講開又講，好多玩線嘅，以為個purity越高，即係5N銀6N銅芯等等，個分析力一定越高，或者條線聽出嚟高音就越勁，其實係相反嘅。我玩過一條高度風8N嘅纯銀線，Made in Japan嘅，聽出嚟真係好似嗰位師兄咁講，唔係好似純銀線嘅聲，因為個中音都幾濃烈，高音又有啲roll off， 而且啲聲好鬼斯文， 整體分析力真係麻麻地，雖然音樂咁都幾好，但係呢個可能係高度風嘅特質掛？ 咁講真，高度風話8N纯銀線，係咪真係8N呢？或者好似好多網站咁講，根本無論銀線又好銅線又好，最多都係去到6N，再高嘅就只係吹水也! Having said that，我以前玩過另一個牌子嘅8N Acrolink純銅線，又係發覺純度越高動態就反而縮咗，而且個分析力就唔係好似我剛才所講嘅, N數越高分析力就越好越detail，反而係越嚟越斯文越淡定，唔知係咪我聽錯呢？

最後修改時間: 2026-07-15 21:40:26

大陸今時今日連太空船衞星都做到
何況只係一條cable
啲天價cable 左卷rotate 右卷rotate 又乜啲shielding, skin effects, litz effect 都只不過係改變個impedance
全世界有幾多廠可以真係生產到6N, 7N, 8N 銅呢
根本好多野就係OEM
台灣日本Sweden 大陸啲cable 廠已經包攬全世界大部份嘅線材生產
Cardas 都重可能係小部分家族生意的廠自行生產線材
上網一check 就已經知道
而家已經唔係20-30年前資訊唔流通嘅年代

蕭若元就經常喺佢個YT網話要用critical thinking睇政經事，我又試下用critical thinking睇睇象神嘅線材係咪佢claimed純銀線...

第一，全大陸有14億人，由北京上海廣州，去去其他二三線城市，都有唔少人玩音響， 不少比香港發燒友玩得更瘋狂，幾百萬器才比比皆是，就算玩一般入門級十零廿萬音響嘅，好多經過改革開放三四十年後，都係有耳仔嘅! 象神嘅線係咪純銀線定係鍍銀線，定係不知所謂嘅不知名線芯，你估班內地發燒友聽唔聽得出呢？ 而且內地大把讀工科嘅，人哋用部檢測金屬嘅機，打開條線一度，就知道係純銀定係純銅!

第二，全大陸唔單止得一間象神供應純銀訊號線嘅發燒廠，仲有其他好多品牌，例如老農，例如pi笛，例如獨丫獸，例如AVPLAY。 如果佢哋發覺象神係用假線扮純銀訊號線，重唔會大事宣揚咩？始終大家都係競爭關係，記住大陸內卷非常嚴重!

第三，香港人覺得8到900蚊人民幣，簡直係nothing啦! 但係喺大陸，好多人只係玩幾萬蚊套hi-fi，通常都係土炮膽機再加土炮喇叭。8到900蚊人仔訊號線，對佢哋嚟講已經係中價訊號線! 好多入門嘅都係玩2到300蚊，甚至100蚊樓下嘅訊號線。去到幾千蚊， 對唔少大陸人嚟講就係天價就係頂班線。 當然，啱啱講咗大陸亦有唔少超級發燒友，當然佢哋唔會玩象神啦! 但係總體嚟講，象神喺大陸都算係一個幾高性價比嘅選擇。 就算喺香港我覺得象神800到900蚊人仔嘅訊號線，絕對唔會輸蝕畀幾千蚊嘅名牌純銅線!

我哋好唔鍾意大陸好多嘢，但係 講到玩音響，我就只用耳仔收貨，唔會帶有色眼鏡睇一件事...

利申: 我只係一個退休發燒友，和內地任何公司沒有丁點兒關係!

最後修改時間: 2026-07-15 19:54:36

師兄, 冇人話用蔗渣價買到燒鵝髀, 唔使激動! 另外，就算象神嘅線材，都有唔同grade嘅! 佢條phono兩心就係比較低檔嘅级別，無論屏蔽或者用料都係麻麻。 我用緊象神最貴嘅AES數碼線，聲音一啲都唔差! 比起我另外一條Audioquest嘅Wild AES只係輸蝕些少喺聲場定位，但係無論速度迅變，甚至動態都好過Audioquest嗰條AES數碼線 :)

x神銀phono cable 加銀頭(加$）....我用緊
講到咩5N銀，一插落去比較就知道。

你話遮渣價錢有燒鹅味道，我好老實講唔係....

一D都唔似銀線既聲音

其實要搵速度快分析力好嘅線，大陸而家都有唔少呢啲品牌，味道又唔係好重。 我有對象神嘅純銀信號線，都係800蚊人仔左右， 分析力結像都唔錯，但係就唔似燒踢咁有什麼甜味， 嚟得比較平實。難聽啲講就好似大陸妹講普通話咁，直腸直肚，唔似台灣妹講國語咁溫婉... 又唔似北歐妹咁冷艷得嚟有種甜味，又唔似美國妹咁大開大合!

我沒有使用貴價音響線嘅經驗

十幾年前用過

kondo 紅色的一條銀喇叭線，唔記得是什麼型號

Nordost V model （永遠都唔識串這個字）
Ruby hill 唔記得咗係咪燒踢嘅
其實仲有幾多唔記得曬
印象比較深刻是以上三
記得仲試過好多唔同嘅燒踢線
我的舊經驗，當年我記得重複使用card阿clear...我感覺都係個份濃烈 haha
反而再舊一些的audioquest 高級一點嘅型號，覺得有改善又不覺得過份濃烈

全部都有個共通點，音色係靚咗嘅，可能覺得完全唔啱自己嘅口味，每次試啲比較靚嘅線都有嗰種靚咗音色嘅感覺，但係永遠都係跑返去用返自己嗰啲普通冇乜味道又唔覺冇分悉力嘅線

十幾年前好多發燒朋友畀啲線路玩下，除咗音色靚咗，印象中未碰上過一條一插上去就覺得解像力分析了好過很多的

我對大部分嘅音響接線經驗不足，完全唔知道性價比 ,我相信都有一部分發燒友喜歡一些比較淡淡然味道的東西

我十幾年前嘅經驗，nordost ok ,就係因為覺得佢得我有一條中價型號 phono cable 冇乜甜味，所以我留低咗

Am so outdated for anything new..about hifi

最後修改時間: 2026-07-15 18:22:42

KONDO LPz 都有佢嘅sonic signature㗎， 中高音特別甜美，聽鄧麗君真係一絕! Nordost 就分析力好速度快, 音牆定位一流! 至於音響cable裏面嘅勞力士Siltech, 一條就夠, 太多令到整個系統音色扭曲曬... 同埋我覺得Siltech個分析力都唔係想像中咁高! 姊妹線Crystal Cable就比佢好!!!

最後修改時間: 2026-07-15 18:04:51

#34
師兄
如果覺得Nordost 太貴又唔介意 MIC
Erumpent Taobao 啲排線幾百蚊就好抵玩

hahayanyan 兄，
Nordost 得唔得...haha...
我用typ2 power cord 同XLR cable....
貴D，我又買唔起.....

我唔打麻雀，
我啲小學同學聚會佢哋好鍾意打麻雀，我睇佢哋打麻雀好開心

我唔打機，睇人哋打機好開心

我唔玩線嘅，睇人哋分享講玩線嘅事情覺得好有趣



除咗燒踢有冇其他線可以講下？

踢味係好吸引人，我由880用左2年再上單皇冠，依舊覺得吸引
總覺得一套機點都要用一條蕭踢吊一吊味？，
條880電線全新買入2年後賣走重有幾百蚊執
我都係一直比CD機用，踢味會明顯啲

我自已 siltech 行前，oracle 行後

用貴線，除左有升級效果，其實背後重有一個唔覺眼既功能，
當您想再升級或換口味時，手頭上既線有一定既2手價，
呢點係一個好有力既幫助

幾年前金仔E470 插Signal project power!直頭升二班！

Yes Siltech, no regret.

貴線一定有用, 買的不是傻仔. 問題是性價比, 究竟用這個錢買線好, 還是用來換機好.

全部有接觸點既，拆出來清潔一下再裝返，已經完全不同了！

少少愚見..

以價錢同效果CP 值計

fuse＞ 電源線 ＞ 喇叭線＞ 光纖線 ＞ RCA 線

最重要都係套架生得線材先發揮到，套機麻麻，隊條人蔘都冇用
攞十萬八萬出嚟買線材嘅人唔係蠢材，最怕係嗰啲夏蟲