聽過這丶通丶真丶快

Re: 人聲小提琴不像真，或者中音密度不夠.
自己玩過以下喇叭可以改善以上問題.
Horn 中高8吋以上低音
啞鈴式雙中音8吋以上低音
Magnepan

最後修改時間: 2025-07-31 10:11:55

白肚池做中音丶可能達到你要求

＞＞人聲小提琴不像真，或者中音密度不夠，這很可能是喇叭的問題。

我有好多对喇叭，人声或樂器唔得傳神像真，喇叭同擴音機都有可能，我經驗做得好的無負回輸線路音準好很多，胆和石都是

#13 niceday師兄別介意，人聲小提琴不像真，或者中音密度不夠，這很可能是喇叭的問題。

有些好貴又令人覺得分析力好好的喇叭，不開名了，樣樣聲俾齊你，加起來就不是音樂，聽一個track聽不完，兩個track頂唔順。又或者另一個牌子，有高有低但中音硬係好薄。薄聲不只是低音少高音太光輝，淨係中音都可以薄聲。

聽慣 BBC 喇叭聽了廿幾年，對中音特別注意。用石機有速度感的推，中音像真和肉地不減。要換喇叭，既要中音不輸，低音要好力潛得深，都吼左好耐，難搞。

其實naim 都幾醜様

小弟好鐘意聽呢D澎澎聲既classical.
加左後級，唔怕無力了。

＞＞忍唔住 買左
早買早享受
人生第一部後級

恭喜師兄，買咗部新後級之後又要買前級，跟住又換買神經線較声，香港經濟復甦靠大家消費

請問冇前級點樣開声？

這個世界好多似是而非的事情

但早買早享受就一定是對的

哈哈

換完後給下一個目標係咩呢？

現在配合什麼喇叭呢？

最後修改時間: 2025-07-23 19:52:19

忍唔住 買左
早買早享受
人生第一部後級

Haha 師兄，

年青時玩Hi Fi追求宮能刺激，當時真係好似drug addicted每日要聽幾cut Audiophile 錄音才可止㽼，用到600W 大Krell推Wilson Audio Watt 7 仲要加多兩隻MK MX250, 强力節奏感巨大音場加上指針式定位真係手到拿來

可能年紀開始大，聽得多去聽返D人声及Solo Violin 總係覺得the tune not so right. 總係覺得D人声個key唔得真實lifelike，多翻聆聽後我察覺Mark/Krell/Rowland中音雖厚但硬係出唔到自然像真嘅人声，好難言傳要你都有試過就意會得到, 其間上網同人交流，認識到人声唔夠真實係好可能放大過程原身微細Harmonic 訊號遺失或被改變，而loop feedback係主要成因

我拎返 Pioneer MZ1对機同埋我自制300B PSE出嚟把中音係真實像真好多
而MZ1同PSE 土炮沒有Krell 同Mark之極級Hi Fi元素，但取捨中我偏向較真實中音域，之後我方向就鎖定無負回輸放大，之後買入所有機(胆或石)都係無負回輸機種

Krell/Mark/Roland/部份Audio Research 賣走哂

＞＞Any recommendation if it is not ayre for him ?

始終人地買嘢玩係自己喜好，我只係將我真實經驗寫出嚟俾人参考，市面上真正無負回輸石機其實冇乜，現今除咗Ayre就只有丹麥Vitus同Densen ，無負回輸機唔易做

如果自己喜歡力感，買D類機係唔錯選擇，但係唔好期望有鮮明像真中高頻同空氣感

我而家石機好少用，主要係DIY 零回輸三極單端胆機，声音鮮豔滑溜空氣感强烈，可以理解到大草成十幾年仲用同一套單端胆機，佢以前用石機兩年就換另一套

對我而言，解像力及自然觸感永遠排第一



最後修改時間: 2025-07-23 19:11:51

niceday master

Any recommendation if it is not ayre for him ?

I also witness , the other way of nice too

第二種好聲，亦都有好多人追求，聲低音相對地鬆散得啱啱好，男性聲音磁性無比，厚厚的，，kick drum 哪種衝擊力，加上比較大粒嘅音色，是另一種東西

第三種的好，某個年代的naim ,嗰種節奏感



各有所好，喜歡什麼都好其實都要配合喇叭喇叭又要配合房間
可能這一刻有一些人場地不配合，不玩hi-fi效果，單純玩音樂感喜歡嘅音色都有好多選擇嘅


最後修改時間: 2025-07-23 17:31:43

Haha師兄，

＞＞確實係一種幾神奇嘅體會，接觸過好多次，可能因為係一個房間聲音的近距離及氣壓包圍 在一個聽得舒服的音量下，相比起真實更有趣，喺特定情況之下hi-fi真係好聽過真嘅

所言甚是，玩HiFi五花八門好似冇一個準則，有D人相信數字話要用ultra low distortion 原子粒器材如澳洲Harlco 0.0001%失真，又有D人只相信自己对耳仔及經驗用distortion 5%嘅單端胆機先至夠自然靚聲，但是相信前者係唔知道0.0001%所負出之大量回授之代價，其實係唔止拎走D失真，亦都會拎走原本錄音內之微細訊號及某程度上改變原錄音，清晰度速度等等变差

不過買HiFi自己鍾意就得因為係俾自己享受，不停訓練自己对耳亦都係發燒友Hi Fi journey, 係一個漫長過程，就好似初玩Hi Fi有部日本entry level石機已經滿足，玩耐D又要大power 前後級，再玩多幾十年就好似音响技術主編大草咁，要对成百萬單端胆機失真5%只得40W輸出才可以滿足佢对耳, 叫佢用返回輸式原子粒amp佢話係冇可能

呢個Thread樓主也是在將佢对耳仔升級，十幾年前佢買咗金仔entry level合併機，之後換咗Ayre零回輸合併機俾佢驚喜，到依家諗住用前後級, 係一個自然過程




最後修改時間: 2025-07-23 16:13:50

我完全體會到亦明白niceday master 講什麼亦喜歡

只係高清，透明，這兩個形容詞有點不貼切，但又諗唔到用咩形容詞

確實係一種幾神奇嘅體會，接觸過好多次，可能因為係一個房間聲音的近距離及氣壓包圍 在一個聽得舒服的音量下，相比起真實更有趣

喺特定情況之下hi-fi真係好聽過真嘅

想想這是一個人的努力可以有這一樣的系統重播，點會唔覺得畀真更有趣呢


要得到這個效果絕對需要配合喇叭及房間嘅配合


Haha



最後修改時間: 2025-07-23 06:45:28

Juliushui師兄，

可能大家講嘅力度有程度上分別，我以前好注重力感，大多數用美制300W 以上monoblock例如Mark Levinson 436, 或Krell KSA300, FPB 600出到8 ohm 600W, 2 ohm 2400W peak current 120A, 用咁大力機只係想聽大型管絃樂爆棚時推15对大woofer Full scale orchestra 加上Concert Bass Drum攝人氣勢令整個音場深遠穩定唔collapse，音壓上落快速，播organ浸廿幾Hz超低頻係成鳳牆㩒住你唔郁得，呢種嚇人控制力係細功率機做唔到，部Krell成200磅個电源好似個發电廠

不過依家对声音的harmonic richness比力更重要

高清有些人誤會高音多到拮耳仔，高解像力係講全頻包括重要之中頻，例如係個細房間近距離講說話，所有自然由基音所產生all order of harmonic 加上撞擊牆身反彈餘韻, 用一般回輸式推挽石機係放大過程減少好多harmonic details或改變好多訊號時基，一部amp可以較捕捉到呢D harmonic subtle element 係會D人声有肉質感，點解有D人用十幾萬買部15 watt 三極胆單端機播人声及絃樂話正斗，係因為零回輸單端機結構可以捕捉及mimic 自然物質被敲打或彈撥時所產生harmonic pattern，Nelson Pass (Pass Lab 老闆)做咗amp 數十年佢係佢website 都話: Regardless of the type of gain device, in systems where the utmost in natural reproduction is the goal, Non feedback simple single-ended Class A circuits are the topologies of choice.

我試過好多機，石機或胆機声音最自然像真一定係無負回輸品種，話唔係果D係未比較過或者未聽真



最後修改時間: 2025-07-23 06:17:50

10萬大把選擇唔駛玩新Naim

#6 英國機特別係Naim，唔止火數，而係個peak current嚟推，原理類似膽機，所以推大食英國喇叭唔止推到，仲要推得靚，個人覺得聽感上好多時精彩過美國機。美國機打心口一種玩法，英國機又一種玩法，不妨玩吓

至於高唔高清都係口味，太清我個人覺得變咗監聽好悶，好快fatiguing，聽唔得耐，而且聽音樂變咗聽套機，真係睇各人口味

最後修改時間: 2025-07-23 03:01:34

如果要力就美國機仲好力，Mark Levinson 同Krell係表表者，英國機好少好好力，Naim機薄身电源功率唔大，爆起上嚟同出名大力機有差距

愚見玩Hi Fi應該係重質不重量，應該買高解像高速度高分析力機種，可以去試多D機種至定，你個post 問其他人有甚麼選擇，我推Ayre K1xe同VX5 Twenty, 同你套Naim差唔多價，但解像及分解力not in the same league

甚至一部過Ayre AX5 Twenty, 記住，請聽清楚仔細之分別，Ayre係零回輸線路動態速度及分析力永遠佔優

最後修改時間: 2025-07-22 22:09:09

今日去showroom 試音
1set naim 好好聲 好好力水

Ayre 一些部件很出色丶樂聞摸機常用它的整流子