RE: OLD MARANTZ 9 VS RE-ISSUE MARANTZ 9
NEW OLD VERSIONS ARE SAME SOUND QUALITY ....ETC.
HAVE DONE A , B COMPARISION.
I HAVE A PAIR OF OLD AND A PAIR OF RE-ISSUE .
HOWEVER, BELIEVE OR NOT.

What ?

恭喜樓主,可以省回不少銀両.

兩代機內部所使用嘅零件其實好唔同!舉例原裝Marantz 9用紅Good-All交連電容，復刻版Marantz 9用新裝EFC交連電容...兩代交連電容在音色上已經有一定差異，當中尚未計整流、電阻、濾波電容和變壓器制作上的差異(要講細節可從有排講)!

小弟早年也A/B比較過原裝Marantz 9和復刻版Marantz 9無數次...其實新有新聲、舊有舊聲，並冇話邊個好D，因為每人心目中對音色喜好都不盡相同!不過小弟個人覺得兩代機在音色上確是有差異!如果兄你聽落覺得冇分別，其實也是一件好事，最緊要用得開心滿足!不竟每個人嘅感官也並不一樣!

#4) 師兄分釋得好，同意。30年前的电子零件特别耐用，近10多年世界各地响應環保，禁止含用 Lead 制造，一定會影响質量，即係音質有改變或改善。最緊要聽得舒服，滿意，便是好机器。

新或舊嘅Marantz 9都唔及現代高性胆機，尤其係果D連功率胆都係三極胆以及無負回輸設計，一部二手三皮ARC REF110已完全殺低Marantz 9 (如果D人夾硬話馬9赢就係偏離事實，因為我真實比較過)

你攞對馬9去同部VAC renaissance 70/70(8支300B功率胆)你就知天同地嘅分別，VAC音色，速度，透明度力感分析力完勝馬九)果D古董兼保養得好嘅marantz 2,9係要嚟擺而唔係出高度原音

古董機唯一可匹敵現代機只有Mcintosh MI200或K159(但必須換走老化电解电容及換入高質电阻), 果D馬1,2,5,7,9及老麥20,22,225,240,275(唔計新裝)已經服務咗大半世紀，俾佢地退休安享晚年吧

最後修改時間: 2019-09-15 22:44:51

不同膽機都有不同音色取向，只要了解自己口味和音色喜好概念，其實並不難找到自己心目中那杯茶。實際上玩古董膽機是欣賞前人的音色品味和音樂角度!不過問題是今天很多發燒友連基本音色品味和音色取向的概念都搞不清楚，那麼只能用數據去分析一部膽機買唔買得過(由其是工程學派)...!

Marantz 9背後有段有趣故事，當年Marantz 9賣點並不是音色，反而是數據規格!話說NASA亞波羅登月計畫要用上一個穩定性能高並可織能到達儀器級別的放大器用於U-4 Timing System Rack之上!當年NASA選擇放大器最後並不是基於音色表現，而是基於數據分析!最後NASA選擇使用工業用Marantz 9120(即專業用版本的Marantz 9)作為Ground Elapsed Time計時器上部件以供NASA地面控制中心使用!

其實小弟個人並不太喜歡Marantz 9的音色，個人覺得Marantz 2播音樂會播得比Marantz 9自然，可能就是因為Marantz 9音色工整穩定得有點像一件工業儀器吧...!

Pilotrol兄:

請問有沒有關於MARANTZ 500後級用在海底電纜資料,當年在某音響雜誌看到,記得話設計最少用30年!

#6

ARC 110 KO M9, 275 的説法，對我來說正就已經是天方夜譚級別的神話了

我有用過新M9，275 也在使用中，當然是狀態沒有問題的！（我無從以聲音得知 275 的 parts 是不是已經衰老）

我只能說，我手上的另一部機 Jadis JA80 可以 KO 275，但作為多年的 ARC Fans (最後一部是 100 MKII), 我已經對 ARC 完全再沒有夢想了

個人對 reissue M9 的印象是頗佳的，（VAC 造、編號是 ＜500，因為我玩過兩部，重量、聲音是明顯不一樣）理論上是凌駕 275 以上，但能否挑戰我手上的 JA80，對我來說仍然存疑問！

因為要收藏兩套極品 EL34 才有機會得出真正的結果！

反而 JA80 只是配普通的 Reissue 金獅或舊裝 GE6550 已可以，膽的要求未有咁高！

最後修改時間: 2019-09-16 19:55:55

睇下你KO乜野做定義

我係用 ARC Reference 110去比較對新馬九，論解像，透明度，像真以及低音清晰度，REF110 超越不只一班，同第4代275比較更嬴埋動態，當時REF110用6550C，如用上 KT150更大幅拋離275

我認同275係當代設計出色產品，我仲keep住一部第三代但擺係度欣賞外表多，275確實有型，但科技係向前，ARC自從用上昂貴嘅Sleath cap後聲音解像度大幅增強，其解像及自然度令到聽盡名器嘅 Martin Colloms俾爆燈分數，自己唔試過SIDE BY SIDE 比較係唔會知其高低之分別

但一講到胆，ARC, CJ 或老馬老麥都唔係頂峰設計，頂峰胆機必須用三極胆做功率級及零負回輸，VAC 300B糸列, BAT REX, AUDIONOTE, 試過全三極零回輸機先至明白点解佢地賣咁貴

VAC幫日本人 marantz 公司翻做馬九，但 VAC自己真正旗艦Renaissance 140/140 零回輸全三極胆後級係天與地之分別

1979年飛利浦出第一部CD機CD100，而2015年 DCS出Scarlett CD機，邊部靚聲D

以前DVD好多人都話靚過錄影帶，而家你會唔會話DVD 靚過4K blu-ray, 從來冇睇過4K blu-ray 當然會話 DVD好靚


最後修改時間: 2019-09-16 22:29:35

1970年以前，膽機就已經係末日，而新 275 我又未聽過係好聲！所以無從批評！

VAC 算好廠，否則 Reissue M9 不會以 VAC 代工

三極、無回輸玩左多年，又真係未試過有什麼經典機！可能並不是好不好問題，300B 還有什麼膽可以用？

ARC，Audio Note 算了，我放棄！我覺得是黔驢技窮！膽機設計近四十年又有什麼技術改進？工程師、設計師在那裡修讀膽機設計的？只靠幾粒電容？（設計上，前級還有些少變化，後級真的只有實打實幹！）

一直有說法是膽機靈魂在牛、線路，我對電容崇拜沒太大興趣！（事實上，曾經花了兩年去玩）而我所了解，不知道會有廠商工程師，是在設計時就用上好電容的！

有朋友曾用 Reissue M9 改電容，跨言無敵，我只會一笑置之

#10
KO 如果單拼分析力、透明度，可能是事實的！
動態就不敢講了！（因為涉及牛、線路、排位、設計）

＃11

＞＞三極、無回輸玩左多年，又真係未試過有什麼經典機！

請問無回輸胆機師兄用過邊幾部，例如任何超過50W機，因為零回輸較大功率胆機係好稀有

#12

對的，三極零回輸高輸出，實在是金錢的設計！商品機也不會這樣做！（不符市場需求）

而且，我是不喜零負回輸聲音的！

以前有改機，不斷試改回輸去試聲！

零負回輸就如 Class A 一樣，叫好而難叫座！

不是千萬家財，勿太走火入魔了！

離題太遠了

單是 Reissue M9 在我的經驗，絕對已經是一台難得的好機

#4
Pilotrol 兄的評價，個人是理解為十分中肯的

反而 Mcintosh, 新舊機相差太遠了

845是三極，而且是直熱管。


最後修改時間: 2019-09-17 09:11:53

推挽輸出，可輕鬆超過50W。

Nagra 845，就是無global negative feedback的架構。

還是class A呢。

我自己未聽過 Nagra 845不過傳聞其零回輸50watt做到動態相當凌厲，市面上除咗Nagra, VAC, BAT, Audio Note, KR,其他胆機廠家都用4或5極胆負回輸式大路貨

其實唔係每個人都試過全三極無負回輸嘅威力，呢類廠機產量好少而且幾貴，有冇用過呢類機問兩句就知

VAC嘅低端機用回輸式4，5極胆，而頂班糸例用三極胆零回輸已說明一切，VAC老板Kevin Hayes唔係泛泛之輩，理念與 Audio Note嘅 Peter Qutrip不謀之合

最後修改時間: 2019-09-18 07:14:47

由歷史角度看放大器設計發展，直熱三極Class A零負回輸設計基本上並不是新理念和技術，在20-30年代絕大部份都是這種設計方向(負回輸設計尚未流行)...!舉個例子如1930年RCA Photophone劇院系Top of the line的RCA Photophone Type A劇院放大器系統，就是由兩部劇院放大器組成(A/B兩部 Projectors各負責一部)，此機屬傳統直熱三極Class A零負回輸設計，每部以十支UX845平衡推挽250 Watts輸出，放大和供電上下兩部份結構完全分開，今天Hi-Fi製作角度睇依然十分誇張!很多現代發燒友冇乜研究遠古音響歷史，其實現時Hi-End設計以直熱三極Class A零負回輸設計作為理念只可以算是古老當時興吧!

西電Bell Lab的Harold Stephen Black於1927年發明負回輸設計主要利用輸出反相信號回輸入輸入段以修正波形放大缺陷，主要功用是減低失真、減低噪音和改善頻寬!當然負回輸缺點如減降低放大率、產生震盪影響工作穩定性，而過量負回輸會產生互調失真影響瞬變速度等!水能載舟亦能覆舟，好視乎工程師如何使用各種技術去互補長短!事實上直熱三極零負回輸最大優點是音色會較好，但缺點是大功率輸出時失真率其實相對上會比較高!

小弟家中有一對30年代RCA Top of the line的直熱三極Class A 45平衡推挽零負回輸設計鑑聽放大器，播人聲好真實音色靚，但缺點是頻寬在15000週已經冇貨，另外大輸出時有失真現象!對比40年代初代未McIntosh 6L6 Class B負回輸設計鑑聽放大器頻寬和控制力好，大輸出時穩定而且無乜失真現象，但音色和人聲真實感卻又比不上30年代RCA鑑聽放大器...!音響世界針始終係冇兩頭利，好視乎你自己究竟想要D乜!




最後修改時間: 2019-09-18 10:11:48