不能同意更多⋯⋯我交咗唔少學費⋯⋯

要出嚟嘅聲音係穩穩陣陣嘅，都係唔好搞咁多週邊好啲，兜兜轉轉加呢加路，最後又係玩返轉頭，而家先發現，簡單就是好

HiFi其實好簡單

三大件：訊源、擴音機、喇叭

原理：肥聲唱盤+瘦聲喇叭+中聲amp，瘦聲唱盤+肥聲amp+中性喇叭，如此類推，幾十年各大品牌系統都係咁玩

如果三大件係夾聲，中間普通ofc銅線盡量冇加料已經夠做，點夾就係當中樂趣

後期加嘢點都偏聲，就算偏得啱口味，弱點都係太明顯。簡單舉例想大力啲又溫柔歌都大力，較到慢啲婉若啲又男聲都衰埋，一係加厚聲又女聲都變男人聲，又或加強高音，如果mastering本身亮聲又點？

有朋友嚟探我，我會想套機播佢鍾意嘅歌好聽，而唔係得蔡琴同低音砲。咁貴系統變咗要揀歌聽，有啲本末感

抱持呢個概念大抵都唔駛跌錢

最後修改時間: 2026-09-01 14:17:00

其實日本好多品牌出嘅音響另類啲嘅補品設備真係唔少，可能比大6仲多，甚至任何一個國家都多，佢哋最叻係用D專業科學名詞去行銷，解釋返佢個功能，又講到好似似層層咁，什麼量子、靜電、紅外線、頻率響應⋯⋯真心分唔到係科學定玄學

#19

C兄講呢個我真係有考慮過入，唔係為音響，係見到佢話可以改善失眠同放鬆心情，但日本正版真係太貴，淘仔嗰啲就唔覺得會有效，最後都係冇入到⋯⋯

十年前人玩我玩嘅舒曼波 ：（舒曼波（Schumann Resonance）是介於地表與電離層之間的一種極低頻自然電磁共振，其基準頻率約為 7.83 Hz。）仲話要用線性電唔用火牛。
比佢玩咗成個月，心情就好似輸咗成萬銀波咁。
好彩熱潮未退，蝕少少賣咗比有縁人，希望佢感應到大地嘅呼喚

#17

哦，我睇相片仲以為佢係塾材，睇返原來係痴響牆上面用，老實，我真係冇研究過

都唔係叫方塊，只係方粒

#15

牛肉粒？係咪之前流行過一排的特製木材方塊墊材？印象中好似聽過吓，不過冇深入研究佢

我都想搵搵佢、解釋吓牛肉粒同第六元素！

#13

參見#6，呢句嘢我都係響淘仔度學返嚟，其實呢句說話雖然有啲取笑成份（包括取笑我自己 XD)，但又錯唔曬，AI話其實當音響器材在更新一啲設定或配置後，總會覺得有少少不同，除咗事實上的分別外，也是有部份係自己嘅心理暗示，如果盲測，這些「升級」或「改善」在某些情況下，有可能根本分辨不到的

純粹吹吓水，不是取笑大家，如此話「腦放」對任何人有任何得罪，請各C兄見諒（握手）

利申：小弟是正宗土生土長香港廢佬一名

什麽叫腦放全開？睇唔明！

都係，買呢啲配件時，通常實用性都唔係優先考慮因數，我係純粹想買啲嘢搞吓 ，想買就會畀自己理由 XD

呢啲腦全開產品有用冇用、講幾日都講唔完！
買：有時係心癮、有時個樣靚、有時人情、有時想洗吓錢、

最後修改時間: 2026-08-22 08:17:56

佢條dss4.1喇叭散線王其實一直心郁郁想試吓，不過自己玩緊D喇叭最貴都只係萬元級，真係冇乜特別需要+唔捨得，結果說服咗自己唔好買

咁多年,唔覺唔覺用好多古河産品,試過一次立心清古河,果然出到預期嘅聲,係最靚聲嘅階段,直到依家又唔覺意出現返古河,搞到D聲麒麟怪怪！

NCF，其實都係幾玄吓，特別係佢個booster托系列⋯⋯

利申：我自己條總龍頭都用緊佢

古河啲嘢又係吹Q賬

#4

國內術語，指全力配合心理作用先可以有效（握手握手）

#2

仲有佢成5舊水嘅貼紙，都係呢個技術 XD

腦放全開? 第一次聽