請教下對運放熟悉嘅CHinng ,淘寶網上訂咗一對Muses03 返黎，吾知系咪真貨，因為Mouser 同Digikey 都話停咗產，問AI 話100％假貨，AI指示用他表度muses03嘅1同8腳，如果正貨應該系度到OL，而吾會有數值，但我度訂翻黎果粒度1同8腳就出現1.857...數字，即訂返黎粒Muses03 同官方公報數字 ，1同8腳都是NC(有圖) 吾知系咪確定系假，因為呢間淘寶店一都好出名，吾會買假嘢

這裏有幾個好熟悉的

如果佢哋留意到你嘅問題可以畀到答案你

可能大家都想知你係咩情況之下去量度第一同埋第八呢

可能熟悉的都想知道你怎樣量度


單一 opamp IC ,斷估造假都唔會犯這些錯誤㗎

最後修改時間: 2026-08-19 01:14:29

Pin 1, 5, 8：NC（空腳，無連接）

能測出數值就基本上已經肯定係雜牌翻印扮嘅假貨，極有可能係用咗其他牌子唔同規格嘅op去扮Muses03，可以就退貨退款吧

其實十幾年前就已經有大量翻印Muses OP流通響市場，淘寶當年係重災區，一粒賣¥100人仔咁上下，但全部都係雜嘜翻印op，唔知C兄你嗰間店為何令你咁有信心「一定」唔會賣假，不過Muses經淘寶買就真係要有心理準備，預咗佢只係一粒「印」住Muses嘅普通op會好啲⋯⋯希望小弟係錯吧，Good Luck C兄

由於唔知具體C 兄你之前點測法，為免怪錯好人，睇吓有冇機會係測試過程中有其他問題或者干擾，建議C兄你照以下方法測多一次：

完全唔用手拎住粒op、單放兩粒op響完全絕緣嘅枱面上，再測多次兩粒op嘅pin 1, 5, 8任何組合，如果仲係測出任何數值，已經可以証明佢絕對唔係Muses03(真身係乜型號真係唔知，可能係普通十元八塊嘅單運op，但一定唔係Muses03，千祈唔好上機諗住搏一搏），你順手影低相做證明連份官方說明同店家直接申請退貨退款吧。

我們做工廠，和中國真正代理買如果係散裝貨我哋都唔相信，認為係高風險

何況淘寶呢

其實不用測試的，因為一定100%可以工作的，但亦都係100％假!

量電流囉...5ma typ

記得 Muses OP 仲有個好易分辦真假物理特徵，
真貨腳係特別軟，好易折彎，聞說因為係用咗高純度黃銅 . .

如果連NC腳位唔導通呢啲最基本嘅仿都懶得去仿，真係連是否可以正常安全運作都談不上，即使開到聲但由於真身身份不詳，響入面參數錯誤下勉強用（例如用咗5534扮），有風險會令你成組嘢都total loss，勸C兄你就唔好搏喇，揸住份datasheet同相去嘈退款吧，佢唔退就直接要求平台介入，我估佢哋都慣咗會退唔會同你爭拗落去，佢哋呢啲貨純粹搏買家係唔識，見上機有聲出就5星好評留埋言仲話「好聲」「正貨」嗰啲⋯⋯

淘仔買散裝Muses03

過到最基本嘅NC腳位test = 唔一定係真，極其量都只係比較有良心有比多啲成本用返相通規格嘅仿品

過唔到最基本嘅NC腳位test = 就100%係假⋯⋯

《完》

汕頭大把磨IC 面印字,打激光字...
雜廠印字...油墨好易甩...用火酒抹都甩

不過有d 番印字.IC 唔係假... 如TDA1541 ,因為庫存耐,面字甩咁d 油,,同不同日期番印就統一番日期,順便加
AS 如TDA1541A S,又可以賣貴d

翻印IC，其實用棉花棒點丁咁多洗甲水超輕手一抹就會露餡甩色，因為佢翻印好多為方便都會打多浸黑面油容易上新印，幾蚊一粒IC唔會同你花人工慢慢磨面，做工其實係超級流，不過唔建議樓主試了，保持外觀完整直接退吧。

汕頭是中國鍾意做產品嘅人覺得最有趣嘅地方了，最好嘅產品工程師汕頭有好多好多

有趣的汕頭經驗，不是開玩笑

如果有個人你相熟嘅店舖喺淘寶好認真同你講，嘩嗰隻日本 xxx電容未返貨呀，etc..

其實真正嘅意思係，汕頭頂級嘅熱縮通工廠嗰個牌子嘅熱縮通買曬，嗰個型號嗰個樣式，熱縮通，仲未開 line ..... 所以大部分嘅中國分銷商嗰個日本電容未有貨 哈哈


這是事實的情況

如果有熟人帶路去汕頭係有超乎想像嘅得益，尤其是解決一些困難的產品問題，

很有趣的地方

今日忙成日，未坐睇到你哋C兄幫忙留言，在此謝過，吾該曬

“”單一 opamp IC ,斷估造假都唔會犯這些錯誤㗎“”
我系有度過真系有數值(有相）一對都度過有，而且追問過淘店？佢吾敢回應並接受馬上退貨

““””唔知C兄你嗰間店為何令你咁有信心““””

果間店口碑一向都好好，系經常有幫佢訂啲平價LPS牛啊，插頭啊，都冇試過吾妥當，但今次因為四圍都揾吾到Muses03見佢有，而且對佢有信心嘅先幫襯佢訂呢粒，點知真系流嘅，亦已經退咗啱啱

嘩真係估唔到現今還有咁低質量嘅翻版

以往都有朋友接觸過一些翻版ic

但係要去到裏面嗰粒op嘅運作數值才能證實是否原裝或翻版

原來可以返得咁差，真係一粒東西，唔同嘅打印就可以變為其他唔同嘅ic嘅 東西

今次你應該有更深的體會關於淘寶店舖的信譽

是用來維修？還是製作一個新的小項目？

最後修改時間: 2026-08-19 19:24:55

#15 #16

退咗就好，其實而家真係唔好太追求Muses03呢啲停產又有炒價嘅OP了，因為做假利潤實在太高，高仿幾十蚊成本可以賣到十倍價錢以上，市場有求就有供，根本99.9%所謂全新庫存都係假貨，好彩畀粒對腳對規格嘅OPA你，你測腳一樣測唔出真假，上機一樣行到仲要唔係十分衰聲，要學其他C兄話上板測電流值先可以分到，而家什麼eBay散裝十後其九都一樣係呢啲貨，只係高仿定劣版嘅分別，都係正正經經搵正常可靠代理買返啲現行OP玩安心安全好多（握手握手）

＞＞ 唔同嘅打印就可以變為其他唔同嘅ic嘅 東西

邊有咁神奇，係就個印 RAM 冧巴啦，好過印銀紙，，

運放易做假，皆因各廠大家都有一套共識標準，輸出輸入供電接腳一般都相同，
先有得唔同廠，唔同型號，只要供電範圍相同，雙單運唔好搞錯，
插上就多數有聲正常工作，好似家陣手機個 TypeC 頭咁。。

Haha

做假的人大小通吃的，有一班人就做新奇士橙嘅label，有啲就地捫香蕉label

所以我時常提醒一啲鍾意玩舊嘅以及自己都是一樣

我想要一啲古董嘅音響器材例如唱盤亦都可能係一部前級或者後級，都係樂趣的一部分，我會先了解裏面這些零件尤其是係ic，有沒有對應品還存在，真正壞機器有沒有共用這些ic零件，如果有我先會考慮買回來玩，查不到就唔買唔考慮這件東西

這些舊東西，唔係壞喺別人手上就係壞喺自己手上，

放大transistor還好一些，換了其他品種只是聲音不同，調教下啲旁邊的電阻電容數值，還不至於不能運作，真係要視乎是不是有聲音特色的產品.這個改動，特色會改去這個心理準備一定要有的

我好鍾意一些kenwood嘅唱盤，但係裏面的ic，都好難搵到替代品，所以不留低這些型號了






最後修改時間: 2026-08-19 20:12:43