯出來。

要調好個系统非常難，因為準確位只有一個，而燒友講果 d可以無限伸延咁多個位。講到天花龍鳳都係想人傻錢多既人打開銀包買本身唔準確既硬件。

最後修改時間: 2022-05-04 10:49:11

聽 hifi 同打snooker有個位好似。

打 snooker 最重要唔係 cue 法準唔準，而係眼睇，要打那個球先用眼去睇左角度，由於慣性當身體叭在台上自然就係想打出的角度，有 d 人唔識打未做到慣性身體扒台面就扒下去捻住再調角度，咁樣係打唔準的。

聽 hifi 都係，首先要識聽咩係靚音或準確音。我成日講唔識聽可用最平既方法就係手機用100蚊左右的耳機聽下學習下

耳機本身唔使經過咩放大線路簡單，100蚊耳機因為成本限制唔會加重低音或加厚軟膠，平耳機才可聽到音源最如實既效果。聽慣左一排就開始知道咩叫做準確音，就唔會被 sales 老點到

講起軟件，以前一直唔知道點樣為之好錄音，最佳錄音或最佳音效獎。比我評審會考慮不同系统可播性越高越好，因為錄音師已考慮到不同系统可能存在的不準確性，有 d歌就係大部份機都靚，有d就好局限。

要做到在不準確系统都好聽真係唔容易，要錄音師了解聽歌人既層面用什麼機最多，當然要好了解硬件及市場環境。捻落真係難

在PA糸統用的控音台前置，這些控音台隨可控制音量亦可控制音色，想把聲音聽起來甜又得惡死又得，但其後端接駁器材都無須要做任何調整，聲音就這樣地被改孌過來。
在音響使用環節當中，有一個問題值得要諗諗，就是隨後級之前所有的線材或音效調整改變的整體結果，後級是被排除在外的。它是不會改變輸入的任何音色的，沒有調整音色的能力。

30# 調音呢個詞其實有 d取巧，以前我都會覺得調音好好抵唔使換機就有唔同聲音，現耐左先發覺調出來既音唔襟聽，好快會厭。通過不斷嘗我都係選擇調出最有原音味的系统，燒友成日講果 d要調出黎真係唔難。但調出原音就非常難。而且往往會係調既過程改變左自己對原音定義。

#31調音呢個詞確實有D取考!

器材參考播放條件較正後，還原已錄製好既音源，佰份佰重播錄製出來的声音不一定與真實錄音情況相乎，但這亦是錄音的原音。
器材以真實聲調播放較正後，還原已錄製好既音源，佰份佰重播出來的迫真聲音亦不一定與真實錄音情況相乎。但這種原音不是被播放軟件中被收錄的原音。
聲音是否被調整出來確實.....？

錄音室收錄的真實聲音，由收音咪開始到系统轉換成數碼，再混音推出 cd 或 dsd

我追求的是 cd 原音，即係錄音室用器材重播 cd既聲音。

我估錄音加混音呢個過程會將真實聲音潤化滑化，我們應該是無可能重現混音前的真實聲音的。

相信有 d人會玩錄音室母帶，確係有呢樣野，但如何確保真係母帶？特別係超過24bit 96 果堆 source, 傳說幾乎無錄音室原始就用超過24 bit 96 去錄。

但手上有唯一個 file 24bit 192 既 hotel california, 個 file 1.2gb 咁大。仲大個 10首 dsd file.

可以想像錄音室怎樣既系统才有能力處理呢堆數字。

一個以好簡單器材錄制與簡單格式記錄錄音軟件，播放所用器材，透過有方向或叫做指定取向還原聲音的調整，也可以重播出極真實聲音表現。只係該套播放可能只能播放該段由該個簡單錄音器材所錄製的錄音軟件，而其它的就唔能夠播放。
透過以上情況，可以理解。
音源較體本身數據上多少，與實際上器材可播放和能做出既效果，並唔相對。
因播放器材本身所擁有能改變音色能力所致，很多時我們聽到的音色，是來自器材，而非錄音本質。

認同你觀點，所以幾乎不太可能調到2個系统一樣的聲音，或許碰巧可以接近。但聲音聽感方向是可以越趨接近的

就是說軟件有應有的感覺就要表達出來，沒有的或是根本沒有那麼凸出的部份。

聲音大方向是可以復原的

最後修改時間: 2022-05-05 17:02:06

錄音是第一步
下一步是混音
再下一步是燒錄 cd

大致可以咁分3部份，第一步的無可能復原，下一步就是所謂既母帶亦可遇不可求。只能集中力量復原第3步

當系统調好復原度越高當有真母帶出現時就不必再調過

最後修改時間: 2022-05-05 17:07:01

#34

一個 file 24bit 192 既 hotel california, 個 file 1.2gb 咁大。
----------------------------------------------------------------------

師兄講呢個 24/192 係 WAV file，唔係FLAC file ？

單曲 file 大細
聽落好有現場三維空間感

#39
早排有個Topic爭拗緊CD好聲定File好聲，我嘅想法係理論上如果播放嘅係錄音室嘅原始File應該係最好嘅音源，但似乎好多資深玩家都唔同意。

睇到你你個資料，我相信我嘅睇法得到若干引證，但前題係一般玩家冇咩條件取得呢D檔案(可能基於版權等商業考慮)，而且串流平台亦冇可能使用，但相對地原始檔案裡面包含嘅資訊，係一般載體無法比擬嘅。

多謝你嘅分享。

最後修改時間: 2022-05-06 09:26:50