請問有無師兄玩過有BMR 單元之揚聲器，據聞擴散度有180，济聲場會否很濶？

我自己有用 Cambridge audio minx min 12 畀個 touch-mon. 用嚟間唔中出吓聲，但我覺得冇想像中咁神，佢本身震膜直徑都已經算係細，但試過 toe 0 deg、30 deg 做比較，高頻指向性嘅分別都仲算明顯，所以我唔會覺得佢嘅音場可以做到特別闊。

理論上喇叭單元嘅指向性同單元發聲面積與工作頻段有直接關係。 BMR 之可以喺高頻時可以降低指向性係因為工作於震膜分割運動模式，震膜於分割運動時指向性會降低但問題喺頻響曲線上會產生好多不受控嘅波峰/波谷，亦較容易出現失真，原理上就好絲質高音單元嘅工作點咁樣，但絲質高音單元需要靠物料本身嘅 damping 去抑制震膜嘅分割運動。 而 BMR 嘅專利技術在於將音圈及附加質量置於平面震膜初段分割運動時嘅節點(node)位置嘅方法去平衡、控制及抑壓頭幾段嘅分割運動，達到延伸"可用嘅"高頻頻段嘅目的。