Oyaide MWA-RC，睇官方介紹好似好堅，據說可以防干擾、主動吸收雜訊化做微熱能、去除高音毛刺等等⋯⋯見咁平就手痕入返幾套嚟玩吓，買咗開包先知道好流，一個造工奇差凹凸不平嘅膠塞，蓋面加一塊啞銀色嘅圓形貼紙，用手甲可以成塊挑出嚟，自己都忍唔到笑咗出嚟⋯⋯

結果當然係腦放全開都感覺唔到有乜分別啦，繼續做返一粒防麈塞嘅本份⋯⋯各位C兄又有無手痕買過呢啲得啖笑嘅腦放補品？大家一齊分享一下？

認同Oyaide又係奶嘢首選！

原本只是秋葉源一間地舖
專賣配件 線材
基本上係賣cheap野

腦放全開? 第一次聽

#2

仲有佢成5舊水嘅貼紙，都係呢個技術 XD

#4

國內術語，指全力配合心理作用先可以有效（握手握手）

古河啲嘢又係吹Q賬

NCF，其實都係幾玄吓，特別係佢個booster托系列⋯⋯

利申：我自己條總龍頭都用緊佢

咁多年,唔覺唔覺用好多古河産品,試過一次立心清古河,果然出到預期嘅聲,係最靚聲嘅階段,直到依家又唔覺意出現返古河,搞到D聲麒麟怪怪！

佢條dss4.1喇叭散線王其實一直心郁郁想試吓，不過自己玩緊D喇叭最貴都只係萬元級，真係冇乜特別需要+唔捨得，結果說服咗自己唔好買

呢啲腦全開產品有用冇用、講幾日都講唔完！
買：有時係心癮、有時個樣靚、有時人情、有時想洗吓錢、

最後修改時間: 2026-08-22 08:17:56

都係，買呢啲配件時，通常實用性都唔係優先考慮因數，我係純粹想買啲嘢搞吓 ，想買就會畀自己理由 XD

什麽叫腦放全開？睇唔明！

#13

參見#6，呢句嘢我都係響淘仔度學返嚟，其實呢句說話雖然有啲取笑成份（包括取笑我自己 XD)，但又錯唔曬，AI話其實當音響器材在更新一啲設定或配置後，總會覺得有少少不同，除咗事實上的分別外，也是有部份係自己嘅心理暗示，如果盲測，這些「升級」或「改善」在某些情況下，有可能根本分辨不到的

純粹吹吓水，不是取笑大家，如此話「腦放」對任何人有任何得罪，請各C兄見諒（握手）

利申：小弟是正宗土生土長香港廢佬一名

我都想搵搵佢、解釋吓牛肉粒同第六元素！

#15

牛肉粒？係咪之前流行過一排的特製木材方塊墊材？印象中好似聽過吓，不過冇深入研究佢

都唔係叫方塊，只係方粒

#17

哦，我睇相片仲以為佢係塾材，睇返原來係痴響牆上面用，老實，我真係冇研究過

十年前人玩我玩嘅舒曼波 ：（舒曼波（Schumann Resonance）是介於地表與電離層之間的一種極低頻自然電磁共振，其基準頻率約為 7.83 Hz。）仲話要用線性電唔用火牛。
比佢玩咗成個月，心情就好似輸咗成萬銀波咁。
好彩熱潮未退，蝕少少賣咗比有縁人，希望佢感應到大地嘅呼喚

#19

C兄講呢個我真係有考慮過入，唔係為音響，係見到佢話可以改善失眠同放鬆心情，但日本正版真係太貴，淘仔嗰啲就唔覺得會有效，最後都係冇入到⋯⋯